«دمعة شتا Teardrop»

43

صلوا علي النبي واذكروا الله ❤.
.
.
صعب جداً اني اقدر اسامح حد ظلمني او كسر بخاطري او أذاني بكلام، عمري ما هعرف انسى اي وجع قلب اتعرضتله، وان مخدتش حقي في الدنيا ف احنا لينا يوم هنقف فيه قدام ربنا وهاخد حقي منهم وقتها،

*_* *_* *_* *_* *_* *_* *_* *_* *_* *_* *_* *_* *_* *_* *_* *_* *_* *_*
.
صعد اسيد وراسل الي مكتب المدير ودلفت نور معهم لكي تقدم الملفات..
نور برسميه اعجب بها راسل للغايه فهي لاتسمح لاحد ان يتخطي حدوده معها... انس بيه حضرتك دي الملفات اللي طلبتها ودا ملف رأفت بيه..

انيس برسميه مماثله.... حطي الملفات وقولي للسكرتيره تيجي.
نور وهي تهز برأسها برسميه.. حاضر.
انيس.. اتفضلي.
ذهبت نور وكانت تريد الاتصال بأكسير كي تخبرها لاكن لم تجد هاتفها اعتقدت انها تركته علي مكتبها..
نور.. مروه روحي شوفي الاستاذ انيس طلبك.
مروه بعمليه.. حاضر.
نزلت نور للاسفل وهي تبحث عن هاتفها فلم تجده..
جمال زميل لها بالمكتب... نور خدي اطبعي الملف دا نسختين ودا نسخه بسرعه لان الاستاذ انيس عاوزهم.
نور ونسيت امر هاتفها... اوك هات بس هتطلعهم انت انا لسه ورايا شغل عاوزه اخلصوا..
جمال... تمام وهبعتلك علي الابتوب بتاعك النهاردا الملفات اللي طلبتيهم..
نور... تمام امال فين مي؟!
جمال وهو يبحث عن ملف في الادراج.. خطيبها ايجه وخدها بعد اما استأذنت المدير.
نور.. اها ماشي.
وبدأت في طبع الاوراق ولفت انتباهها ان هناك شرط مكتوب بخط صغير اسفل ورقه من هذا الملف.. اي دا لقد تم تنازل مدير الشركه عن اي خسائر سوف تحدث.. اي الكلام دا ازاي استاذ انيس يكتب كدا ولمين الملف دا؟!  جمال بقولك!
جمال وهو يراجع بعض الاوراق... ها في اي؟!
نور وهي تنظر للملف بأستغراب... هو الملف دا تبع شركة اي او شركة مين..
جمال... اسيد الباشا تبع شركة المقولات تحديدا..
نور... دي النسخه الاصليه؟!
جمال.. لا دي نسخه بس من الورق  الاصلي معاهم زمانهم بيتنقشوا فيه الوقت  ؟!
نور بصدمه.... هار اسود هيضحك عليهم ولاد الهبله او ممكن يشوفوا الشرط دا بس اصلا الشرط مكتوب بخط صغير خالص اي دا ياربي اما اروح الحقهم..
كانت نور تركض حتي تصل ولاكن اصتدمت في احد..
.. خلي بالك يانسه هتأذي نفسك كدا.. واسندها لانها وقعت.
نور بأستغراب... مازن؟!  بتعمل اي هنا؟!
مازن بأبتسامه... نور اذيك عامله اي يابنتي؟!
ابتسمت نور ونسيت هؤلاء الذين سوف ينخدعون.. اه انا بخير الحمدلله والله ليك واحشه يامزون بس اي اختفيت فجأه كدا لي
مازن بأبتسامه... الدراسه بق وكدا المهم انتي كنتي بتجري لي..
نور.. فكك مني انت اي تعمل اي هنا؟!
مازن... بصراحه صفقه ومحتاج دعم لمشروعي وهما وفقوا..
نور ببلاهه... اها طيب انا كنت هعمل اي.. ثم فتحت اعينها بصدمه... يالهوي زمنهم وقعوا ياخرااابي مازن تعالي ورايا بسرعه..
مازن بقلق.. طيب في اي طيب..
نور بتوتر وقلق... يارب ميكنوش وقعوا يارب..
مازن بأستغراب... ايوا بردوا مش فاهم حاجه فهميني لحد اما الاسانسير يوصل..
نور بتوتر... في مصيبه في ان الاتنين الهبل هيوقعوا علي عقد في خساير بالكوم وهما اللي هيتحملوا المسؤوليه كلها..
