👑زواج تقليدي👑

👑الحلقة الثامنة عشر...👑

👑👑

ﺩﻭﺷﺖ ﻭﺻﺒﺖ ﻋﻠﻰ ﺭﻭﺣﻬﺎ ﺍﺍﺑﺎﺭﻓﺎﻥ ... ﻭﻗﻔﺖ ﻣﻘﺎﺑﻞ ﺍﻟﻤﺮﺍﻳﺔ .. ﻭﻫﻲ ﺗﺘﺒﺴﻢ ﻣﺸﻄﺖ ﺷﻌﺮﻫﺎ ﻭﻋﻤﻠﺖ ﻣﺎﻛﻴﺎﺝ ﺩﻭﺏ ﺍﻟﻼﺵ .. ﺍﻟﻴﻮﻡ ﺑﺎﺵ ﺗﻬﺒﻠﻮ ... ﺩﻳﻤﺎ ﻳﺎﺧﺬﻫﺎ ﻋﻠﻰ ﻏﻔﻠﺔ ﻣﺎﻳﺨﻠﻴﻬﺎﺵ ﺗﺤﻀﺮ ﺭﻭﺣﻬﺎ .... ﻫﻬﻬﻪ ﻫﻮ ﺑﻄﺒﻴﻌﺘﻮ ﻫﺎﺑﻞ ﺧﻠﻲ ﺗﻜﻤﻞ ﻋﻠﻴﻪ ﻫﻬﻬﻪ ... ﺗﺴﻤﻊ ﻓﻲ ﺑﺎﺏ ﺑﻴﺖ ﺍﻟﻨﻮﻡ ﺗﺤﻞ ... ﻗﻠﺒﻬﺎ ﻭﻻ ﻳﺪﻕ ﻭﺑﺪﻧﻬﺎ ﺭﻋﺶ .... ﺗﺴﻤﻊ ﻓﻴﻪ ﻳﺤﻜﻲ ﻓﻲ ﺍﻟﺘﻠﻴﻔﻮﻥ .. ﻟﺒﺴت ﺍﻟﻨﻮﻳﺰﺍﺕ ﻣﺘﺎﻋﻬﺎ ﻭﻫﻲ ﺑﺎﻗﻲ ﺗﻐﺰﺭ ﻟﺮﻭﺣﻬﺎ ﻭﺗﺜﺒﺖ ﻓﻤﺎﺵ ﺣﺎﺟﺔ ﻧﺎﻗﺼﺔ ... ﻭﺟﻬﻬﺎ ﺍﺣﻤﺎﺭ ﻭﻫﻲ ﺗﺘﺨﻴﻞ ﻓﻴﻪ ... ﻫﺒﻄﺖ ﺷﻌﺮﻫﺎ ﻭﺭﻳﻘﻠﺘﻮ ﺑﻠﻘﺪﺍ ... ﺧﺬﺍﺕ ﻧﻔﺲ ﻭﺣﻠﺖ ﺍﻟﺒﺎﺏ ﺑﺎﻟﺸﻮﻳﺔ .... ﻛﺎﻥ ﻗﺎﻋﺪ ﻓﻮﻕ ﺍﻟﻔﺮﺵ ﺑﺤﻮﺍﻳﺠﻮ .. ﻳﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻭﻳﻀﺤﻚ ﻭﻫﺰ ﺭﺍﺳﻮ .... ﺍﻭﻝ ﻣﺎﺷﺎﻓﻬﺎ .. ﺣﺴﺘﻮ ﺗﺼﺪﻡ .... ﻋﻴﻨﻴﻪ ﻭﺳﺎﻋﺖ ﻭﻫﺒﻂ ﺍﻟﺘﻠﻴﻔﻮﻥ ﻣﻦ ﺍﻟﺮﺑﺜﺔ ... ﻛﺎﻧﺖ ﻻﺑﺴﺔ 2pieces ﻓﻲ ﺍﻟﺮﻭﺝ ﻭﻧﻮﻳﺰﺍﺕ ﻛﺤﻠﺔ ﻛﻠﻬا ﺩﺍﻧﺘﺎﻝ ﻗﺼﻴﺮﺓ ... ﻭﺟﻬﻮ ﺍﺣﻤﺎﺭ ﻭﻟﺨﻠﺦ ﻭﻫﻲ ﻭﺍﻗﻔﺔ ﺑﻜﻞ ﺍﻏﺮﺍﺀ ... ﺑﻜﻞ ﺍﻧﻮﺛﺔ ﻗﺪﺍﻣﻮ .. ﻏﺰﺭﻟﻬﺎ ﻓﻤﻮ ﺗﺤﻞ ﻭﻋﺎﻭﺩ ﻏﺰﺭ ﻟﻠﺘﻠﻴﻮﻓﻮﻥ ﻋﺎﻭﺩ ﻫﺰﻭ ﻭﻭﻗﻒ
- ﺍﻱ ﺍﻱ ﺍﻱ ﻳﺎ ﻧﺎﺟﻴﺔ !.. ﻭﻟﺪﻙ ﺳﺎﻱ ﻣﺸﺎ ﻓﻴﻬﺎ
ﻫﻲ ﺗﺮﺑﺜﺖ ... ﺻﺎﺭ ﻳﻜﻠﻢ ﻓﻲ ﺍﻣﻮ ؟ ﻭﻻﺕ ﺗﻨﺪﺏ ﻓﻲ ﻭﺟﻬﻬﺎ ﻣﻦ ﺍﻟﺤﺸﻤﺔ .. ﻭﺭﺟﻌﺖ ﺗﺠﺮﻱ ﻟﺒﻴﺖ ﺍﻟﺒﺎﻧﻮ ﺳﻜﺮﺗﻬﺎ ﻋﻠﻰ ﺭﻭﺣﻬﺎ ... ﺧﻠﻂ ﻋﻠﻴﻬﺎ ﻭﺑﺪﺍ ﻳﺪﻕ ﻭﻫﻮ ﺑﺎﻗﻲ ﻳﻜﻠﻢ ﻓﻲ ﺍﻣﻮ
- ﺍﻳﺎ ﺑﺎﻱ ﺗﻮ ﻧﺎﺟﻴﺔ ﻣﺎﻋﺎﺩﺵ ﻓﻴﻬﺎ ... ﻋﻠﻖ ﺍﻟﺘﻠﻴﻔﻮﻥ ﻭﺑﺪﺍ ﻳﻌﻴﻄﻠﻬﺎ
- ﺣﻞ ﺍﻟﺒﺎﺏ !
- ﻻ ﻣﺎﻧﻴﺶ ﺣﺎﻟﺔ
- ﺣﻞ ﺍﻟﺒﺎﺏ ﻳﺎﺑﻨﺘﻲ ﻣﺎﻋﻨﺪﻙ ﻭﻳﻦ ﻫﺎﺭﺑﺔ ﺍﻟﻴﻮﻡ ﻻﺑﺴﺔ ﻫﻜﺎﻛﺔ ﻭﺗﺤﺒﻨﻲ ﻧﺴﻴﺒﻚ ؟
- ﻫﻜﺎﻛﺔ ﺗﺤﻜﻲ ﻗﺪﺍﻡ ﺍﻣﻚ .. ﻭﺍﻟﻠﻪ ﻓﻀﺤﺘﻨﻲ .. ﻳﺎ ﻣﻼ ﺣﺸﻤﺔ ؟
ﻭﻻ ﻳﻀﺤﻚ ﻭﻫﻮ ﺑﺎﻗﻲ ﻳﺪادي
ﻳﺎ ﺑﻨﺘﻲ ﺍﻧﺎ ﻓﻀﺎﻳﺢ ؟ ﺗﻲ ﺗﻮ ﻛﺎﻥ ﻣﺎ ﺗﺤﻠﺶ ﺍﻟﺒﺎﺏ ﺑﺎﺵ ﺗﺸﻮﻑ ﺍﻟﻔﻀﺎﻳﺢ ﻋﻠﻰ ﺣﻖ ! ﺣﻞ ﻓﻴﺴﻊ
- ﺑﺎﻫﻲ ﺍﺑﻌﺪ
ﺑﺎﻗﻲ ﻳﻀﺤﻚ ﺑﺎﻫﻲ ﻫﺎﻧﻲ ﺑﻌﺪﺕ ...
