👑زواج تقليدي👑

👑الحلقة الاربعون...👑

👑👑

دوشت ولبست البجاما متاعها وهبطت تطل عليه ...لقات التلفزة محلولة وهو مافماش ...ضو بييروه يشعل ...مشات دقت الباب و دخلت ...تلقاه غاطس في الوراق ...هز راسو ...غزرلها وضحك ...كانت لابسة البيجاما اللي لبستها نهار عرسهم ...هالو كيتي .ههه مازال متذكرها ومتذكر كيفاش بهت وقتلي خرجت من بيت البانو لابستها ...كانت وقتها ضعيفة ..حاشمة ..مطبسة راسها .. هه...مازالت الحشمة وحمورية الوجه عندها ..وهاذكم يعشقهم فيها ..اما اللي زاد في بدنها هي ترف الصحة والكرش الصغرونة اللي فيها بنتو ...قعد يغزرلها وهي تقدم ...حسها مربوثة ..خايفة ...وهو زاد وترها ...سكت يغزرلها يستنى فيها اش باش تقول
-ع...عندك برشة خدمة ؟ 
-اممم ...عادي تنجم تقول ...تبسم بتخوبيث ...هاني ننضم في الاوراق اللي فرتهم انت ..علاش حشتك بحاجة ؟ قعدت تلعب بشعرها بصوابعها وهو يثبت فيها من تحت لتحت ...قعدت واقفة موش عارفة اش تعمل ولا اش تقول ...زاد هبلها - ما جاكش النوم عزيزتي ؟ موش الطبيب قالك يلزمك ترتاح ؟ برا ارتاح ...اليوم راك تعبت ؟ 
حسها تكونسات في مخها سايي هههه تغزرلو مبهمة ...وهو يجبد عليها بالمرتاح ...المليح يبطى ههه ...قحرتلو ورجعت على ثنيتها ...حلت الباب وقتلو تصبح على خير ..
- تصبح على خير ....شادد الضحكة بالسيف وهي تلفتتلو كايني تستتى في رد اخر ...طربقت الباب وخرجت ... - شدو الضحك ...نحى lunetteوحك عينيه ..تحلم كان تسخايلو باش يفلتها ههه...متوحشها عاالخر... قام سكر البيرو ومشا لبيت البانو اللوطانية ...دوش وركح امورو ...لف منشفة على وسطو ومشا للكوجينة جبد لقلاص ههههه وطلع ... قعدت تتقلب في الفرش ...راكبها العصب ...بدات تنفخ فادة ماوسعتها حتى بقعة ...ماتوحشهاش ؟ ماتحركتلو حتى شعرة ؟ ماعادش تعجبو زعمة كيف سمنت ؟ علاش يعمل معاها هكة علاش ؟ وين تسخايل روحها قربتلو يزيد يبعد ...يكلم فيها عادي وهي باش تتطرشق من داخل ...سمعت حس الباب تحل ...غمضت عينيها عاملة روحها راقدة وتسمع فيه قعد في الفرش بحذاها ...ريحة الجال دوش متاعو زادت كملت على مابيها ...تسمع فيه عمال يقرب لين النفس متاعو ولا في وجهها 
- نعرفك ماكش راقدة ...قوم حشتي بيك !!
حست برعشة قوية في بدنها ولهبت ...ماعادش تنجم تصبر عليه ...الوحش قتلها ..بدات تحرك في ساقيها ...بعد دارتلو جات عينيها في عينيه ...وجهها في وجهو ...تبسملها وحطلها حاجة في يدها ...غزرت تلقاه كورنو قلاص ...بهتت ...تو وقتو؟ قالت في قلبها ...هو صدرو عريان قدامي ..وبدنو مغري عاللخر ..مازلت نخمم في الماكلة انا تو؟
-ماعينيش !قالتلو باهتة وهي تغزر لصدرو وصدرها يتهز ويتحط من قوة المشاعر اللي داخلها 
-انا عيني!!
-اي شد كلو انت مالا !! واستوات في قعدتها ومدتهولو 
- ضحك وزاد قربلها طبس عليها..
- هاني باش ناكلو من عندك !!
- حطلها القلاس في فمها يوكل فيها فيه ...وهي تبلع وتغص ...تاكل وتغزرلو مافاهمة شي . ..وهو عينيه مزغللة ومركزة على فمها ...تحس فيه يبلع في ريقو بالسيف ..تشوف في وجهو احمار ...حتى من وذنيه ...عينيها وساعت جات باش تتكلم وهو هبط شفايفو عل شفايفها ...خرج لسانو وبدا يلحس في القلاس اللي خرج على برة ...كان يتنفس بالسيف .. لسانو سخون على شفايفها ...حست النفس باش يتقطع عليها بدنها الكل تكهرب...تقول كورون ضربها ...تنطرت بدات ترعش بكلها ...قعدت تغزرلو موش مصدقة وهو موش هنا ...في عالم اخر ... هبلها ....خرجها من عقلها
- محمود !! قاتلو بصوت يرعش ..هبلتتي راك ! ..
- مالصباح وانا شاهيها الفازة هذي ... قالها وصوتو يرعش ونفسو مقطوع ... انت اللي هبلتني .. .هبلتني ياسخطة ....وزاد كبس عليها عنقها بالقوي . قريب يعصرها...وهي كي المسحورة ...بدنها وروحها وقلبها يطاوعو فيه....وقعد يتكلم ويبوس فيها ...على قد ماتنرفزني على قد مانزيد نهبل عليك ...على قد ماتطلعلي لعصب على قد ماتزيد رغبتي فيك ...قعد يبوس ويلحس لين حست شفايفها طابو ماعادش فيهم ..وولاو يوجعو ...وتنهد بالقوي وبدا ينحيلها في البجاما وهي ذابت بين يديه ... - متوحشك ..ويبوسلها في رقبتها وهي ترعش بكلها تحتو ...متوحش حضنك ...متوحش بدنك ...من راسك لصبع ساقك متوحشك...وهبط يبوس فيها من بدنها الكل ...ماخلى حتى بلاصة ماباسهاش ...وبعد نحى المنشفة رماها ...ودخلها للعالم متاعو ...نساها في اللي صار الكل بيناتهم ...طفالها نار بدنها وقلبها اللي كانو متشوقين ليه ....  الصباح طلع مانجمتش تحل عينيها...تحس في بدنها مدقدق وتاعب اما خفيف ...هههه...ليلة كاملة ماخلهاش ترتاح ...طير وحش ثلاثة شهر في ليلة ..ومازال عينو كان موش هي سايي ماعادش فيها ...لا يزي كرشها دازة لا يزي هو بارك عليها ..بلعمل خافت على بنتها من كثر اللي عملو ..قلها لا ماتخافش سالت الطبيب وقالي عادي ..معنتها هو مريقل امورو وعامل حساباتو ومخطط ومخليها هي تغزل وتاكل في روحها ؟ هههه ...لا تهد ولا خلاها تتهد لين شعفت ...سايي ماعادش متوحشتو ...(يضهرلك هههه)
حست ببوسة حنينة على خدها ...تبسمت ...اما التبسيمة وجعتها ...حطت ايدها على فمها تمس فيه وتلفتت...تلقاه واقف عند راسها ...لابس حوايجو سروال دجين ومريول في النوار يفتقو عليه ...حط يديه على خصرو ويغزرلها ويضحك
  -قمتشي يا نوامة !!قلقت وحدي .من قبيلة وانا ندور في الدار ...حضرت الفطور وانت باقي راقدة !!!
-ههه مقوى سعدي !!! باش تعود اتطيبلي كل يوم ؟
- اي لا يضهرلك ..وطبس جبدلها البيجاما رماهالها على الفرش ...ماعندي مانعمل انا ؟ تو نشدلك الكوجينة نهار كامل !!!
-هههه ساعة واتتاك الكوجينة ...وضحكت وباقي فمها يوجع فيها ...ياسر خرجت عليك ...
-ايا قوم قوم قتلي خرجت عليك !!! -محمود ! فمي لاهب !! قاتلو وهي باقي تتحسس فيه ..كانت متكية على يدها فوق الفرش تغزرلو وهو يلم اللي طايح في القاعة ..هو سمع هاك الكلمة وتنطر يجي بحذاها ..قعد ...شدلها راسها بين يديه وغمزها 
- تحب نطفيلك اللهيب تو؟ ماتعبتش ؟  قعدت تغزرلو باهتة...موش قالت ماعادش عيني ؟هههه  نحات ايدها على فمها وهو بهت
  -شنوة هذا ؟
-هذاك اش قصدي فمي لاهب ...!غزرتلو بلوم  قعد يعدي في صوابعو بالشوية على شفايفها وهي تتوحوح .. -حيت توجع امان؟ 
- تي هاو طايب واحمر كيف الطمطومة ...وذبللها اك العينين متاعو اللي يدوخو ...نزلت عليك برشة حبى البارح ...سامحني ..وعدى بصوابعو على خدها بالسياسة .. 
- حتى انت كليتو ماكلة فمي ...قاتلو حاشمة ووجها احمار  طبس عليها باسها من خدها ( البديل هههه) اش نعمل العمري كيف هو مطعمو بنين فمك ؟ كعبة فراز مغلفة بالشوكولا والفاني ههه ( يقصد في طعم القلاص) ..وهي ويت تلقاها شاخت بالفرحة ...موش مهم الوجيعة ...المهم محمود رجعلها ..وقام من الفرش زاد باسها من جبينها ...قوم انت خلي نمشي نشوفلك بوماضة تاع طياب في بيت البانو.. كيف راتو في المراية بهتت ...احمر وفيه شوية نفاخ وداير ساير على فمها الكل ..وموش كان هو ..برشة بلايص حمر في بدنها الكل ..هذاكة علاش تحس في روحها مهسهسة...قعدت تمشط في شعرها وهو جاء وراها من تالي ...يغزرلها وشاد الضحكة بالسيف ..عطاها بوماضة في ايدها وقعد يثبت في فمها .
- ايجا نفطرو وبعد دوش وتو نعملك البوماضة بعد هاني لقيتها ...وتبسملها ...الله غالب الوحش يعمل ...!!! مانجمتش تشد الضحكة رغم اللي ماتت بالحشمة ..وفمها يوجع فيها ...قعدو يغزرو لبعضهم في المراية ويضحكو ...شدهم كريز متاع ضحك ...ومتاع فرحة فرحت رجوعهم مع بعضهم
✅
✴✴✴✴
✅