👑زواج تقليدي👑

👑ﺍﻟﺤﻠﻘﺔ ﺍﻟﺮﺍﺑﻌﺔ ﻋﺸﺮ...👑

👑👑

ﺩﺧﻞ ﻣﺤﻤﻮﺩ ﻟﺒﻴﺮﻭﻩ ... ﺩﺧﻠﺖ ﺍﻟﺴﻜﺮﺗﻴﺮﺓ ﻓﻲ ﺟﺮﺗﻮ .. ﻓﻲ ﻳﺪﻫﺎ ﻛﺎﺱ ﺍﻟﻘﻬﻮﺓ .. ﻛﺎﻧﺖ ﺗﻌﺮﻑ ﻃﺒﻴﻌﺘﻮ .. ﻳﺤﺐ ﻳﺮﺍ ﻛﺎﺱ ﺍﻟﻘﻬﻮﺓ ﻓﻮﻕ ﺍﻟﻄﺎﻭﻟﺔ ﺩﻭﺏ ﻣﺎ ﻳﺪﺧﻞ ... ﻣﺎﻛﺎﻧﺶ ﻳﻨﺠﻢ ﻳﺨﺪﻡ ﻣﻦ ﻏﻴﺮ ﻣﺎﻳﺸﺮﺑﻬﺎ ... ﺍﻣﺎ ﺗﻮ ﻟﻴﻪ ﺟﻤﻌﺘﻴﻦ ﻣﻠﻠﻲ ﺭﺟﻊ ﻃﺒﻴﻌﺘﻮ ﺗﺒﺪﻟﺖ ... ﻣﺎﻋﺎﺩﺵ ﻳﻌﺎﺭﻙ ﻭﻳﺼﻴﺢ ﻋﻠﻰ ﺍﻗﻞ ﻏﻠﻄﺔ .. ﺍﺧﻼﻗﻮ ﺗﺤﺴﻨﺖ ﻣﻊ ﺍﻟﺨﺪﺍﻣﺔ .. ﻫﻬﻪ ﺣﺘﻰ ﺍﻟﻘﻬﻮﺓ ﻭﻻ ﻳﺸﺮﺑﻬﺎ ﻗﺒﻞ ﻣﺎ ﻳﺨﺮﺝ .. ﻛﺎﻧﺖ ﺗﺤﻀﺮﻫﺎﻟﻮ ﺧﺪﻳﺠﺔ . ﺗﻘﻮﻡ ﻗﺒﻠﻮ ﻭﺗﺤﻀﺮﻫﺎﻟﻮ .. ﻭﺗﺤﻀﺮﻟﻮ ﻓﻄﻮﺭ ﻗﻤﻘﻮﻡ . ﻳﻌﺒﻲ ﻛﺮﺷﻮ ﻟﻴﻦ ﻳﺤﺲ ﺑﺎﻟﺘﺨﻤﺔ .. ﻳﻘﻌﺪ ﺷﺒﻌﺎﻥ ﻟﻴﻦ ﻳﺮﻭﺡ ... ﺍﻟﺪﺍﺭ ﻣﺘﺎﻋﻮ ﺭﺟﻌﺖ ﻓﻴﻬﺎ ﺍﻟﺮﻭﺡ ... ﻭﻗﺘﻠﻲ ﻭﺻﻠﻮ ﻟﻔﺮﻧﺴﺎ ﻣﺎﻛﺎﻧﺶ ﻳﻨﺠﻢ ﻳﺄﺧﺬ ﻛﻮﻧﺠﻲ ﺑﺎﺵ ﻳﻬﺰ ﻳﻔﺮﻫﺪﻫﺎ .. ﺧﺎﺗﺮ ﺍﻟﺨﺪﻣﺔ ﻛﺎﻧﺖ ﻣﻜﺪﺳﺔ ﻭﺗﺴﺘﻨﻰ ﻓﻴﻪ .. ﺭﺟﻊ ﻳﺨﺪﻡ ﻃﻮﻝ ﻭﻭﻋﺪﻫﺎ ﻓﻲ ﺍﻗﺮﺏ ﻓﺮﺻﺔ ﻳﺄﺧﺬ ﻛﻮﻧﺠﻲ ﻭﻳﻬﺰ ﻳﻔﺮﻫﺪﻫﺎ ﻭﻳﻮﺭﻳﻬﺎ ﻓﺮﻧﺴﺎ .. ﻭﻫﻲ ﻣﺎﻋﺎﺭﺿﺘﺶ ﻣﺴﻜﻴﻨﺔ .. ﻛﺎﻧﺖ ﺭﺍﺿﻴﺔ ﻭﻗﻨﻮﻋﺔ .. ﻛﻞ ﻳﻮﻡ ﻳﺮﻭﺡ ﻟﻠﺪﺍﺭ ﻳﻠﻘﺎﻫﺎ ﺩﺍﻓﻴﺔ .. ﺍﻟﻌﺸﺎﺀ ﻃﺎﻳﺐ .. ﻭﺻﻮﺕ ﺍﻡ ﻛﻠﺜﻮﻡ ﻳﺸﺮﻗﻊ .. ﻛﺎﻧﺖ ﻣﻐﺮﻭﻣﺔ ﺑﺎﻡ ﻛﻠﺜﻮﻡ .. ﺑﻮﻥ ﻫﻮ ﻣﺎﻛﺎﻧﺶ ﻳﺴﻤﻌﻬﺎ ﻳﺎﺳﺮ ﻭﻻ ﻳﺮﻛﺰ ﻣﻌﺎﻫﺎ .. ﺍﻣﺎ ﻣﻦ ﻛﺜﺮ ﻣﺎﻫﻮ ﻭﻳﻦ ﻳﺪﺧﻞ ﻳﻠﻘﺎﻫﺎ ﺣﺎﻃﺘﻬﺎ ﺗﻐﺮﻡ ﺑﻴﻬﺎ ﺣﺘﻰ ﻫﻮ .. ﻛﺎﻧﺖ ﺗﻄﻴﺐ ﺍﻟﻌﺸﺎﺀ ﻋﻠﻰ ﺻﻮﺗﻬﺎ .. ﻭﺗﻐﻨﻲ ﻣﻌﺎﻫﺎ .. ﺻﻮﺗﻬﺎ ﻛﺎﻥ ﺩﺍﻓﻲ ﻛﻴﻤﺎ ﺑﺪﻧﻬﺎ .. ﻫﻬﻪ ﻛﻞ ﻳﻮﻡ ﻭﻻ ﻳﺮﻭﺡ ﻳﺠﺮﻱ ﺑﺎﺵ ﻳﻘﻌﺪ ﻣﻊ ﻋﺎﻳﻠﺘﻮ ... ﻋﺎﻳﻠﺘﻮ ﺃﻱ .. ﺧﺪﻭﺟﺔ ﺭﺟﻌﺖ ﺍﻟﻔﺮﺣﺔ ﻟﻠﺪﺍﺭ .. ﻋﻮﺿﺖ ﻭﻟﺪﻭ ﻋﻠﻰ ﻓﻘﺪﺍﻥ ﺍﻣﻮ ﻟﺪﺭﺟﺔ ﺍﻧﻮ ﻭﻻ ﻳﻌﻴﻄﻠﻬﺎ ﻣﺎﻣﺎ .. ﺻﺤﻴﺢ ﺍﻟﻮﻗﺖ ﺍﻟﻠﻲ ﻗﻌﺪﻭ ﻣﻌﺎﻫﺎ ﺷﻮﻳﺔ .. ﺍﻣﺎ ﻛﻞ ﻳﻮﻡ ﻣﻌﺎﻫﺎ ﻳﺤﺴﻮ ﻭﻗﺖ ﻃﻮﻭﻭﻳﻞ .. ﻣﺎﺯﺍﻝ ﻣﺎ ﺻﺎﺭ ﺷﻲ ﺑﻴﻨﺎﺗﻬﻢ .. ﻣﺎﺯﺍﻟﺖ ﺣﺸﺎﻣﺔ ﻭﺧﻮﺍﻓﺔ .. ﻭﻣﺎﺯﺍﻝ ﻫﻮ ﻳﺴﺎﻳﺲ ﻓﻴﻬﺎ .. ﻛﻞ ﻳﻮﻡ ﺗﺮﻗﺪ ﻓﻲ ﺣﻀﻨﻮ .. ﻭﻛﻞ ﻳﻮﻡ ﻳﻌﺪﻳﻪ ﺍﺣﻠﻰ ﻣﻦ ﺧﻮﻩ ... ﻭﻛﻞ ﻳﻮﻡ ﻳﺰﻳﺪ ﻳﺴﺘﺎﻧﺲ ﺑﻴﻬﺎ .. ﻭﻛﻞ ﻳﻮﻡ ﺗﺪﺧﻞ ﻓﻲ ﻗﻠﺒﻮ ﻛﻴﻒ ﺍﻟﺴﻮﺳﺔ ... ﻭﻛﻞ ﻳﻮﻡ ﻳﺰﻳﺪ ﻳﺘﻌﻠﻖ ﺑﻴﻬﺎ ... ﻣﻮﺵ ﻋﺎﺭﻑ ﺷﻨﻮﺓ ﺍﻟﻠﻲ ﻳﺤﺲ ﻓﻴﻪ ﺗﺠﺎﻫﻬﺎ .. ﺑﻠﺤﻖ ﻣﻮﺵ ﻋﺎﺭﻑ ... ﺍﻣﺎ ﻛﻴﻒ ﺗﻐﺰﺭﻟﻮ ﺑﻌﻴﻨﻴﻬﺎ ﺍﻟﻜﺒﺎﺭ ﺍﻟﻠﻲ ﻓﻲ ﻟﻮﻥ ﺍﻟﻠﻴﻞ ( ﻭﺍﻟﻠﻲ ﺑﻌﻤﺮﻭ ﻣﺎﻛﺎﻥ ﻳﺴﺨﺎﻳﻞ ﺭﻭﺣﻮ ﺑﺎﺵ ﻳﻌﺠﺒﻮﻩ ﻧﻬﺎﺭ ﻣﻦ ﺍﻟﻨﻬﺎﺭﺍﺕ ) ﻳﺮﺍ ﺍﻟﺨﻮﻑ ﻓﻴﻬﻢ ﻭﻗﺘﻠﻲ ﻳﻌﻨﻘﻬﺎ .. ﻳﺮﺍ ﺍﻟﺒﺮﺍﺀﺓ .. ﻳﺮﻯ ﻓﻴﻬﻢ ﺍﻟﺒﻨﻴﺔ ﺍﻟﺼﻐﻴﺮﺓ ﺍﻟﻠﻲ ﺗﻤﺮﻣﺪﺕ ﻭﻗﺎﺳﺎﺕ ﻭﻫﻲ ﺻﻐﻴﺮﺓ .. ﻳﺤﺲ ﺑﻤﺴﺆﻭﻟﻴﺔ ﻛﺒﻴﺮﺓ ﺗﺠﺎﻫﻬﺎ .. ﻳﺤﺐ ﻳﺤﻄﻬﺎ ﻓﻲ ﺻﺪﺭﻭ ﻭﻳﺨﺒﻴﻬﺎ .. ﻳﺤﻤﻴﻬﺎ ﻭﻳﺨﺒﻴﻬﺎ ... ﺗﻨﻬﺪ ﻭﺣﻞ ﺍﻟﺪﻭﺳﻴﺎﺕ ﻭﺑﺪﺍ ﻳﺨﺪﻡ .. ﺑﻌﺪ ﻧﺼﻒ ﺳﺎﻋﺔ ﻛﺎﻥ ﻏﺎﻃﺲ ﻓﻲ ﺍﻷﻭﺭﺍﻕ ﻭﻳﺪﺧﻞ ﻋﻠﻴﻪ ﺻﺎﺣﺒﻮ ﺗﻮﻓﻴﻖ
- ﺑﻮﻧﺠﻮﺭ ﻣﻌﻠﻢ ؟CV
- ﺣﻤﺪﺍﻟﻠﻪ ﻫﺎﻙ ﺗﺸﻮﻑ ؟
ﻗﻌﺪ ﻣﻘﺎﺑﻠﻮ ﻓﻲ ﺍﻟﻜﺮﺳﻲ
- ﻳﺎﺧﻲ ﻭﻗﺘﺎﺵ ﺑﺎﺵ ﺗﺴﺘﺪﻋﻴﻨﺎ ﻟﺪﺍﺭﻙ ؟ ﺍﻟﺠﻤﺎﻋﺔ ﻟﻜﻞ ﻳﺴﺎﻟﻮ ﻓﻴﺎ ﻫﻨﺎ ﻣﺮﺟﻮﻧﻲ ﺭﺍﻫﻢ ؟
- ﻫﻬﻬﻪ ﻣﺎﻭ ﻻﺑﺎﺱ ﺟﺎﻳﻨﻴﻲ ؟
