👑زواج تقليدي👑

👑ﺍﻟﺤﻠﻘﺔ ﺍﻟﻌﺸﺮﻭﻥ...👑

👑👑

- ﻣﻌﺰ ؟ ﺍﺵ ﺗﻌﻤﻞ ﻫﻮﻧﻲ ؟
ﺣﺴﺖ ﺑﺎﻟﻌﺮﻕ ﻳﻠﺐ ﻓﻲ ﺑﺪﻧﻬﺎ ﺍﻟﻜﻞ ... ﻓﺠﻌﺔ .. ﻓﺠﻌﺔ ﻗﻮﻳﺔ ﻭﻫﻲ ﺗﺮﺍ ﻓﻴﻪ ﻗﺪﺍﻣﻬﺎ .. ﻳﺪﻫﺎ ﻭﻻﺕ ﺗﺮﻋﺶ ﻭﺗﻠﻔﺘﺖ ﺷﻴﺮﺓ ﻣﺤﻤﻮﺩ ﺗﻠﻘﺎﻩ ﻳﻐﺰﺭﻟﻬﺎ ﻭﻣﺮﻛﺰ ﻣﻌﺎﻫﺎ ﻭﻫﻲ ﻭﺍﻗﻔﺔ ﻣﻊ ﻣﻌﺰ ... ﺗﺒﺴﻤﺘﻠﻮ ﺑﺎﺵ ﻣﺎﺗﻀﻬﺮﻟﻮﺵ ﺍﻟﻠﻲ ﻫﻲ ﻣﺘﻮﺗﺮﺓ ﻭﻋﺎﻭﺩﺕ ﺗﻠﻔﺘﺖ ﻟﻤﻌﺰ
- ﻣﺎﻗﺘﻠﺶ ﺍﺵ ﺗﻌﻤﻞ ﻫﻮﻧﻲ ؟
ﺷﺮﺏ ﻣﻦ ﺍﻟﻜﺎﺱ ﻣﺘﺎﻋﻮ ﻭﺣﻂ ﻳﺪﻭ ﻓﻲ ﻣﻜﺘﻮﺑﻮ .. ﻛﺎﻥ ﻃﻮﻳﻞ ﻭﺍﺳﻤﺮ ﻭﻋﻴﻨﻴﻪ ﻛﺤﻞ ﻳﻠﻤﻌﻮ ﻛﻴﻒ ﺷﺎﻓﻮﻫﺎ .. ﻣﺎﺗﺒﺪﻟﺶ .. ﻫﻬﻪ ﻛﻴﻤﺎ ﺧﻼﺗﻮ ﻟﻘﺎﺗﻮ ﻏﻴﺮ ﻧﻈﺎﻑ ﺷﻮﻳﺔ ﻓﻲ ﻫﻨﺪﺍﻣﻮ
- ﺍﻧﺎ ﻧﺨﺪﻡ ﻓﻲ ﺍﻟﺸﺮﻛﺔ ﺍﻟﻠﻲ ﻳﺤﻜﻢ ﻓﻴﻬﺎ ﺭﺍﺟﻠﻚ ... ﻭﻫﺒﻂ ﺍﻟﻜﺎﺱ ﻭﻏﺰﺭﻟﻬﺎ ﺑﺤﺴﺮﺓ ﻭﺗﻨﻬﺪ ﺍﻣﺎ ﺍﻧﺖ ﺗﺒﺪﻟﺖ ﻭﺯﻳﻨﺖ ... ﺯﻳﻨﺖ ﺑﺮﺷﺔ ... ﻣﺎﺻﺪﻗﺘﺶ ﻭﻗﺘﻠﻲ ﺷﻔﺘﻚ ... ﺣﺴﺖ ﺑﻮﺟﻴﻌﺔ ﻓﻲ ﻛﻼﻣﻮ .. ﺻﺤﺔ ﻋﻠﻴﻪ ﺭﺍﺟﻠﻚ ... ﻣﺘﻤﺘﻊ ﺑﺎﻟﺤﺎﺟﺔ ﺍﻟﻠﻲ ﻛﺎﻥ ﻣﻦ ﺍﻟﻤﻔﺮﻭﺽ ﺍﻧﺎ ﻧﺘﻤﺘﻊ ﺑﻴﻬﺎ ..
ﻋﻴﻨﻴﻬﺎ ﺷﻌﻠﻮ ﺑﺎﻟﻐﺶ ﻭﻗﺤﺮﺗﻠﻮ ﻗﺤﺮﺓ ﻣﺘﺎﻉ ﻣﻮﺕ ...
- ﻣﺎﻋﺎﺩﺵ ﺗﺠﺒﺪ ﺍﻟﻤﻮﺿﻮﻉ ﻫﺬﺍ ﺣﺘﻰ ﻓﻲ ﺍﺣﻼﻣﻚ .. ﻓﺎﻫﻢ ﻭﻻ ﻻ ؟
- ﺳﺎﻣﺤﻨﻲ ﺧﺪﻳﺠﺔ ﺳﺎﻣﺤﻨﻲ ! ﺳﺎﻣﺤﻨﻲ ﻣﺎﻭﻗﻔﺘﺶ ﻣﻌﺎﻙ ﻭﻗﺘﻠﻲ ﺳﺘﺤﻘﻴﻴﺘﻨﻲ ... ﻛﻨﺖ ﻭﻗﺘﻬﺎ ﺻﻐﻴﺮ ﻭﻣﺎﻋﻨﺪﻳﺶ ﻣﺴﺘﻘﺒﻞ .. ﺧﻔﺖ .. ﻛﺎﻥ ﻳﺘﻜﻠﻢ ﺑﺎﻟﺸﻮﻳﺔ ﻭﻣﻄﺒﺲ ﺭﺍﺳﻮ ﻳﻮﺷﻮﺷﻠﻬﺎ !
- ﻋﻴﻨﻴﻦ ﺭﺍﺟﻠﻚ ﺑﺎﺵ ﺗﺎﻛﻠﻨﺎ ﻣﺎﻛﻠﺔ .. ﻫﺎﻭ ﺑﺪﺍ ﻳﻘﺮﺏ ..
ﻃﺒﺴﺖ ﺭﺍﺳﻬﺎ ﻭﺭﻳﻘﻬﺎ ﻧﺸﻒ .. ﻣﺎﺣﺒﺘﺶ ﺗﺘﻠﻔﺖ ﺑﺎﺵ ﻣﺎﺗﺸﻠﻘﺶ ﻋﻠﻰ ﺭﻭﺣﻬﺎ .. ﻭﺣﺴﺖ ﺑﻴﺪﻳﻪ ﺟﺒﺪﻭﻫﺎ ﻟﻴﻬﺎ ﻭﻋﻨﻘﻬﺎ ﻣﻦ ﻛﺘﺎﻓﻬﺎ .. ﻭﻗﺤﺮ ﻟﻤﻌﺰ ﻭﻋﺎﻭﺩ ﻃﺒﺲ ﺑﺎﺳﻬﺎ ﻣﻦ ﺧﺪﻫﺎ
- ﺗﻌﺮﻓﺖ ﻋﻠﻰ ﻣﺮﺗﻲ ﺳﻲ ﻣﻌﺰ ؟ ﻛﺎﻥ ﻳﻜﻠﻢ ﻓﻴﻪ ﺑﻐﺰﻭﻝ ﻭﺣﺴﺖ ﺍﻟﻠﻲ ﺍﻟﻜﻮﺭﻭﻥ ﻣﻮﺵ ﻣﺘﻌﺪﻱ ﺑﻴﻨﺎﺗﻬﻢ ﺟﻤﻠﺔ
- ﺃﻱ ﺳﻲ ﻣﺤﻤﻮﺩ ﺗﻌﺮﻓﺖ ﻋﻠﻴﻬﺎ .. ﻭﺗﺒﺴﻤﻠﻮ ﺗﻮ ﻛﻨﺖ ﻧﻘﻮﻝ ﻟﻠﻤﺪﺍﻡ ﺍﻟﻠﻲ ﺍﻧﺖ ﻣﺤﻈﻮﻅ ﺑﺮﺷﺔ
ﺯﺍﺩ ﻛﺒﺴﻠﻬﺎ ﻋﻠﻰ ﻛﺘﺎﻓﻬﺎ ﻭﻏﺮﺳﻠﻬﺎ ﺭﺍﺳﻬﺎ ﻓﻲ ﺻﺪﺭﻭ .. ﺧﺒﺎﻫﺎ ﻓﻲ ﺣﻀﻨﻮ ..
