👑زواج تقليدي👑

👑ﺍﻟﺤﻠﻘﺔ ﺍﻟﺴﺎﺩﺳﺔ...👑

👑👑

ﻏﺰﺭﺕ ﻟﺮﻭﺣﻬﺎ ﻓﻲ ﺍﻟﻤﺮﺍﻳﺔ .. ﻛﺎﻧﺖ ﻻﺑﺴﺔ ﺍﻟﺴﺮﻭﺍﻝ ﺍﻟﻨﻮﺍﺭ ﻭﺍﻟﺴﻮﺭﻳﺔ .. ﻧﺤﺎﺗﻬﻢ ﻭﺣﻠﺖ ﺍﻟﻔﻠﻴﺠﺔ .. ﻗﻌﺪﺕ ﺗﻘﻠﺐ ﻓﻴﻬﺎ ﺣﺘﻰ ﻟﻴﻦ ﻟﻘﺎﺕ ﻣﺮﻳﻮﻝ ﻭ jupe ﻣﻮﺵ ﻣﺘﻨﺎﺳﻘﻴﻦ ﻣﻊ ﺑﻌﻀﻬﻢ ﺣﺘﻰ ﻃﺮﻑ .. ﻟﺒﺴﺘﻬﻢ ﻭﻣﺸﺎﺕ ﺟﺒﺪﺕ ﺑﻴﺠﺎﻣﺎ ﻭﺣﻄﺘﻬﺎ ﻓﻲ ﺍﻟﻔﻠﻴﺠﺔ ﻭﺳﻜﺮﺗﻬﺎ ... ﺩﻕ ﺍﻟﺒﺎﺏ ﻭﻫﻮ ﻳﻜﻠﻢ ﻓﻴﻬﺎ
- ﻫﻴﺎ ﻣﺎﺯﻟﺖ ﻣﺪﺍﻡ ؟ ﻣﺎﻋﺎﺩﺵ ﺑﻜﺮﻱ ﺭﺍﻫﻮ ( ﻳﻜﻠﻢ ﻓﻴﻬﺎ ﻭﻓﺎﺩﺩ ) ﻫﺎﻱ ﺑﺎﺵ ﺗﻮﺭﻳﻪ ﺍﻟﻔﺪﺓ ﻋﻠﻰ ﺃﺻﻮﻟﻬﺎ ؟ ﻟﻤﺖ ﺷﻌﺮﻫﺎ ﺍﻟﻄﻮﻳﻞ ﻛﻌﻜﺔ ﻣﻦ ﻏﻴﺮ ﺗﺮﺗﻴﺐ ﻭﺗﻨﻔﺴﺖ ﺑﻘﻮﺓ .. ﻭﺣﻠﺖ ﺍﻟﺒﺎﺏ ... ﺗﺒﺴﻤﺖ ﺑﺘﺒﻬﻠﻴﻞ ... ﺍﻟﺼﺪﻣﺔ ﺍﻟﻠﻲ ﻓﻲ ﻭﺟﻬﻮ ﻭﻫﻮﻳﻐﺰﺭ ﻟﺤﻮﺍﻳﺠﻬﺎ ﻣﺎﺗﺘﻮﺻﻔﺶ .. ﻛﺎﻥ ﻻﺑﺲ ﺳﺮﻭﺍﻝ ﺩﺟﻴﻦ ﻭﻣﺮﻳﻮﻝ ﻻﺻﻖ ﻓﻲ ﺑﺪﻧﻮ .. ﻣﺮﺍﻳﺎﺕ ﺍﻟﻨﻈﺮ ﻧﺤﺎﻫﺎ ﻭﻋﻴﻨﻴﻪ ﻭﺳﺎﻋﺖ .. ﺷﺪﺗﻬﺎ ﺍﻟﻀﺤﻜﺔ ﻭﻫﻲ ﺗﻐﺰﺭﻟﻮ .. ﻛﺎﻧﺖ ﻻﺑﺴﺔ jupe ﻟﻠﺮﻛﺒﺔ ﻭﻣﺮﻳﻮﻝ ﻃﻮﻳﻞ ﻳﻮﺻﻞ ﻟﺸﻄﺮ jupe ﻭﺻﺒﺎﻁ ﻃﺎﻟﻮﻥ ﻻ ﻋﻼﻗﺔ ﺑﺎﻟﺤﻮﺍﻳﺞ .. ﻫﻬﻬﻪ ﺣﺎﺳﻴﻠﻮ ﻗﻤﺔ ﻓﻲ ﺍﻟﺘﻘﻮﻋﻴﺮ ...