ﻭﻫﺰ ﺭﺍﺳﻮ ﻳﻐﺰﺭﻟﻮ .. ﻧﺤﻰ ﻣﺮﺍﻳﺎﺗﻮ ﻭﻛﺘﻒ ﻳﺪﻳﻪ
- ﺗﻲ ﺍﻧﺎ ﻣﺎﻟﻘﻴﺘﺶ ﺍﻟﻮﻗﺖ ﻟﺮﻭﺣﻲ ﺣﺘﻰ ﺑﺎﺵ ﻧﺨﺮﺝ ﻋﺎﻳﻠﺘﻲ ﺗﺘﻔﺮﻫﺪ ؟ ﺗﻲ ﻫﺎﻙ ﺗﺸﻮﻑ ﻓﻴﺎ ﻣﻠﻠﻲ ﺟﻴﺖ ﻭﺍﻧﺎ ﻏﺎﻃﺲ ؟
ﺿﺤﻚ ﺗﻮﻓﻴﻖ ﻭﻏﺰﺭﻟﻮ
- ﺃﻱ ﺃﻱ ﻫﺎﻧﻲ ﻧﻔﻬﻢ ﻓﻴﻚ .. ﻗﻮﻝ ﻣﺎﺗﺤﺒﻨﺎﺵ ﻧﺸﻮﻓﻮ ﻣﺮﺗﻚ !! ﻫﺎﻡ ﺍﻟﺠﻤﺎﻋﺔ ﻳﺤﻜﻴﻮ ﻗﺎﻟﻮ ﻗﻤﺒﻠﺔ ﻣﺘﺎﻉ ﺯﻳﻦ ﻣﺮﺗﻚ ؟
ﻫﺰ ﺣﻮﺍﺟﺒﻮ ﻭﻏﺰﺭﻟﻮ ﻣﺴﺘﻐﺮﺏ ﻭﺣﺲ ﺍﻟﺪﻡ ﻃﻠﻌﻠﻮ ﻟﺮﺍﺳﻮ .. ﺣﻚ ﻟﺤﻴﺘﻮ ﻭﻋﺪﻯ ﻳﺪﻭ ﻋﻠﻰ ﺷﻌﺮﻭ ﻛﻴﻤﺎ ﻛﻞ ﻣﺎ ﻳﺒﺪﺍ ﻣﺘﻮﺗﺮ
- ﺗﻮﻓﻴﻖ ؟ ﻳﺎﺧﻲ ﻭﺍﻋﻲ ﻋﻠﻰ ﺷﻜﻮﻥ ﻗﺎﻋﺪ ﺗﺤﻜﻲ ﺍﻧﺖ ؟ ﻫﻪ ﻣﺮﺗﻲ ﺭﺍﻫﻲ ﺍﻟﻠﻲ ﺗﺤﻜﻲ ﻋﻠﻴﻬﺎ ؟
- ﺗﺮﺑﺚ ﺗﻮﻓﻴﻖ ﻭﺑﻬﺖ ﻓﻴﻪ
- ﺻﺎﺣﺒﻲ ﻫﻬﻪ ﻳﺎﺧﻲ ﺍﻧﺎ ﺷﻘﻠﺖ ؟ ﻭﺍﻟﻠﻪ ﻣﺎﻧﻘﺼﺪ ﺷﻲ ؟ ﻳﺎﺧﻲ ﺍﺷﺒﻴﻚ ﻣﺤﻤﻮﺩ ؟ ﻧﺴﻴﺖ ﻭﻗﺘﻠﻲ ﻛﻠﻤﺘﻨﻲ ﻓﻲ ﺍﻟﺘﻠﻴﻔﻮﻥ ﻧﻬﺎﺭﺕ ﻋﺮﺳﻚ ؟ ﻣﻮﺵ ﻗﺘﻠﻲ ﻭﺣﺪﺓ ﻗﻌﺮﺓ ﻭﻭ .. ﻗﺺ ﻋﻠﻴﻪ ﻭﻫﺰ ﻳﺪﻭ بﺎﺵ ﻣﺎ ﻳﻜﻤﻠﺶ ﻳﺤﻜﻲ
- CV CV ﻣﺎﻋﺎﺩﺵ ﺗﻜﻤﻞ ﺍﻧﺎ ﺍﻟﻐﺎﻟﻂ ﺍﻟﻠﻲ ﻧﺤﻜﻲ ﻣﻌﺎﻙ ؟
