👑زواج تقليدي👑

👑الحلقة الواحدة و العشرون...👑

👑👑

ﺣﺎﻃﺘﻠﻮ ﺭﺍﺳﻮ ﻋﻠﻰ ﺻﺪﺭﻫﺎ ﻭﻫﻮ ﻣﻌﻨﻘﻬﺎ ... ﻭﺑﻌﺪ ﻋﺪﻯ ﻳﺪﻭ ﻋﻠﻰ ﺑﺪﻧﻬﺎ ﺍﻟﻜﻞ ﻭﻫﻮ ﻳﺘﻨﻔﺲ ﺑﻘﻮﺓ ﺭﻗﺪﻫﺎ ﻋﻠﻰ ﻳﺪﻭ ﻭﻫﺒﻂ ﺷﻔﺎﻳﻔﻮ ﻋﻠﻰ ﺷﻔﺎﻳﻔﻬﺎ .. ﺑﺮﻏﺒﺔ ﻗﻮﻳﺔ ﻭﺷﻬﻮﺓ ... ﻫﺰﻫﺎ ﺑﻴﻦ ﻳﺪﻳﻪ ﻭﻭﺟﻬﻮ ﺍﺣﻤﺎﺭ ﻭﻗﻌﺪﺕ ﻫﻲ ﻏﺎﺭﺳﺔ ﺭﺍﺳﻬﺎ ﻓﻲ ﻛﺘﻔﻮ ﻭﻃﻠﻊ ﺑﻴﻬﺎ ﺍﻟﺪﺭﻭﺝ ﺣﻞ ﺑﺎﺏ ﺑﻴﺖ ﺍﻟﻨﻮﻡ ﺩﺧﻠﻬﺎ ﻭﺳﻜر
ﺗﻌﺪﺍﺕ ﺍﻳﺎﻣﺎﺗﻬﺎ ﻣﻊ ﻣﺤﻤﻮﺩ ﺍﺣﻠﻰ ﻣﻦ ﺍﻟﻌﺴﻞ ... ﻛﻞ ﻳﻮﻡ ﺣﺐ ... ﻧﺴﺎﺕ ﻣﻘﺎﺑﻠﺔ ﻣﻌﺰ ﻭﻻ ﺣﺎﻭﻟﺖ ﺗﺘﻨﺎﺳﺎﻫﺎ ... ﻣﺎﻋﺎﺩﺵ ﺗﺤﺐ ﺗﻔﻜﺮ ﻓﻴﻪ ... ﻛﻞ ﻟﺤﻈﺔ ﺗﺰﻳﺪ ﺗﻌﺸﻖ ﺭﺍﺟﻠﻬﺎ ﻭﺗﺘﻌﻠﻖ ﺑﻴﻪ ... ﻭﻫﻮ ﺗﺤﺴﻮ ﻣﺎﺫﺍﺑﻴﻪ ﻳﺤﻄﻬﺎ ﻓﻲ ﻋﻴﻨﻴﻪ ﻭﻳﺴﻜﺮ ﻋﻠﻴﻬﺎ ... ﻭﻛﻞ ﻣﺎ ﻳﺘﻌﻠﻖ ﺑﻴﻬﺎ ﺍﻛﺜﺮ ﺗﺰﻳﺪ ﻏﻴﺮﺗﻮ ﻋﻠﻴﻬﺎ ﺍﻛﺜﺮ ... ﺣﺘﻰ ﻛﻴﻒ ﺗﺨﺮﺝ ﻫﻲ ﻭﺣﻴﺎﺓ ﺑﺎﺵ ﻳﻘﻀﻴﻮ ﻗﻀﻴﺎﺕ ﻭﻻ ﻳﺤﻮﺻﻮ ﺑﻴﻮﺳﻒ ﻻﺯﻡ ﻳﺘﻔﻘﺪ ﺣﻮﺍﻳﺠﻬﺎ ﻗﺒﻞ ... ﻭﻳﺒﺪﺍ ﻳﺨﺮﻧﻦ ﻋﻠﻴﻬﺎ ﻭﻳﻤﺮﺟﻬﺎ ﺑﺎﺵ ﺗﺮﻭﺡ ... ﻭﻓﻲ ﺍﻟﻠﻴﻞ ... ﻫﻬﻪ ﻳﺮﺿﻴﻬﺎ ﻭﻳﻨﺴﻴﻬﺎ ﻛﻞ ﺷﻲ ... ﻣﺤﻤﻮﺩ ﻣﺮﺓ ﻓﻲ ﺍﻟﺨﺪﻣﺔ ﻋﺎﻣﻞ ﺍﺟﺘﻤﺎﻉ .. ﻛﺎﻥ ﻣﻌﺰ ﻗﺎﻋﺪ ﻓﻲ ﺍﻻﺟﺘﻤﺎﻉ ... ﻫﻮ ﻣﻦ ﺍﻭﻝ ﻣﺎﺩﺧﻞ ﻟﻠﺸﺮﻛﺔ ﻣﺎﻫﻀﻤﻮﺵ ... ﻭﺯﺍﺩ ﻏﺰﻝ ﻋﻠﻴﻪ ﻣﻦ ﻧﻬﺎﺭﺕ ﺍﻟﺤﻔﻠﺔ ... ﺣﺴﻮ ﻳﻐﺰﺭ ﻟﻤﺮﺗﻮ ... ﻏﺰﺭﺓ ﻣﺎ ﻋﺠﺒﺘﻮﺵ ... ﻣﺎﻫﻴﺶ ﺑﺮﻱﺀﺓ .. ﻓﺪ ﻭﻫﻮ ﻗﺎﻋﺪ ﻣﻌﺎﻫﻢ ... ﺗﻠﻔﺖ ﻟﺘﻮﻓﻴﻖ ﻭﻗﺎﻟﻮ
- ﺍﻓﻔﻒ ﻫﺎ ﺍﻟﻤﺨﻠﻮﻕ ﻫﺬﺍ ﻣﺎﺫﺍﺑﻴﻚ ﻣﻌﺎﺩﺵ ﺗﺠﻴﺒﻬﻮﻟﻲ ﻓﻲ ﺍﻻﺟﺘﻤﺎﻋﺎﺕ ... ﻣﺎﻋﻨﺪﻭ ﻋﻼﺵ ﻗﺎﻋﺪ ﻣﻌﺎﻧﺎ !!
- ﺗﻲ ﻣﺎﻫﻮ ﻟﻤﻴﻨﺎ ﺍﻟﻤﻬﻨﺪﺳﻴﻦ ﺍﻟﻜﻞ ﻣﺘﺎﻉ ﺍﻟﺸﺮﻛﺔ ﺑﺎﺵ ﻛﻞ ﻭﺍﺣﺪ ﻳﻘﺪﻡ ﻣﺸﺮﻭﻋﻮ ... ﻭﺑﺎﺵ ﻧﺪﺭﺳﻮﻫﻢ ﻭﻧﺸﻮﻓﻮ ﺍﻧﺎﻫﻮ ﺍﻟﻠﻲ ﺍﻧﺴﺐ ﻭﻫﻮ ﻗﺪﻡ ﺩﻭﺳﻴﻴﻪ ﻗﻠﺖ ﺧﻠﻲ ﻧﻌﻄﻴﻪ ﻓﺮﺻﺘﻮ
ﻋﻘﺪ ﻭﺟﻬﻮ ﻭﻫﻮ ﻳﻘﺤﺮﻟﻮ ﻣﻦ ﺗﺤﺖ ﻟﺘﺤﺖ
