👑زواج تقليدي👑

👑ﺍﻟﺤﻠﻘﺔ ﺍﻟﺘﺎﺳﻌﺔ...👑

👑👑

ﻏﺰﺭﻟﻬﺎ ﻏﺰﺭﺓ ﻣﺘﺎﻉ ﻟﻮﻡ ( ﻛﺎﻳﻨﻮ ﻳﻠﻮﻡ ﻓﻴﻬﺎ ﻋﻠﻰ ﺟﻴﺒﺎﻥ ﻳﻮﺳﻒ ﻣﻌﺎﻫﻢ ) ﻭﺑﻌﺪ ﺷﻮﻳﺔ ﺧﻼﻫﺎ ﺍﻟﻨﻔﺲ ﻣﻘﻄﻮﻉ ﻋﻠﻴﻬﺎ .. ﻏﻤﻀﺖ ﻋﻴﻨﻴﻬﺎ ﻭﺣﺴﺖ ﺑﺴﺎﻗﻴﻬﺎ ﺍﻟﻜﻞ ﺗﺮﻋﺶ .... ﻭﻫﻮ ﻃﺒﺲ ﻋﻠﻰ ﻭﻟﺪﻭ ﻭﺑﺎﺳﻮ .. ﻫﺎﻙ ﺍﻟﺒﻮﺳﺔ ﻛﺎﻧﺖ ﺑﺎﺵ ﺗﺎﺧﺬﻫﺎ ﻫﻲ ﻭﺗﺤﺮﻣﺖ ﻣﻨﻬﺎ ... ﺍﺍﺍﺍﺍﺍﺍﺍﺍﺍﻩ ﻳﺎﺭﺑﻲ ﻋﻼﻩ ؟ ﻫﺰ ﺭﺍﺳﻮ ﻭﻋﺎﻭﺩ ﻏﺰﺭﻟﻬﺎ ﻭﺗﺒﺴﻢ ﻛﺎﻳﻨﻮ ﻣﺘﺸﻤﺖ ﻓﻴﻬﺎ ... ﻭﻻ ﻳﺠﺒﺪ ﻋﻠﻴﻬﺎ ﺑﺎﻟﻤﺮﺗﺎﺡ ﻫﻬﻪ ... ﺣﺲ ﺍﻟﻠﻲ ﻫﻲ ﺑﺎﺵ ﺗﻤﻮﺕ ﺣﺴﻬﺎ ﻣﺘﺸﻮﻗﺔ ﻟﺒﻮﺳﺘﻮ .. ﻭﻟﻜﻞ ﺷﻲ .. ﻫﻬﻪ ﻳﻌﺮﻑ ﺭﻭﺣﻮ ﻣﺎﻳﺘﻘﺎﻭﻣﺶ .. ( ﻳﺎﻋﻴﻨﻲ ﻋﻠﻴﻚ ﻳﺎ ﻣﺤﻤﻮﺩ ﻛﻴﻒ ﺗﺒﺪﺍ ﺗﻌﺒﺮ )
_ ﻫﺎﻧﺎ ﺧﺎﺭﺟﻴﻦ ﺻﻐﺮﻭﻧﻲ ﻧﻠﺒﺲ ﻭﻧﺨﺮﺟﻮ ...