مازن.. دا ازاي دا اسموا نصب واحتيال لو هما ميعرفوش بالشرط دا..
نور وهي تلطم علي خديها بطريقه مضحكه... اااه ياني ماهي دي المصيبه ممكن يكونوا وقعوا علي العقد ياتري..
مازن... خلاص هنوصل اهو..
توقف المصعد خرجت نور وهي تركض عند المكتب ودلفت فجأءه مما افزعهم جميعا..
انيس بعصبيه لانهم كانو سيوقعون الان... نووور انتي ازاي تدخلي بالطريقه الهمجيه دي ومين اللي معاكي دا..
نور بعصبيه اكثر.... نعم ناااااعم يدلعدي شوف بق انا بيحصل منك مواقف اد كدا وبسكتلك احتراما انك اكبر مني بس تضحك علي خطيبي وجوز خطيبي لا هنا واستوب ياعنيا اه انت مفكره زريبه ولا اي..؟!
اسيد بصوت عالي... باااس اي يانور في اي واي اللي بتقوليه دا..
راسل بضيق.. نور بس في اي اي اللي حصل ثم انتبهوا علي مازن الذي جلس وارخي جسده بكل ارياحيه..
راسل بأستغراب... مازن؟! اي جابك هنا..
مازن وهو يتنخد ويمثل اليأس... للاسف كنت جاي اعمل شغل مع الاستاذ انيس بس للاسف طلع نصاب وبيحتال علي الناس تؤ تؤ تؤ شركه محترمه كدا تطلع نصابه يابااااي عليك يانيس طلعت خلبوصه..
اسيد بنفاذ صبر.. انا عاوز افهم في اي واي اللي انت بتقولوا دا يامازن وانتي يانور قصدك اي..
انيس وقد فهم انها علمت موضوع نصبه علي الناس... في ان مفيش احترام هنا وانتي مرفود اطلعي برا بدل ماجبلك الامن..
راسل بعصبيه... احترم نفسك واعرف انت بتتكلم مع مين..
انيس بسخريه.. هيكون مع مين يعني واحده رخيصه لو عرضت عليها تيجي معايا الشقه هتيجي..
هنا امسكه راسل من ياقة قميصه ونزل عليه باللكمات ابعده اسيد وقال بغضب... انيس بيه اتمني توضحلي هما يقصدوا اي؟!
راسل بعصبيه وصوت عالي... مازن سيبني اربيه انت مش شايف اتكلم علي خطيبتي ازاي ابعد عني خليني اعرفوا قمتوا؟!
مازن وهو يهدئ راسل... راسل اهدي اسيد هيعمل معاه الواجب بعد اما يعرف الحقيقه اهدي واصبر اقعد كدا وصلي علي النبي..
هدئ راسل واغلق مازن الباب واشر لنور الذي كانت تقف وترسل نظرات الشرار الي هذا الانيس...
نور بغيظ.. انا هقولكم وذهبت وامسكت باالاوراق واشارت علي سطر لم يكن واضح اللي الذي يدقق فيه بتمعن وهو شرط مكتوب.. شوفوا السطر دا صغير ازاي..
اخذ اسيد الملف منها واخرج نظارته الطبيه ووضعها ودقق النظر وقرأ... لقد تم تنازل مدير الشركه عن اي خسائر ستحدث وهذا برضي العميل قرأها اسيد بصوت عالي.. راسل ازاي احنا قرأناه ومخدناش بالنا كنا هنروح ورا الشمس..
مازن بجديه.. وطلاما في شرط زي دا معناه ان الصفقه نصب اصلا وكلاها هتبق خساير والمكسب طبعا هيبق لشركة انيس بيه... ودا احتلال ونصب والشرطه جايه في الطريق..
انيس بخوف لان الشرطه سوف تبحث في عمله وسوف يعرفون انه يفعل هذا كثيرا... لا لا انا مستعد اقدم ليكوا اي حاجه بس بلاش الشرطه..
نور بشر... كان علي عيني والله بس خلاص وصلوا ثم اشارت للنافذه..
صعدت الشرطه ولاكن اسيد كان اخذ حقه منه جعله كيس ملاكمه دلفت الشرطه وابعدته واخذت دليل ادانته كي تثبت عليه وكان هذا الشرطي وائل..
وائل بجديه.. استاذ اسيد لو تسمح تيجي عشان تعمل محضر..
اسيد ببرود... هبعت المحامي بتاعي..