- ﻫـ ... ﻫﻜﺔ ﺧﺎﺭﺟﺔ؟ ( ﻫﺰ ﺣﻮﺍﺟﺒﻮ ﻭﻳﻬﺰ ﻓﻴﻬﺎ ﻭﻳﺤﻂ ﺑﺎﺷﻤﺌﺰﺍﺯ ) ﻗﺎﻟﺐ ﺷﻮﺍﺭﺑﻮ ﻭﻓﺎﺩﺩ ﻋﺎﻟﻠﺨﺮ
- ﺍﻣﻤﻤﻢ .. ﺷﺒﻴﻨﻲ ﻣﺎﻋﺠﺒﺘﻜﺶ ؟ ( ﺷﺎﺩﺓ ﺍﻟﻀﺤﻜﺔ ﻭﻫﻲ ﺗﺘﻜﻠﻢ )
- ﻣﺎﻋﻨﺪﻱ ﻣﺎﻧﻘﻮﻝ ﺍﻟﺤﺎﺻﻞ ( ﻭﻟﻔﺖ ﻭﺟﻬﻮ ﻳﻐﺰﺭ ﺍﻟﻠﻮﻃﺔ ) ﺭﺑﻲ ﻳﻬﺪﻳﻚ ﻳﺎﻣﻲ ﻭﻛﻬﻮ .. ﻛﺎﻥ ﻳﻘﻮﻝ ﻓﻴﻬﺎ ﺑﺎﻟﺸﻮﻳﺔ ﺍﻣﺎﻫﻲ ﺳﻤﻌﺘﻮ .. ﻭ ﻣﺎﺯﺍﻝ ﻳﺎﺳﻲ ﺍﻟﻤﻐﺮﻭﺭ ؟ ﻣﺎﻋﻨﺪﻙ ﻣﺎﺷﻔﺖ .. .
ﻫﺰﺕ ﺍﻟﻔﻠﻴﺠﺔ ﻭﻫﺒﻄﺖ ﻣﻦ ﺍﻟﺪﺭﻭﺝ .. ﻟﻘﺎﺕ ﺍﻣﻮ ﻭﺍﺧﺘﻮ ﻗﺎﻋﺪﻳﻦ ﻓﻲ ﺍﻟﺼﺎﻟﺔ .. ﻫﻮ ﺳﺒﻖ ﻭﻗﻌﺪ ﺑﺤﺬﺍﻫﻢ ﻭﺟﻬﻮ ﻣﻘﻠﻮﺏ .. ﺳﻨﺎﺀ ﺣﻠﺖ ﻓﻤﻬﺎ ﻭﻫﻲ ﺗﻐﺰﺭﻟﻬﺎ .. ﻣﺸﺎﺗﻠﻬﺎ ﺗﺠﺮﻱ ﺷﺪﺗﻬﺎ ﻣﻦ ﺍﻳﺪﻫﺎ
- ﻭﻩ ؟ ﺷﻨﻴﺔ ﻫﺬﺍ ﺍﻟﻠﻲ ﻻﺑﺴﺘﻮ ﻳﺎﺷﻮﻣﻲ ؟ ﻳﺎﺧﻲ ﻣﻮﺵ ﻗﺘﻠﻲ ﺧﺮﺟﻠﻲ ﺍﻟﺴﺮﻭﺍﻝ ﻭﺍﻟﺴﻮﺭﻳﺔ ﺍﻟﺰﺭﻗﺎﺀ ؟ ﺍﺷﺒﻴﻚ ﻫﻜﺔ ؟
