👑زواج تقليدي👑

👑الحلقة السادسة و الثلاثون...👑

👑👑

حس بالدم طلعلو لراسو وهو يشوف فيها قاعدة ...كانت عاملة روحها متخبية ... لكن هو شافها ..اول ما دخل كانت عينيه تفركس عليها ...في بالو اللي هي جاية قالو توفيق قبيلة في الخدمة اللي حياة مشاتلها باش توصلها للفاك ....بنفس الحوايج اللي قالها نحيهم ..شعرها محلول ...وماكياج سيس دوز .... المرا مصدرة ..والطفل من قبيلة كاشخ فيها يغزرلها ...كانت قاعدة بحذاها طفلة سمراء شعرها مصبوغ باللصفر ..حسها تغزرلو مبهورة ...يمكن هذي صاحبتها اللي حكاتلها عليها ..واللي زادة ماسمعتش كلامو وقعدت معاها ...والطفل اللي مركز معاها ؟ يمشي تو يشدو من وذنيه ويخرجو من الكور ويعمل فضيحة في اول نهار قراية ...حس النار شاعلة فيه من داخل ..من غير مايشعر هز سيقارو وشعلو مع انو عمرو ماتكيف في الكور ...قعد على الكرسي...هبط راسو باش مايشلقش على روحو والطفلة اللي بحذاها يمكن من قبيلة تسخايلو يغزرلها تضحك وتعاود .... اما لحساب مبعد يا خديجة !!!كيف ماندمكش على النهار اللي تولدت فيه مانتسماش انا محمود !!!  قعدت خديجة (الي في بالها بروحها متخبية هههه) تدعي لربي باش مايشوفهاش ...وزيد الطفل من بحذاها ماحبش يتحلحز ..ياربي هي ناقصة مشاكل باش يزيد عليها هذا ؟ وزيد كان باش تتحرك وتمش تقعد من الشيرة لخرى باش يراها ... زادت طبست قريب ترقد وامينة موش لاهية جملة ..موش هوني كيما لبنات اللي في الكور الكل ..كلهم مركزين عليه هههه .. كلهم يذبلو في عويناتهم... وهي من بهامتها البارح زادت اكدتلو المعلومة ..تحكي عليه ..ومافيبالهاش ...زادت ضربتو في روحو اكثر ماهو مضروب ... وهو يسمع فيها وساكت وهي تسخايلو غاير !!! فرحانة ببهامتك تو يالا خديجة ؟ ساعة وانت توصف وتعاود في الأستاذ وتحكي وتحل في جلغتك وفي اخر حلقة طلعت تحكي عليه هو ؟ اش باش تعمل تو ...البنات الكل مضروبين فيه ؟ البنات الكل يحبو عليه ؟ حطت وجهها بين يديها وحست الدم باش يخرج منو .. تقوم تصيح وتقلهم راهو اللي هابلين عليه هذاكة راجلي ..حبيبي ..روحي ..بو ولادي ...واولهم اللي قاعدة بحذاها من قبيلة ... غزرتلها لقاتها في عالم اخر ...زادت حست برجة في قلبها ...جايين يقراو هوما ولا يتمعشقو ؟ موش عندو الحق محمود كيف قالها مرا معرسة ومضروبة في استاذها ؟ ...حست بروحها مخنوقة مخنوقة ماذبيها تقوم تشعل فيهم النار الكل وتمشيلو تخرجو ..تبعدو على عينيهم اللي باش ياكلوه ...تلفتلها الطفل اللي قاعد بحذاها وقعد يغزرلها باهت 
-انت بخير ؟ سالها بالشوية كي شاف وجهها مقلوب 
-أمم ..لاباس وي ..كانت تجاوب ببرودة  عكس اللي حاستو من داخل ...
- حسيت وشك تقلب ..بتحبي نطلع شوي ؟ نشرب شي او ..... 
- لالا مانحب بشي ... قاتلو براسها وزادت بعدت عليه ولصقت في امينة اكثر ...سمعت صوت ميساج في تليفونها ... جبدتو حلتو 
-ابعد على دين ام الكلب اللي بحذاك ماكانش باش نجي نغفص *** انت وياه وتو نتفاهمو ..ماك عملت كيما حبيت ؟ تو تخلصو مثني ومثلث تصدمت وقعدت تقرا في الميساج وتعاود ...وجهها اصفار واخضار وازراق من الفجعة ..ركايبها ماعادش حاسة بيهم .. تشلت .. ياميمتي ..حست بالنفس ضياق عليها ..صار هو يشوف فيها من قبيلة ؟ ...ريقها نشف ..وحست العرق بدا يلب في بدنها الكل ..هزت راسها جات عينيها في عينيه .. حست بالدنية دايرة بيها ..عينيه كانت تشعل ... غزرة ماتفهمها كان هي خاتر راتها قبل ..تعرفها ..تعرفها غزرتو تعرفها .. مكتف يديه وقاعد يحكي ..يجاوب في التلامذة بدم بارد ..اما عارفة اللي نارو شاعلة من داخل ....قامت وركايبها موش حاسة بيهم شعيرة لاطاحت ..شدت امينة ..تلفتتلها 
- اشبيك خديجة لاباس ؟ سالتها امينة وشدتها من يدها 
- حت ..حت شي ..كانت تحكي بلا صوت ..ن..نحب نمشي من الشيرة لخرى ... وكايني هي ناقصة زاد لاخر شدها من ايدها كيف حسها قريب تطيح .