ﻫﺰ ﺣﻮﺍﻳﺠﻮ ﻭﺩﺧﻞ ﻟﺒﻴﺖ ﺍﻟﺒﺎﻧﻮ ﺑﺎﺵ ﻳﻠﺒﺲ .. ﺧﻠﻲ ﻳﻠﺒﺲ ﻟﻬﻨﺎ ﺧﻴﺮ ﻣﺎﺗﺪﻭﺧﻠﻮ ... ﺗﻲ ﻫﻲ ﻫﻜﺎﻛﺔ ﻭﻭﺟﻬﺎ ﻭﻻ ﻛﻴﻒ ﻛﻌﺒﺔ ﺍﻟﻄﻤﺎﻃﻢ .. ﺧﻠﻲ ﻛﺎﻥ ﻳﻨﺤﻲ ﺣﻮﺍﻳﺠﻮ ﻗﺪﺍﻣﻬﺎ ... ﻫﻬﻬﻪ .. ﺍﻣﺎ ﻣﺤﻼﻩ .... ﻣﺤﻼﻩ ﻭﺟﻬﻬﺎ .. ﻗﺪﺍﺵ ﺗﻮﺣﺸﻬﺎ ... ﺍﻟﺤﺸﻤﺔ ﻋﻨﺪ ﺍﻟﻤﺮﺍ ﻗﺪﺍﺵ ﺗﻮﺣﺸﻬﺎ .. ﻟﻴﻪ ﺑﺮﺷﺔ ... ﺑﺮﺷﺔ .. ﺗﻲ ﺳﻨﻴﻦ ﻣﺎﺭﺍﻫﺎﺵ .. ﺧﻠﻄﺘﻮ ﺑﺎﻟﻨﺴﺎﺀ ﺍﻻﻭﺭﻭﺑﻴﺎﺕ ﻧﺴﺎﻭﻩ ﻓﻴﻬﺎ ... ﺿﺤﻚ ﻭﻫﻮ ﻳﻤﺸﻂ ﻓﻲ ﺷﻌﺮﻭ .. ﺣﻚ ﻟﺤﻴﺘﻮ ﻭﺍﺳﺘﻮﺍﻫﺎ ... ﺣﺲ ﺭﻭﺣﻮ ﻓﺮﺣﺎﻥ .. ﻓﺮﺣﺎﻥ .. ﻣﺎﻳﻌﺮﻓﺶ ﻋﻼﺵ ؟ ﻫﻬﻪ ﻛﺎﻥ ﻣﺎﺟﺎﺵ ﻳﻮﺳﻒ ﻣﻌﺎﻫﻢ ﺭﺍﻫﻲ ﺗﻮ ﻭﻻﺕ ﻣﺮﺗﻮ .. ﻣﻮﺵ ﻋﺎﺭﻑ ﺍﻟﻠﻲ ﺣﺴﻮ ﻣﻌﺎﻫﺎ .. ﻭﻣﻮﺵ ﻓﺎﻫﻤﻮ .. ؟ ﺭﻏﺒﺔ .. ﺭﻏﺒﺔ ﻗﻮﻳﺔ ﺟﺎﺗﻮ ﻭﻫﻮﻳﻐﺰﺭﻟﻬﺎ .. ﻛﻴﻒ ﺭﺍﻫﺎ ﻭﺍﻗﻔﺔ ﻓﻲ ﺍﻟﺒﺎﻟﻜﻮﻥ ﻭﺷﻌﺮﻫﺎ ﻳﻄﺎﻳﺮ ﻭﻫﻲ ﺗﻀﺤﻚ .. ﻣﺎﻧﺠﻤﺶ ﻣﺎﻳﺎﻗﻔﺶ ﻭﻳﻐﺰﺭﻟﻬﺎ .. ﺷﺎﻑ ﻭﻗﺘﻬﺎ ﺍﻟﻠﻲ ﺷﺎﻓﺘﻮ ﺍﻣﻮ ﻓﻴﻬﺎ .. ﺷﺎﻑ ﺍﻟﺤﻼﻭﺓ ﻭﺍﻟﺰﻳﻦ ﻭﺍﻟﺒﺪﻥ ﺍﻟﻠﻲ ﺣﻜﺎﺗﻠﻮ ﻋﻠﻴﻪ ﻧﺎﺟﻴﺔ ... ﺷﺎﻑ ﺍﻟﺒﺮﺍﺀﺓ ﻭﺷﺎﻑ ﺍﻟﺤﺸﻤﺔ .. ﺷﺎﻑ ﺍﻻﻧﻮﺛﺔ ﺍﻟﻠﻲ ﻛﺎﻧﺖ ﻣﺨﺒﻴﺔ ﻓﻲ ﺍﻟﺤﻮﺍﻳﺞ ﺍﻟﺨﺎﻳﺒﺔ ﺍﻟﻠﻲ ﺗﻠﺒﺲ ﻓﻴﻬﻢ ET SURTOUT ﺣﻮﺍﻳﺞ ﺍﻟﺒﺎﺭﺡ ﺍﻋﻌﻌﻌﻌﻌﻌﻌﻌﻌﻌﻊ ﻳﺮﻋﺒﻮ ... ﺧﺴﺎﺭﺓ ﻧﺎﻗﺼﺔ ﺷﻮﻳﺔ ﺍﻧﺎﻗﺔ .. ﻭﻧﺎﻗﺼﺔ ﺛﻘﺎﻓﺔ ... ﻫﻬﻬﻪ ﺍﻣﺎ ﻓﻤﺎ ﺣﺎﺟﺎﺕ ﺃﺧﺮﻯ ﻳﻌﻮﺿﻮ .. ﻛﻴﻤﺎ ﻗﺎﻝ ﻧﺎﺟﻴﺔ ﻣﺎﻛﺶ ﺑﺎﺵ ﺗﺤﻄﻬﺎ ﺑﻮﺭﺗﻮﻛﻠﻲ ﻭﺗﺪﻭﺭ ﺑﻴﻬﺎ .. ﺧﻠﻲ ﻳﺸﻮﻑ ﺍﺧﺮﺗﻬﺎ ﻣﻊ ﺍﻟﺤﺸﺎﻣﺔ ﻫﺎﺫﻱ ... ﻭﻳﻦ ﺑﺎﺵ ﺗﻮﺻﻞ ﻣﻌﺎﻩ ؟ ﺍﻟﻠﻪ ﺍﻋﻠﻢ ﺍﺵ ﻣﺨﺒﻴﺘﻠﻮ ﺍﻻﻳﺎﻣﺎﺕ ؟
ﻗﻌﺪﻭ ﻓﻲ ﻗﻬﻮﺓ ﻓﻲ ﺍﻟﻘﻨﻄﺎﻭﻱ .. ﻭﻳﻮﺳﻒ ﺑﺪﺍ ﻳﺠﺮﻱ ﻭﻳﻠﻌﺐ ﺑﻴﻦ ﺍﻟﻄﻮﺍﻭﻝ .. ﻛﺎﻧﺖ ﻟﺘﻮ ﺣﺎﺳﺔ ﺑﻘﻠﺒﻬﺎ ﻳﺪﻕ ﺑﺎﻟﻘﻮﻱ .. ﻛﺎﻧﺖ ﺗﻠﻬﻲ ﻓﻲ ﺭﻭﺣﻬﺎ ﺑﻴﻮﺳﻒ ﺑﺎﺵ ﻣﺎ ﺗﻐﺰﺭﻟﻮﺵ .. ﻭﻫﻲ ﺣﺎﺳﺘﻮ ﻳﻠﻌﺒﻠﻌﻬﺎ ﺑﺎﻋﺼﺎﺑﻬﺎ ﻭﻳﻀﺤﻚ ﻋﻠﻴﻬﺎ ﻭﻓﺎﻫﻤﻬﺎ ... ﺣﺎﺳﺘﻮ ﻓﺎﻫﻢ ﺍﻟﻠﻲ ﻳﺪﻭﺭ ﻓﻲ ﻣﺨﻬﺎ ﺍﻟﻜﻞ ... ﻓﻬﻢ ﺍﻟﻠﻲ ﻫﻲ ﻛﺎﻧﺖ ﻣﺘﺸﻮﻗﺔ ﻟﺒﻮﺳﺔ ﻣﻨﻮ .. ﻋﻨﺪﻫﺎ ﺍﻟﺤﻖ ﺳﻨﺎﺀ ﻛﻴﻒ ﻗﺎﻟﺖ ﺍﻟﻨﺴﺎﺀ ﺗﺠﺮﻱ ﻓﻲ ﺟﺮﺗﻮ ﻭﺍﻟﻄﺎﻳﺤﺔ ﺍﻛﺜﺮ ﻣﻦ ﺍﻟﻮﺍﻗﻔﺔ ؟ ﻳﺎﺭﺑﻲ ... ﻗﺪ ﻣﺎﺗﺤﻠﻔﺖ ﺍﻟﺒﺎﺭﺡ ﻭﻗﺪﻣﺎ ﺗﻐﺸﺸﺖ ... ﺑﺼﺒﻌﻮ ﺑﺮﻛﺔ ﻃﻴﺤﻨﻲ ؟ ﻳﺎﺭﺑﻲ ﺍﺵ ﺑﺎﺵ ﻧﻌﻤﻞ ﺗﻮ ؟ ﻳﺎﺭﺑﻲ ﻋﻴﻨﻴﻪ ﻳﻬﺒﻠﻮ .. ﻳﺎﺭﺑﻲ ﻧﺤﺒﻮ ﻭﻣﺎﻧﺤﺒﺶ ﻧﻀﻌﻒ ﻗﺪﺍﻣﻮ ...
ﻳﺎﺭﺑﻲ ﻗﻮﻳﻨﻲ .. ﻗﻮﻳﻨﻲ .. ﻣﺎﻧﺤﺒﺶ ﻧﻜﻮﻥ ﺣﺎﺟﺔ ﺳﺎﻫﻠﺔ ﺑﺎﻟﻨﺴﺒﺔ ﻟﻴﻪ ﻳﺎﺧﺬﻧﻲ ﻭﻗﺖ ﻣﺎ ﻳﺤﺐ ؟ ﻧﺤﺒﻮ ﻳﺘﻌﺐ ﺑﺎﺵ ﻳﻮﺻﻠﻠﻲ .. ﻧﻌﺮﻑ ﺍﻟﻠﻲ ﺍﻧﺎ ﻓﻲ ﺍﻟﻠﺨﺮ ﺑﺎﺵ ﻧﻜﻮﻥ ﻟﻴﻪ .. ﺍﻣﺎ ﻧﺤﺒﻮ ﻳﻘﺪﺭﻧﻲ .. ﻳﺤﺲ ﺑﻘﻴﻤﺘﻲ ... ﻣﺎﻧﺤﺒﺶ ﻧﻜﻮﻥ ﻣﺮﺍ ﻛﻴﻤﺎ ﺃﻱ ﻣﺮﺍ ﺑﺎﻟﻨﺴﺒﺔ ﻟﻴﻪ .. ﻧﺤﺐ ﻧﻜﻮﻥ ﻣﻤﻴﺰﺓ .. ﻧﺤﺐ ﻟﻴﻠﺘﻲ ﺍﻷﻭﻟﻰ ﻣﻌﺎﻩ ﺗﻜﻮﻥ ﻣﻤﻴﺰﺓ .. ﻧﺤﺒﻮ ... ﻧﺤﺒﻮ ﻳﺤﺒﻨﻲ .. ﻭﻟﻮﻧﻮ ﺻﻌﻴﺐ ﺍﻧﻮ ﻳﺤﺒﻨﻲ ... ﻟﻜﻦ ﻳﺤﺘﺮﻣﻨﻲ ﻋﺎﻻﻗﻞ .. ﺍﺍﻫﻬﻪ ﻳﺎ ﻗﻠﺒﻲ .. ﻗﺪﺍﺵ ﺑﺎﺵ ﺗﻌﺎﻧﻲ ..