ﺗﺒﺴﻤﺖ ﻭﺟﺒﺪﺗﻬﺎ ﺑﺎﻟﺸﻮﻳﺔ ﻟﻴﻬﺎ ﻗﺎﻟﺘﻠﻬﺎ – ﺧﻮﻙ ﻣﻨﻔﻮﺥ ﺑﺮﺷﺔ ﻳﻠﺰﻣﻮ ﺷﻮﻳﺔ ﻓﺸﺎﻥ .. ﺗﻮ ﻧﺤﻜﻴﻠﻚ ﻣﺒﻌﺪ
ﻏﺰﺭﺕ ﺳﻨﺎﺀ ﻟﺨﻮﻫﺎ ﺗﻠﻘﺎﻩ ﻣﻄﺒﺲ ﺭﺍﺳﻮ ﻳﻠﻌﺐ ﻣﻊ ﻭﻟﺪﻭ ﻭﻭﺟﻬﻮ ﺑﺎﺵ ﻳﺘﺮﺷﻖ ﺑﺎﻟﻐﺶ . ﻭﻋﺎﻭﺩﺕ ﻏﺰﺭﺗﻠﻬﺎ ﺑﺎﻫﺘﺔ
- ﺍﺣﻜﻴﻠﻲ ﺷﻔﻤﺎ ؟ ﻓﺎﺗﺘﻨﻲ ﺣﺎﺟﺔ ؟ ..
- ﻣﺎﻧﻲ ﻗﺘﻠﻚ ﺗﻮ ﻧﺤﻜﻴﻠﻚ ؟
ﺗﻠﻔﺘﺖ ﺍﻣﻮ ﻗﺎﻟﺘﻠﻬﻢ
ﺍﺵ ﺗﻮﺗﻮﺗﻮ ﻏﺎﺩﻱ ؟ ﺳﻨﺎﺀ ﺳﻴﺒﻲ ﺍﻟﻌﺮﻭﺳﺔ ﻣﺎﻋﺎﺩﺵ ﺑﻜﺮﻱ ﻋﻠﻴﻬﻢ ؟
ﻗﻌﺪﺕ ﺗﻤﺸﻲ ﺑﺎﻟﺸﻮﻳﺔ ﻭﻳﻦ ﻭﺻﻠﺖ ﺑﺤﺬﺍﻩ ﻃﺒﺴﺖ ﻟﻴﻮﺳﻒ ﻗﻌﺪﺕ ﺗﺒﻮﺱ ﻓﻴﻪ ﻭﻫﻮﻳﻐﺰﺭﻟﻬﺎ ﺑﻐﺰﻭﻝ ... ﻋﻨﻘﻬﺎ ﻳﻮﺳﻒ ﻭﺷﺪﻫﺎ ﻣﻦ ﺭﻗﺒﺘﻬﺎ ... ﺗﻠﻔﺘﺖ ﻟﺴﻨﺎﺀ ﻭﺳﺎﻟﺘﻬﺎ ﺑﺒﺮﺍﺀﺓ
ﻳﺎﺧﻲ ﻓﺎﻟﻴﺠﺔ ﻳﻮﺳﻒ ﺣﺎﺿﺮﺓ ؟
ﺣﺴﺖ ﺳﻨﺎﺀ ﺑﺎﺵ ﺗﺪﻭﺥ ... ﻭﺍﻣﻮ ﻗﺎﻟﺘﻠﻬﺎ
ﻋﻼﺵ ؟ ﻳﺎﺧﻲ ﺑﺎﺵ ﻳﻤﺸﻲ ﻣﻌﺎﻛﻢ ؟