- ﺗﻲ ﺑﻬﻴﻢ ﺑﻬﻴﻢ ﻣﻦ ﻏﻴﺮ ﻣﺎ ﺗﺸﻮﻑ ﺷﻲ ﻣﻦ ﻋﻨﺪﻭ ً. ﻗﺪﺍﺵ ﻟﻴﻪ ﻳﺨﺪﻡ ﻣﻌﺎﻧﺎ ﺗﻮ ؟ ﺗﻲ ﺍﻧﺎ ﻛﻴﻒ ﻗﺒﻠﺖ ﺩﻭﺳﻴﻪ ﻗﻠﺖ ﻣﻬﻨﺪﺳﻴﻦ ﺷﺒﺎﺏ ﺧﻠﻲ ﻧﻌﻄﻴﻬﻢ ﻓﺮﺻﺘﻬﻢ ﻭﺯﻳﺪ ﻋﺮﺑﻲ ﻭﻭﻟﺪ ﺑﻼﺩﻱ ﻭﺗﻌﺮﻓﻨﻲ ﻧﺤﺐ ﻧﻌﺎﻭﻥ ﻭﻻﺩ ﺑﻼﺩﻱ ... ﺍﻣﺎ ﻫﻮ ﻣﺎﻋﻄﻰ ﺣﺘﻰ ﺍﺿﺎﻓﺔ ... ﺣﺎﻭﻝ ﺑﺎﺵ ﺗﺴﻘﺪﻭ ﺧﺎﺗﺮ ﺍﻧﺎ ﻓﺪﻳﺖ ﻣﻨﻮ ... ﺍﻋﻄﻴﻪ ﻫﺒﻮﻃﻮ !! ﺣﻄﻮ ﻓﻲ ﺷﺮﻛﺔ ﺍﺧﺮﻯ ؟ ﺍﻟﻤﻬﻢ ﻳﺒﻌﺪ ﻋﻠﻰ ﻭﺟﻬﻲ !!
- ﺑﺎﻫﻲ ﺗﻬﻨﻰ .. ﺗﻮ ﻧﺘﺼﺮﻑ
ﺑﻌﺪ ﺍﻻﺟﺘﻤﺎﻉ ﺩﺧﻞ ﻣﺤﻤﻮﺩ ﻟﺒﻴﺮﻭﻩ ﻭﻗﻌﺪ .. ﺟﺎﺑﺘﻠﻮ ﺍﻟﺴﻜﺮﺗﻴﺮﺓ ﺍﻟﻘﻬﻮﺓ ... ﻗﻌﺪ ﻳﺸﺮﺏ ﻓﻴﻬﺎ ﻭﺣﻞ ﺍﻟﻜﺎﻡ ﻳﺘﻔﺮﺝ ﻓﻲ ﻣﺮﺗﻮ ﻓﻲ ﺍﻟﺪﺍﺭ ... ﻭﻻﺕ ﻫﺎﺫﻱ ﻫﻮﺍﻳﺘﻮ ﺍﻟﻤﻔﻀﻠﺔ ... ﻛﻞ ﻣﺎﻳﻘﻌﺪ ﻭﺣﺪﻭ ﻳﺤﻞ ﻭﻳﻘﻌﺪ ﻳﺘﻔﺮﺝ ﻓﻴﻬﺎ .. ﺣﺎﺳﺲ ﺭﻭﺣﻮ ﻣﺎ ﻳﻨﺠﻤﺶ ﻳﺸﺒﻊ ﻣﻨﻬﺎ .. ﻛﻞ ﻣﺎ ﻳﺰﻳﺪ ﻧﻬﺎﺭ ﻛﻞ ﻳﺘﻌﻠﻖ ﺑﻴﻬﺎ ﺍﻛﺜﺮ ﻭﻛﻞ ﻟﻴﻠﺔ ﻛﻴﻒ ﻳﺒﺪﺍ ﻣﺮﻭﺡ ﻳﺤﺲ ﺭﻭﺣﻮ ﻣﺘﻮﺣﺸﻬﺎ ﻋﺎﻟﻠﺨﺮ ... ﻛﺎﻧﺖ ﺗﻘﺮﻱ ﻓﻲ ﻳﻮﺳﻒ ﻭﺗﻠﻮﻥ ﻣﻌﺎﻩ ... ﺑﻌﺪ ﻫﺰﺕ ﻛﺘﺎﺑﻬﺎ ﻭﻗﻌﺪﺕ ﺗﻘﺮﺍ ﻓﻴﻪ ... ﺳﻤﻊ ﺍﻟﺒﺎﺏ ﺩﻕ
- ﺗﻔﻀﻞ !!
ﻭﺩﺧﻞ ﺳﻲ ﺍﻟﺴﻤﺎ ﻣﻌﺰ
- ﺻﺒﺎﺡ ﺍﻟﺨﻴﺮ ﺳﻲ ﻣﺤﻤﻮﺩ
- ﺻﺒﺎﺡ ﺍﻟﺨﻴﺮ .. ﺗﻔﻀﻞ
- ﺳﻲ ﻣﺤﻤﻮﺩ ﺣﺴﻴﺖ ﺍﻟﺨﺪﻣﺔ ﻣﺘﺎﻋﻲ ﻣﺎﻋﺠﺒﺘﻜﺶ ... ﺿﺎﻫﺮﻟﻲ ﺣﺘﻰ ﻗﺒﻞ ﻣﺎﺗﺸﻮﻑ ﻣﺸﺮﻭﻋﻲ ؟
ﺗﻜﻰ ﻳﺪﻳﻪ ﻋﻠﻰ ﺍﻟﻄﺎﻭﻟﺔ ﻭﻗﻌﺪ ﻳﻠﻌﺐ ﺑﺎﻟﺴﺘﻴﻠﻮ
- ﻭﺍﻟﻠﻪ ﻣﺎﻧﻴﺶ ﺍﻧﺎ ﺍﻟﻤﺴﺆﻭﻝ ﻋﻠﻰ ﺍﻟﻤﺸﺎﺭﻳﻊ . ﻓﻤﺎ ﻣﺠﻠﺲ ﺍﺩﺍﺭﺓ ﻫﻮ ﺍﻟﻠﻲ ﻳﻘﺮﺭ
- ﻧﻌﺮﻑ ﺳﻲ ﻣﺤﻤﻮﺩ ﺍﻣﺎ ﻧﻌﺮﻑ ﺯﺍﺩﺓ ﺍﻟﻠﻲ ﺍﻟﻜﻠﻤﺔ ﻟﻮﻟﺔ ﻭﻟﺨﺮﺓ ﻟﻴﻚ
ﺷﺪ ﺳﻴﻘﺎﺭﻭ ﻭﺷﻌﻠﻮ ﻗﻌﺪ ﻳﻐﺰﺭﻟﻮ ... ﻭﻣﻌﺰ ﻣﻦ ﺩﺍﺧﻞ ﻳﻐﺰﻝ ﻭﻓﺎﺩﺩ ﻭﻣﺎﺫﺍﺑﻴﻪ ﻳﻄﺮﺷﻖ ﻋﻠﻴﻪ
- ﻻ ﻏﺎﻟﻂ .. ﺍﻧﺎ ﻣﺎﻧﻴﺶ ﺩﻛﺘﺎﺗﻮﺭ ﻫﻮﻧﻲ ﺍﻟﻘﺮﺍﺭ ﻳﺎﺧﺬﻭﻩ ﺍﻋﻀﺎﺀ ﻣﺠﻠﺲ ﺍﻻﺩﺍﺭﺓ ﺍﻟﻜﻞ ﻭﻛﻴﻤﺎ ﻗﺘﻠﻚ ﺍﺫﺍ ﻛﺎﻥ ﻣﺸﺮﻭﻋﻚ ﻣﺨﺪﻭﻡ ﻣﻠﻴﺢ ﻣﺎﻓﻤﺎﺵ ﻋﻼﺵ ﻧﺮﻓﻀﻮﻩ ...