- ﺑﺎﻟﻄﺒﻴﻌﺔ ﻣﺤﻈﻮﻅ ﻋﻨﺪﻙ ﺷﻚ ﻓﻲ ﻫﺬﺍ ؟ ﻭﺿﺤﻜﻠﻮ ﺿﺤﻜﺔ ﺻﻔﺮﺍﻭﻳﺔ ﻭﻃﺒﺲ ﺑﺎﺳﻬﺎ ﻣﻦ ﺷﻔﺘﻬﺎ .. ﺣﺴﺘﻮ ﻣﺘﻮﺗﺮ ﻭﺭﻳﺤﺘﻮ ﺑﺎﻟﺸﺮﺍﺏ .. ﻫﺰﺕ ﺭﺍﺳﻬﺎ ﻟﻘﺎﺕ ﻣﻌﺰ ﻳﻐﺰﺭﻟﻬﻢ ﺑﺤﺴﺪ .. ﺗﺒﺴﻤﻠﻬﺎ ﻭﻫﺰ ﺍﻟﻜﺎﺱ ﻛﺎﻳﻨﻮ ﻳﺤﻲ ﻓﻴﻬﻢ ﻭﺑﻌﺪ ..
ﺑﻌﺪﺕ ﺭﻭﺣﻬﺎ ﻋﻠﻴﻪ ﺑﺎﻟﺸﻮﻳﺔ ﻭﻭﺟﻬﺎ ﺍﺣﻤﺮ ﻣﻄﻤﻄﻢ ﻣﻦ ﺍﻟﺤﺸﻤﺔ
- ﻳﺎﺭﺍﺟﻞ ﻳﺎﺧﻲ ﻫﺒﻠﺖ ﻫﺎ ﺍﻟﻨﻬﺎﺭ ؟ ﺍﻟﻨﺎﺱ ﺗﺘﻔﺮﺝ ﺭﺍﻫﻮ ؟
- ﺗﻌﺮﻓﻮ ﻣﻌﺰ ؟ ﺳﺎﻟﻬﺎ ﺑﻤﺒﺎﻏﺘﺔ
ﺗﺮﺑﺜﺖ ﻭﻗﻌﺪﺕ ﺗﻐﺰﺭ ﻟﻌﻴﻨﻴﻪ ﻛﺎﻧﻮ ﻳﺘﺸﺎﻋﻠﻮ ﺑﻴﻦ ﺍﻟﺮﻏﺒﺔ ﻭﺍﻟﻐﺶ ﻭﺍﻟﺸﻬﻮﺓ ﻭﺑﺮﺷﺔ ﺍﺣﺎﺳﻴﺲ ﺃﺧﺮﻯ
ﻭﻩ ؟ ﻣﻦ ... ﻣﻨﻴﻦ ﻧﻌﺮﻓﻮ ﺍﻧﺎ؟
- ﻻ ﺧﺎﺗﺮﻙ ﻗﻌﺪﺕ ﺗﺤﻜﻲ ﻣﻌﺎﻩ ﺑﺮﺷﺔ !
- ﻫﻬﻪ ﻭﻳﻦ ﺗﺮﺍ ﻓﻴﻬﺎ ﺍﻟﺒﺮﺷﺔ ... ﻟﻘﻴﺘﻮ ﺗﻮﻧﺴﻲ ﻗﻌﺪ ﻳﻜﻠﻢ ﻓﻴﺎ ﺑﺎﻟﻌﺮﺑﻲ ﺣﻜﻴﻨﺎ ﺷﻮﻳﺔ ﻭﺑﺮﺍ
ﻗﻌﺪﺕ ﻋﻴﻨﻴﻪ ﺗﺪﻭﺭ ﻓﻲ ﺑﺪﻧﻬﺎ ﺍﻟﻜﻞ ﻭﻫﻮ ﻣﻌﻨﻘﻬﺎ ﻭﻋﺎﻭﺩ ﻏﺰﺭ ﻟﻮﻳﻦ ﻭﺍﻗﻒ ﻣﻌﺰ ﻭﻗﺎﻟﻬﺎ
- ﻻ ﺧﺎﺗﺮ ﻣﺎﻧﺤﻤﻠﻮﺵ ﺟﻤﻠﺔ ﺍﻧﺎ ﻫﺬﺍﻛﺔ ... ﻭﺯﻳﺪ ﻗﺎﻋﺪ ﻳﻐﺰﺭﻟﻚ ﻓﻲ ﻏﺰﺭﺓ ﻣﺎﻋﺠﺒﺘﻨﻴﺶ ... ﻭﻋﺪﺍ ﻳﺪﻳﻪ ﻋﻠﻰ ﺷﻌﺮﻫﺎ ﻭﻳﺪﻳﻪ ﺗﺮﻋﺶ
- ﻣﺎﻧﺤﺐ ﺣﺪ ﻳﻐﺰﺭﻟﻚ ﻛﺎﻥ ﺍﻧﺎ .. ﺍﻧﺖ ﻣﻠﻜﻲ ﺍﻧﺎ ﻛﻬﻮ .. ﻧﺪﻣﺖ ﺍﻟﻠﻲ ﻋﻤﻠﺖ ﺍﻟﺤﻔﻠﺔ . ﻋﻴﻨﻴﻦ ﺍﻟﺮﺟﺎﻝ ﺍﻟﻜﻞ ﺑﺎﺵ ﺗﺎﻛﻠﻚ ... ﺣﺎﺳﺲ ﺭﻭﺣﻲ ﺑﺎﺵ ﻧﺮﺗﻜﺐ ﺟﺮﻳﻤﺔ ﻓﻲ ﻫﺎ ﺍﻟﻠﻴﻠﺔ ﺍﻟﻜﻠﺒﺔ ﻭﻗﺘﺎﺵ ﺗﻮﻓﺎ ؟
ﺗﺒﺴﻤﺘﻠﻮ ﻭﺯﻳﺪ ﻫﺎﻙ ﺍﻟﻐﻤﺎﺯﺍﺕ ﺑﺎﻧﻮ ﺍﻛﺜﺮ ﻭﺣﻄﺘﺖ ﻳﺪﻫﺎ ﻋﻠﻰ ﻗﻠﺒﻮ ﻛﺎﻥ ﻳﺪﻕ ﺑﺎﻟﻘﻮﻱ ... ﻣﺎﻛﺎﻧﺘﺶ ﺣﺎﺳﺔ ﺑﺎﻟﻌﺒﺎﺩ ﺍﻟﻠﻲ ﻭﺍﻗﻔﻴﻦ ﻓﻲ ﺍﻟﺼﺎﻟﺔ ﻳﻐﺰﺭﻭﻟﻬﻢ ﻭﻳﻮﺷﻮﺷﻮ ﻭﻳﺘﺒﺴﻤﻮ ..