ﺣﻠﺖ ﺍﻟﻤﻔﺘﺎﺡ ﺑﺎﻟﺸﻮﻳﺔ ﻭﻃﻠﺖ ... ﺗﻠﻘﺎﻩ ﻭﺍﻗﻒ ﻗﺪﺍﻣﻬﺎ ... ﺑﺪﺍ ﻳﺤﻞ ﻓﻲ ﺳﻮﺭﻳﺘﻮ ... ﻋﻴﻨﻴﻪ ﻟﻤﻌﺖ ﻭﺟﺒﺪﻫﺎ ﻟﻴﻪ ... ﻋﻨﻘﻬﺎ ﺑﻘﻮﺓ ﻭﺣﺸﺎ ﺭﺍﺳﻮ ﻓﻲ ﻛﺮﻭﻣﺘﻬﺎ ﻳﺸﻢ ﻓﻴﻬﺎ ﺣﺴﺘﻮ ﺷﻌﻞ ﻋﺎﻟﻠﺨﺮ ﻭﻫﺒﻞ ...
- ﻫﺎﺭﺑﺔ ؟ ﻗﺎﻟﻬﺎ ﻭﺻﻮﺗﻮ ﺑﻜﻠﻮ ﻳﺮﻋﺶ .. ﻭﻳﻦ ﻋﻨﺪﻙ ﺗﻬﺮﺏ ... ﻣﺎ ﺗﻬﺮﺏ ﻛﺎﻥ ﻟﺤﻀﻨﻲ ﺍﻧﺎ ﺭﺍﻫﻮ ... ﻣﺎﺑﻨﻚ ﻣﺎﺑﻨﻚ ﻣﺎﺑﻨﻚ ... ﻭﺑﻌﺪﻫﺎ ﻋﻠﻴﻪ ﺷﻮﻳﺔ ﻭﻗﻌﺪ ﻳﺜﺒﺖ ﻓﻲ ﺑﺪﻧﻬﺎ ﻭﻋﻴﻨﻴﻪ ﺍﻟﻜﻞ ﺑﺎﺵ ﻳﺎﻛﻠﻮﻫﺎ ... ﻫﺰﻫﺎ ﺑﻘﻮﺓ ﻭﺭﻣﺎﻫﺎ ﻓﻲ ﺍﻟﻔﺮﺵ ... ﻗﻮﻝ ﻃﻴﺸﻬﺎ ﻫﻬﻬﻪ ... ﻭﺭﻗﺪ ﺑﺤﺬﺍﻫﺎ ﻭﺑﺪﺍ يﺒﻮﺱ ﻓﻴﻬﺎ ... ﻭﻻﺕ ﺗﻀﺤﻚ .. ﺷﺪﺩﺗﻠﻮ ﻳﺪﻭ ﻭﻗﺎﺗﻠﻮ ﺑﺪﻻﻝ
ﻣﺤﻤﻮﺩ ... ﺍﻣﺎﻥ .. ﻧﺒﺪﺍ ﻧﺤﻀﺮ ﻓﻲ ﺭﻭﺣﻲ ﺳﺎﻋﺔ ﺗﺠﻲ ﺍﻧﺖ ﻓﻲ ﺩﻗﻴﻘﺔ ﺗﻨﺤﻲ ﻛﻞ ﺷﻲ ؟
ﻫﺰ ﺭﺍﺳﻮ ﻭﻏﺰﺭﻟﻬﺎ ﺑﺮﻏﺒﺔ ﻗﻮﻳﺔ ﻭﺿﺤﻚ
- ﺩﻗﻴﻘﺔ ؟ ﺳﻜﻮﻧﺪﺓ ... ﺳﻜﻮﻧﺪﺓ ﻭﺣﺪﺓ ﻭﻳﺘﻨﺤﻰ ﻛﻞ ﺷﻲ !!
ﻭﻋﺎﻭﺩ ﺭﺟﻊ ﻳﺠﺒﺪ ﻓﻴﻬﺎ ﻭﻫﻲ ﺗﻀﺤﻚ ﻭﺗﻘﺎﻭﻡ ﻓﻴﻪ .....
