👑👑
ﻣﺎﺯﻟﺖ ﻣﺎﺫﻗﺘﺶ ﺍﻟﺴﻠﻌﺔ ﻫﻬﻬﻬﻪ؟
- ﻭﻩ ؟ ( ﻗﻌﺪﺕ ﺗﻐﺰﺭﻟﻮ ﺑﺎﻫﺘﺔ ) .. ﺍﺷﺒﻴﻜﻢ ﻻﺑﺎﺱ ؟
ﻫﺰ ﺭﺍﺳﻮ ﻭﺷﺪﻟﻬﺎ ﻳﺪﻫﺎ ﻻﺑﺎﺱ ﺍﻧﺎﺟﻴﺔ ﻻﺑﺎﺱ .. ﻳﺎﺧﻲ ﺗﺤﺒﻲ ﺷﻘﻮ ﺩﻗﻮ .. ﺍﻟﻄﻔﻠﺔ ﻣﺎﺯﻟﺖ ﻣﺶ ﺧﺎﺭﻃﺔ ﻋﻠﻴﺎ ﻭﺍﻧﺎ ﻧﺪﺧﻞ ﻋﻠﻴﻬﺎ ﻃﻮﻝ ﻫﻬﻪ
- ﺑﻼﻫﻲ ﻳﺰﻳﻨﻲ ﺑﻼ ﺗﺮﻫﺪﻳﻦ .. ﻣﺎﻻ ﺍﺣﻨﺎ ﻛﻨﺎ ﻗﺒﻞ ﻧﺘﻌﺮﻓﻮ ﻋﻠﻰ ﺑﻌﻀﻨﺎ؟ ﻣﻼ ﺣﻜﺎﻳﺔ ﺟﺎﻳﺒﻬﺎ
- ﻫﻬﻪ ﻫﺎﻧﺎﺟﻴﺔ ﺿﺎﻫﺮ ﻓﻴﻚ ﺧﻤﺠﺘﻴﻬﺎ ﻣﻊ ﺑﺎﺑﺎ ﻣﻦ ﺍﻟﻠﻴﻠﺔ ﻟﻮﻟﺔ ﻫﻬﻪ
ﺿﺮﺑﺘﻮ ﻋﻠﻰ ﺭﺍﺳﻮ ﻭﺗﻀﺤﻚ ﺣﺎﺷﻤﺔ
- ﻳﺰﻱ ﺍﺣﺸﻢ ﻭﺍﻟﻠﻪ ﻻﻙ ﻣﺘﺮﺑﻲ .. ﺍﺣﻜﻴﻠﻲ ﺍﺷﺼﺎﺭ ؟
- ﻣﺎﻭ ﻗﻠﻨﺎ ﻋﺎﺩ ﺗﺤﺐ ﺗﺘﻌﺮﻑ ﻫﻬﻬﻪ ﻫﺎﻱ ﻃﻠﻌﺖ ﺣﺸﺎﻣﺔ . ﻭﻋﺎﻟﻠﺨﺮ ﺯﺍﺩﺓ ﻫﻬﻪ ﺯﺍﺩﺕ ﻫﺰﺕ ﻳﻮﺳﻒ ﻣﻌﺎﻧﺎ ﺍﺵ ﺗﺤﺒﻴﻨﻲ ﻧﻌﻤﻞ ﺍﻧﺎ ؟ ﻧﺸﺪﻫﺎ ﺑﺎﻟﺴﻴﻒ ؟
- ﺃﻱ ﺣﺸﺎﻣﺔ ﻣﺎﻻ ﺗﺴﺨﺎﻳﻠﻬﺎ ﻛﻴﻒ ﻫﺎﻙ ﺍﻟﺮﻗﻊ ﺍﻟﻠﻲ ﺗﻌﺮﻓﻬﻢ ﺍﻧﺖ ؟ ﻭﻻﻩ ﺗﺸﺪ ﻓﻴﻬﺎ ﺑﺎﻟﺴﻴﻒ ﺍﻟﻄﻔﻠﺔ ﺣﺴﻴﺘﻬﺎ ﻓﺮﺣﺎﻧﺔ ..؟ ﺑﺎﺵ ﺗﻤﻮﺕ ﺑﺎﻟﻔﺮﺣﺔ ﻣﻠﻲ ﺧﻄﺒﺘﻬﺎ