ﺃﻱ ﺑﺎﻟﻄﺒﻴﻌﺔ ؟ ﻭﺍﻧﺎ ﻧﻨﺠﻢ ﻧﺒﻌﺪ ﻋﻠﻰ ﺣﺒﻴﺒﻲ ؟ SI NON ﻣﺎﻧﻤﺸﻴﺶ
ﻭﺍﻟﻠﻪ ﺍﺣﺴﻦ ﻛﻠﻤﺔ ﻗﻠﺘﻬﺎ ﺗﻮ ( ﻗﺎﻡ ﻭﺣﺴﺘﻮ ﻳﺘﻬﺰ ﻭﻳﺘﺤﻂ ﺑﺎﻟﻐﺶ ) ﻣﻮﺵ ﻻﺯﻡ ﻣﻨﻬﺎ ﻫﺎ ﺍﻟﻤﺸﻴﺔ ﻛﺎﻥ ﻋﻠﻲ ﺍﻧﺎ ﻣﺎﻋﻴﻨﻴﺶ ﻓﻴﻬﺎ
- ﻳﺎﺧﻲ ﻛﺎﻥ ﻫﺰﻳﻨﺎ ﻳﻮﺳﻒ ﺷﻨﻮﺓ ﺍﻟﻤﺸﻜﻞ ..؟ ﻣﺎﻫﻮﺵ ﺑﺎﺵ ﻳﻘﻠﻘﻨﺎ ﻫﻮ ﺟﻤﻠﺔ ؟ ﻭﻳﺰﻳﺪ ﻳﻮﺳﻌﻨﺎ ﺑﺎﻟﻨﺎ ﻭﻳﺤﺲ ﺭﻭﺣﻮ ﻣﻊ ﻋﺎﻳﻠﺘﻮ .. ﺧﻠﻴﻪ ﻳﺴﺘﺎﻧﺲ ﺑﻴﻨﺎ ﻣﻊ ﺑﻌﻀﻨﺎ ؟
- ﻣﻊ ﺑﻌﻀﻨﺎ ﺃﻱ؟ ( ﻛﺎﻥ ﻳﺘﻜﻠﻢ ﺑﺎﻟﺸﻮﻳﺔ ﻣﻌﻨﺘﻬﺎ ﺗﻮ ﺗﻌﻴﺎ ﻭﺍﻧﺖ ﺗﻘﺒﺾ ﻭﻣﻠﻔﺖ ﻭﺟﻬﻮ ﻋﻠﻴﻬﺎ ﺣﺎﻃﻂ ﻳﺪﻳﻪ ﻓﻲ ﻣﻜﺘﻮﺑﻮ ﻭﺗﻠﻔﺖ ﻟﺴﻨﺎﺀ ) ﺑﺮﺍ ﺑﺮﺍ ﺣﻀﺮﻟﻮ ﺩﺑﺸﻮ ﺧﻠﻲ ﻧﻤﺸﻴﻮ ﻓﻲ ﻫﺎﻟﻠﻴﻠﺔ ﺍﻟﻜﻠﺒﺔ ..
ﺳﻨﺎﺀ ﻣﺒﻬﻤﺔ ﻣﺎ ﻓﺎﻫﻤﺔ ﺷﻲ ﺷﺪﺗﻬﺎ ﻣﻦ ﻳﺪﻫﺎ ﻭﺟﺒﺪﺗﻬﺎ ﻭﻫﻲ ﺷﺎﺩﺓ ﻳﻮﺳﻒ
- ﺍﻳﺠﺎ ﻣﻌﺎﻳﺎ ﻧﻠﻤﻮﻟﻮ ﺩﺑﺸﻮ ..