ﺑﻌﺪ ﺳﺎﻋﺔ ... ﻛﺎﻧﺖ ﻣﺘﻜﻴﺔ ﻋﻠﻰ ﺻﺪﺭﻭ ﻭﻣﻌﻨﻘﺘﻮ ﻭﻫﻮ ﺷﺎﺩ ﺳﻴﻘﺎﺭﻭ ﻳﺘﻜﻴﻒ ﻭﻳﻜﻮﻧﻜﺘﻲ
... ﻫﺰﺕ ﺭﺍﺳﻬﺎ ﻭﻗﺎﺗﻠﻮ
- ﻫﻜﺎﻛﺔ ﻗﺒﻴﻠﺔ ﺗﺤﻜﻲ ﺍﻣﻲ ﻧﺎﺟﻴﺔ؟ﺍﺵ ﺑﺎﺵ ﺗﻘﻮﻝ ﻋﻠﻴﻨﺎ ﺑﺮﺑﻲ؟
- ﻳﺎﺧﻲ ﺗﺤﻜﻲ ﺑﺠﺪﻙ ﺍﻧﺖ؟ ﻳﺎﺧﻲ ﻧﺎﺟﻴﺔ ﻭﻗﺘﻠﻲ ﺧﺬﺍﺗﻚ ﻟﻴﺎ .. ﻋﺎﺭﻓﺘﻚ ﺑﺎﺵ ﺗﻠﻌﺐ ﻣﻌﺎﻳﺎ ﺍﻟﻜﺎﺭﻃﺔ ؟!ﻳﺎﺧﻲ ﺧﺎﺭﺟﺘﻠﻲ ﻫﻜﺎﻛﺔ ﺗﺤﺒﻨﻲ ﻧﻘﻌﺪ ﻓﻲ ﻋﻘﻠﻲ ؟ ﻭﻃﻔﻰ ﺍﻟﺴﻴﻘﺎﺭﻭ ﻭﺣﻂ ﺍﻟﺘﻠﻴﻔﻮﻥ ﻭ lunette ﺑﺤﺬﺍﻩ ﻭﺗﻠﻔﺘﻠﻬﺎ .. ﻫﺒﻂ ﻭﺟﺎﺀ ﻣﻘﺎﺑﻠﻬﺎ ﺷﺪﻫﺎ ﻣﻦ ﻳﺪﻳﻬﺎ ﻭﺣﻄﻬﺎ ﻓﻮﻗﻮ ﻭﺑﺎﺳﻬﺎ ﻣﻦ ﺧﺸﻤﻬﺎ ﻭﻫﺒﻂ ﻟﻔﻤﻬﺎ . ﻭﻗﺎﻟﻬﺎ ﺑﺎﻟﺸﻮﻳﺔ
- ﻣﺎﻋﺪﺵ ﺗﺨﻤﻢ ﻓﻲ ﺣﺪ ﻭﺍﻧﺖ ﻣﻌﺎﻳﺎ .... ﺧﻤﻢ ﻛﺎﻥ ﻓﻴﺎ ﺍﻧﺎ .. ﺍﻧﺎ ﻛﻬﻮ .. ﻭﻃﻔﻰ ﺍﻟﻀﻮ ....
ﻓﻲ ﺍﻟﺼﺒﺎﺡ ﻭﻫﻲ ﺗﺤﻀﺮﻟﻮ ﻓﻲ ﺍﻟﻔﻄﻮﺭ ﻗﺎﻟﻬﺎ ﻋﻠﻰ ﺍﻟﺤﻔﻠﺔ
- ﺟﻤﺎﻋﺔ ﺍﻟﺸﺮﻛﺔ ﺍﻟﻜﻞ ﻳﺤﺒﻮ ﻳﺠﻴﻮ ﻟﻠﺪﺍﺭ ﻭﻳﺘﻌﺮﻓﻮ ﻋﻠﻴﻚ ... ﻫﺬﺍ ﺗﻘﻠﻴﺪ ﻋﻨﺪﻧﺎ ... ﻳﻌﻨﻲ ﻛﻴﻒ ﻭﺍﺣﺪ ﻳﻌﺮﺱ ﻭﻻ ﻳﺸﺮﻱ ﺩﺍﺭ ﻳﺴﺘﺪﻋﻲ ﺟﻤﺎﻋﺔ ﺍﻟﺸﺮﻛﺔ ... ﺑﻮﻥ ﻣﻮﺵ ﺍﻟﻜﻞ ﺍﻣﺎ ﺍﻟﻤﺴﺆﻭﻟﻴﻦ ﺍﻟﻜﺒﺎﺭ
ﺣﻄﺘﻠﻮ ﺍﻟﻘﻬﻮﺓ ﻗﺪﺍﻣﻮ ﻭﻗﻌﺪﺕ
