👑زواج تقليدي👑

👑ﺍﻟﺤﻠﻘﺔ ﺍﻟﺴﺎﺑﻌﺔ...👑

👑👑

ﻭﺻﻠﻮ ﻟﻠﻮﺗﻴﻞ ﻓﻲ ﺳﻮﺳﺔ ﻣﻊ ﺍﻟﻌﺸﺮﺓ ﻣﺘﺎﻉ ﺍﻟﻠﻴﻞ .. ﻛﺎﻧﺖ ﻗﺎﻋﺪﺓ ﻣﻦ ﺗﺎﻟﻲ ﻫﻲ ﻭﻳﻮﺳﻒ ﻓﻲ ﺣﺠﺮﻫﺎ .. ﺭﻗﺪ ﻣﺴﻜﻴﻦ ﻓﻲ ﺣﻀﻨﻬﺎ ﻭﻫﻲ ﺗﻌﻨﻖ ﻓﻴﻪ ... ﺛﻨﻴﺔ ﻛﺎﻣﻠﺔ ﻭﻫﻮﻣﺎ ﺳﺎﻛﺘﻴﻦ .. ﻛﻠﻤﺔ ﻣﺎ ﻗﺎﻟﻬﺎﺵ .. ﻭﻫﻲ ﻗﻌﺪﺕ ﺗﻠﻌﺐ ﻣﻊ ﻳﻮﺳﻒ ﻣﺮﺓ ﻳﺤﺴﺒﻮ ﻣﺮﺓ ﻳﻐﻨﻴﻮ ﺳﺎﻋﺔ ﺳﺎﻋﺔ ﺗﻬﺰ ﺭﺍﺳﻬﺎ ﺗﻠﻘﺎﻩ ﻳﻐﺰﺭﻟﻬﺎ ﻣﻦ ﺭﻭﺗﺮﻭﻓﻴﺰﻭﺭ ..... ﻛﻴﻒ ﺭﻗﺪ ﺍﻟﺼﻐﺮﻭﻥ ﺑﺎﺕ ﺍﻟﺤﺲ ﻭﻛﻤﻠﻮ ﺍﻟﺜﻨﻴﺔ ﺳﺎﻛﺘﻴﻦ .. ﻛﺎﻥ ﺻﻮﺕ ﺷﺎﺭﻝ ﺍﺯﻧﻔﻮﺭ ﻓﻲ CD ﻓﻲ ﺍﻟﻜﺮﻫﺒﺔ ﻳﻐﻨﻲ .. ﻫﺪﺍﻟﻬﺎ ﻋﺼﺎﺑﻬﺎ ﻭﺧﺮﺟﻬﺎ ﻣﻦ LMODE ﺍﻟﻠﻲ ﻫﻲ ﻓﻴﻪ ..
ﻛﻴﻒ ﺩﺧﻠﻮ ﻟﻠﻮﺗﻴﻞ ﺧﺬﺍ ﻳﻮﺳﻒ ﻣﻦ ﺣﻀﻨﻬﺎ ﻗﺮﺑﻠﻬﺎ ﻟﻴﻦ ﺍﻟﻨﻔﺲ ﻣﺘﺎﻋﻮ ﺟﺎﺀ ﻓﻲ ﻭﺟﻬﻬﺎ ... ﻫﺰ ﻭﻟﺪﻭ ﻭﻳﺪﻳﻪ ﻣﺴﺖ ﻓﺨﺬﻫﺎ ﻭﻫﻮ ﻳﻬﺰ ﻓﻴﻪ ... ﺣﺴﺖ ﺑﺮﻋﺸﺔ ﻭﺍﻟﺪﻏﺪﻳﻎ ﻓﻲ ﺑﺪﻧﻬﺎ ﺍﻟﻜﻞ ﻭﺧﺮﺕ ﺷﻮﻳﺔ .. ﻭﺟﺎﺕ ﻋﻴﻨﻴﻬﺎ ﻓﻲ ﻋﻴﻨﻴﻪ ﺷﻌﺮﻭ ﻫﺎﺑﻂ ﺷﻮﻳﺔ ﻋﻠﻰ ﺟﺒﻴﻨﻮ ﺗﻤﻨﺎﺕ ﻭﻗﺘﻬﺎ ﺗﻌﺪﻱ ﺻﻮﺍﺑﻌﻬﺎ ﻋﻠﻴﻪ ﻭﺗﺤﻄﻠﻮ ﺭﺍﺳﻮ ﻓﻲ ﺣﻀﻨﻬﺎ ﻭﺗﻌﻨﻘﻮ .. ﻫﺬﺍ ﺭﺍﺟﻠﻬﺎ .. ﺣﻼﻟﻬﺎ ... ﻣﺘﺎﻋﻬﺎ ﻫﻲ .. ﻋﻼﺵ ﺣﺎﺳﺘﻮ ﺑﻌﻴﺪ ؟ ﻋﻼﺵ ﺧﺎﻳﻔﺔ ﻣﻨﻮ؟ ﻋﻼﺵ ﻣﺶ ﺣﺎﺳﺔ ﺭﻭﺣﻬﺎ ﻋﺮﻭﺳﺔ ﻛﻴﻤﺎ ﺍﻟﻌﺮﺍﻳﺲ ﺍﻟﻜﻞ؟ ﺭﺍﺟﻠﻬﺎ ﻳﺒﺪﺍ ﻓﺮﺣﺎﻥ ﺑﻴﻬﺎ ﻭﺑﺎﺵ ﻳﻄﻴﺮ ﺑﻴﻬﺎ ﻃﻴﺮﺍﻥ .. ﻭﻳﺴﺘﻨﻰ ﻭﻗﺘﺎﺵ ﻳﺪﺧﻞ ﺑﻴﻬﺎ ﻟﻠﺒﻴﺖ ﻭﻳﺒﺪﺍﻭ ﻭﺣﺪﻫﻢ .. ﻃﻮﻝ ﻋﻤﺮﻫﺎ ﻭﻫﻴﺎ ﺗﺄﺧﺬ ﻓﻲ ﺣﺎﺟﺎﺗﻬﺎ ﻣﻦ ﺍﻟﺪﻧﻴﺎ ﺑﺎﻟﺴﻴﻒ ... ﺩﻳﻤﺎ ﻭﻫﻲ ﺗﺤﺎﺭﺏ ﻭﺗﺠﺎﻫﺪ .. ﻣﺎ ﺷﺎﻓﺘﺶ ﻧﻬﺎﺭ ﺑﺎﻫﻲ .. ﺗﻠﻄﺶ ﻓﻴﻬﺎ ﺍﻟﺪﻧﻴﺎ ﻋﻠﻰ ﺍﻻﻳﻤﻴﻦ ﻭﻋﻠﻰ ﺍﻟﻴﺴﺎﺭ .. ﻭﺭﻏﻢ ﻫﺬﺍﻛﺔ ﻛﺎﻧﺖ ﺗﺤﻠﻢ ﻛﻴﻒ ﺍﻟﺒﻨﺎﺕ ﺍﻟﻜﻞ ﺑﻨﻬﺎﺭ ﻋﺮﺳﻬﺎ ﻭﺑﺎﻟﺮﻭﺑﺔ ﺍﻟﺒﻴﻀﺔ ﻭﺑﺎﻟﺮﺍﺟﻞ ﺍﻟﻠﻲ ﺟﺎﻱ ﻋﺎﻟﺤﺼﺎﻥ ﺍﻷﺑﻴﺾ .. ﺭﺍﺟﻞ ﻳﺤﺲ ﺑﻴﻬﺎ .. ﻳﺤﺒﻬﺎ .. ﻳﺨﺒﻴﻬﺎ ﻓﻲ ﺣﻀﻨﻮ ﻭﻳﺴﻜﺮ ﻋﻠﻴﻬﺎ .. ﻭﻳﻨﺴﻴﻬﺎ ﻓﻲ ﺍﻟﻠﻲ ﺷﺎﻓﺘﻮ ﺍﻟﻜﻞ ... ﺭﺍﺟﻞ ﺣﻨﻴﻦ .. ﺣﻀﻨﻮ ﺩﺍﻓﻲ .. ﻣﻮﺵ ﺭﺍﺟﻞ ﺑﺎﺭﺩﺓ ﻣﺸﺎﻋﺮﻭ ﻛﻴﻒ ﺍﻟﻠﻲ ﻗﺪﺍﻣﻬﺎ ... ﻛﺎﻥ ﻫﺎﺯ ﻭﻟﺪﻭ ﻭﺳﺎﺑﻘﻬﺎ .. ﻭﻫﻲ ﺗﻤﺸﻲ ﻭﺭﺍﻩ .. ﻛﺎﻥ ﻳﻤﺸﻲ ﻛﺎﻳﻨﻮ ﻫﺎﺭﺏ .. ﺣﺎﺳﺘﻮ ﻣﺴﺘﻌﺎﺭ ﺑﻴﻬﺎ .. ﻭﻋﻨﺪﻭ ﺍﻟﺤﻖ .. ﺍﻟﻨﺎﺱ ﺍﻟﻜﻞ ﺍﻟﻠﻲ ﻗﺎﻋﺪﻳﻦ ﻛﺎﻧﻮ ﻳﻐﺰﺭﻭﻟﻬﺎ ﻭﻳﻐﺰﺭﻭﻟﻮ .. ﻫﻬﻪ ﺑﺤﻮﺍﻳﺠﻬﺎ ﻫﺎﺫﻱ ﻣﺴﺘﺤﻴﻞ ﻛﺎﻥ ﻳﻔﻜﺮﻭ ﺍﻟﻠﻲ ﻫﺬﻳﻜﺔ ﺗﻜﻮﻥ ﻣﺮﺕ ﻫﺬﺍﻛﺔ .. ﺣﺸﻤﺖ ﻭﻋﻤﻠﺖ ﺭﻭﺣﻬﺎ ﻣﻮﻻ ﺍﻟﺪﺍﺭ ﻣﻮﺵ ﻫﻮﻧﻲ ﻭﻃﻠﻌﺖ ﻣﻌﺎﻩ ﻓﻲ ﺍﻻﺳﻮﻧﺴﻮﺭ .. ﻭﺟﻬﻮ ﻛﻴﻒ ﺍﻟﻌﺎﺩﺓ ﻣﻘﻠﻮﺏ ﻭﻣﺎ ﻏﺰﺭﻟﻬﺎﺵ
- ﻣﺎﺯﺍﻝ .. ﻣﺎﺯﺍﻝ ﺭﺍﻗﺪ ﻳﻮﺳﻒ ؟
- ﺍﻣﻤﻤﻤﻤﻤﻤﻤﻤﻤﻢ .. ﻳﺠﺎﻭﺏ ﻓﻴﻬﺎ ﺑﺎﻟﺴﻴﻒ
- ﻣﺴﻜﻴﻦ ﺗﻌﺐ ﺣﺘﻰ ﻫﻮ ﺍﻟﻴﻮﻡ
- ﺍﻣﻤﻤﻤﻤﻤﻤﻤﻤﻤﻤﻤﻤﻢ