- ﻣﺎﻋﺎﺩ ﻣﺎﻣﺎﺯﺍﻝ ﻋﺰﻳﺰﻱ .. ﺗﻮ ﺗﻮﻓﺎ ﻭﺯﻳﺪ ﺍﻧﺎ ﻣﺎﻳﻤﻼﻟﻲ ﻋﻴﻨﻲ ﻓﻲ ﺍﻟﺼﺎﻟﺔ ﻫﺎﺫﻱ ﺍﻟﻜﻞ ﻛﺎﻥ ﻭﺍﺣﺪ ﺑﺮﻙ ... ﻭﺿﺤﻜﺖ ﻭﻫﻲ ﺗﻐﺰﺭ ﺍﻟﻠﻮﻃﺔ .. ﻭﺍﺣﺪ ﺍﺳﻤﻮ ﻳﻮﺳﻒ ﻫﻬﻬﻬﻪ ﻭﻃﺒﺴﺖ ﻫﺰﺗﻮ ﻓﻲ ﺣﻀﻨﻬﺎ ﻭﻫﻮ ﺟﺎﻱ ﻳﺘﻜﻌﺒﺮ ﻭﻋﻨﻘﻬﺎ
- ﻣﺤﻼﻙ ﻣﺎﻣﺎ ﺩﻳﺬﺓ .. ﻣﺤﻼﻙ
- ﻫﻬﻪ ﻭﺍﻧﺖ ﺯﺍﺩﺓ ﺍﺣﻠﻰ ﺭﺍﺟﻞ ﻓﻲ ﺍﻟﺴﻬﺮﻳﺔ ﻫﺎﺫﻱ
ﺟﺒﺪ ﺭﻭﺣﻮ ﻣﻨﻬﺎ ﺑﺎﻟﺴﻴﻒ ... ﻭﻗﻌﺪ ﻳﺪﻭﺭ ﻓﻲ ﺍﻟﺼﺎﻟﺔ ﻭﻳﺤﻜﻲ ﻣﻊ ﺍﻟﻌﺒﺎﺩ ﻭﻫﻮ ﻣﺨﻮ ﻓﻴﻬﺎ ﻫﻲ .. ﻳﻐﺰﺭﻟﻬﺎ ﻭﻳﺘﺒﻊ ﻓﻴﻬﺎ ... ﻋﻴﻨﻴﻪ ﻣﺎﻧﺠﻤﺘﺶ ﺗﺒﻌﺪ ﻋﻠﻴﻬﺎ ﺣﺘﻰ ﻭﻟﺪﻭ ﻏﺎﺭ ﻣﻨﻮ ﻛﻴﻒ ﺷﺪﻫﺎ ﻭﻋﻨﻘﻬﺎ ﻫﻬﻬﻪ ﻳﺎﺭﺳﻮﻝ ﺍﻟﻠﻪ ﺣﺎﻟﺘﻮ ﻭﻻﺕ ﻣﺘﻌﺒﺔ ﺍﺻﻞ ...
ﻣﻌﺰ ﻛﺎﻥ ﻭﺍﻗﻒ ﻳﻌﺲ ﻋﻠﻴﻬﺎ ﺯﺍﺩﺓ .. ﻛﺎﻥ ﻳﺴﺘﻨﻰ ﻓﻲ ﻓﺮﺻﺔ ﺃﺧﺮﻯ ﺑﺎﺵ ﻳﺤﻜﻲ ﻣﻌﺎﻫﺎ .. ﺍﻣﺎ ﻋﻴﻨﻴﻦ ﺭﺍﺟﻠﻬﺎ ﻛﻴﻒ ﺍﻟﺼﻘﺮ ﻳﻌﺴﻮ ﻋﻠﻴﻬﺎ ﻭﻳﻦ ﺗﻤﺸﻲ ﻭﻭﻳﻦ ﺗﺠﻲ ... ﺍﺳﺘﻐﻞ ﻓﺮﺻﺔ ﺍﻧﻮ ﻫﻮ ﺧﺮﺝ ﻣﻊ ﻭﺍﺣﺪ ﻳﻮﺻﻞ ﻓﻴﻪ ﻟﻠﺒﺎﺏ ﻭﻫﻮ ﻣﺸﺎﻟﻬﺎ .. ﻛﺎﻧﺖ ﻭﺍﻗﻔﺔ ﻣﻊ ﻛﻮﺑﻞ ﻭﺗﺤﻜﻲ ﻣﻌﺎﻫﻢ ﺷﺪﻫﺎ ﻣﻦ ﺍﻳﺪﻫﺎ ﻭﺩﻭﺭﻫﺎ ﻟﻴﻪ ﺑﻬﺘﺖ ﻭﺟﺒﺪﺕ ﺍﻳﺪﻫﺎ
