👑زواج تقليدي👑

👑الحلقة السابعة عشر...👑

👑👑

ﻓﻴﻘﻬﺎ ﺻﻮﺕ ﺍﻟﺘﻠﻴﻔﻮﻥ ... ﺷﺪﻳﻨﻮﻗﺰ ﻳﻨﻮﻗﺰ ﻣﺎﺣﺒﺶ ﻳﺴﻜﺖ .. ﺗﻠﻔﺘﺖ ﻭﺭﺍﻫﺎ ﻟﻘﺎﺕ ﻣﺤﻤﻮﺩ ﻣﺶ ﻓﻲ ﺑﻼﺻﺘﻮ ﻭﺳﻤﻌﺖ ﺻﻮﺕ ﺍﻟﺪﻭﺵ ... ﻏﺰﺭﺕ ﻟﻠﺘﻠﻴﻔﻮﻥ ﻭﻋﻴﻨﻴﻬﺎ ﺷﻄﺮ ﻣﻐﻤﻀﻴﻦ - ﺍﻟﻮ؟
- ﺍ .. ﺍﻟﻮ .. ﺗﻠﻴﻔﻮﻥ ﺳﻲ ﻣﺤﻤﻮﺩ؟ﻛﺎﻥ ﺻﻮﺕ ﺭﺍﺟﻞ ﻭﻳﺘﻜﻠﻢ ﺑﺎﻟﻌﺮﺑﻲ ... ﻫﺰﺕ ﺭﺍﺳﻬﺎ ﻭﺭﻛﺰﺕ ﻣﻌﺎﻩ
- ﺍﻱ ﺍﻱ ﺗﻠﻴﻔﻮﻧﻮ . ﺍﻧﺎ ﻣﺮﺗﻮ !
- ﺍﻫﻼ ﻣﺪﺍﻡ ... ﺳﺎﻣﺤﻨﻲ ﻗﻠﻘﺘﻚ ... ﺍﻣﺎ ﺳﻲ ﻣﺤﻤﻮﺩ ﻣﺎﺟﺎﺵ ﻳﺨﺪﻡ ﻭﻣﺎ ﺗﻜﻠﻤﺶ ... ﻓﻲ ﺍﻟﺤﻘﻴﻘﺔ ﺗﺤﻴﺮﻧﺎ ... ﻫﻮ ﻳﺘﻜﻠﻢ ﻭﻣﺤﻤﻮﺩ ﺧﺮﺝ ﻣﻦ ﺍﻟﺪﻭﺵ ... ﻻﻑ ﻣﻨﺸﻔﺔ ﺻﻐﻴﺮﺓ ﻋﻠﻰ ﺣﺰﺍﻣﻮ ﻭﻣﻨﺸﻔﺔ ﻳﻨﺸﻒ ﺑﻴﻬﺎ ﻓﻲ ﺭﺍﺳﻮ ... ﻫﺰﺕ ﺍﻟﺘﻠﻴﻔﻮﻥ ﻭﺍﻋﻄﺎﺗﻬﻮﻟﻮ ﻗﺘﻠﻮ ﺑﺎﻟﺸﻮﻳﺔ ﻭﻫﻮ ﻳﺴﺎﻝ ﻓﻴﻬﺎ ﺑﻌﻴﻨﻴﻪ
- ﺍﻟﺨﺪﻣﺔ ﺍﻟﺨﺪﻣﺔ
ﻫﺰ ﺑﺮﺍﺳﻮ ﻭﺧﺬﺍ ﺍﻟﺘﻠﻴﻔﻮﻥ -... ﺍﻟﻮ ... ﻗﻌﺪﻳﺤﻜﻲ ﻭﻳﻐﺰﺭﻟﻬﺎ ... ﺗﺒﺴﻤﺘﻠﻮ . ﻭﻫﺰﺕ ﻟﻐﻄﺎﺀ ﻋﺎﻟﻠﺨﺮ .. ﺣﺸﻤﺖ ﻋﺎﻟﻠﺨﺮ ﻭﻫﻮ ﻳﻬﺰ ﻓﻴﻬﺎ ﻭﻳﺤﻂ .. ﺣﺘﻰ ﻭﻫﻮ ﻳﺘﻜﻠﻢ ﻣﻮﺵ ﻣﺨﻠﻴﻬﺎ ...
- ﻣﺎﺗﻜﻠﻤﺘﺶ ﻧﺴﻴﺖ .. ﺗﻠﻬﻴﺖ ﻓﻤﺎ ﻣﺸﻜﻞ؟ ... ﻭﻗﻌﺪ ﻳﺴﻤﻊ ﻭﻃﺒﺲ ﻋﻠﻴﻬﺎ ﺑﺎﺳﻬﺎ ﻣﻦ ﺟﺒﻴﻨﻬﺎ .. ﻭﺩﺯﻫﺎ ﺷﻮﻳﺔ ﻗﻌﺪ ﺑﺤﺬﺍﻫﺎ ... ﻛﺎﻧﺖ ﺭﻳﺤﺘﻮ ﺗﻌﺸﻖ ... ﻭﺑﺪﻧﻮﺳﺨﻮﻥ ﻭﻳﺸﻬﻲ ﻫﻬﻬﻪ ....
- ﺍﻩ ﻭﺍﻟﻠﻪ ﻧﺴﻴﺖ ﻳﺎﺗﻮﻓﻴﻖ !!! ﺑﺎﻫﻲ ﺑﺎﻫﻲ .. ﻣﺎﻧﻴﺶ ﺟﺎﻱ ﺍﻟﻴﻮﻡ
- .......
- ﺍﺵ ﻳﻬﻤﻚ ﻓﻲ ﻭﻟﺪﻳﺎ ﺍﻧﺖ ؟ ﻭﺗﻠﻔﺘﻠﻬﺎ ﺷﺪﻫﺎ ﺭﺍﺳﻬﺎ ﻭﻏﺮﺳﻮ ﻓﻲ ﺻﺪﺭﻭ ... ﻗﻌﺪﺕ ﺗﺸﻢ ﻓﻲ ﺭﻳﺤﺘﻮ ﻭﻏﻤﻀﺖ ﻋﻴﻨﻴﻬﺎ ﻭﻛﻤﻞ ﻳﺤﻜﻲ ... ﺗﺴﻤﻊ ﻓﻲ ﺍﻟﻀﺤﻚ ﻓﻲ ﺍﻟﺘﻠﻴﻔﻮﻥ ﻭﻫﻮﺗﺒﺴﻢ
- ﺑﺎﻫﻲ ﺍﺵ ﺗﺤﺐ ﺍﻧﺖ ﺗﻮ؟ﻣﺎﻧﺠﻤﺶ ﻧﻘﻌﺪ ﻣﻊ ﻣﺮﺗﻲ ﺍﻧﺎ ﻣﻦ ﻏﻴﺮ ﻣﺎ ﻳﻘﻠﻘﻨﻲ ﺣﺪ ؟ ﻳﺰﻱ ﻋﺎﺩ ﻓﺪﻳﺖ ﻣﺎﻟﻠﻰ ﺟﻴﺖ ﻭﺍﻧﺎ ﻧﺨﺪﻡ !! ﺧﻠﻴﻨﻲ ﻧﺮﺗﺎﺡ ﻧﻬﺎﺭ .!!
..... -
- ﺑﺎﻫﻲ ﺗﻮ ﻧﺘﻔﺎﻫﻢ ﻣﻌﺎﻫﺎ ﻭﻧﻘﻠﻜﻢ ﺑﺎﻫﻲ .. ﺍﻳﺎ ﺳﻴﺒﻨﻲ ﺗﻮ ﻋﻨﺪﻱ ﻣﺎﻧﻌﻤﻞ !
ﻋﻠﻖ ﺍﻟﺘﻠﻴﻔﻮﻥ ﻭﺗﻠﻔﺘﻠﻬﺎ ... ﻫﺰﻟﻬﺎ ﺭﺍﺳﻬﺎ ﻭﺑﺎﺳﻬﺎ ..