- ﻳﺎﺧﻲ ﺍﺷﺒﻴﻚ ﻣﺤﻤﻮﺩ ﻻﺑﺎﺱ ؟ ﻭﺍﻟﻠﻪ ﻣﺎﻧﻘﺼﺪ ﺷﻲ ﻳﺎ ﻭﻟﺪﻱ ؟ ﻣﺎﺗﻘﻠﻴﺶ ﻭﻟﻴﺖ ؟.. ﺷﻨﻮﺓ ﻣﺤﻤﻮﺩ ؟
ﺷﻌﻞ ﺳﻴﻘﺎﺭﻭ .. ﺣﺲ ﺭﻭﺣﻮ ﻣﺘﻮﺗﺮ .. ﺗﻮﻓﻴﻖ ﺻﺎﺣﺒﻮ ﻣﻠﻲ ﻫﻮﻣﺎ ﻓﻲ ﺗﻮﻧﺲ .. ﻣﻬﻨﺪﺱ ﻛﻴﻔﻮ .. ﻭﻗﺘﻠﻲ ﺷﺪ ﺍﻟﺨﺪﻣﺔ ﺟﺎﺑﻮ ﻣﻌﺎﻩ .. ﻫﻮ ﺍﻟﻮﺣﻴﺪ ﺍﻟﻠﻲ ﻳﻌﺮﻑ ﻋﻠﻴﻪ ﻛﻞ ﺷﻲ .. ﻭﺍﻟﻮﺣﻴﺪ ﺍﻟﻠﻲ ﻳﻔﻬﻤﻮ .. ﻧﻔﺦ ﺍﻟﺴﻴﻘﺎﺭﻭ ﻭﺗﻜﻰ ﺭﺍﺳﻮ ﻋﻠﻰ ﺍﻟﻜﺮﺳﻲ
ﺿﺎﻫﺮﻟﻲ ﻃﺤﺖ ﻋﻠﻰ ﺭﺍﺳﻲ ﻳﺎ ﺗﻮﻓﻴﻖ .. ﺍﻟﻄﻔﻠﺔ ﻣﺎﻓﻴﻬﺎ ﺣﺘﻰ ﻋﻴﺐ ﻫﻬﻪ .. ﺻﺪﻗﻨﻲ ﻭﻟﻴﺖ ﻧﻔﺮﻛﺲ ﻓﻲ ﺍﻟﻌﻴﻮﺏ ﺑﺎﺵ ﻣﺎﻧﺘﻌﻠﻘﺶ ﺑﻴﻬﺎ .
- ﻫﻬﻬﻪ ﺿﺎﻫﺮﻟﻲ ﺧﺎﻟﺘﻲ ﻧﺎﺟﻴﺔ ﺟﺎﺑﺘﻚ ﻟﻠﺜﻨﻴﺔ ﺍﻟﻤﺮﺓ ﻫﺎﺫﻱ ﻫﻬﻬﻪ .. ﺃﻳﺎ ﻣﺒﺮﻭﻙ ﻣﺒﺮﻭﻙ ﻳﺎﺧﻮﻳﺎ ... ﻣﺒﺮﻭﻙ ﺭﺟﻮﻋﻚ ﻟﻠﺪﻧﻴﺎ ... ﻣﺒﺮﻭﻙ ﻋﻠﻴﻚ ﻛﻴﻒ ﺭﺟﻌﺖ ﺗﺤﺲ ﻭﺗﻌﻴﺶ ﺍﻟﺤﺐ ﻛﻴﻔﻨﺎ .. ﺍﻧﺎ ﻣﻠﻲ ﺭﺟﻌﺖ ﻓﻘﺖ ﺑﻴﻚ ﻣﺘﺒﺪﻝ .. ﻫﻬﻪ ﻳﺎﻭﻟﺪﻱ ﺳﺎﻋﺎﺕ ﻧﺸﻮﻓﻚ ﺗﺒﺪﺍ ﻗﺎﻋﺪ ﻣﻌﺎﻧﺎ ﻭﺗﺘﺒﺴﻢ ﻭﺣﺪﻙ ﻧﻘﻮﻝ ﺷﺒﻴﻪ ﻫﺬﺍ ..؟ ﻣﺎﺣﺒﻴﺘﺶ ﻧﺴﺎﻟﻚ .. ﻗﻠﺖ ﺗﻮ ﺗﺠﻲ ﺑﻄﺒﻴﻌﺘﻬﺎ ..