- ﻭﻩ ؟ ﻧﺤﻲ ﻛﺴﺮﺗﻚ ﻫﺒﻠﺖ ؟
- ﺳﺎﻣﺤﻨﻲ ﺍﻣﺎ .. ﺍﻣﺎ ﻣﺎﻧﺠﻤﺘﺶ ﻧﺤﻜﻲ ﻣﻌﺎﻙ .. ﺭﺍﺟﻠﻚ ﻳﻌﺲ ﻋﻠﻴﻚ ﻓﻲ ﻋﺴﺔ ﺻﺤﻴﺤﺔ .. ﺧﺪﻳﺠﺔ ﺍﻋﻄﻴﻨﻲ ﻧﻮﻣﺮﻭﻙ ﺧﻠﻲ ﻧﻜﻠﻤﻚ ﻻﺯﻣﻨﺎ ﻧﺤﻜﻴﻮ ﺭﺍﻫﻮ ؟
- ﺍﻣﺎﻥ ﻣﻌﺰ ﺍﻣﺎﻥ ؟ ﻳﺰﻱ ﺍﻟﻠﻲ ﺻﺎﺭ ﻣﻦ ﺟﺮﺗﻚ ﻭﺑﻄﻠﺖ ﻗﺮﺍﻳﺘﻲ ! ﺟﺎﻳﻨﻲ ﺗﻮ ﺯﺍﺩﺓ ﺗﺤﺐ ﺗﺨﺮﺏ ﻋﻠﻴﺎ ؟
- ﻋﻼﺵ ﻧﺨﺮﺏ ﻋﻠﻴﻚ ؟ ﻳﺎﺧﻲ ﻫﺎﻧﻲ ﻣﺎﻗﻠﺖ ﺣﺘﻰ ﻛﻠﻤﺔ ﻗﺪﺍﻡ ﺭﺍﺟﻠﻚ ؟
- ﻳﺎﺧﻲ ﺍﺵ ﻋﻨﺪﻙ ﺑﺎﺵ ﺗﻘﻮﻝ ؟ ﻭﺑﺪﺍﺕ ﺗﺼﻴﺢ ﺑﺎﻟﺸﻮﻳﺔ
- ﻳﺎﺧﻲ ﺍﺵ ﺑﻴﻨﺎﺗﻨﺎ ﺍﺣﻨﺎ ﺑﺎﺵ ﺗﺤﻜﻴﻪ ؟
- ﺑﻴﻨﺎﺗﻨﺎ ﺣﺐ ﻋﻤﺮﻭ ﺃﺭﺑﻌﺔ ﺳﻨﻴﻦ .. ﺃﺭﺑﻌﺔ ﺳﻨﻴﻦ ﻳﺎﺧﺪﻳﺠﺔ ﻣﺎﻧﺴﻴﺘﻬﻤﺶ ﻭﻣﺎﺗﻨﺤﺎﻭﺵ ﻣﻦ ﺑﺎﻟﻲ
- ﻫﻬﻪ ﻛﻨﺖ ﻧﺴﺨﺎﻳﻠﻮ ﺣﺘﻰ ﺍﻧﺎ ﺣﺐ .. ﺍﻣﺎ ﻣﻠﻲ ﻋﺮﻓﺖ ﺭﺍﺟﻠﻲ ﺣﺴﻴﺖ ﺍﻟﻠﻲ ﺑﻴﻨﺎﺗﻨﺎ ﻟﻌﺐ ﺫﺭ ... ﺍﻧﺎ ﺧﺬﻳﺖ ﺭﺍﺟﻞ .. ﺭﺍﺟﻞ ﺑﺎﺗﻢ ﻣﻌﻨﻰ ﺍﻟﻜﻠﻤﺔ ﻣﻮﺵ ﻏﺸﻴﺮ ﺗﺨﻠﻰ ﻋﻠﻴﺎ ﻓﻲ ﺍﻭﻝ ﻣﻮﻗﻒ ﺻﺎﺭﻟﻲ .. ﻭﺑﻌﺪﺕ ﺷﻮﻳﺔ ﻋﻠﻴﻪ ﻭﺗﻮ ﺳﺎﻣﺤﻨﻲ ﻧﺨﻠﻴﻚ ... ﻣﺎﻋﺎﺩ ﻋﻨﺎ ﻣﺎﻧﺤﻜﻴﻮ
ﺧﺪﻳﺠﺔ ... ﻭﺑﻌﺪ ﻛﻴﻒ ﺭﺍ ﻣﺤﻤﻮﺩ ﻋﺎﻭﺩ ﺩﺧﻞ ﻟﻠﺼﺎﻟﺔ ﺑﻌﺪ ...