ﻣﺸﺎﻭ ﻟﻠﺒﻴﺖ ﺳﻜﺮﺗﻬﺎ ﻭﺗﻠﻔﺘﺖ ﻟﺨﺪﻳﺠﺔ ﻭﻫﻲ ﺗﺤﻂ ﻓﻲ ﻳﻮﺳﻒ ﺍﻟﻠﻮﻃﺔ ﻳﻠﻌﺐ
- ﺗﻮ ﺗﺤﻜﻴﻠﻲ ﺍﺵ ﺻﺎﺭ ؟
- ﺗﻨﻬﺪﺕ ﻭﻗﻌﺪﺕ ﻓﻮﻕ ﺍﻟﻔﺮﺵ ﻭﺑﺪﺍﺕ ﺗﺤﻜﻴﻠﻬﺎ ﺍﻟﻠﻲ ﺻﺎﺭ ﺍﻟﻜﻞ .. ﺑﻌﺪ ﻣﺎﻛﻤﻠﺖ ﺳﻨﺎﺀ ﺍﻟﻄﺮﺷﻘﺖ ﺑﺎﻟﻀﺤﻚ
- ﻫﻬﻬﻪ ﻧﺘﺼﻮﺭﻭﺍ ﻛﻴﻒ ﺭﺍﻙ ﻭﺍﻧﺖ ﻫﻜﺔ ﺍﺷﺼﺎﺭ ﻓﻴﻪ ﻣﺴﻜﻴﻦ ﻫﻬﻬﻬﻪ ؟ ﺍﻫﻬﻪ ﻳﺎﻣﻴﻤﺘﻲ ﺍﺵ ﺑﺎﺵ ﺗﻌﻤﻠﻮ ﺍ ﺗﻮﺓ ؟
- ﻭﺍﻟﻠﻪ ﻣﺎﻧﻌﺮﻑ ؟ ﻛﻼﻣﻮ ﻋﻠﻴﺎ ﻏﺰﻟﻨﻲ ﻭﻗﻠﺒﻠﻲ ﺍﻟﺒﺮﻧﺎﻣﺞ ﺍﻟﻜﻞ .. ﺧﻮﻙ ﻳﺴﺨﺎﻳﻠﻨﻲ ﺟﺎﻫﻠﺔ ﻭﻗﻌﺮﺓ ... ﺍﺯﺡ ﻗﺪﺍﺵ ﻣﻀﺮﻭﺏ ﻓﻲ ﺭﻭﺣﻮ ... ﺭﺿﻴﺖ ﺑﺎﻟﻤﻜﺘﻮﺏ ﻭﻗﻠﺖ ﻣﻮﺵ ﺍﻧﺎ ﻟﻮﻟﺔ ﻭﻻ ﻟﺨﺮﺓ ﻧﺎﺧﺬ ﻣﺎﺧﺬﺓ ﺗﻘﻠﻴﺪﻳﺔ .. ﻭﺯﻳﺪ ﻛﻴﻒ ﺭﻳﺖ ﻳﻮﺳﻒ ﻓﺮﺣﺖ ﺧﺎﺗﺮ ﺣﺒﻴﺘﻮ ﺑﺮﺷﺔ .. ﻣﺤﻼﻩ ﻭﻣﻌﻘﻠﻮ .. ﻗﻠﺖ ﻋﺎﺩﻱ ﺗﻮ ﺑﺎﻟﻌﺸﺮﺓ ﻧﺴﺘﺎﻧﺴﻮ ﺑﺒﻌﻀﻨﺎ ... ﺗﻮ ﻧﻔﻬﻤﻮ ﺑﻌﻀﻨﺎ .. ﻧﻠﻘﺎﻩ ﺟﻤﻠﺔ ﻣﻮﺵ ﻗﺎﺑﻞ ﺃﺻﻼ ﺍﻟﻮﺿﻊ .. ﻭﺯﻳﺪ ﻳﻐﺰﺭﻟﻲ ﻣﻦ ﺍﻟﻔﻮﻕ ﻛﺎﻳﻨﻲ ﺣﺸﺮﺓ .. ﻭﺍﻟﻠﻪ ﺣﻘﺮﺕ ﺭﻭﺣﻲ ﻭﺍﻟﻠﻪ