ﺳﻜﺘﺖ .. ﺣﺎﺳﺘﻮ ﻣﺎﻳﺤﺒﺶ ﻳﺤﻜﻲ .. ﻭﺻﻠﻮ ﻟﺒﻴﺘﻬﻢ .. ﻛﺎﻧﺖ ﻛﺒﻴﺮﺓ ﻭﻣﺰﻳﺎﻧﺔ ﺑﺮﺷﺔ .. ﺣﻂ ﻳﻮﺳﻒ ﺑﺎﻟﺸﻮﻳﺔ ﻓﻮﻕ ﺍﻟﻔﺮﺵ ﻭﻛﺴﻞ ﻳﺪﻳﻪ ﻭﻫﻲ ﻗﻌﺪﺕ ﻭﺍﻗﻔﺔ ﻓﻲ ﺍﻟﻮﺳﻂ .. ﻣﻮﺵ ﻋﺎﺭﻓﺔ ﺍﺵ ﺑﺎﺵ ﺗﻌﻤﻞ .. ﺧﻠﻂ ﻋﻠﻴﻬﻢ ﺍﻟﺮﺍﺟﻞ ﺟﺎﺑﻠﻬﻢ ﻓﺎﻟﻴﺠﺎﺗﻬﻢ .. ﺣﻞ ﻣﺤﻤﻮﺩ ﻭﺣﺪﺓ ﻣﻨﻬﻢ .. ﺟﺒﺪ ﻣﻨﻬﺎ ﺣﻮﺍﻳﺞ ﻭﻗﺎﻟﻬﺎ
- ﻫﺎﻧﻲ ﺩﺍﺧﻞ ﻧﺪﻭﺵ .. ﻭﺍﻧﺖ ﺍﺵ ﺑﺎﺵ ﺗﻌﻤﻞ ؟
ﻃﺒﺴﺖ ﺭﺍﺳﻬﺎ ..ﺣﺴﺖ ﺑﻔﻮﺍﺭﺓ ﻃﻠﻌﺖ ﻟﺮﺍﺳﻬﺎ ﻭﺍﻟﺪﻡ ﺍﻟﻜﻞ ﺧﺮﺝ ﻣﻦ ﻭﺟﻬﻬﺎ ﻭﻭﻻ ﺍﺣﻤﺮ ﻛﻴﻒ ﺍﻟﻄﻤﻄﻮﻣﺔ .. ﺍﻧﻘﺬﻭﻧﻲ .. ﻫﻬﻪ ﻣﺎﺯﺍﻟﺖ ﻣﻮﺵ ﻣﺴﺘﻮﻋﺒﺔ ﻟﺘﻮ ﺍﻟﻠﻲ ﻫﻲ ﻣﻌﺮﺳﺔ ﻭﺑﺎﺵ ﺗﺮﻗﺪ ﺍﻟﻴﻮﻡ ﻭﺑﺤﺬﺍﻫﺎ ﺭﺍﺟﻞ .. ﻭﻣﻮﺵ ﺃﻱ ﺭﺍﺟﻞ .. ﻳﺎ ﻣﻴﻤﺘﻲ .. ﺭﺍﺟﻞ ﻳﺪﻭﺥ .. ﻫﻬﻪ ﺭﺍﺟﻠﻬﺎ ... ﻗﻌﺪﺕ ﺗﻌﺎﻭﺩ ﻓﻴﻬﺎ ﻓﻲ ﻣﺨﻬﺎ ﺍﻟﻜﻠﻤﺔ ﻟﻌﻠﻰ ﺗﺴﺘﻮﻋﺒﻬﺎ ..
- ﺏ .. ﺍﺵ .. ﺑﺎﺵ ﻧﺒﺪﻝ ﻟﻴﻮﺳﻒ ﺣﻮﺍﻳﺠﻮ .. ﺏ .. ﺑﻌﺪ ﻧﺪﺧﻞ ﻧﺪﻭﺵ ﺑﻌﺪﻙ ..