- ﻫﻬﻪ ﻛﻨﺖ ﻧﺴﺨﺎﻳﻞ ﺭﻭﺣﻲ ﻛﺒﺮﺕ ﻋﻠﻰ ﺍﻟﺤﻜﺎﻳﺎﺕ ﻫﺬﻱ .. ﻳﺎﺧﻲ ﻫﺎﻧﻲ ﺭﺟﻌﺖ ﻛﺎﻳﻨﻲ ﻣﺮﺍﻫﻖ ﻭﺍﻟﻠﻪ
ﻗﺎﻡ ﺗﻮﻓﻴﻖ ﻣﻦ ﺑﻼﺻﺘﻮ ﻭﻗﺎﻟﻮ
- ﺍﻣﺎﻻ ﻻﺯﻡ ﻧﺘﻌﺮﻓﻮ ﻋﻠﻴﻬﺎ ﻫﺎﻟﻤﺮﺍ ﺍﻟﻠﻲ ﻗﻠﺒﺘﻠﻚ ﺣﻴﺎﺗﻚ ... ﻻﺯﻡ ﻧﻌﻤﻠﻮ une petite fete ﻓﻲ ﺩﺍﺭﻙ ﻭﻧﺠﻴﺐ ﺍﻧﺎ ﺣﻴﺎﺓ ﻭﻫﺸﺎﻡ ﺑﺎﺵ ﻳﺘﻌﺮﻓﻮ ﻋﻠﻴﻬﺎ
- ﻳﺎﺧﻲ ﺍﻧﺖ ﻭﻻ ﺣﻴﺎﺓ ﻣﺤﺘﺎﺟﻴﻦ ﻣﺴﺘﺎﺫﻧﺎﺕ ﺑﺎﺵ ﺗﺠﻴﻮ ﺗﻄﻠﻮ .. ﺟﻴﺒﻬﺎ ﻭﺍﻳﺠﺎ ﻭﻗﺘﻠﻲ ﺗﺤﺐ .. ﺍﻣﺎ ﺍﻟﺤﻔﻠﺔ ﻋﻨﺪﻙ ﺍﻟﺤﻖ ﺍﻟﺨﺪﺍﻣﺔ ﺍﻟﻜﻞ ﻳﺴﺘﻨﺎﻭ ﻣﻨﻰ ﻓﻲ ﺍﻟﺨﻄﻮﺓ ﻫﺬﻱ ﺗﻮ ﻧﺘﻔﺎﻫﻢ ﻣﻌﺎﻫﺎ ﻭﻗﺘﺎﺵ ﻭﻧﻌﻤﻠﻮﻫﺎ
- ﺑﻮﻥ ﻣﻼ ﻧﺨﻠﻴﻚ ﺗﻮ .. ﺭﺑﻲ ﻳﻬﻨﻴﻚ ﻛﻴﻤﺎ ﻳﻘﻮﻟﻮ ﻓﻴﻬﺎ ﻫﻬﻬﻪ
ﺧﺮﺝ ﻭﺧﻼﻩ ﻳﻜﻤﻞ ﻓﻲ ﺳﻴﻘﺎﺭﻭﻩ .. ﻫﺰ ﺗﻠﻴﻔﻮﻧﻮ ﻭﻛﻠﻤﻬﺎ .. ﻧﻮﻗﺰ ﺷﻮﻳﺔ ﺑﻌﺪ ﻫﺰﺕ
- ﺍﻟﻮﻭﻭ ﻭﻳﻨﻚ ﺍﺵ ﻋﺎﻣﻠﺔ ؟
- ﺿﺤﻜﺖ ﻭﺟﺎﻭﺑﺘﻮ cv !! ﻫﺎﻧﻲ ﻧﻄﻴﺒﻠﻚ ﻓﻲ ﺍﻟﻤﺎﻛﻠﺔ
- ﺃﻣﻢ ﺑﻨﻴﻨﺔ ﺭﻳﺤﺘﻬﺎ ﻫﻪ
- ﻭﺻﻠﺘﻚ ﺍﻟﻐﺎﺩﻱ ؟ ﻫﻬﻪ
- ﻭﺻﻠﺘﻨﻲ ؟ ﺗﻲ ﻛﻞ ﻳﻮﻡ ﻓﻲ ﺧﺸﻤﻲ ﻫﻬﻪ ﻧﺸﻢ ﻓﻴﻬﺎ ﻛﻞ ﻟﻴﻠﺔ