- ﺍﺵ ﺗﺤﺐ ﺗﺸﺮﺏ ؟ ﺳﺎﻟﻬﺎ ﻭﻫﻮ ﻳﻐﺰﺭ ﻟﻮﻟﺪﻭ .. ﻻﺑﺲ LUNETTE ﺷﻤﺲ .. ﺗﺤﺴﻮ ﻣﻮﺵ ﻳﻐﺰﺭﻟﻬﺎ .. ﺍﻣﺎ ﻫﻮ ﻣﺮﻛﺰ ﻣﻌﺎﻫﺎ ... ﻭﻳﺘﺒﻊ ﻓﻴﻬﺎ
- ﺍﻟﻠﻲ ﻳﺠﻲ ..
- ﺍﻣﻤﻢ .. ﻃﻠﺐ SERVEUR ﺟﻴﺒﻠﻨﺎ JUS ﻭﻗﻬﻮﺓ ﻭﻋﻴﻂ ﻟﻴﻮﺳﻒ .. ﻳﺎ ﻳﻮﺳﻒ ﺍﺵ ﺗﺸﺮﺏ ﺑﺎﺑﺎ ؟
- ﺟﺎﺀ ﻳﺠﺮﻱ ﻳﺘﻜﻌﺒﺮ .. ﻗﻌﺪ ﺑﺤﺬﺍ ﺧﺪﻳﺠﺔ . ﻋﻨﻘﺘﻮ ﻭﺣﻄﺘﻮ ﻋﺎﻟﻜﺮﺳﻲ .. ﺗﻠﻔﺘﻠﻮ ﺑﻮﻩ ﻳﻀﺤﻚ
- ﺷﻨﻮﺓ ﺍﺣﻨﺎ ﻣﻌﺎﺩﺵ ﻧﻀﺤﻴﻮ ؟ ﻫﻬﻪ ﻋﻨﺪﻙ ﺍﻟﺤﻖ .. ﺣﺘﻰ ﺍﻧﺖ ﻭﻟﻴﺖ ﺗﺤﺐ ﺍﻟﺘﻌﻨﻴﻖ ﻛﻴﻒ ﺑﻮﻙ ؟ ﻫﻬﻪ
ﺫﺍﺑﺖ ﻭﺣﺸﻤﺖ .. ﺗﻠﻔﺘﺖ ﺗﻠﻘﻰ ﺯﻭﺯ ﻛﻮﺑﻠﻮﺍﺕ ﻗﺎﻋﺪﻳﻦ ﺑﺤﺬﺍﻫﻢ ﻭﻻﻭ ﻳﻀﺤﻜﻮ .. ﻭﻫﻮ ﺗﺒﺴﻢ .. ﻫﻮ ﻳﻌﻤﻞ ﺑﻠﻌﺎﻧﻲ ﺑﺎﺵ ﻳﺸﻮﻑ ﻭﺟﻬﻬﺎ ﻳﺤﻤﺎﺭ .. ﻳﺸﻴﺦ ﻛﻴﻒ ﻳﺸﻮﻓﻮ ﻫﻜﺎﻛﺔ ...
ﺫﻳﺒﻠﻲ ﺫﻱ –
- ﺑﺎﻫﻲ ﺑﺎﺑﺎ .. ﻧﺠﻴﺒﻠﻚ ﻣﺎﻻ ﻻ
ﻗﻌﺪﻭ ﻳﻠﻌﺒﻮ ﻣﻊ ﻳﻮﺳﻒ ﻭﻳﻀﺤﻜﻮ ﻣﻌﺎﻩ ﻭﻋﺪﺍﻭﻫﺎ ﻗﺮﻳﺐ ﻧﺼﻒ ﻧﻬﺎﺭ ﻭﻫﻮﻣﺎ ﻳﻠﻌﺒﻮ ﻓﻴﻪ ﻓﻲ ﺍﻟﻤﺎﻧﺎﺝ .. ﺗﻔﺮﻫﺪﻭ ﻭﺷﺎﺧﻮ ﻭﺿﺤﻜﻮ .. ﺃﻱ ﻭﺍﺣﺪ ﻳﺮﺍﻫﻢ ﻳﺤﺴﻬﻢ ﻋﺎﻳﻠﺔ ﻓﺮﺣﺎﻧﺔ .. ﺍﻣﺎ ﺍﻟﺪﺧﻼﻧﻲ ﻳﻌﻠﻢ ﺑﻴﻪ ﻛﺎﻥ ﺭﺑﻲ
- ﻳﺎﺧﻲ ﻧﺎﺟﻴﺔ ﻣﻨﻴﻦ ﺗﻌﺮﻓﻚ ؟ ﺳﺎﻟﻬﺎ ﻭﻗﺘﻠﻲ ﻫﻮﻣﺎ ﻳﺘﻤﺸﺎﻭ ﺑﺤﺬﺍ ﺍﻟﺒﺤﺮ ﻭﻳﻮﺳﻒ ﻳﻤﺸﻲ ﻗﺪﺍﻣﻬﻢ ( ﻳﻌﺮﻑ ﺍﻣﺎ ﻳﺘﺒﻬﻨﺲ ﻳﺤﺐ ﻳﺴﻤﻌﻬﺎ ﻫﻲ ﺍﺵ ﺑﺎﺵ ﺗﻘﻮﻝ )
- ﻓﻲ ... ﻓﺎﻝ .. ( ﺗﺮﺑﺜﺖ ) ﻓﻴﺎﻟﺤﻮﻣﺔ .. ﻛﻨﺖ ﺩﻳﻤﺎ ﻧﺮﺍﻫﺎ ﻓﻲ ﺍﻟﺤﻮﻣﺔ ﻭﻓﻲ ..
- ﺍﻣﻤﻤﻢ ﻓﻬﻤﺘﻚ .. ﺍﻣﺎ ﻫﻲ ﺗﺤﺒﻚ ﺑﺮﺷﺔ .. ﻧﻬﺎﺭ ﺍﻟﻜﻞ ﻭﻫﻲ ﺗﺸﻜﺮﻟﻲ ﻓﻴﻚ ﻭﺗﻤﺠﺪ ﻟﻴﻦ ﻓﻠﻘﺘﻠﻲ ﺭﺍﺳﻲ ...
- ﻫﻪ ﺍﻣﻲ ﻧﺎﺟﻴﺔ ﺍﻟﻨﺎﺱ ﻟﻜﻞ ﺗﺤﺒﻬﺎ ﻟﺴﺎﻧﻬﺎ ﺣﻠﻮ ﻭﻃﺒﻴﻌﺘﻬﺎ ﻣﺤﻼﻫﺎ .. ﺭﺑﻲ ﻳﺨﻠﻴﻬﺎﻟﻚ ﺍﻧﺸﺎﻟﻠﻪ ( ﻭﺗﻨﻬﺪﺕ ) ﻃﺒﺴﺖ ﺭﺍﺳﻬﺎ ﻭﻫﻮ ﻏﺰﺭﻟﻬﺎ ﻭﺍﻟﺴﻴﻘﺎﺭﻭ ﻓﻲ ﻳﺪﻭ
- ﻗﺪﺍﺵ ﻋﻤﺮﻙ ﻭﻗﺘﻠﻲ ﻣﺎﺗﺖ ﺍﻣﻚ ؟