- شو بيك خديجة انت بخير ؟  ياميمتي وكان يعقل لاخر .. من بعيد يشوف فيه يشد فيها طلع يجري .. ماتفيق بيه كان واقف عند راسها وعينيه تتشاعل ..امينة تصدمت كيف راتو واقف قدامهم .. دز الطفل قريب لا طيحو... شدها من كتافها ووقفها 
- اشبيك لاباس ؟ قعدت تغزرلو قريب تبكي ..تكلم لاباس؟ ( بدا يصيح )  - أستاذ ليش عم تعيط عليها ؟ منا... -سكر فمك انت ..صاح عليه من غير ماغزرلو .. كان مركز على وجهها هي ..كانت ترعش كيف الفروج بين يديه ...عقد جبينو وعينيه من تحت lunetteتشوف فيهم يقدحو ..غل وغش وتسوميم ..طبست راسها ماتحبش تغزرلو ..خايفة خايفة خايفة .الشجاعة متاع الصباح الكل طاحت في الماء ...محمود اللي قدامها مستعد يرتكب جريمة تو ..اي شي ممكن يعديه الا انو يحط راجل اخر ايدو عليها ..يهبل ..تعرف هذا وجربتو قبل.. ماعادش يعقل شي .... غمضت عينيها ...الحل الوحيد انها تعمل روحها داخت ...رخفت روحها وترمات عليه بيها
- خديجة ؟ وبدا يصيح خديجة اشبيك كلمني ؟ هزها بين يديه وخرج بيها يجري ..عينيها كانت مغمضة ماشافتش ردة فعل الطلبة وهوما يغزرو مصدومين ...تسمع في هاك السخطة امينة خالطة في جرتهم وتعيط
  - مسيو مسيو ..صاحبتي هذيكة خللي نمشي معاكم ...  ماتعرفش قداش قاعد يجري بيها ويكلم فيها  خديجة حل عينيك ...خديجة ؟... سمعتو وقف وصوت امينة يقلو
-هات عليك مسيو تو نحل انا .. تسمع في حس بيبان الكرهبة تحلو وامينة تقلو
-خلي نركب معاها من تالي ... هذيكة لازم من الحبالة داخت ...صاحبتي معرسة وحبلة مسيو .. 
- في بالي ..تسمع فيه يقلها وهو يحط فيها على الكرسي القدامي ... حلت عينيها بالشوية ..دوبة ماحلتهم تلقاه واقف قدامها يحكي مع امينة ...وجهو متسومم ومتحجر ..وتشوف في وجهها هي احمر وعينيها تلمع 
-منين فيبالك مسيو وانت اول مرا تراها ؟ ماقراتش معانا قبل ... هذا اول عامها ..  سكر باب الكرهبة وانا وقفت وذنيا باش نسمع مليح 
- فيبالي خاترها حبلة مني ... خاتر هذيكة مرتي وشارلها بصبعو ناحيتي انا ... حست بقلبها يدق بالقوي من الفرحة وهي تغزرلها مصدومة ..حاطة يدها على فمها وواقفة ... وهو جاء وركب بحذاها ... مشا بالكرهبة شوية وبعد تلفتلها 
- مازالت المسرحية متاعك ولا وفات ؟  تصدمت وهي تسمع فيه يسال فيها بالشوية ... كان صوتو هادي ..رايض ..الهدوء الذي قبل العاصفة ...