ﻭﻓﺎﺕ ﺍﻟﺴﻬﺮﻳﺔ .... ﻭﺑﺪﺍﻭ ﺍﻟﻨﺎﺱ ﻳﺨﺮﺟﻮ .. ﻣﻌﺰ ﻗﻌﺪ ﻳﻠﻮﺝ ﻋﻠﻰ ﻓﺮﺻﺔ ﺃﺧﺮﻯ ﺷﻲ .. ﻣﺎﻧﺠﻤﺶ ﻳﻜﻠﻤﻬﺎ ﻭﻻ ﻳﺪﻭﺭ ﺑﻴﻬﺎ ... ﻛﺎﻧﺖ ﻭﺍﻗﻔﺔ ﻫﻲ ﻭﺭﺍﺟﻠﻬﺎ ﻗﺪﺍﻡ ﺍﻟﺒﺎﺏ ﻳﺴﻠﻤﻮ ﻋﻠﻰ ﺍﻟﻌﺒﺎﺩ .. ﻛﺎﻥ ﻣﻌﻨﻘﻬﺎ ﻭﻣﻜﺒﺶ ﻓﻴﻬﺎ ﻭﻫﻮ ﻳﻐﻠﻲ ﻣﻦ ﺩﺍﺧﻞ .. ﻏﺎﺿﺘﻮ ﻛﻠﻤﺔ ﻏﺸﻴﺮ ﻛﻴﻒ ﻗﺎﻟﺘﻬﺎﻟﻮ ﻭﻏﺎﺿﺘﻮ ﻛﻴﻔﺎﺵ ﻫﻲ ﻣﻠﻚ ﻭﺍﺣﺪ .. ﻭﺍﺣﺪ ﻳﻜﺮﻫﻮ ﻭﻳﻐﻴﺮ ﻣﻨﻮ ..
ﻣﺤﻤﻮﺩ ﺳﻜﺮ ﺍﻟﺒﺎﺏ .. ﻭﺗﻠﻔﺘﻠﻬﺎ ﻳﺘﺒﺴﻢ .... ﻗﻌﺪﺕ ﻭﺍﻗﻔﺔ ﻓﻲ ﺍﻟﻮﺳﻂ ... ﻋﻴﻨﻴﻪ ﻛﺎﻧﻮ ﻳﺘﺸﺎﻋﻠﻮ .. ﺧﺎﻓﺖ ﻣﻨﻮ ﻫﻬﻬﻪ ﺑﺪﺍﺕ ﺗﻮﺧﺮ ﺑﺎﻟﺸﻮﻳﺔ ﺑﺎﻟﺸﻮﻳﺔ ﻭﻫﻮ ﻳﻘﺪﻡ .. ﻓﻲ ﺍﻟﻠﻠﺨﺮ ﻧﺤﺎﺕ ﺍﻟﺘﺎﻟﻮﻥ ﻭﻫﺮﺑﺖ ﺗﺠﺮﻱ ﻭﺗﻀﺤﻚ ... ﺧﻠﻂ ﻋﻠﻴﻬﺎ ﻭﻗﻔﻠﻬﺎ ﻗﺪﺍﻡ ﺍﻟﺪﺭﻭﺝ ﻭﺣﺴﺮﻫﺎ ﺑﻴﻦ ﺍﻟﺪﺭﺟﺔ ﻭﺍﻟﻌﺮﺻﺔ ... ﻛﺎﻥ ﻳﻠﻬﺚ ﻭﻫﻲ ﺯﺍﺩﺓ ....