ﺳﻜﺘﺖ ﺣﺴﻬﺎ ﺣﺸﻤﺖ ﻭﻗﻌﺪ ﻳﺘﺨﻴﻞ ﻓﻴﻬﺎ ﻗﺪﺍﻣﻮ ﻭﻫﻲ ﻭﺟﻬﻬﺎ ﺍﺣﻤﺮ ﻭﻫﻮ ﻳﺒﺪﻯ ﻳﺘﻤﻘﺼﺺ ﻋﻠﻴﻬﺎ ﻭﻳﻐﺶ ﻓﻴﻬﺎ ﺑﺎﻟﻜﻼﻡ ﻭﻫﻲ ﻛﻴﻒ ﺍﻟﺒﻮﻫﺎﻟﻴﺔ ﻣﺎﺗﻔﻬﻤﻮﺵ ﻫﻬﻪ ﺗﺒﺪﻯ ﺍﻟﻄﺎﻭﻉ ﻓﻴﻪ ﻟﻴﻦ ﺗﺤﺼﻞ .. ﻳﻮﻟﻲ ﻋﺎﺩﺩ
ﻭﺟﻬﻬﺎ ﺍﺣﻤﺮ ﻭﺗﺘﺮﺑﺚ ﻭﻫﻮ ﻳﺒﺪﻯ ﺷﺎﻳﺦ ﻋﻠﻴﻬﺎ
- ﻭﻕ .. ﻭﻗﺘﺎﺵ ﻣﺮﻭﺡ ﺍﻟﻴﻮﻡ ؟
- ﺍﻧﺸﺎﻟﻠﻪ ﻧﺤﺎﻭﻝ ﺑﻜﺮﻱ .. ﻭﻳﻦ ﻧﻘﻮﻝ ﺑﺪﻳﺖ ﻧﻨﻘﺺ ﻧﻠﻘﻰ ﺷﻲ ﺍﺧﺮ ﻳﺴﺘﻨﻰ ﻓﻴﺎ ؟
- ﺭﺑﻲ ﻳﻌﻴﻨﻚ ... ﻣﻮﺵ ﻣﺸﻜﻞ ﻫﺎﻭ ﻳﻮﺳﻒ ﻣﻌﺎﻳﺎ ﻳﻮﻧﺲ ﻓﻴﺎ
- ﻫﻬﻪ ﺻﺤﺔ ﻋﻠﻴﻪ ﻳﻮﺳﻒ ﻣﺒﻨﻚ ﺷﺎﻳﺦ ﻓﻲ ﻫﺎ ﺍﻟﺒﺮﺩ ﺭﺍﻛﺶ .. ﺣﺘﻰ ﺍﻟﺤﻀﺎﻧﺔ ﻣﻌﺎﺩﺵ ﻳﺤﺐ ﻳﻤﺸﻴﻠﻬﺎ ﺍﻟﺤﻠﻮﻑ .. ﻳﺤﺐ ﻳﻘﻌﺪ ﺑﺤﺬﺍﻙ
- ﻫﻬﻪ ﺧﻠﻴﻪ . ﻫﺎﻧﻲ ﻧﻘﺮﻱ ﻓﻴﻪ ﺍﻧﺎ ﻓﻲ ﺍﻟﺪﺍﺭ ﻭﺍﻟﻠﻪ ﻣﻮﺳﻌﻠﻲ ﺑﺎﻟﻲ .. ﺗﻌﺮﻓﻨﻲ ﻧﺤﺒﻮ ﺑﺮﺷﺔ
- ﺍﻣﻤﻢ ﺗﺤﺒﻮ ﻫﻮ ﻛﻬﻮ ؟ ﻭﺿﺤﻚ
- ﻣﺤﻤﻮ .. ﺩ .. ﻭﺳﻤﻊ ﺗﻨﻬﻴﺪﺗﻬﺎ ﺑﺎﻟﺸﻮﻳﺔ .. ﺧﻠﻲ ﻧﻤﺸﻲ ﻧﺸﻮﻑ ﺍﻟﻤﺎﻛﻠﺔ
ﻭﻋﻠﻘﺖ ﺍﻟﺘﻠﻴﻔﻮﻥ ﺧﻼﺗﻮ ﻳﻀﺤﻚ ﻭﺷﺎﻳﺦ ﻳﻐﺰﺭ ﻟﻠﺘﻠﻴﻔﻮﻥ ﻭﺳﺎﺭﺡ .. ﺣﺲ ﺭﻭﺣﻮ ﻣﺮﺍﻫﻖ ﺻﻐﻴﺮ ﻓﻲ ﺍﻭﻝ ﺑﺪﺍﻳﺎﺗﻮ ﻳﺘﻌﻠﻢ ﻓﻲ ﺍﻟﺤﺐ ..