-حل ** عينيك واحكي معايا ... قالها بصوت فيه برشة غش ...ماعادش فيها ..كان عارف كل شي من الأول ...حلت عينيها بالشوية واستوات روحها في القعدة ..غزرت لروحها لقات الروب طلعت الفوق بدات تستوي فيها ويديها ترعش  
-تو تستوي ؟ تو وين ريت روحك ؟ وبدا يصيح ..شفت ماهو لبستك وين وصلتنا شفت ؟ (تلفتلها وباقي يصيح ) تو من جرت والديك كنت باش نضرب واحد من تلامذتي ونطيح قدري معاه ..اضطريت نجاريك في مسرحيتك باش نخرج من الورطة اللي حطيت روحي فيها ... عاجبك اللي صار ؟ عاجبك ؟ تكلم ؟ حل ** فمك تو ؟  تكمشت في بقعتها من الصياح متاعو وزادت وخرت عاللخر 
- ماتعيطش عليا .. قاتلو بصوت يرعش ... ماتعيطش ...ماعملت شي انا 
- شو كيف مازالت تحل في فمها وتناقش فيا ؟ وضرب يدو على الفولون بعصب وتلفتلها 
- اش نعمل فيك انا تو ؟ اش نعمل ؟ نخرجك من والدين امها القراية ؟ نحسرك في الدار ؟ يعني مازلت ماكش حاسة بغلطتك ؟ ماكش حاسة بالكارثة اللي كنت باش تتسبب فيها اليوم ؟ كنت ننجم نطرد من جرتك اليوم ...كنت ننجم نقتل روح ..وانت ولا على بالك جملة .. تحكي وتتمجلغ معاه ..
- مافيباليش بيك أصلا اللي انت الأستاذ متاعي !!
- يعني كان ماجيتش انا استاذك كنت ناوية تواصل في حكاياتك ؟ وزاد ضرب على الفولون وعينيه وساعت هذي الثقة اللي عطيتهالك ؟ هذا الاحترام اللي تحكي عليه ؟ يعني في قفايا تعمل اللي تحب ؟ تكلم ؟ جاوبني تو ؟ اش نبهت عليك انا البارح ؟ اش قتلك ؟ و*** اللي قاعدة بحذاها ..عدها باش تجي تقعد في حجري .. هذية نوعية الصحبة اللي تحب عليها ؟ هذي اللي قتلك ماتكلمهاش وماعادش تدور بيها ... كلامي الكل رميتو وراك وعملت كيما تحب ؟ هي موش محترمة راجلها في غيابو وانت تتبع فيها ؟ ضرب على صدرو وزاد قوى في الصياح ... عندك الحق ..انا موش راجل ..موش راجل خاتر دللتك .. احترمتك في حضورك وفي غيابك ... عطيتك قيمة اكثر من قيمتك ...باهي ياخديجة باهي ...موش وقتو الحديث .. تو نتفاهمو ..  بدات الدموع تجري على خدودها ..حطت راسها بين يديها وتبكي بالشهقة ... جات الطب فيها ياخي عماتها ... وين تحسها تحلت من شيرة تتسكر من شيرة أخرى ...عندو الحق .. عندو الحق ..هي اللي ماسمعتش كلامو ... حست بالدموع نشفت من عينيها وهو قعد ساكت ثنية كاملة ...حست بقلبها عصر عليها ... قعدت تغزر من الشباك ...رات حانوت كبيرة تبيع في القلاس ... حست بروحها شاهية على القلاس ..وقفت الكرهبة في السيركيلاسيون قعدت تغزر للحانوت وعينيها ترشقت في القلاس ... حطت يديها على بلار الشباك ولصقت وجهها فيه كيف الطفلة الصغيرة وتتلفت للحانوت وتعاود ...مشا شوية وبعد وقف الكرهبة 
- اش تحب ؟ سالها بالشوية 
- حتى شي ... قاتلو بالشوية من غير ماتتلفتلو 
- خديجة اش تحب ؟ وتنهد تكلم قلي اش حاشتك تو ؟ 
- قتلك حتى شي .. (كيفاش فاق بيها ؟ ) طبست راسها وقعدت تلعب بصوابعها وساكتة 
- افففف ..امان ماتزيدش على مابيا ..راني باش نخرج من عقلي ماتزيدش تهبل ولديا .. تكلم قلي اش شاهية تو؟ ..( وتلفتلها يكلم فيها بالسياسة ) مادخلش العرك في حاجات أخرى...الف مرة نقلك كيف تبدى شاهية حاجة قلي نجيبهالك .. عينيك باش تخرج من البلار وتقلي ماشاهية شي ؟ مانعرفكش انا ؟ تكلم فيسع ..
- قلاس ..قاتلو بصوت ضعيف .. نحب قلاص 
- باهي ..تنهد وحط ايدو على الباب .اشنية تحب النوع ؟ 
- شوكولا وفاني ..
- باهي نجيبلك شوكولا وفاني ...  وهبط يقص في الكياس وقعدت هي متكية على الشباك تغزرلو وتنهدت ... ياريتو يقعد ديما هكة معاها ..ياريتو يرجع محمود متاعها ..ياريتها تحط راسها على صدرو وتعنقو وتغمض عينيها ..يا ريتو يحس بيها

✴✴✴✴