- ﺍﻭﻙ
ﻭﺩﺧﻞ ﻭﻫﻲ ﻗﻠﺒﻬﺎ ﺑﺎﻟﺪﻗﺪﺍﻗﺔ .. ﺑﺪﻧﻬﺎ ﻟﻜﻞ ﺳﺨﻦ .. ﺍﻟﻠﻲ ﺗﻌﺮﻓﻮ ﻭﻣﺘﺎﻛﺪﺓ ﻣﻨﻮ ﺍﻧﻮ ﻣﺎﺵ ﺑﺎﺵ ﻳﺼﻴﺮ ﺷﻲ ﺑﻴﻨﺎﺗﻬﻢ ﺍﻟﻴﻮﻡ .. ﻻ ﻳﺰﻱ ﻳﻮﺳﻒ ﻣﻌﺎﻫﻢ .. ﻻ ﻳﺰﻱ ﺣﺎﺳﺘﻮ ﻫﻮ ﺑﺎﺭﺩ ﺟﻤﻠﺔ ﻣﻦ ﻧﺎﺣﻴﺘﻬﺎ .. ﻻ ﻳﺰﻱ ﻫﻲ ﺣﺎﺷﻤﺔ ﻭﻣﻮﺵ ﻋﺎﺭﻓﺔ ﺍﺵ ﺗﻌﻤﻞ ؟.. ﻟﻜﻦ ﻫﺬﺍ ﻣﺎﻣﻨﻌﻬﺎﺵ ﻣﻦ ﺍﻟﺘﺨﻴﻞ .. ﻫﻬﻬﻪ .. ﺣﻠﻮ ﺑﺮﺷﺔ ﺍﻟﺘﺨﻴﻞ .. ﻣﻮﺵ ﻛﻞ ﻳﻮﻡ ﺗﺒﺪﻯ ﻗﺎﻋﺪﺓ ﻣﻊ ﻭﺍﺣﺪ ﻣﻐﺮﻱ ... ﻭﻣﻐﺮﻱ ﺑﺎﺗﻢ ﻣﻌﻨﻰ ﺍﻟﻜﻠﻤﺔ ﻛﻴﻒ ﺭﺍﺟﻠﻬﺎ et surtout ﻛﻴﻒ ﺧﺮﺝ ﻣﻦ ﺑﻴﺖ ﺍﻟﺒﺎﻧﻮ .... ﺍﻣﻤﻤﻤﻤﻤﻤﻤﻤﻤﻢ ﻳﺎﻣﻴﻤﺘﻰ .. ﺭﻳﺤﺘﻮ ﺗﻔﺤﻔﺢ .. ﺷﻌﺮﻭ ﻣﺒﻠﻮﻝ ﻭﻻﺑﺲ ﺷﻮﺭﺕ ﻭﺧﻠﻌﺔ .. ﻗﺪﺍﺵ ﺷﺎﻫﻴﺔ ﺗﻨﻘﺰ ﻋﻠﻴﻪ ﻭﺗﻠﻌﺐ ﺑﻬﺎﻙ ﺍﻟﺼﺪﺭ ﺍﻟﻤﻌﺒﻲ ﺑﺎﻟﺸﻌﺮ .. ﺍﻭﻭﻑ .. ﺍﻓﻜﺎﺭﻫﺎ ﻳﺎﺳﺮ ﻣﻨﺤﺮﻓﺔ ﻭﻻﺕ .. ﻫﻬﻬﻪ . ﻳﺎﺭﺑﻲ ﻛﻴﻔﺎﺵ ﺑﺎﺵ ﺗﻜﻤﻠﻬﺎ ﻫﺎﻟﻠﻴﻠﺔ ﺍﻟﻜﻠﺒﺔ .. ﻫﻮ ﻣﺎﻋﻠﻰ ﺑﺎﻟﻮ ﺑﺸﻲ .. ﻳﺘﺼﺮﻑ ﻋﺎﺩﻱ .. ﺑﺎﻟﻄﺒﻴﻌﺔ ﻫﻮ ﻣﺴﺘﺎﻧﺲ ﻣﺎ ﻳﻘﻠﻘﻮﺵ ﺑﺎﺵ ﻳﺨﺮﺝ ﺣﺘﻰ ﻋﺮﻳﺎﻥ ﻗﺪﺍﻣﻬﺎ ... ﻛﻤﻠﺖ ﺑﺪﻟﺖ ﺍﻟﻴﻮﺳﻒ ﻭﻫﻮ ﺭﺍﻗﺪ ... ﺑﺎﺳﺘﻮ ﻭﺭﺟﻌﺘﻮ ﻓﻲ ﺍﻟﻔﺮﺵ .. ﺩﺧﻠﺖ ﻟﺒﻴﺖ ﺍﻟﺒﺎﻧﻮ ﻭﺧﺮﺟﺖ ﻻﺑﺴﺔ ﺑﻴﺠﺎﻣﺎ ﻣﺼﻮﺭ ﻋﻼﻫﺎ ﻫﺎﻟﻮ ﻛﻴﺘﻲ .. ﺳﺮﻭﺍﻝ ﻭﺳﻮﺭﻳﺔ ﻃﻮﺍﻝ .. ﻣﺎﻳﺒﻴﻨﻮ ﺷﻲ .. ﺗﻲ ﻫﻲ ﻫﻜﺔ ﻭﺣﺎﺷﻤﺔ ... ﺣﻠﺖ ﺷﻌﺮﻫﺎ ﺍﻻﻛﺤﻞ .. ﻛﺎﻥ ﻃﻮﻳﻞ .. ﻳﻮﺻﻞ ﻟﺘﺤﺖ ﺿﻬﺮﻫﺎ .. ﻣﻠﻰ ﺑﺪﺍﺕ ﺗﻘﺮﺍ ﻓﻲ ﺍﻟﻠﻴﺴﻲ ﻣﺎ ﻗﺼﺘﻮﺵ .. ﻃﻮﻳﻞ ﻭﻏﺰﻳﺮ ﻭ ﺍﺭﺗﺐ ﻣﻦ ﻋﻨﺪ ﺭﺑﻲ ... ﺣﻤﺪﺍﻟﻠﻪ ﻣﺎ ﺗﻌﺒﻬﺎﺵ ﻻ ﺟﺒﺪﺍﻥ ﻻ ﺗﻜﺴﻴﺮ ﺭﺍﺱ .. ﻗﻌﺪﺕ ﺗﻤﺸﻂ ﻓﻴﻪ ﺑﺎﻟﺸﻮﻳﺔ ﻗﺪﺍﻡ ﻟﻤﺮﺍﻳﺔ .. ﻭﺗﺸﻮﻑ ﻓﻲ ﺭﻭﺣﻬﺎ ... ﻋﻴﻨﻴﻬﺎ ﻛﺒﺎﺭ ﻛﺤﻞ .. ﺣﻮﺍﺟﺒﻬﺎ ﺧﺸﺎﻥ .. ﺑﻴﻀﺔ ﺑﺮﺷﺔ .. ﻭﻓﻤﻬﺎ ﺻﻐﻴﺮ .. ﻛﻴﻤﺎ ﻳﻘﻮﻟﻮ ﻓﻴﻬﺎ ﻏﻨﺠﺔ .. ﺯﻳﻦ ﻋﺮﺑﻲ ﺑﺎﺗﻢ ﻣﻌﻨﻰ ﺍﻟﻜﻠﻤﺔ .. ﺍﻣﺎ ﻫﻲ ﻣﻮﺵ ﺣﺎﺳﺔ ﺑﻴﻪ ﺍﻟﺰﻳﻦ ﻣﺘﺎﻋﻬﺎ .... ﻛﺎﻥ ﺗﺸﻮﻑ ﻓﻲ ﺭﻭﺣﻬﺎ ﻋﺎﺩﻳﺔ ﻭﺍﻗﻞ ﻣﻦ ﻋﺎﺩﻳﺔ .. ﻣﺎﺗﻤﻼﻟﻮﺵ ﻋﻴﻨﻮ ..
ﻛﻴﻒ ﺧﺮﺟﺖ ﻫﻲ ﻣﻦ ﺑﻴﺖ ﺍﻟﺒﺎﻧﻮ ﻭﻣﺸﺎﺕ ﺑﺤﺬﺍ ﺍﻟﻤﺮﺍﻳﺎ .. ﻛﺎﻥ ﻫﻮ ﻣﺘﻜﻲ ﻋﺎﻟﻔﺮﺵ ﻳﻜﻮﻧﻜﺘﻲ ﺑﺎﻟﺘﺎﺑﻼﺕ ﻣﺘﺎﻋﻮ .. ﻣﺎﻏﺰﺭﺗﻠﻮﺵ .. ﺣﺴﻬﺎ ﻣﺮﺑﻮﺛﺔ ﻣﻦ ﻣﺸﻴﺘﻬﺎ .. ﻣﻄﺒﺴﺔ ﺭﺍﺳﻬﺎ .. ﻫﻬﻬﻪ ﻻﺑﺴﺔ ﻫﺎﻟﻮ ﻛﻴﺘﻲ ﻧﻬﺎﺭ ﻋﺮﺳﻬﺎ ؟ .. ﺣﺎﻝ ﺭﻭﺿﺔ ﺿﺎﻫﺮﻟﻲ .. ﻳﻮﺳﻒ ﻣﻦ ﻫﻨﺎ ﻭﻫﻲ ﻣﻦ ﻏﺎﺩﻱ .. ﻳﻠﻌﻦ ﺑﻮ ﻫﺎﻟﻌﺮﺱ ﺍﻟﻤﺤﻨﻮﻥ ﻫﺬﺍ .. ﺍﻣﺎ ﻛﻲ ﺣﻠﺖ ﺷﻌﺮﻫﺎ .. ﺣﻂ ﺍﻟﺘﺎﺑﻼﺕ ﻭﺷﺮﺩ ﻓﻴﻬﺎ .... ﻃﻮﻭﻭﻭﻭﻳﻞ ﻭﺍﻛﺤﻞ ﻛﻴﻒ ﻟﻮﻥ ﺍﻟﻠﻴﻞ ... ﻣﺤﻼﻩ .. ﻳﺪﻳﻬﺎ ﻣﺰﻳﻨﻴﻴﻦ ﺑﺎﻟﺤﺮﻗﻮﺱ ﻭﻫﻲ ﺗﻤﺸﻂ ﻓﻴﻪ .. ﺑﻴﺾ ﻛﻴﻒ ﺍﻟﺸﻤﻌﺔ

ﻭﻫﺎﻙ ﺍﻟﺤﺮﻗﻮﺱ ﺯﺍﻳﺪ ﻓﻴﻬﻢ ﺍﻟﺸﻄﺮ .. ﻳﻐﺰﺭﻟﻬﺎ ﻭﺑﺎﻗﻲ ﻳﻘﻨﻊ ﻓﻲ ﺭﻭﺣﻮ ﺍﻟﻠﻲ ﻫﻲ ﻣﻮﺵ ﻣﻦ ﺍﻟﻨﻮﻉ ﺍﻟﻠﻲ ﻳﺠﺒﺪﻭ .. ﻫﻮ ﻳﺤﺐ ﺍﻟﺸﻘﺮﺍﺀ .. ﺍﻟﺠﺮﻳﺌﺔ ... ﺍﻟﻠﻲ ﺗﺮﻣﻲ ﺭﻭﺣﻬﺎ ﻋﻠﻴﻪ ﻭﺗﺸﻴﺨﻮ .. ﻣﻮﺵ ﺍﻟﺤﺸﺎﻣﺔ ﺍﻟﻠﻲ ﺗﺴﺘﻨﻰ ﺣﺘﻰ ﻟﻴﻦ ﻫﻮ ﻳﺒﺪﻯ ﺍﻟﻤﺒﺎﺩﺭﺓ .. ﻳﺤﺐ ﺍﻟﻤﺮﺍ ﺍﻟﻠﻲ ﺗﺜﻴﺮﻭ ﻭﺗﺤﺮﻛﻠﻮ ﻏﺮﻳﺰﺗﻮ .. ﺑﺎﻧﻮﺛﺘﻬﺎ ﻭﺩﻻﻟﻬﺎ .. ﻣﻮﺵ ﺍﻟﻠﻜﺰﺓ ﺍﻟﻠﻲ ﻗﺪﺍﻣﻮ .... ﻣﻐﻄﻴﺔ ﺭﻭﺣﻬﺎ ﻣﻨﺮﺍﺳﻬﺎ ﻟﺴﺎﻗﻴﻬﺎ .. ﻣﺤﺴﻮﺏ ﻫﺎﻙ ﺍﻟﺒﺪﻥ ﺍﻟﻬﺎﻳﻞ ﺍﻟﻠﻲ ﺗﻐﻄﻲ ﻓﻴﻪ ؟؟.. ﺗﻮ ﻳﺪﻭﺥ ﻫﻮ ﻛﻴﻒ ﻳﺮﺍﻩ .؟. ﺗﻲ ﻣﻼ ﺭﺍﺣﺔ ﺑﻨﻘﺲ .. ﻣﺤﺴﻮﺏ ﻧﺎﻗﺺ ﻧﺴﺎﺀ ﻫﻮ ؟؟ .. ﻛﻴﻒ ﻳﺤﺐ ﺗﻮﻳﺠﻴﺐ ﺍﺣﻠﻰ ﻭﺣﺪﺓ ... ﻛﺎﻥ ﺗﻘﻌﺪ ﻏﺎﺩﻱ ﺩﻫﺮﻫﺎ ﻣﺎ ﻳﺘﻠﻔﺘﻠﻬﺎﺵ ...