- ﻣﺎﻻ ﺷﻘﺘﻠﻲ ﻗﺒﻴﻠﺔ ؟ ﺷﺪﻟﻬﺎ ﺭﺍﺳﻬﺎ ﺑﻴﻦ ﻳﺪﻳﻪ ﻭﻃﻠﻌﻮ ﺍﻟﻔﻮﻕ ﻭﻃﺒﺲ ﻋﻠﻴﻬﺎ ﺣﻂ ﺧﺸﻤﻮ ﻋﻠﻰ ﺧﺸﻤﻬﺎ ( ﺗﻌﻠﻤﻮ ﺗﻌﻠﻤﻮ ﺍﻟﺒﻨﺎﺕ ﺍﻟﺮﻭﻣﻨﺴﻴﺔ ﻫﻬﻪ ) ﺍﻩ ؟ ﻗﺘﻠﻲ ﻛﻮﻟﻨﻲ ... ﻣﺸﻤﺸﻨﻲ ... ﺍﻗﺘﻠﻨﻲ
ﻛﺎﻥ ﻛﻞ ﻛﻠﻤﺔ ﻳﻘﻮﻟﻬﺎ ﺑﺎﻟﺸﻮﻳﺔ ﻭﻳﺒﻮﺳﻬﺎ .. ﻛﻞ ﻣﺮﺓ ﻓﻲ ﺑﻼﺻﺔ ... ﻏﻤﻀﺖ ﻋﻴﻨﻴﻬﺎ ﻭﺳﻠﻤﺖ ﺭﻭﺣﻬﺎ ﻟﻼﺣﺴﺎﺱ ﺍﻟﻘﻮﻱ ﺍﻟﻠﻲ ﻋﺎﻳﺸﺘﻮ ﻣﻌﺎﻩ ... ﻧﺤﻰ ﺍﻟﻜﺮﺍﻓﺎﺕ ﻭﺭﻣﺎﻫﺎ .. ﻧﺤﻰ ﻛﺴﻮﺗﻮ ﻭﺑﺪﺍ ﻳﺤﻞ ﻓﻲ ﺳﻮﺭﻳﺘﻮ ... ﻭﻫﻲ ﺣﺎﺳﺔ ﺭﻭﺣﻬﺎ ﻓﻲ ﻏﻴﺒﻮﺑﺔ ﻏﻄﺴﺖ ﺭﺍﺳﻬﺎ ﻓﻲ ﺻﺪﺭﻭ ﻭﺣﻄﺖ ﺷﻔﺎﻳﻔﻬﺎ ﻋﻠﻰ ﻗﻠﺒﻮ .. ﻛﺎﻧﺖ ﺗﺴﻤﻊ ﻓﻲ ﺩﻗﺎﺗﻮ .. ﺩﻗﺎﺗﻮ ﺍﻟﻘﻮﻳﺔ ﺣﺎﺳﺘﻬﻢ ﻳﺪﻗﻮ ﻋﻠﻰ ﺧﺎﺗﺮﻫﺎ .. ﺑﺎﺳﺘﻮ ﻭﻫﻮ ﺗﻨﻬﺪ ﺑﺎﻟﻘﻮﻱ ﻭﺷﺪﻟﻬﺎ ﺭﺍﺳﻬﺎ ﻛﺒﺲ ﻋﻠﻴﻬﺎ ﻭﺯﺍﺩ ﻏﺮﺳﻬﻮﻟﻬﺎ ﻓﻲ ﺻﺪﺭﻭ

✴✴✴✴