- ﺳﺎﻣﺤﻨﻲ ﺗﻌﺒﺘﻚ ... ﻭﺗﻨﻬﺪ ... ﻧﻌﺮﻑ ﺭﻭﺣﻲ ﺗﻌﺒﺘﻚ ﻭﻣﺎ ﺧﻠﻴﺘﻜﺶ ﺗﺮﺗﺎﺡ !!! ﻋﻀﺖ ﻋﻠﻰ ﺷﻔﺘﻬﺎ ﻭﻃﺒﺴﺖ ﺭﺍﺳﻬﺎ ﻭﻫﻮ ﺿﺤﻚ
- ﺣﺎﺱ ﺑﻴﻚ ﻣﻮﺟﻮﻋﺔ ... ﺍﻣﺎ ﺍﻟﻠﻪ ﻏﺎﻟﺐ ﻣﺎﻧﺠﻤﺘﺶ ﻧﺸﺪ ﺭﻭﺣﻲ ﻋﻠﻴﻚ ... ﻣﺎﻧﺠﻤﺘﺶ ... ﺗﻲ ﺣﺘﻰ ﻋﻨﺪﻱ ﺍﺟﺘﻤﺎﻉ ﻧﺴﻴﺘﻮ ﺟﻤﻠﺔ ﻳﺎ ﺑﻮ ﻗﻠﺐ .. ﻭﺍﻟﻠﻪ ﻧﺴﻴﺖ ﻛﻞ ﺷﻲ ... ﻭﻏﺰﺭﻟﻬﺎ ﻓﻲ ﻋﻴﻨﻴﻬﺎ ﺑﻜﻞ ﺷﻮﻕ ﻭﺣﻨﻴﺔ
- ﺿﺎﻫﺮﻟﻲ ﺑﺎﺵ ﻧﺒﺮﻙ ﺑﺤﺬﺍﻙ ﻫﻮﻧﻲ ﻣﺎﻋﺎﺩﺵ ﻣﺘﺤﺮﻙ ﻣﻦ ﺟﻨﺒﻚ ؟
- ﻣﺤﻤﻮﺩ ؟ ﺗﺒﺴﻤﺖ ﺑﺪﻻﻝ ﻭﺣﺸﻤﺔ .. ﻳﺰﻳﺘﺸﻲ ﺗﻮ؟
ﻭﻗﻒ ﻭﻫﻮ ﻳﺘﻨﻬﺪ ... ﻋﺪﻯ ﻳﺪﻳﻪ ﻋﻠﻰ ﺷﻌﺮﻭ ﻭﻧﻔﺦ
- ﺍﻟﺤﺎﺳﻞ ﻣﺎ ﻋﺎﺩﺵ ﻓﻴﻬﺎ ... ﻫﻴﺎ ﻫﻴﺎ ﻗﻮﻡ ﻧﺨﺮﺟﻚ ﺷﻮﻳﺔ .. ﻧﻔﻄﺮﻭ ﺍﻟﺒﺮﺓ ﻭﺑﻌﺪ ﻧﺘﻌﺪﺍﻭ ﻟﻴﻮﺳﻒ ﻧﺮﻭﺣﻮ ﺑﻴﻪ
ﻗﻌﺪﺕ ﺗﻐﺰﺭﻟﻮ ﻭﺍﻟﻔﺮﺣﺔ ﺑﺎﺱ ﺗﺘﻨﻄﺮ ﻣﻦ ﻋﻴﻨﻴﻬﺎ
- ﺑﻠﺤﻖ ﻣﺤﻤﻮﺩ ؟ ﺑﺎﺵ ﺗﺨﺮﺟﻨﻲ؟
ﺣﻞ ﺍﻟﺨﺰﺍﻧﺔ ﻳﺠﺒﺪﻓﻲ ﺣﻮﺍﻳﺠﻮ ﻭﺗﻠﻔﺘﻠﻬﺎ
- ﺑﻠﺤﻖ .. ﻭﻗﻮﻡ ﻓﻴﺴﻊ ﺧﺎﺗﺮ ﻣﻨﻈﺮﻙ ﻫﻜﺔ ﻳﻐﺮﻳﻨﻲ ﻭﻳﺨﻠﻴﻨﻲ ﻧﺨﻤﻢ ﺑﺎﺵ ﻧﺒﺪﻝ ﺭﺍﻳﻲ؟
ﻗﺎﻣﺖ ﺗﺠﺮﻱ ﻭﻫﻲ ﻻﻓﺔ ﺍﻟﻤﻠﺤﻔﺔ ﻋﻠﻰ ﺑﺪﻧﻬﺎ ... ﻣﻦ ﺍﻟﺠﺮﻱ
ﻣﻦ ﺍﻟﺠﺮﻱ ﺍﺩﻋﺜﺮﺕ ... ﻭﻫﻮ ﻭﻻ ﻳﻀﺤﻚ .... ﻣﻴﺖ ﺑﺎﻟﻀﺤﻚ ﻋﻠﻴﻬﺎ ...
ﻗﻌﺪ ﻳﺪﻭﺭ ﺑﻴﻬﺎ ﻓﻲ ﺍﻟﺒﻼﺩ ﻭﻫﻲ ﺣﺎﻟﺔ ﻓﻤﻬﺎ ﻭﺑﺎﻫﺘﺔ ﻓﻲ ﺍﻟﺒﻨﻲ ﻭﺍﻟﺸﻮﺍﺭﻉ ... ﻫﺰﻫﺎ ﻟﻠﺸﻮﻧﺰﻳﻠﻴﺰﻱ .. ﻗﻌﺪﻭ ﻓﻲ ﻣﻄﻌﻢ ... ﻛﺎﻧﺖ ﻻﺑﺴﺔ ﺳﺮﻭﺍﻝ ﺩﺣﻴﻦ ﻧﻮﺍﺭ ﻭﺗﺮﻳﻜﻮ ﻧﻮﺍﺭ ﻭﻛﺒﻮﻁ ﺍﺯﺭﻕ ﻭﺑﻮﻧﻲ ﻧﻮﺍﺭ ... ﺧﺎﺗﺮ ﺍﻟﻄﻘﺲ ﺑﺎﺭﺩ .. ﺷﻌﺮﻫﺎ ﻣﺤﻠﻮﻝ ﺗﺤﺖ ﺍﻟﺒﻮﻧﻲ .. ﻗﻌﺪ ﻳﺘﻐﺰﻝ ﺑﻴﻬﺎ ﻭﻫﻮﻣﺎ ﻗﺎﻋﺪﻳﻦ ﻓﻲ ﺍﻟﻄﺎﻭﻟﺔ .... ﺷﺪ ﺗﻠﻴﻔﻮﻧﻮ ﻭﺑﺪﺍ ﻳﺼﻮﺭ ﻓﻴﻬﺎ ﻭﻫﻲ ﺗﻀﺤﻚ
- ﻣﺤﻼﻙ ... ﻗﺪﺍﺵ ﻭﺗﺎﺗﻚ ﺍﻟﺒﻮﻧﻲ ... ﻭﻗﺮﺑﻠﻬﺎ ﺑﺎﺳﻬﺎ ﻣﻦ ﺷﻔﺎﻳﻔﻬﺎ ... ﺣﺸﻤﺖ ﻭﻃﺒﺴﺖ ﺭﺍﺳﻬﺎ
- ﻭﻩ ﻣﺤﻤﻮﺩ ﺍﻟﻨﺎﺱ ﺗﺘﻔﺮﺝ !
- ﻫﻬﻬﻬﻪ ﻳﺎﺧﻲ ﺗﺴﺨﺎﻳﻠﻨﺎ ﻓﻲ ﺗﻮﻧﺲ ؟. ﻟﻬﻨﺎ ﻛﻞ ﺷي ﺟﺎﻳﺰ ﻭﺣﺪ ﻣﺎﻻﻫﻲ ﺑﺤﺪ ﻫﻬﻬﻪ
- ﺍﻱ ... ﻭﻟﻮ ... ﺍﻧﺎ .. ﺍﻧﺎ ﻧﺤﺸﻢ ...
ﻗﺮﺑﻠﻬﺎ ﻳﻌﻨﻖ ﻓﻴﻬﺎ
- ﻛﺎﻥ ﺑﺎﺵ ﻧﺘﺒﻌﻚ ﺍﻧﺖ ﻣﺎﻋﺎﺩﺵ ﻧﻤﺴﻚ ﺑﻠﻜﻞ . ﻫﻬﻬﻪ .. ﻳﺎﺑﻨﺘﻲ ﺍﺳﻜﺖ ﻭﺧﻠﻴﻨﻲ ﻧﺘﺼﺮﻑ ... ﺭﺍﻙ ﻣﺮﺗﻲ .. ﺗﻌﺮﻑ ﺍﺵ ﻣﻌﻨﺘﻬﺎ ﻣﺮﺗﻲ ؟ ﻳﻌﻨﻲ ﻋﻨﺪﻱ ﺍﻟﺤﻖ ﺑﺎﺵ ﻧﺒﻮﺱ ﻭﻧﻌﻨﻖ ﻭﻧﺮﻗﺪ ﻣﻌﺎﻙ ﻭﻗﺘﻠﻲ ﻧﺤﺐ ﻭﻭﻳﻦ ﻣﺎﻧﺤﺐ ؟ ﻭﺍﺿﺢ ؟
- ﻻ ﺍﻧﺖ ﻇﺎﻫﺮ ﻓﻴﻚ ﻫﺒﻠﺖ ؟