- 11 ﺳﻨﺔ .. ﻛﺎﻥ ﻋﻨﺪﻫﺎ .. ﻋﻨﺪﻫﺎ ﺍﻟﻤﺮﺽ ﺍﻟﺨﺎﻳﺐ ﺧﻄﻔﻬﺎ ﺧﻄﻔﺎﻥ .. ﺍﻟﻠﻪ ﻳﺮﺣﻤﻬﺎ
- ﺍﻟﻠﻪ ﻳﺮﺣﻤﻬﺎ .. ﺣﺘﻰ ﺍﻧﺎ ﺑﺎﺏا ﻣﺎﺕ ﺑﻴﻪ .. ﻫﺬﻳﻜﺔ ﺍﻟﺪﻧﻴﺎ .. ﺍﻣﺎ .. ﺍﻣﺎ ﻧﺤﺲ ﻣﺮﺕ ﺑﻮﻙ ﺻﻌﻴﺒﺔ ﻣﻌﺎﻙ ؟
- ﻫﻪ ﻫﻲ ﺻﻌﻴﺒﺔ ﺑﺮﻙ .. ﺗﻲ ﺣﻴﺎﺗﻲ ﺭﺩﺗﻬﺎﻟﻲ ﺟﺤﻴﻢ .. ﺗﻲ .. ( ﻭﺳﻜﺘﺖ )
- ﺃﻣﻢ ﻧﺴﻤﻊ ﻓﻴﻚ ﺍﺵ ﻛﻨﺖ ﺑﺎﺵ ﺗﻘﻮﻝ ؟ ﻭﻗﻔﺖ ﻭﻏﺰﺭﺗﻠﻮ .. ﻛﺎﻥ ﻻﺑﺲ ﻣﺮﺍﻳﺎﺗﻮ ﻣﺎﺷﻔﺘﺶ ﻋﻴﻨﻴﻪ ﺍﻣﺎ ﺣﺴﺘﻮ ﻳﻐﺰﺭﻟﻬﺎ
- ﻣﺎﻧﺤﺒﺶ ﻧﻜﺴﺮﻟﻚ ﺭﺍﺳﻚ ﺑﺤﻜﺎﻳﺘﻲ .. ﺍﺣﻨﺎ ﺟﻴﻨﺎ ﺑﺎﺵ ﻧﺘﻔﺮﻫﺪﻭ .. ﻣﺎﻧﺤﺒﺶ ﻧﺘﻔﻜﺮﻫﺎ ﻭﻻ ﻧﺤﻜﻲ ﻋﻠﻴﻬﺎ
ﺣﻂ ﺍﻟﺴﻴﻘﺎﺭﻭ ﻓﻲ ﻓﻤﻮ ﻭﻋﺎﻭﺩ ﺟﺒﺪﻭ .. ﻛﺎﻥ ﻣﺮﻛﺰ ﻣﻊ ﻭﺟﻬﻬﺎ .. ﺷﻌﺮﻫﺎ ﻋﺎﻣﻠﺘﻮ ﻇﻔﺮﺓ ﻋﻠﻰ ﺟﻨﺐ .. ﺯﺍﺩ ﺣﻼﻫﺎ .. ﺭﺩﻫﺎ ﻛﻴﻒ ﺍﻟﻄﻔﻠﺔ ﺍﻟﺼﻐﻴﺮﺓ .. ﺟﺎﺗﻮ ﺑﺮﺷﺔ ﺍﺣﺎﺳﻴﺲ ﻭﻫﻮ ﻳﻐﺰﺭﻟﻬﺎ .. ﺣﺐ ﻳﺒﻮﺳﻬﺎ ﻣﻦ ﻋﻴﻨﻴﻬﺎ .. ﻫﻬﻬﻪ .. ﻋﻴﻨﻴﻬﺎ ﻳﺠﺒﺪﻭ ﻣﺤﻼﻫﻢ .. ﺭﻣﻮﺷﻬﻢ ﻃﻮﺍﻝ .. ﻗﺪ ﻣﺎ ﻗﻌﺪ ﻳﻘﻨﻊ ﻓﻲ ﺭﻭﺣﻮ ﺍﻟﻠﻲ ﻫﻮ ﻳﻤﻴﻞ ﻟﻠﺸﻘﺮﺍﺀ ﻟﻘﺎ ﺭﻭﺣﻮ ﻣﺎﻳﻠﻠﻬﺎ ﻣﻦ ﻏﻴﺮ ﻣﺎ ﻳﺸﻌﺮ .. ﻣﻮﺵ ﺑﺎﺵ ﻳﻘﻮﻝ ﺣﺐ ﺧﺎﺗﺮ ﻣﺎﺯﺍﻝ ﻣﺎﻭﺻﻠﺶ ﻟﺪﺭﺟﺔ ﺍﻟﺤﺐ .. ﺍﻣﺎ .. ﺍﻣﺎ ﺇﺣﺴﺎﺱ ﺭﻗﻴﻖ ﻧﺎﺣﻴﺘﻬﺎ ... ﻳﻤﻜﻦ ﺧﺎﺗﺮ ﻫﻲ ﻣﺨﺘﻠﻔﺔ ﻋﺎﻟﻠﻲ ﺷﺎﻓﻬﻢ .. ﻣﺨﺘﻠﻔﺔ ﻋﻠﻰ ﻛﺮﻳﺴﺘﻴﻦ .. ﺗﻲ ﻫﻲ ﺍﻟﻨﻘﻴﺾ ﻣﺘﺎﻋﻬﺎ ﻣﻮﺵ ﻣﺨﺘﻠﻔﺔ ﺑﺮﻙ .. ﺣﺎﺟﺔ ﺟﺪﻳﺪﺓ ﻣﺎﺯﺍﻝ ﻣﺎﻋﺮﻓﻬﺎﺵ .. ﻧﻜﻬﺔ ﺟﺪﻳﺪﺓ ﻳﺤﺐ ﻳﺬﻭﻗﻬﺎ ... ﻓﺎﻛﻴﺔ ﺣﻠﻮﺓ ﻳﺤﺐ ﻳﺤﺲ ﺑﻄﻌﻤﻬﺎ ﻓﻲ ﻓﻤﻮ ... ﻫﻬﻪ ﻭﺯﻳﺪ ﻋﻠﻰ ﻫﺬﺍ ﺍﻟﻜﻞ ﻫﻲ ﻣﺮﺗﻮ .. ﻣﺮﺗﻮ .. . ﻣﺮﺗﻮ ﺍﻟﻠﻲ ﺑﺎﺵ ﺗﺮﺑﻴﻠﻮ ﻭﻟﺪﻭ ﻭﺗﻌﻴﺶ ﻣﻌﺎﻩ ... ﻣﺎﻗﺺ ﻋﻠﻰ ﺍﻓﻜﺎﺭﻭ ﻛﺎﻥ ﺻﻮﺕ ﺍﻟﺘﻠﻴﻔﻮﻥ .. ﻣﻮﺵ ﺗﻠﻴﻔﻮﻧﻮ .. ﺗﻠﻴﻔﻮﻥ ﻣﺮﺗﻮ .. ﻫﺰﺕ ﺍﻟﺘﻠﻴﻔﻮﻥ ﻭﻫﻮ ﻣﺮﻛﺰ ﻣﻌﺎﻫﺎ ﻭﻳﻐﺰﺭﻟﻬﺎ ..
- ﺍﺷﻜﻮﻥ ؟
- ﺱ .. ﺳﻨﺎﺀ
ﻣﺎﻳﻌﺮﻓﺶ ﻋﻼﺵ ﺣﺲ ﺑﻨﺨﺰﺓ ﻓﻲ ﻗﻠﺒﻮ ﻛﻴﻒ ﻧﻮﻗﺰ ﺍﻟﺘﻠﻴﻔﻮﻥ .. ﺍﻟﺘﻠﻴﻔﻮﻥ ﺍﻟﻠﻲ ﻫﻮ ﻣﺎ ﻳﻌﺮﻓﺶ ﻧﻮﻣﺮﻭﻩ .. ﻭﻗﺪﺍﺵ ﺍﺭﺗﺎﺡ ﻛﻴﻒ ﻋﺮﻑ ﺍﻟﻠﻲ ﻫﻲ ﺳﻨﺎﺀ ﺍﺧﺘﻮ .. ﻣﻮﺵ ﺣﺪ ﺍﺧﺮ ...
جااام✅

✴✴✴✴