လမ်းခွဲကြပြီးနောက်(season2)
Part 8
When we see again...
ပျောက်သောသူက ရှာလျင်တွေ့နိုင်ပေမယ့် ပုန်းသောသူအား ရှာတွေ့ဖို့ကမဖြစ်နိုင်သည်မို့... ကိုယ်တိုင်ထွက်လာမှသာ ဖြစ်မည်။ ပုန်းနေတဲ့ လူတစ်ယောက် ဘယ်လိုထွက်လာအောင်လုပ်ရမလဲ... သီရိမေ...ထိုကလေးမအတွက် လူလုံးထွက်ပြဖို့နည်းတစ်နည်းသာရှိသည်။ သူမချစ်သောအိမ်...။ တစ်ဖက်လက်ဖြင့်... ဖွားစောသုံးခဲ့ဖူးသည့်နည်းလမ်းတစ်ချို့အားဖြင့် သူမအိမ်ကို ထိဖို့ပြင်လိုက်ခြင်းဖြင့်...
မတရားခဲ့ဘူးယူဆမိသဖြင့် ထွက်သွားခွင့်ပေးခဲ့သည်ဆိုသော်လည်း... တစ်ဘဝလုံးစာမဟုတ်။ အချိန်တန်လျင်ပြန်လာရမည့် သူ့လက်ခုပ်ထဲမှာသာရှိသေးသည့် ထိုကောင်မလေး။ ၅နှစ်။ ပေးခဲ့မိသည့် ဒဏ်ရာများအား ကုစားဖို့ ၅နှစ်ဟူသောကာလသည် လုံလောက်မည်ထင်သည်။ အချိန်တန်လျင်... သူ့လက်ထဲပြန်ရောက်လာမည်ဟု မျှော်လင့်ခဲ့ရသည့် အဖြူရောင်ပိုးစုန်းကြူးကလေးသည်...
"Hurry up mommy. ချီချီ အိမ်ကိုအမြန်ရောက်ချင်ပြီ။ မေမေပြောတဲ့ နှစ်ထပ်အိမ်ကလေးရယ် ပြီးတော့ ပန်းခြံသေးသေးကလေးရယ်... အို... ချီချီ အရမ်းအရမ်းကို စိတ်လှုပ်ရှားနေတယ်"
စိုင်းနေရောင် လေယာဉ်ကွင်းသို့ ဂျပန်က ဧည့်သည်တွေအပြန်ကို နှုတ်ဆက်ဖို့ရောက်နေခဲ့သည်။
အသံစာစာကလေးနှင့် သူမလေးပြောနေသည့်အကြောင်းရာက သူ့စိတ်အား ဘာကြောင့်ရယ်မသိ ဆွဲဆောင်နေသည်မို့ ကြည့်မိတော့
အဝါနုရောင်ဂါဝန်လေးဖြင့် ကလေးမလေးက ချစ်စဖွယ်... သူမလေးရှေးရှုရာ အမျိုးသမီးရှိရာဆီ မသိစိတ်အားဖြင့် ကြည့်မိပြန်သည်။
ကလေးငယ်တစ်ဦးကို လက်ဆွဲထားပြီး luggageနှင့် အထုပ်အပိုးများဖြင့် ရှုပ်ရှက်ခက်နေသည့် မိန်းကလေးတစ်ဦး၏ နောက်ကျောကို တွေ့လိုက်ရသည်။ ထိုမိန်းကလေးမှာ မိခင်တစ်ဦးဖြစ်ဖို့ များစွာငယ်လွန်းသေးသည်ဟု မှတ်ချက်ချမိလိုက်သည်။ လက်ဆွဲထားသည့် ခလေးငယ်နှင့် ခပ်လှမ်းလှမ်းတွင်ရှိနေသည့် ကလေးမလေးနှင့်က ရွယ်တူလောက်ဆို အမွှာတွေပေါ့...စိုင်းနေရောင် တွေးမိရင်းက ထိုကလေးအမေလေး၏ ဒုက္ခကို တွေးမိရင်း "မလွယ်ပါလား"ဟု စိတ်ထဲ ရေရွတ်မိသည်။
YOU ARE READING
လမ်းခွဲကြပြီးနောက်
RomanceZawGyi code is below. A young normal girl met an old lady and her life changed.