- ﺍﻧﺖ ﻭﻳﻦ ﺑﺎﺵ ﺗﺮﻗﺪ ؟ ( ﺳﺎﻟﻬﺎ ﻭﻳﻐﺰﺭﻟﻬﺎ ﺑﺘﻤﻘﺼﻴﺺ )
- ﺕ .. ﺗﻮ ﻧﺮﻗﺪ ﻋﺎﻝ canappé ﻫﻨﺎ ( ﺟﺎﻭﺑﺘﻮ ﻣﻦ ﻏﻴﺮ ﻣﺎ ﺗﻐﺰﺭﻟﻮ )
- ﺍﻭﻙ ﻋﻠﻰ ﻛﻴﻔﻚ .. ﺃﻳﺎ ﺑﻮﻥ ﻧﻮﻱ
ﺣﻂ ﺍﻟﺘﺎﺑﻼﺕ ﻋﻠﻰ ﺟﻨﺐ ﺍﻟﻔﺮﺵ ﻭﻧﺤﻰ lunette ﺍﻟﻨﻈﺮ ﻣﻦ ﻋﻴﻨﻴﻪ ﻭﺍﺗﻜﻰ ﺑﺤﺬﺍ ﻭﻟﺪﻭ ﻭﺭﻗﺪ .. ﺗﻠﻔﺘﺘﻠﻮ ﻭﺍﻟﺪﻡ ﻃﻠﻌﻠﻬﺎ ﻟﺮﺍﺳﻬﺎ ﺑﺎﻟﻐﺰﻭﻝ ... ﻣﺎﻋﺒﺮﻫﺎﺵ ﺟﻤﻠﺔ ... ﻫﻬﻪ ﻳﻌﻨﻲ ﺷﻨﻴﺔ ﻣﺘﻮﻗﻌﺔ ؟ ﺑﺎﺵ ﻳﺠﻴﻬﺎ ﻳﺠﺮﻱ ﻭﻳﻘﻠﻬﺎ ﻣﺤﻼﻙ ﻳﺎﻣﺮﺗﻲ ؟ ﻫﻬﻪ ﺗﺤﻠﻢ .. ﻣﺸﺎﺕ ﺍﺗﻜﺎﺕ .. ﻟﻘﺎﺗﻬﺎ ﻭﺍﺳﻌﺔ ﺷﻮﻳﺔ .. ﻳﺎﺑﺴﺔ .. ﻗﻌﺪﺕ ﺗﺘﻘﻠﺐ ﻟﻴﻠﺔ ﻛﺎﻣﻠﺔ .. ﻣﺎﺟﺎﻫﺎﺵ ﺍﻟﻨﻮﻡ ﻭﻫﻲ ﺗﺴﻤﻊ ﻓﻲ ﺍﻟﻨﻔﺲ ﻣﺘﺎﻋﻮ .. ﺳﺎﻋﺎﺕ ﻳﺘﺤﺮﻙ .. ﺗﻬﺰ ﺭﺍﺳﻬﺎ ﺗﻠﻘﺎﻩ ﻳﺘﻘﻠﺐ ﻛﻞ ﻣﺮﺓ ﻋﻠﻰ ﺟﻨﺐ .. ﺻﺤﺔ ﻋﻠﻴﻪ ﺷﺎﻳﺦ ﻓﻲ ﺍﻟﻔﺮﺵ .. ﻭﻫﻲ ... ﻫﻲ ﻗﺎﻋﺪﺓ ﻟﻬﻨﺎ ﺗﺒﻜﻲ ﻋﻠﻰ ﺳﻌﺪﻫﺎ ﺍﻟﻤﻜﺒﻮﺏ ......
جادور💓

✴✴✴✴