- ﻫﻬﻪ ﻧﻌﺮﻑ ﻧﻌﺮﻑ .. ﺍﻣﺎ ﻣﺎﻧﻲ ﻗﺘﻠﻚ ﺣﺸﺎﻣﺔ ﻭﺿﺎﻫﺮ ﻓﻴﻬﺎ ﺿﻠﻤﺔ ﺯﺍﺩﺓ .. ﻫﺎﻧﻲ ﻧﺴﺎﻳﺲ ﻓﻴﻬﺎ .. ﻣﻮﺵ ﻣﺸﻜﻞ ﻣﺎﻋﻨﺪﻱ ﻣﺎﺯﺍﺭﺑﻨﻲ ... ﺍﻣﺎ ﻧﺎﺟﻴﺔ . ﻣﻼ ﺳﻠﻌﺔ ﺑﺼﺮﺍﺣﺔ ﻫﻬﻪ ﻣﺎﺻﺪﻗﺘﻜﺶ ﻣﻦ ﻟﻮﻝ .. ﺍﻣﺎ ﺗﻮ ﻫﺎﻱ ﺑﺪﺍﺕ ﺗﺒﺎﻥ ﻫﻬﻪ
- ﻣﺎﻧﻲ ﻗﺘﻠﻚ ﻣﺎﺗﺤﺸﻤﺶ ﻭﺍﻟﻠﻪ .. ﻫﻬﻪ ﻫﺎﻱ ﺑﺮﻙ ﻧﺤﺒﻚ ﺗﺘﻬﻨﻰ ﻭﺭﺍﺱ ﻭﻟﺪﻱ ﻻﻙ ﺑﺎﺵ ﺗﻨﺪﻣﻬﺎ ﺟﻤﻠﺔ .. ﺭﺍﻧﻲ ﺍﻣﻚ ﻭﻗﺎﺭﻳﺘﻚ ﻗﺮﺍﻳﺔ .. ﻳﺎﺧﻲ ﻣﺎﻧﻌﺮﻓﻜﺶ ﺍﺵ ﺗﺤﺐ ﺍﻧﺎ ؟
- ﻫﻪ ﻻ ﺗﻌﺮﻓﻴﻨﻲ ﺗﻌﺮﻓﻴﻨﻲ .. ﺗﻌﺮﻓﻴﻨﻲ ﺭﻳﻘﺘﻲ ﺳﺎﻳﻠﺔ ... ﻧﺬﻭﻗﻮ ﺍﻟﺴﻠﻌﺔ ﺑﻌﺪ ﺗﺎ ﻧﺤﻜﻴﻮ ....
ﻓﻲ ﺍﻟﻠﻴﻞ ﻣﺸﺎ ﺩﻭﺵ ... ﻭﺩﺧﻞ ﻳﺒﺪﻝ ﺣﻮﺍﻳﺠﻮ .. ﻛﺎﻥ ﻻﺑﺲ ﻣﻨﺸﻔﺔ ﻓﻲ ﺣﺰﺍﻣﻮ ... ﻭﺻﺪﺭﻭ ﻋﺮﻳﺎﻥ ... ﻛﺎﻧﺖ ﺷﺎﺩﺓ ﺍﻟﻔﺮﺵ ... ﻋﻠﻰ ﺣﺮﻑ ﺍﻟﻔﺮﺵ ﻻﺑﺴﺔ ﺳﺮﻭﺍﻝ ﻗﺼﻴﺮ ﻓﻲ ﺍﻟﺮﻭﺯ ﻭﺑﻮﺩﻱ ﻋﻠﻴﻪ ﺗﺼﻮﻳﺮﺓ ﺑﺎﺭﺑﻲ ﻫﻬﻪ ﻫﺎﻭ ﺑﺪﺍ ﺷﻮﻳﺎ ﺗﺤﺴﻦ .. ﺿﻬﺮﻭ ﺳﺎﻗﻴﻬﺎ ﺷﻮﻳﺔ ﻫﻬﻪ .. ﺣﺲ ﻭﺟﻬﻬﺎ ﻃﻤﻄﻢ ﻭﻫﻲ ﺗﻐﺰﺭﻟﻮ ﻫﻜﺎﻛﺔ ... ﻃﺒﺴﺖ ﺭﺍﺳﻬﺎ ﻣﺎﻟﺤﺸﻤﺔ ﻭﻫﻮ ﻋﻤﺎﻝ ﻳﺰﻳﺪﻫﺎ ﻓﻲ ﺍﻟﺪﻭﺯﺓ .. ﻗﺮﺑﻠﻬﺎ ... ﺷﻌﺮﻫﺎ ﻛﺎﻥ ﻣﻠﻤﻮﻡ ﺑﺒﻮﻧﺪ ... ﺣﻂ ﻳﺪﻭ ﺑﺎﻟﺸﻮﻳﺔ ﻭﺟﺒﺪﻫﺎ .. ﻫﺒﻂ ﻛﻴﻒ ﺍﻟﺸﻼﻝ ﻋﻠﻰ ﻭﺟﻬﻬﺎ .. ﻏﻤﺾ ﻋﻴﻨﻴﻪ .. ﺣﻂ ﺧﺸﻤﻮ ﻋﻠﻰ ﺭﺍﺳﻬﺎ ﻭﺑﺎﺳﻬﻮﻟﻬﺎ ﻭﺯﺍﺩ ﻗﻌﺪ ﺑﺤﺬﺍﻫﺎ .. ﻗﺎﻟﻬﺎ ﺑﺎﻟﺸﻮﻳﺔ
- ﻣﻮﺵ ﻗﺘﻠﻚ ﻣﺎﻋﺎﺩﺵ ﺗﺸﺪﻭ ﺷﻌﺮﻙ ؟ ﺧﻠﻴﻪ ﺩﻳﻤﺎ ﻣﺤﻠﻮﻝ ﻧﺤﺒﻮ ﻣﺤﻠﻮﻝ .. ﻣﺤﻼﻩ ﻭﻫﻮ ﻣﺤﻠﻮﻝ ..
ﻗﻌﺪﺕ ﻣﻄﺒﺴﺔ .. ﻳﺤﺴﻬﺎ ﺗﺒﻠﻊ ﻓﻲ ﺭﻳﻘﻬﺎ ﺑﺎﻟﺴﻴﻒ .. ﺣﺎﺳﺲ ﺍﻟﻠﻲ ﻳﺪﻭﺭ ﻓﻲ ﻣﺨﻬﺎ ﺍﻟﻜﻞ .. ﺧﺎﺗﺮ ﻧﻔﺲ ﺍﻹﺣﺴﺎﺱ ﻋﻨﺪﻭ ﻫﻮ ﺗﻮ ... ﺍﻣﺎ ﻣﺴﺘﺤﻴﻞ ﻳﻔﺮﺽ ﺭﻭﺣﻮ ﻋﻠﻴﻬﺎ .. ﻳﻌﺮﻑ ﺍﻟﻠﻲ ﻫﻮ ﺑﺼﺒﻌﻮ ﺗﻮ ﻳﻨﺠﻢ ﻳﺨﻠﻴﻬﺎ ﺗﺤﺘﻮ ﻭﻣﻠﻜﻮ .. ﺍﻣﺎ ﻫﻮ ﻳﺤﺘﺮﻡ ﻗﺮﺍﺭﻫﺎ .. ﻳﻠﺰﻡ ﻳﺸﺪ ﺭﻭﺣﻮ
ﻳﺤﺐ ﻭﻗﺘﻠﻲ ﺗﺒﺪﺍ ﻣﻌﺎﻩ ﺗﻜﻮﻥ ﺯﺍﺩﺓ ﻫﻲ ﻣﺴﺘﻌﺪﺓ ﻟﻠﺤﻈﺔ ﻫﺎﺫﻱ ... ﺑﻌﺪ ﺷﻮﻳﺔ ﻭﻗﺎﻡ ﺑﺎﺵ ﻳﺠﺒﺪ ﺣﻮﺍﻳﺠﻮ ﻣﻦ ﺍﻟﺨﺰﺍﻧﺔ .. ﺣﺴﻬﺎ ﺗﺘﻨﻔﺲ ﺑﺎﻟﺸﻮﻳﺔ .. ﻫﺰﺕ ﺳﺎﻗﻴﻬﺎ ﻭﻋﻨﻘﺘﻬﻢ ﺑﻴﺪﻳﻬﺎ ﻭﻗﻌﺪﺕ ﺗﻐﺰﺭﻟﻮ ﺑﺎﻟﺴﺮﻗﺔ .. ﻣﺸﻂ ﺷﻌﺮﻭ ﻭﻋﻤﻞ ﺷﻮﻳﺔ ﺑﺎﺭﻓﺎﻥ ﻭﻣﺸﻰ ﺍﺗﻜﻰ ﺑﺤﺬﺍﻫﺎ .. ﺣﺴﻬﺎ ﻗﺎﻋﺪﺓ ﻻﺑﺪﺓ ﻓﻲ ﺑﻘﻌﺘﻬﺎ ﻣﺎﺗﺤﺮﻛﺘﺶ .. ﺿﺤﻚ ..