ﺗﻠﻔﺖ ﻣﻌﺰ ﻋﻠﻰ ﻏﻔﻠﺔ ﻟﻘﺎ ﻓﻲ ﺍﻟﻜﺎﻡ ﺧﺪﻳﺠﺔ ﻓﻲ ﺍﻟﺪﺍﺭ ﻗﺎﻋﺪﺓ ... ﻗﻠﺒﻮ ﻭﻻ ﻳﺪﻕ ... ﻭﻣﺎﺣﺒﺶ ﻳﺸﻠﻖ ﺍﺍﻟﻲ ﻫﻮ ﺷﺎﻓﻬﺎ .. ﺧﺎﺗﺮ ﻣﺤﻤﻮﺩ ﻧﺴﺎﻩ ﻣﺤﻠﻮﻝ ﻭﻫﻮ ﻳﺤﻜﻲ ﻣﻬﺎﻩ ... ﻣﺤﻼﻫﺎ ﺧﺪﻳﺠﺔ ﺻﺤﺔ ﻋﻠﻴﻪ ... ﻋﻨﺪﻭ ﺍﻟﺰﻫﺮ ﻓﻲ ﻛﻞ ﺷﻲ ... ﻛﺎﻥ ﻗﻠﺒﻮ ﻣﻌﺒﻲ ﺑﺎﻟﺤﻘﺪ ﻋﻠﻴﻪ .. ﻏﻞ ﻭﻏﻴﺮﺓ ... ﻗﺎﻡ ﻣﻦ ﺍﻟﻜﺮﺳﻲ ﻭﻗﺎﻟﻮ
- ﺑﺎﺭﻙ ﺍﻟﻠﻪ ﻓﻴﻚ ﺳﻲ ﻣﺤﻤﻮﺩ ﺍﻧﺸﺎﻟﻠﻪ ﻳﻌﺠﺒﻜﻢ ﻣﺸﺮﻭﻋﻲ ﺍﻟﻤﺮﺓ ﻫﺎﺫﻱ ﻭﻣﺎﺗﻔﻘﺪﺵ ﺛﻘﺘﻚ ﻓﻴﺎ !!
ﺍﺗﻜﻰ ﻣﺤﻤﻮﺩ ﻋﻠﻰ ﻛﺮﺳﻴﻪ ﻭﺑﺎﻗﻲ ﻳﻠﻌﺐ ﺑﺎﻟﺴﺘﻴﻠﻮ ﻭﻗﺎﻟﻮ ﺍﻱ ﺑﺮﺍﺳﻮ ﻣﻦ ﻏﻴﺮ ﻣﺎﻳﺘﻨﺎﺯﻝ ﻭﻳﻜﻠﻤﻮ ﺣﺲ ﺑﺎﻟﺬﻝ ﻭﺍﻻﻫﺎﻧﺔ ... ﻭﺻﻞ ﻗﺪﺍﻡ ﺍﻟﺒﺎﺏ ﻭﺑﻌﺪ ﺗﻠﻔﺘﻠﻮ
- ﺳﻠﻤﻠﻲ ﻋﻠﻰ ﻣﺪﺍﻡ ﺧﺪﻳﺠﺔ ﺑﺮﺑﻲ !!