ﺗﺬﻛﺮ ﺍﻟﻜﺎﻣﻴﺮﺍ ﺍﻟﻠﻲ ﻋﺎﻣﻠﻬﺎ ﻓﻲ ﺩﺍﺭﻭ ﻣﻦ ﻭﻗﺖ ﺍﻟﻠﻲ ﺑﺪﺍ ﻳﻮﺳﻒ ﻳﻜﺒﺮ .. ﻣﺎﻟﻠﻲ ﺟﺎﺀ ﻣﻦ ﺗﻮﻧﺲ ﻣﺎﺣﻠﻬﺎﺵ ﻭﻣﺎ ﺗﻔﻘﺪﺵ ﺍﻟﺪﺍﺭ .. ﻳﻤﻜﻦ ﺧﺎﺗﺮ ﻣﺘﻬﻨﻲ ﺑﻤﺮﺗﻮ ﻭﻧﺴﺎﻫﺎ ﺟﻤﻠﺔ .. ﺿﺤﻚ ﻭﺣﻠﻬﺎ .. ﻛﺎﻧﺖ ﺭﺍﻛﺰﺓ ﻓﻲ ﺑﻴﺖ ﺍﻟﺼﺎﻟﺔ ﺍﻟﻔﻮﻕ ﻣﺎﻳﻔﻴﻖ ﺑﻴﻬﺎ ﺣﺪ .. ﻭﺣﺼّﻞ ﺑﻴﻬﺎ ﺑﺮﺷﺔ ﻣﺮﺑﻴﺎﺕ ﻭﻃﺮﺩﻫﻢ ﻭﻗﺘﻠﻲ ﺷﺎﻓﻬﻢ ﻛﻴﻔﺎﺵ ﻳﻌﺎﻣﻠﻮ ﻓﻲ ﻳﻮﺳﻒ .... ﺣﻂ ﻳﺪﻭ ﻋﻠﻰ ﻟﺤﻴﺘﻮ ﻭﻗﻌﺪ ﻳﺘﻔﺮﺝ ... ﺍﺗﻜﻰ ﻋﻠﻰ ﺍﻟﺒﻴﺮﻭ ﻭﻫﺰ ﺳﺘﻴﻠﻮ ﻓﻲ ﻳﺪﻭ .. ﻣﻦ ﺍﻷﻭﻝ ﺍﻟﺼﺎﻟﺔ ﻛﺎﻧﺖ ﻓﺎﺭﻏﺔ ... ﺷﻮﻳﺔ ﻭﺷﺎﻑ ﻭﻟﺪﻭ ﻳﻮﺳﻒ ﻳﺠﺮﻱ ﻭﻳﻀﺤﻚ ... ﺑﻌﺪ ﺷﺎﻓﻬﺎ ﻫﻲ ﺧﺎﻟﻄﺔ ﻓﻲ ﺟﺮﺗﻮ ... ﻋﻴﻨﻴﻪ ﻭﺳﺎﻋﺖ ﻭﺗﺼﺪﻡ ... ﺍﻛﺜﺮ ﻛﻠﻤﺔ ﺗﻨﺠﻢ ﺗﺘﻘﺎﻝ ﻭﻗﺘﻠﻲ ﺭﺍﻫﺎ.. ﺗﺼﺪﻡ ... 

✴✴✴✴