- ﻳﺎﺧﻲ ﺑﺎﺵ ﺗﻘﻌﺪ ﻫﻜﺎ ﺑﺮﺷﺔ ؟
ﺣﺴﻬﺎ ﻣﺮﺑﻮﺛﺔ ﻭﺧﺎﻳﻔﺔ .. ﻣﺮﻋﻮﺑﺔ ﺍﻛﺜﺮ ﺗﻮﺍ
ﻻ .. ﻫﺎ . ﻫﺎﻧﻲ ﺑﺎﺵ ﻧﺮﻗﺪ
ﺍﺗﻜﻰ ﻋﻠﻰ ﻣﺮﻓﻘﻮ ﻭﺟﺒﺪﻟﻬﺎ ﻳﺪﻫﺎ ﺑﺎﻟﺸﻮﻳﺔ .. ﻏﺰﺭﺗﻠﻮ ﺑﺎﻫﺘﺔ .. ﻋﻴﻨﻴﻬﺎ ﻭﺳﺎﻋﺖ ﻳﺪﻫﺎ ﻛﺎﻧﺖ ﺑﺎﺭﺩﺓ ﻭﺗﺮﻋﺶ ... ﺣﻂ ﻳﺪﻭ ﻋﻠﻴﻬﺎ ﻭﺟﺒﺪﻫﺎ ﻟﻴﻪ ﺑﺎﻟﺸﻮﻳﺔ ﻭﻫﻮ ﻳﺘﺒﺴﻢ ..
ﻣﺎﺗﺨﺎﻓﺶ .. ﻣﻮﺵ ﺑﺎﺵ ﻧﻌﻤﻠﻚ ﺷﻲ ﺍﻳﺠﺎ ﺍﺭﻗﺪ؟ ﺑﺪﺍﺕ ﺗﺘﺰﺭﺯﺡ ﺑﺎﻟﺸﻮﻳﺔ ﺑﺎﻟﺸﻮﻳﺔ ﻟﻴﻦ ﻗﺮﺑﺖ ﺑﺤﺬﺍﻩ .. ﺣﺴﻬﺎ ﺻﻐﺮﻭﻧﺔ ﻭﺧﺎﻳﻔﺔ ... ﻣﺎﺣﺒﺶ ﻳﺰﻳﺪ ﻳﺨﻮﻓﻬﺎ ﺍﻛﺜﺮ .. ﺣﻄﻠﻬﺎ ﺭﺍﺳﻬﺎ ﻓﻮ ﻛﺘﻔﻮ ﻭﺭﻣﺎ ﺍﻟﻐﻄﺎﺀ ﻋﻠﻴﻬﻢ .. ﺗﻨﻬﺪ .. ﻭﻗﻌﺪ ﻳﻠﻌﺒﻠﻬﺎ ﺑﺸﻌﺮﻫﺎ ﻭﻫﻲ ﺟﺎﻣﺪﺓ ﻣﺎﺗﺤﺮﻛﺘﺶ .. ﻻﻋﺮﻓﺖ ﺗﻐﻤﺾ ﻋﻴﻨﻴﻬﺎ ﻭﻻ ﺗﺤﻠﻬﻢ ... ﺣﺲ ﺑﺪﻧﻬﺎ ﺍﻟﻜﻞ ﻳﺮﻋﺶ ﻭﺑﺎﺭﺩ ... ﺗﻠﻔﺖ ﺑﺎﺳﻠﻬﺎ ﺟﺒﻴﻨﻬﺎ ﻭﺯﺍﺩ ﻛﺒﺲ ﻋﻠﻴﻬﺎ
- ﻣﺎﺗﺨﺎﻓﺶ .. ﻣﺎﻧﻲ ﻗﺘﻠﻚ ﻣﺎﻳﺼﻴﺮ ﺷﻲ .. ﺍﺭﻗﺪ ﺍﺭﺗﺎﺡ .. ﺍﺭﻗﺪ ﻋﻠﻰ ﻛﺘﻔﻲ .. ﻣﺎﻧﻴﺶ ﺑﺎﺵ ﻧﻌﻤﻠﻚ ﺷﻲ ﻛﻴﻤﺎ ﻭﻋﺪﺗﻚ ... juste ﻧﺤﺒﻚ ﺗﺮﻗﺪ ﻋﻨﺪﻱ ... ﻣﻮﺵ ﺗﺤﺐ ﻧﺴﺘﺎﻧﺴﻮ ﺑﺒﻌﻀﻨﺎ ؟ ﻋﻤﻠﺘﻠﻮ ﺑﺮﺍﺳﻬﺎ ﺃﻱ ﻭﻫﻲ ﺗﻐﺰﺭﻟﻮ ﻭﻫﺰﺕ ﻳﺪﻫﺎ ﺑﺎﻟﺸﻮﻳﺔ ﺣﻄﺘﻬﺎ ﻋﻠﻰ ﺻﺪﺭﻭ .. ﻫﺰﺗﻬﺎ ﻛﺎﻳﻨﻲ ﻟﺴﻌﺘﻬﺎ ﺣﺎﺟﺔ ﻭﺑﻌﺪ ﻋﺎﻭﺩﺕ ﺭﺟﻌﺘﻬﺎ .. ﺗﺒﺴﻢ ﻭﻏﺰﺭﻟﻬﺎ ﻭﺷﺒﻚ ﺻﻮﺍﺑﻌﻮ ﻓﻲ ﺻﻮﺍﺑﻌﻬﺎ
- ﺍﺭﻗﺪ ﻋﺎﺩ .. ﻫﻬﻪ ﺍﺭﻗﺪ ﺧﻴﺮ ﻣﺎﻧﺒﺪﻝ ﺭﺍﻱ ﺭﺍﻫﻮ ؟
ﺗﺒﺴﻤﺘﻠﻮ ﻭﻏﻤﻀﺖ ﻋﻴﻨﻴﻬﺎ .. ﻭﻫﻮ ﻳﻌﻠﻢ ﺑﻴﻪ ﺭﺑﻲ ﻛﻴﻔﺎﺵ ﺷﺎﺩ ﺭﻭﺣﻮ ﻋﻠﻴﻬﺎ ... ﺍﻣﺎ ﻣﻴﺴﺎﻟﺶ .. ﺍﻟﻤﻮﻗﻒ ﻫﺬﺍ ﻣﺎﺗﻌﺮﺿﻠﻮﺵ ﻓﻲ ﺣﻴﺎﺗﻮ .. ﻣﺤﻼﻩ ﺇﺣﺴﺎﺱ ﺍﻧﻚ ﺗﺤﺲ ﺭﻭﺣﻚ ﺍﻧﺖ ﺍﻟﻠﻲ ﻣﺴﻴﻄﺮ ﻋﻠﻰ ﺍﻟﻌﻼﻗﺔ .. ﺍﻧﺖ ﺍﻟﻠﻲ ﺗﺴﻴﺮ ﻓﻴﻬﺎ .. ﺍﻧﺖ ﺍﻟﻠﻲ ﺗﺤﻜﻢ ﻭﺍﻧﺖ ﺍﻟﻲ ﺗﺎﺛﺮ .. ﺍﻧﺖ ﺍﻟﺮﺍﺟﻞ .. ﻭﻫﻲ ﺍﻻﻧﺜﻰ
جااام✅✅
✴✴✴✴
أنت تقرأ
👑زواج تقليدي👑
Romanceلبنات هاني رجعتلكم بكرونيك أخراا و حبوهاا برشااا و تفاعلو معاهاا برشااا و باش نبدأ نهبط لازم نلقااا برشا تفاعل🌸 حاجة جديدة مهبطتش كيفهاا قبل❤❤ انشالله تناال اعجابكم🍯📯❤🌸 😍😍😍😍😍 قمبلة 😍😍😍😍 كرونيك روعة أياااا نلقا برشا جامات نكمل