- ﻫﺒﻠﺖ ﻫﺒﻠﺖ ﻭﺑﺎﺳﻠﻬﺎ ﺧﺪﻫﺎ ... ﻫﺒﻠﺖ ﺑﻴﻚ . ﻫﻬﻬﻪ . ﻫﻴﺎ ﻧﺮﻭﺣﻮ؟
ﻗﺤﺮﺗﻠﻮ ﻭﻋﻴﻨﻴﻬﺎ ﻭﺳﺎﻋﺖ
- ﻣﺤﻤﻮﺩ؟
- ﻫﻬﻬﻬﻪ ﻧﻔﺪﻟﻚ ﻧﻔﺪﻟﻚ
ﻭﺗﻠﻔﺖ ﻋﻴﻂ lserveur ﻭﻃﻠﺐ ﻣﺎﻛﻠﺔ ﻭﻗﺎﻟﻬﺎ ﺍﺵ ﺗﺤﺐ؟
ﺗﻠﻔﺘﺖ ﻫﻲ ﻝ serveur ﻭﻗﻌﺪﺕ ﺗﺴﺎﻝ ﻓﻴﻪ ﺑﺎﻟﻔﺮﻧﺴﻴﺔ ﻭﻃﻠﺒﺖ ﺍﺵ ﺗﺤﺐ ... ﻭﻫﻮ ﻗﻌﺪ ﻳﻐﺰﺭﻟﻬﺎ ﺑﺎﻫﺖ ... ﻛﺎﻧﺖ ﺗﺤﻜﻲ ﺑﺎﻟﻔﺮﻧﺴﻴﺔ ﻛﺎﻳﻨﻲ ﺗﺤﻜﻲ ﺑﺎﻟﻌﺮﺑﻲ ﻣﺎﻋﻨﺪﻫﺎﺵ ﻣﺸﻜﻞ .... ﻫﻮ ﻋﻤﺮﻭ ﻣﺎ ﺳﺎﻟﻬﺎ ﻋﻠﻰ ﻧﻴﻔﻮ ﻣﺘﺎﻋﻬﺎ ... ﺧﺎﺗﺮ ﻣﺎ ﺣﺒﺶ ﻳﺤﺮﺟﻬﺎ ... ﻣﻦ ﺍﻻﻭﻝ ﻛﺎﻧﺖ ﻣﻘﻠﻘﺘﻮ ﺍﻟﺤﻜﺎﻳﺔ ... ﺑﺎﻟﻄﺒﻴﻌﺔ ﻗﺒﻞ ﻣﺎ ﻳﻌﺮﻓﻬﺎ .. ﻛﺎﻥ ﻳﺨﻤﻢ ﻛﻴﻔﺎﺵ ﺑﺎﺵ ﻳﻬﺰﻫﺎ ﻣﻌﺎﻩ ﻭﻫﻮ ﻳﻌﺘﺒﺮﻫﺎ ﺟﺎﻫﻠﺔ ﻭﻣﺎﻫﻴﺶ ﻗﺎﺭﻳﺔ ﻛﻴﻔﻮ ﻫﻮ ... ﻳﻌﻨﻲ ﻫﻮ ﺩﻛﺘﻮﺭﺍﻩ ﻓﻲ ﺍﻟﻬﻨﺪﺳﺔ ... ﻳﺎﺧﺬ ﻭﺣﺪﺓ ﻣﺎ ... ﺍﻣﺎ ﻣﺒﻌﺪ ﻣﺎﻋﺮﻓﻬﺎ .. ﻭﺷﺎﻓﻬﺎ ﻣﺎﻋﺎﺩﺵ ﻣﻘﻠﻘﺘﻮ ﻟﺤﻜﺎﻳﺔ .. ﺗﻮ ﺑﺎﻟﺸﻮﻳﺔ ﺑﺎﻟﺸﻮﻳﺔ ﺗﺘﻌﻠﻢ ﻭﺗﺘﻠﻨﺼﻰ ... ﺍﻟﻤﻬﻢ ... ﺍﻟﻤﻬﻢ ﻫﻲ ﺍﻛﺜﺮ ﻣﺮﺍ ﺣﺲ ﺑﻴﻬﺎ ﻭ ... ﻭﺷﻴﺨﺘﻮ ... ﺷيﺧﺘﻮ ﻋﺎﻟﻠﺨﺮ ﺯﺍﺩﺓ .... ﻛﺮﻳﺴﺘﻴﻦ ... ﻣﺮﺗﻮ .. ﻛﺎﻥ ﻳﺤﺒﻬﺎ .. ﺍﻣﺎ ﻛﺎﻥ ﺣﺐ ﻣﺘﺎﻉ ﺻﻐﺮ .. ﺗﻌﺮﻑ ﻋﻠﻴﻬﺎ ﻭﻫﻤﺎ ﺻﻐﺎﺭ ﺍﻟﺰﻭﺯ ﻭﻳﻘﺮﺍﻭ .... ﻛﺎﻧﺖ ﻧﺪ ﻟﻴﻪ ﻭﻫﻲ ﺍﻟﻠﻲ ﻋﺮﺿﺖ ﺭﻭﺣﻬﺎ ﻋﻠﻴﻪ ﻭﻫﻮ ﻣﺎ ﻣﺎﻧﻌﺶ ... ﻳﻌﻨﻲ ﻭﺍﻓﻘ ﻌﻠﻰ ﺍﻟﻌﻼﻗﺔ ... ﻭﻣﺎﻛﺎﻧﺘﺶ vierge ﺍﻣﺎ ﺗﻘﺒﻞ ﺍﻟﺤﻜﺎﻳﺔ ﻭﻋﺎﺩﻱ ﺍﻟﻤﻬﻢ ﻛﺎﻧﺖ ﻣﺨﻠﺼﺔ ﻟﻌﻼﻗﺘﻬﻢ ﻭﺍﺳﺘﺎﻧﺲ ﺑﻴﻬﺎ ﻭﺣﺒﻬﺎ ﻭﻗﺘﻠﻲ ﺣﺒﻠﺖ ﺑﻴﻮﺳﻒ ﻗﺮﺭﻭ ﺑﺎﺵ ﻳﻌﺮﺳﻮ ... ﻭﻭﻗﺘﻠﻲ ﻣﺎﺗﺖ ﺧﻼﺕ ﻓﺮﺍﻍ ﻛﺒﻴﺮ ﻓﻲ ﺣﻴﺎﺗﻮ ... ﻭﺗﻨﻬﺪ ﻭﻫﻮ ﻳﻐﺰﺭ ﻟﻤﺮﺗﻮ ﻭﻫﻲ ﺗﺪﻭﺭ ﻓﻲ ﻭﺟﻬﻬﺎ ﻭﺗﺘﻔﺮﺝ ... ﻛﺎﻧﺖ ﻣﺮﺗﺎﺣﺔ ﻭﺭﺍﺿﺒﺔ ﻭﻓﺮﺣﺎﻧﺔ .... ﺗﻌﺮﻑ ﻋﻠﻰ ﺑﺮﺷﺔ ﻧﺴﺎﺀ ﺑﻌﺪ ﻛﺮﻳﺴﺘﻴﻦ ﻭﺩﺧﻞ ﻓﻲ ﺑﺮﺷﺔ ﻋﻼﻗﺎﺕ ... ﺍﻣﺎ ﺍﻟﻠﻲ ﺣﺴﻮ ﻣﻊ ﺧﺪﻳﺠﺔ .... ﻭﺍﻭ ... ﺣﺎﺟﺔ ﻣﺎﺗﺘﻮﺻﻔﺶ ...
ﺣﺸﻤﺘﻬﺎ ﻭﻗﻠﺔ ﺧﺒﺮﺗﻬﺎ ﻭﺍﻧﻮﺛﺘﻬﺎ ﻭﺍﻟﺨﻮﻑ ﻣﻦ ﺍﻟﻌﻼﻗﺔ ﺍﻟﻠﻲ ﺭﺍﻩ ﻓﻲ ﻋﻴﻨﻴﻬﺎ ﺣﺴﺴﻮﻩ ﺑﺮﺟﻮﻟﻴﺘﻮ .... ﺭﺟﻌﻮﻩ ﻟﻠﻤﺎﺿﻲ .... ﺫﻛﺮﻭﻩ ﺑﺎﻟﻠﻲ ﻫﻮ ﺭﺍﺟﻞ ﺷﺮﻗﻲ .. ﻳﺤﺐ ﻣﺮﺗﻮ ﺗﻜﻮﻥ ﻟﻴﻪ ﻫﻮ ﻭﺣﺪﻭ ... ﻭﻫﻮ ﺍﻭﻝ ﻭﺍﺣﺪ ﻳﻤﺴﻬﺎ ﻭﺍﺧﺮ ﻭﺍﺣﺪ ﻳﺤﻂ ﻳﺪﻭ ﻋﻠﻴﻬﺎ .. ﻭﺍﻟﻠﺬﺓ ﺍﻟﻠﻲ ﺫﺍﻗﻬﺎ ﻣﻌﺎﻫﺎ ﺑﻌﻤﺮﻭ ﻻ ﺫﺍﻗﻬﺎ ﻭﻻ ﺑﺎﺵ ﻳﺬﻭﻗﻬﺎ ﻣﻊ ﻭﺣﺪﺓ ﺍﺧﺮﻯ ..