ﻭﻗﺘﻬﺎ ﻗﺎﻡ ﻣﺤﻤﻮﺩ ﻳﺠﺮﻱ ﻣﻦ ﺑﻼﺻﺘﻮ ﻭﺣﺲ ﺍﻟﺪﻡ ﻃﻠﻊ ﻟﺮﺍﺳﻮ ﻗﺤﺮﻟﻮ ﺑﻐﺰﻭﻝ
- ﻭﺍﻟﻠﻪ ﻣﺎﻓﻬﻤﺘﻜﺶ؟ ﺷﻤﻌﻨﺘﻬﺎ ﻧﺴﻠﻤﻠﻚ ﻋﻠﻰ ﻣﺮﺗﻲ ؟ﻳﺎﺧﻲ ﺍﻧﺎ ﻛﻴﻒ ﻧﺮﻭﺡ ﺑﺎﺵ ﻧﻘﻌﺪ ﻧﺤﻜﻲ ﻣﻊ ﻣﺮﺗﻲ ﻋﻠﻰ ﺟﻤﺎﻋﺔ ﺍﻟﺨﺪﻣﺔ .. ﻭﺍﻟﻠﻪ ﻋﻨﺎ ﺣﺎﺟﺎﺕ ﺍﺧﺮﻯ ﻧﻌﻤﻠﻮﻫﺎ ﻣﻦ ﺍﻧﺎ ﻧﺤﻜﻴﻮ ﻋﺎﻟﺨﺪﻣﺔ ..
_ﺳﺎﻣﺤﻨﻲ ﺳﻲ ﻣﺤﻤﻮﺩ ﻣﺎﻓﻴﺒﺎﻟﻴﺶ ﺍﻟﻜﻠﻤﺔ ﻫﺎﺫﻱ ﺑﺎﺵ ﺗﻐﺸﺸﻚ !!!.. ﻓﻲ ﺑﺎﻟﻲ ﻋﺎﺩﻱ ﻧﺴﻠﻢ ﻋﻠﻰ ﺑﻨﺖ ﺑﻼﺩﻱ ﺭﺍﻫﻮ .. ﻭﺗﺒﺴﻤﻠﻮ ﻭﺧﺮﺝ .. ﺧﺮﺝ ﻭﺧﻼﻩ ﻳﺘﻬﺰ ﻭﻳﺘﺤﻂ ... ﻋﺪﻯ ﻳﺪﻳﻪ ﻋﻠﻰ ﺷﻌﺮﻭ ﺑﺘﻨﺮﻓﻴﺰ ﻭﻋﺎﻭﺩ ﺭﺟﻊ ﻗﻌﺪ ... ﻏﺰﺭ ﻟﻠﻜﺎﻡ ﻳﻠﻘﻰ ﺍﻟﺼﺎﻟﺔ ﻓﺎﺭﻏﺔ ... ﺍﻓﻔﻔﻒ ﻧﺴﺎﻩ ﻣﺤﻠﻮﻝ ﻭ*** ﻛﺎﻥ ﻫﻮﻧﻲ .. ﺟﺎﺏ ﺭﺑﻲ ﻣﺎﻫﻴﺶ ﻣﻮﺟﻮﺩﺓ ....
ﻓﻲ ﺍﻟﻠﻴﻞ ﺑﻌﺪ ﻣﺎﺣﻄﺖ ﺧﺪﻳﺠﺔ ﻟﻌﺸﺎﺀ ﻋﻴﻄﺘﺘﻠﻬﻢ ﺑﺎﺵ ﻳﺘﻌﺸﺎﻭ ﻫﻮ ﻭﻭﻟﺪﻭ ... ﻛﺎﻧﻮ ﻗﺎﻋﺪﻳﻦ ﺍﻟﺰﻭﺯ ﻓﻲ ﺍﻟﺼﺎﻟﺔ ﻳﺘﻔﺮﺟﻮ .. ﺑﺎﺳﻬﺎ ﻣﻦ ﺟﺒﻴﻨﻬﺎ ﻭﺑﺪﺍ ﻳﺎﻛﻞ ﻭﻳﺘﺒﻨﻦ ﻭﻫﻲ ﺗﻮﻛﻞ ﻓﻲ ﻳﻮﺳﻒ ﻭﺳﺎﻋﺎﺕ ﺗﺤﻄﻠﻮ ﻗﺪﻣﺔ ﻓﻲ ﻓﻤﻮ ﻭﺗﻀﺤﻚ ...