- ﺍﻟﻠﻄﻒ ﻋﻠﻴﻚ ﻭﻩ ؟ ﺧﻮﻳﺎ ﺭﺍﻫﻮ ﻣﺴﺘﺎﻧﺲ ﻣﻦ ﺍﻟﻠﻲ ﻫﻮ ﺻﻐﻴﺮ ﻳﻘﺮﺍ ﻫﻮﻧﻲ ﻭﺍﻟﺒﻨﺎﺕ ﺗﺠﺮﻱ ﻓﻲ ﺣﻀﻮﺿﻮ ... ﻳﺎﺑﻨﺘﻲ ﻫﺎﺑﻄﻴﻦ ﻋﻠﻴﻪ ﻭﻫﻮ ﻋﻠﻰ ﺷﻜﻮﻥ ﻳﺮﺿﻰ .. ﺍﺳﺘﺎﻧﺲ ﻫﻜﺎﻛﺔ .. ﻋﻤﺮﻭ ﻣﺎﺟﺮﺍ ﻓﻲ ﺟﺮﺓ ﻭﺣﺪﺓ .. ﻭﻻ ﺗﻌﺐ ﺑﺎﺵ ﻳﻮﺻﻠﻠﻬﺎ .. ﻫﻬﻬﻬﻪ ﺍﻣﺎ ﺗﻌﺮﻑ ﻋﺠﺒﺘﻨﻲ ﻓﻜﺮﺗﻚ .. ﻫﻬﻪ ﺧﻠﻲ ﻧﺒﺪﻟﻮ ﺍﻟﺮﻭﺗﻴﻦ ﺷﻮﻳﺔ .. ﻭﺟﻬﻮ ﺗﺎﻟﻤﻮﻥ ﻣﻘﻠﻮﺏ ﻗﺒﻴﻠﺔ ﺑﺎﺵ ﻳﻄﺮﺷﻖ ﻧﺤﺴﻮ ... ﻣﺎﻟﻠﻲ ﺭﻳﺘﻚ ﺣﺎﺳﺘﻚ ﺑﺎﺵ ﺗﺒﺪﻝ ﻓﻴﻪ ﺣﺎﺟﺔ ﺧﻮﻳﺎ ..
- ﻧﺒﺪﻝ ؟ ﻫﻬﻪ ﺗﻔﺪﻟﻚ ﺍﻧﺖ ؟ ﻳﺎﺫﻧﻮﺑﻲ ﻛﺎﻥ ﺑﺎﺵ ﻧﺤﺮﻛﻠﻮ ﺷﻌﺮﺓ ؟ ﻳﺎﺑﻨﺘﻲ ﻣﺎﻫﻮﺵ ﺣﺎﺳﺒﻨﻲ ﺍﺻﻞ ؟
- ﻻ ﺭﻳﺖ ﻏﺰﺭﺗﻮ ﻟﻴﻚ ﻗﺒﻴﻠﺔ ﻭﺍﻧﺖ ﺧﺎﺭﺟﺔ ﻣﻦ ﺍﻟﺤﺠﺎﻣﺔ .. ﺧﻮﻳﺎ ﻭﻧﻌﺮﻓﻮ .. ﻋﻴﻨﻴﻪ ﻟﻤﻌﺖ .. ﻋﺠﺒﺘﻮ .. ﺍﻣﺎ ﻫﻮ ﻣﺘﻜﺒﺮ ﻭﻣﺎ ﻳﻌﺮﻓﺶ ﻳﻌﺒﺮ .. ﺑﻬﻴﻢ .. ( ﺳﻜﺮﺕ ﺍﻟﻔﻠﻴﺠﺔ ﺑﻌﺪ ﻣﺎﺣﻄﺖ ﺣﻮﺍﻳﺞ ﻳﻮﺳﻒ ﻭﺿﺤﻜﺖ ) ﺍﻣﺎ ﺭﺍﻧﺎ ﻧﺴﺎﺀ ﻭﻣﺎ ﻳﻘﺪﻧﺎ ﺣﺪ ... ﺭﺑﻲ ﺭﺑﻲ ﻋﺰﻳﺰﺗﻲ ﻭﻳﺠﻌﻠﻜﺸﻲ .. ﺭﺑﻴﻪ ﻫﻮ ﻭﻭﻟﺪﻭ…

✴✴✴✴