ﻗﻌﺪﻭ ﻳﺪﻭﺭﻭ ﺑﻌﺪ ﻓﻲ ﻭﺳﻂ ﺍﻟﺒﻼﺩ ... ﺷﺎﺩﺩﻫﺎ ﻣﻦ ﻳﺪﻫﺎ ﻭﻫﻲ ﻛﻴﻒ ﺍﻟﻄﻔﻠﺔ ﺍﻟﺼﻐﻴﺮﺓ ﺳﺎﻋﺎﺕ ﻛﻴﻒ ﺗﺸﻮﻑ ﺣﺎﺟﺔ ﺗﻌﺠﺒﻬﺎ ﺗﻮﻟﻲ ﺗﻨﻘﺰ ﻭﺗﻀﺤﻚ
- ﻳﺎ ﻣﺤﻤﻮﺩ ﻣﺤﻼﻫﺎ؟
ﺗﻌﺮﻑ ﻓﻤﺎ ﺑﺮﺷﺔ ﺑﻨﻲ ﻭﺑﺮﺷﺎ ﺑﻼﻳﺺ ﻳﺸﺒﻬﻮ ﻟﺒﻘﺎﻳﻊ ﻓﻲ ﺗﻮﻧﺲ؟
ﻫﺰ ﺳﻴﻘﺎﺭﻭ ﻭﺷﻌﻠﻮ ﻭﺑﺪﺍ ﻳﻨﻔﺦ
- ﺍﻱ ﻣﺎﻫﻮ ﺑﺮﺷﺔ ﺑﻼﻳﺺ ﻓﻲ ﺗﻮﻧﺲ ﺑﻨﻲ ﻓﺮﻧﺴﺎ ﻗﻌﺪﺕ ﻛﻴﻤﺎ ﻫﻲ !
- ﺍﻣﻤﻤﻢ ﺻﺤﻴﺢ ! ﻭﻭﻗﻔﺖ ﺗﻠﻔﺘﺘﻠﻮ .. ﻧﺤﺐ ﻧﻤﺸﻲ ﻟﻤﻜﺘﺒﺔ !
- ﻣﻜﺘﺒﺔ ؟ ﺑﻬﺖ ﻳﻐﺰﺭﻟﻬﺎ
- ﺍﻱ ﻣﻜﺘﺒﺔ ...! ﻧﺤﺐ ﻧﺸﺮﻱ ﺷﻮﻳﺔ ﻛﺘﺐ .. ﺍﻧﺎ ﻧﻘﻌﺪ ﻭﺣﺪﻱ ﻧﻬﺎﺭ ﻛﺎﻣﻞ .. ﻧﻔﺪ .. ﻧﺤﺐ ﻧﺸﺮﻱ ﺷﻮﻳﺔ ﻛﺘﺐ ﻧﻮﺳﻊ ﺑﻴﻬﻢ ﺑﺎﻟﻲ ..
ﺷﺪﻫﺎ ﻣﻦ ﻳﺪﻫﺎ ﻛﺒﺲ ﻋﻠﻴﻬﺎ ﻭﻋﻘﺪ ﺣﻮﺍﺟﺒﻮ ﺑﺎﻫﺖ
- ﺑﺎﻫﻲ ﻻﻻ ﻧﻬﺰﻙ ﻟﻠﻤﻜﺘﺒﺔ !