- ﺣﻘﺎ ﻣﺤﻤﻮﺩ ﺍﻣﻲ ﻧﺎﺟﻴﺔ ﻛﻠﻤﺘﻨﻲ ﺍﻟﻴﻮﻡ ﺗﺘﺸﻮﻛﻊ !!
- ﺍﺷﺒﻴﻬﺎ ﺯﺍﺩﺓ ؟ ﻧﻬﺎﺭ ﻛﺎﻣﻞ ﻭﻫﻲ ﺗﺘﻜﻠﻢ ﺗﻘﻮﻝ ﻻﺻﻘﺔ ﻓﻲ ﺍﻟﺘﻠﻴﻔﻮﻥ !!
- ﻫﻬﻬﻪ ﻻ ﻻ ﺍﻣﺎ ﻋﺮﺱ ﺍﺧﺘﻚ ﻗﺮﻳﺐ ﻣﺎﺯﺍﻟﻮ ﺷﻬﺮ ﺭﺍﻫﻮ ﻭﻫﻮﻣﺎ ﻭﺣﺪﻫﻢ ﻏﺎﺩﻱ ﻣﺴﺎﻛﻦ ﻳﻬﺰﻭ ﻭﻳﺴﺒﻄﻮ ﻭﺳﻨﺎﺀ ﻋﺎﻣﻠﺘﻠﻲ ﻟﻴﺴﺔ ﻃﻮﻳﻠﺔ ﻋﺮﻳﻀﺔ ﺑﺎﺵ ﻧﺸﺮﻳﻬﺎﻟﻬﺎ ﻣﻦ ﻫﻨﺎ ... ﺍﻟﺤﺎﺳﻞ ﺑﺎﺧﺘﺼﺎﺭ ﻳﺤﺒﻮﻧﻲ ﻧﻬﺒﻂ ﺑﺎﺵ ﻧﻌﺎﻭﻧﻬﻢ !!
ﺣﺴﺘﻮ ﻗﺮﻳﺐ ﻳﺸﺮﻕ ﺑﺎﻟﻤﺎﻛﻠﺔ ... ﻫﺰ ﻛﺎﺱ ﻣﺎﺀ ﺷﺮﺑﻮ ﻭﺗﻠﻔﺘﻠﻬﺎ
- ﻧﻌﻢ ﻟﻼ؟ ﺗﻤﺸﻲ ﺑﺤﺬﺍﻫﻢ ؟ ﻭﺍﻧﺎ ﻟﺸﻜﻮﻥ ﺗﺨﻠﻴﻨﻲ ؟
ﺿﺤﻜﺖ ﻭﺑﺎﺳﺘﻮ من ﺧﺪﻭ
- ﻳﺎﺧﻲ ﻋﺮﺱ ﺍﺧﺘﻚ ﻫﺬﺍ ﺭﺍﻫﻮ ... ﺷﻜﻮﻥ ﺑﺎﺵ ﻳﺎﻗﻒ ﻣﻌﺎﻫﺎ ؟
- ﻣﺎﻳﻬﻤﻨﻴﺶ !! ﻣﺎﺯﺍﻝ ﻋﻨﺪﻱ ﺑﺮﻭﺟﻲ ﻧﻌﻤﻠﻮ ﻓﻴﻪ .. ﻧﻜﻤﻠﻮ ﺑﻌﺪ ﻧﻤﺸﻴﻮ ﻣﻊ ﺑﻌﻀﻨﺎ
ﺿﺤﺘﻠﻮ ﺑﺪﻻﻝ ﻭﻋﻨﻘﺘﻮ
- ﺍﻣﺎﻥ ﺣﺒﻲ ﺍﻣﺎﻥ .. ﻋﻴﺐ ﺭﺍﻫﻮ .. ﺍﻟﻤﻔﺮﻭﺽ ﻧﻜﻮﻥ ﻣﻌﺎﻫﻢ ﺗﻮ .. ﻭﺍﻟﻠﻪ ﺗﺴﺨﻒ ﻭﺣﺪﻫﺎ ﻭﺍﻣﻚ ﻣﺮﺍ ﻛﺒﻴﺮﺓ
باسها من شفتها بوسة خفيفة
- حتى انا نسخف ...باش تخليني وحدي وتمشي..وانا شكون بيا ؟؟مانجمش نقعد في الدار وانت موش فيها ..من غير ماتبدا انت الدور وتغني ..نحب كيف ندخللها نرا وجهك قدامي يضحك ..نشم ريحة العشاء والدار تبدا دافية وفرشي يبدا دافي وسخون ..وصوت فيروز الصباح وام كلثوم لعشية ...لا لا مافماش مشي انسى ...