- ﻣﺎﻓﻤﺎ ﺣﺘﻰ ﻣﺸﻜﻞ ! ﻭﻗﺘﺎﺵ ﺑﺎﺵ ﺗﺴﺘﺪﻋﻴﻬﻢ ؟
- ﻣﺎﻧﻌﺮﻓﺶ ﻭﻗﺘﻠﻲ ﻳﺴﺎﻋﺪﻙ ؟ ﺗﺤﺐ ﺍﻟﻮﻳﻚ ﺍﻧﺪ ﺍﻟﺠﺎﻱ ﻣﺜﻼ ؟
- ﺑﺎﻫﻲ ﺍﺵ ﺗﺤﺐ ﻧﺤﻀﺮ ؟
- ﻗﻌﺪ ﺑﺸﺮﺏ ﻓﻲ ﺍﻟﻘﻬﻮﺓ ﻭﺿﺤﻚ
- ﻣﺎﺗﺤﻀﺮ ﺷﻲ ﺣﻀﺮﻟﻲ ﻛﺎﻥ ﺭﻭﺣﻚ ﺍﻻﻣﻮﺭ ﻫﺎﺫﻱ ﻓﻤﺎ ﻣﺨﺘﺼﻴﻦ ﻳﺠﻴﻮ ﺑﺎﻟﺬﻣﺔ ... ﺍﻣﺎ ... ﻣﺎﻧﻌﺮﻓﺶ ﺑﺎﺵ ﻧﻬﺰﻙ ﻭﻧﺸﺮﻳﻮ ﺣﻮﺍﻳﺞ ﻟﻠﻤﻨﺎﺳﺒﺔ
- ﻻ ﻻ ﻣﻦ ﻏﻴﺮ ﻣﺎﺗﺸﺮﻳﻠﻲ .. ﻋﻨﺪﻱ ... ﺣﻮﺍﻳﺠﻲ ﻟﻜﻞ ﺟﺪﺩ ﻣﺎﺯﻟﺖ ﻣﺎﻟﺒﺴﺘﻬﻤﺶ ..
ﻏﺰﺭﻟﻬﺎ ﻭﺷﺪ ﺑﺎﺳﻠﻬﺎ ﻳﺪﻫﺎ
- ﻛﺎﻧﻚ ﻋﻠﻴﺎ ﺍﻧﺎ ﻧﺤﺒﻚ ﺑﻼﺵ ﺍﻫﻬﻬﻪ ﻳﺎﻗﻠﺒﻲ
ﺿﺤﻜﺖ ﻭﻗﺎﻣﺖ ﻓﻴﺴﻊ ﺗﻠﻢ ﻓﻲ ﺍﻟﻄﺎﻭﻟﺔ
- ﺑﺮﺍ ﻟﺨﺪﻣﺘﻚ ﺑﺮﺍ ... ﻇﺎﻫﺮ ﻓﻴﻚ ﺑﺎﺵ ﺗﻌﺎﻭﺩ ﺳﻴﻨﺎﺭﻳﻮ ﺍﻟﺒﺎﺭﺡ ﻫﻬﻬﻪ
ﻋﻨﻘﻬﺎ ﻣﻦ ﺗﺎﻟﻲ ﻭﺑﺎﺳﻬﺎ
ﻣﺎﺫﺑﻴﺎ ... ﺍﻣﺎ ﺍﻟﻠﻪ ﻏﺎﻟﺐ ﻋﻨﺪﻱ ﺍﺟﺘﻤﺎﻉ ﻣﻬﻢ ﺍﻟﻴﻮﻡ ﻣﺎﻛﺎﻧﺶ ﺍﻟﻠﻪ ﻻ ﻧﻔﻠﺘﻚ ؟
ﻣﺸﺎ ﻟﻠﺨﺪﻣﺔ ﻭﻫﻮ ﻳﺤﺲ ﻓﻲ ﻃﺎﻗﺔ ﻛﺒﻴﺮﺓ ﻓﻲ ﺑﺪﻧﻮ ... ﺭﺍﺣﺔ ﺍﻟﺒﺎﻝ ﻭﺍﻻﺳﺘﻘﺮﺍﺭ ... ﺣﺎﺟﺔ ﺟﺪﻳﺪﺓ ﻓﻲ ﺣﻴﺎﺗﻮ ... ﻣﺤﻼﻩ ﺍﻟﻌﺮﺱ ﺍﻟﺤﺎﺻﻞ .. ﻣﺤﻼﻩ ﻣﺤﻼﻩ ﻭﺧﺎﺻﺔ ﺍﻟﻌﺮﺱ ﺑﻌﺮﺑﻴﺔ . ﺑﻨﺖ ﺑﻼﺩﻭ .. ﺗﻔﻬﻤﻮ ﺗﻘﺪﺭﻭ ﻭﺗﺼﻮﻧﻮ .. ﻭﺗﻄﺎﻭﻋﻮ ﻭﺗﺘﻠﻬﻰ ﺑﻴﻪ ... ﺣﺎﺳﺲ ﺭﻭﺣﻮ ﺍﺳﻌﺪ ﺭﺍﺟﻞ ﻓﻲ ﺍﻟﻌﺎﻟﻢ ... ﻳﺴﻮﻕ ﻓﻲ ﺍﻟﻜﺮﻫﺒﺔ ﻭﻳﻐﻨﻲ ... ﺣﺘﻰ ﻫﻮ ﻭﻻ ﻛﻴﻒ ﻣﺮﺗﻮ ﺗﻘﻀﻲ ﻭﺗﻐﻨﻲ ... ﻭﺻﻞ ﻟﺒﻴﺮﻭﻩ ... ﺗﻠﻤﻮ ﺍﻟﺨﺪﺍﻣﺔ ﻭﺑﺪﺍ ﺍﻟﺠﺘﻤﺎﻉ ... ﺗﻮﻓﻴﻖ ﻳﻐﺰﻟﻮ ﻭﻳﺘﺒﺴﻢ
- ﺍﺍ ﻋﺮﻭﺱ ؟ ﺗﻔﺮﻫﺪﺕ ﺍﻟﺒﺎﺭﺡ ؟
ﻃﺒﺲ ﻋﻠﻴﻪ ﻛﻠﻤﻮ ﺑﺎﻟﺸﻮﻳﺔ
- ﻳﺎﻭﻟﺪﻱ ﺍﺵ ﻳﻬﻤﻚ ﻓﻲ *** ﺍﻧﺖ ؟ ﻧﻬﺎﺭ ﻛﺎﻣﻞ ﻭﺍﻧﺖ ﻣﺎﺭﺟﻨﻲ ﺑﺎﻟﺘﻠﻴﻔﻮﻧﺎﺕ ﻭﺍﻟﻤﺒﺴﺎﺟﺎﺕ ﺍﻣﺎ ﻭﺍﻟﻠﻪ ﻟﻤﺎ ﻧﺮﺟﻌﻬﺎﻟﻚ ؟
ﻗﺎﻡ ﺗﻮﻓﻴﻖ ﻳﻀﺤﻚ ... ﻭﺑﺪﺍ ﺍﻻﺟﺘﻤﺎﻉ ﻭﺑﺪﺍﺕ ﺍﻟﺨﺪﻣﺔ ....
ﻭﺟﺎﺀ ﻧﻬﺎﺭ ﺍﻟﺤﻔﻠﺔ ... ﻛﺎﻧﺖ ﺗﺤﻀﺮ ﻓﻲ ﺭﻭﺣﻬﺎ ﻓﺮﺣﺎﻧﺔ ... ﺟﺒﺪﺕ ﺣﻮﺍﻳﺠﻬﺎ ﻭﺣﻮﺍﻳﺞ ﻳﻮﺳﻒ ... ﻛﺎﻧﺖ ﺗﺤﺐ ﻣﺤﻤﻮﺩ ﻳﺘﺸﺮﻑ ﺑﻴﻬﺎ ... ﺗﺤﺒﻮ ﻳﻔﺘﺨﺮ ﺑﻴﻬﺎ ﻗﺪﺍﻡ ﺍﻟﻨﺎﺱ ﺍﻟﻠﻲ ﻳﺨﺪﻣﻮ ﻋﻨﺪﻭ ... ﻣﺎﻛﺎﻧﺘﺶ ﺗﻌﺮﻑ ﺍﻟﻠﻲ ﻣﻦ ﺍﻟﺤﻔﻠﺔ ﻫﺬﻳﻜﺔ ﺑﺎﺵ ﺗﺘﻘﻠﺐ ﺣﻴﺎﺗﻬﺎ .. ﻭﺍﻟﺴﻌﺎﺩﺓ ﺍﻟﻠﻲ ﻋﺎﻳﺸﺘﻬﺎ مع ﻣﺤﻤﻮﺩ ﺑﺎﺵ ﺗﻮﻟﻲ ﺗﻌﺎﺳﺔ ... ﺗﻌﺎﺳﺔ .. ﻭﺍﻭﻫﺎﻡ ... ﺍﻭﻫﺎﻡ ﺍﻟﺤﺐ

جاااام✅✅

✴✴✴✴