ﻫﺰﻫﺎ ﻟﻤﻜﺘﺒﺔ ﻛﺒﻴﺮﺓ ﻓﻴﻬﺎ ﻛﺘﺐ ﻋﺮﺑﻲ ﻭﻓﺮﻧﺴﻲ ... ﻗﻌﺪﺕ ﺗﺪﻭﺭ ﻭﺗﻘﺮﻯ ﻓﻲ ﺍﻟﻤﻮﺍﺿﻴﻊ ... ﻭﺍﻟﻠﻲ ﺑﻬﺘﻮ ﺍﻧﻬﺎ ﻣﺎ ﺗﻠﻔﺘﺘﺶ ﻟﻠﻜﺘﺐ ﺍﻟﻌﺮﺑﻲ ... ﻛﺎﻧﺖ ﺗﻬﺰ ﻓﻲ ﻛﺘﺐ ﻓﺮﻧﺴﻴﺔ ﻣﺘﺎﻉ ﺍﺩﺑﺎﺀ ﺻﻌﻴﺐ ﻳﻘﺮﺍﻟﻬﻢ ﺍﻱ ﺣﺪ .... ﺧﺬﺍﺕ ﺯﻭﺯ ﻛﺘﺐ .. ﻭﺍﺣﺪ ﻟﻤﺎﺭﻛﻴﺰ ﻣﺘﺮﺟﻢ ﻭﻣﺴﺮﺣﻴﺔ ﻟﻤﻮﻟﻴﺎﺭ ... ﻭﺍﻟﻲ ﺑﻬﺘﻮ ﺍﻛﺜﺮ ﺍﻧﻬﺎ ﺧﺬﺍﺕ ﻛﺘﺎﺏ ﻳﺤﻜﻲ ﻋﻠﻰ ﻓﻦ ﺍﻟﻬﻨﺪﺳﺔ ﻭﺍﻟﻤﻌﻤﺎﺭ
ﻗﻌﺪﻭ ﻋﺸﻴﺔ ﻛﺎﻣﻠﺔ ﻭﻫﻤﺎ ﻳﺤﻮﺻﻮ ﻭﻳﺪﻭﺭﻭ .. ﻭﻫﻮ ﻣﻜﺒﺶ ﻓﻴﻬﺎ ﻣﻌﻨﻘﻬﺎ ... ﻭﻫﻲ ﻃﺎﻳﺮﺓ ﻣﻦ ﺍﻟﻔﺮﺣﺔ .. ﻃﺎﻳﺮﺓ ﻃﺎﻳﺮﺓ ﻃﺎﻳﺮﺓ ... ﻣﺸﺎﻭ ﺟﺎﺑﻮ ﻳﻮﺳﻒ ﻭﺯﺍﺩﻭ ﺗﻌﺸﺎﻭ ﺍﻟﺒﺮﺓ ... ﺭﻭﺣﻮ ﻓﻲ ﺍﻟﻠﻴﻞ ﺗﺎﻋﺒﻴﻦ .. ﻣﺪﺷﺪﺷﻴﻦ ... ﻭﻗﺘﻠﻲ ﺣﻠﻮ ﺍﻟﺒﺎﺏ ﺧﻄﺮﺗﻠﻬﺎ ﻓﻜﺮﺓ ﺣﻠﻮﺓ ﺑﺎﺵ ﺗﻔﺎﺝﺀ ﺑﻴﻬﺎ ﺭﺍﺟﻠﻬﺎ ﻗﺎﺗﻠﻮ
- ﺍﻣﺎﻥ ﻣﺤﻤﻮﺩ ﺗﺮﻗﺪ ﺍﻧﺖ ﻳﻮﺳﻒ ؟ ﺑﺪﻟﻮ ﺣﻮﺍﻳﺠﻮ ﻭﺭﻗﺪﻭ ﺧﻠﻲ ﻧﻤﺸﻲ ﺍﻧﺎ ﻧﺪﻭﺵ ؟
ﻃﺒﺲ ﻋﻠﻴﻬﺎ ﺑﺎﺳﻬﺎ
- ﺑﺎﻫﻲ ﻻﻻ ﺍﻧﺖ ﺗﺎﻣﺮ ﻭﺍﻧﺎ ﺍﻟﻨﻔﺬ ! ﺗﻮ ﻧﺮﻗﺪﻭ ﻳﻮﺳﻒ ﻫﻮ ﺑﻄﺒﻴﻌﺘﻮ ﺭﺍﻗﺪ
ﻃﻠﻌﺖ ﺍﻟﻔﻮﻕ ﺩﺧﻠﺖ ﻟﺒﻴﺖ ﺍﻟﺒﺎﻧﻮ ..

جاام

✴✴✴✴