جاتو من تالي وعنقتو ..باستلو رقبتو وغمرت راسها فيها
-يا روحي ياروحي وشوشتلو في وذنو باش مايسمعش يوسف ..ياخي انا نحب نمشي تسخايلني ؟تسخايلني نحب نبعد عليك ..؟تي انت روحي وممو عينيا !!! اما هاذي حاجة لازمة راهو ! عرس اختك كيف ماناقفولوش احنا اش كون باش ياقفلو ؟
وقف وهو يمسح في يديه وغزرلها وعينيه بكلها عشق
-هاني باش نرقد يوسف ونرجعلك ...اذا كان تحب تمشي يلزمك تعوضلي الايامات اللي باش تغيبهم الكل واضح!؟ قىرصتو من خدودو وباستو على طرف شفتو
-واضح واضح واضح
في الصباح دوب مادخل لبيروه ..لقا السكرتيرة متاعو متقلقة ..سالها اشبيها قالتلو راهو معز جاء متغشش ويسال عليه ...هي مازالت تحكي معاه وهو جاه ودخل من غير ما يشاور كانت عينيه تتشاعل وكشاكشو خارجة
-عملت اللي في مخك سي محمود ؟حبيت تتخلص مني وعملت اللي تحب ؟
هز يدو وقربلو باهت
-نعم فاش تحكي انت ؟لاباس ماهو ؟نخدم عند جد بوك الكلب انا جاي عالصباح تعيط ...وقربلو يصيح عليه وبدا يدز فيه ...السكرتيرة كيف حستها باش تلحم مشات تجري تعيط لتوفيق خاتر كان هو اللي يهديه ..ومعز قعد يعيط
-المشروع ...المشروع متاعي رفضوه ...وباش يخرجوني ..عارف ..عارف اللي انت عندك يد في هذا الكل ..انت من اولك موش حاملني ..وزيد تو كيف ...كيف ...
-كيف شنوة اه ؟ كيف شنوة ؟تكلم حل ** فمك !!اش تحب تقول ودزو من كتفو وبدا يصيح - انت انسان فاشل ..وانا اللي رفضتو مشروعك ..وباش نخرجك من الخدمة ..كيما عطيتك فرصة من الاول انا تو باش ننحيهالك وريني اش تنجم تعمل تره؟
- اش ننجم نعمل ؟ههه (وضحك بغزول ) برشة حاجات ننجم نعملها وكان تسخايل روحك قوي وعندك نفوذ راهو موش معايا انا ...
دخل توفيق يجري يلقاها لاحمة بيناتهم وباش يتضاربو شد صاحبو من كتافو ودز معز بعدو
-صلي عالنبي محمود رانا في الخدمة ماناش في الشارع ؟؟؟
-هاو *** جايني عالصباح يتهدد عليا يسخايل روحو راجل !!وعاود غزر لمعز وقالو -تو *** فيه مالا هاني طردتك برا ارجع منين جيت يا سارح ..
وقتها معز خطرتلو فكرة باش يذل بيها محمود ... ،لازم يذلو ويكسرلو شوكتو ...وخديجة هي الحل !!!...مشا يجري ركب في كرهبتو ومشا طول ...لدار محمود...
✅.✅

✴✴✴✴