ابتسم وائل واخذوا بعض باالاحضان..
وائل بأبتسامه.. والله وحشتوني ياجماعه..
مازن بضحكه.. والله انت اللي ليك واحشه دا حتي ايام المغامره وحشتني..
راسل بضحكه... اسيد حاليا بيفكر ازاي يقتلك ويدفنك فين..
مازن نظر لاسيد وجده ينظر له بشر.. اااااا.. اي يابوص بس هو هو يعني بس الايام اللي وحشتني اكيد مش قصدي حاجه اقولك علي حاجه انا هسكت خالص لان حاسس اني بعك في الكلام..
اسيد... يبق احسن بردو وانهوا لحظه الاشتياق لبعضهم وتركهم وائل وغادر..
اسيد ببرود... اكسير هتوصل امته..
نظرت نور لساعتها وقالت خلاص عشر دقايق وتوصل..
راسل.. طب جهزي حاجتك ويلا عشان نمشي ومن هنا ورايح هتشتغلي في شركتنا مش هنا خلصي ونت يامازن بما انك هنا يلا هنطلع نتغدا برا..
مازن وهو يتكلم بدراما... اااه اخيرا حد حس بيا وعرف اني جعان ومكلتش بقالي نص ساعه وحاسس اني بموت ومحتاج لسندوشت شورما افوق بيه ااااه قلبي الصغير لايتحمل..
اسيد وهو يتصنع القرف... سندوشت اي سندوشت دي وبعدين هتفوق بسندوشت شورما مرا واحده الله يكون في عون اللي هتتجوزها يابني والله ثم نفض علي يديه بيأس فهو لم يتغير دائما يأكل ويأكل ولاكن جسده رياضي..
نور بأستغراب... لحظت كل دا وملحظتش انو قال بقالوا نص ساعه لاكتير والله..
راسل بضحك.... تعالي كولنا بق هنلاحق عليك منين..
مازن.. انتوا عازمني وكمان بتعيروني طب والله لواكل عادي جداا..
خرجوا من الشركه وانتظروا امامها حتي تصل اكسير...
نزلت اكسير من التاكسي وهي تمشي وتكلم نفسها وكان شكلها مضحك وهي تلوح بيديها في الهواء..
اكسير بغيظ... يوم باين من اولوا اول حاجه امتحان وتاني حاجه اسيد وتالت حاجه الزباين ولاد البرده ابنهم ياخد الفون مني وبعدين يدلق عليه العصير دا لسه جديد والله عيل بجح مش متربي هو لو كان متربي كان نتشوا من ايدي وطلع يجري ابن المعقربه دا لا وكمان سواق التاكسي خمسين جنيه لييييييي يعني اوووف لا وكمان لسه هقابل موظفين دمهم زي السم وغير كدا الزفت اللي اسمو انيس وغير كدا لسه هروح واذكر وانام والله عال اوي انتحر ولا اعمل اي... متعمليش حاجه اجفلها هذا الصوت من خلفهافزعت من مكانها عندما جاء صوت اسيد متعمليش تعالي عشان هنروح نتغدا كانت ستصرخ عليه ولاكن وجدت راسل ونور ومازن ماذا مازن بيعمل اي هنا..
ابتسمت لهم وتجاهلت اسيد مما جعله يصر علي اسنانه بغيظ ويقول كل شئ بحسابه استني عليا يااكسير..
اكسير بفرحه... مااازن وحشتني والله وجاءت لتحتضنه اامسكها اسيد من خلف رقبتها وابعدها... ونظر لها بغضب..
اكسير وهي تتأفف وتدب رجليها في الارض.. اووووف ابعد عني سيب الشاكيت نت عارف بكام دا ثم نظرت لهم بعدما تركها ونظر لها بتحذير المهم ياجماعه انتوا واقفين كدا لي؟!
سردت لها نور كل شئ..
اكسير بغيظ من هذا الانيس... احسن يستاهل راجل معندوش دم..
مازن بأستغراب... مش طايقاه كدا لي..
نظر لها اسيد بأنتباه ووو...
.
^_^ *_* *_* *_* *_* *_* *_* *_* *_* *_* *_* *_* *_* *_* *_* *_* *_* *_* 
.
نكمل البات الجاي ياحلوييين💛.
.
*_* *_* *_* *_* *_* *_* *_* *_* *_* *_* *_* *_* *_* *_* *_* *_* *_* *_* 
.
شير💛.
.
دعم💛.
.
كومنت💛
.
تصويييت💛.
.