24th June,
" Happy Birthday To My Precious !
မွေးနေ့မှာပျော်ရွှင်ပါစေ မေ့မေ့သားငယ် "
မွေးနေ့ကိတ်လေးထက် ဆောနူ 14နှစ် ဆိုတဲ့ စာတန်းလေး၊မွေးနေ့ရှင်လေးရဲ့မျက်နှာထက်ကြည်ကြည်ရှင်းရှင်းအပြုံးလေးများနေရာယူနေကြသည်။ပါးဖောင်းလေးများမို့တက်အောင်ပြုံးနေသောမွေးန့ရှင်လေးရယ်ပါ။မျက်လုံးလေးနှစ်ဖက်ကလည်းမှိတ်ကျနေသည်အထိ။
" Happy Birthday ပါ ဖေဖေ့သားငယ် "
" ကျေးဇူးပါ ဖေဖေနဲ့မေမေ "
" Happy Birthday ဝက်ပေါက် "
" ဆောင်းဟွန်း !!!!! "
" ကိုကို့ ကိုအဲ့လိုမခေါ်ရဘူးလို့မေမေပြောထားတယ်လေ သားငယ် "
မွေးနေ့ကိတ်လေးအား ဆောနူ အိပ်ယာဘေးက စားပွဲခုံလေးပေါ်နေရာချရင်း ဒေါ်ဆောင်းသဇင် ဆောနူအား ဝင်ဟန့်လေသည်။
တပြက်ပြက်နဲ့လျှာထုတ်ပြောင်ပြနေသော ဆောင်းဟွန်းရယ်ပါ။မျက်နှာကိုကပိတ်ထိုးချင်စရာဒီလိုကောင်နဲ့ဘာကြောင့်ညီကိုလာတော်နေရသလဲဆိုတာစဉ်းစားမရ။
" မွေးနေ့မှာစိတ်မတိုရဘူး ဝက်ပေါက်ရ "
" သားကြီး ညီလေးကိုမစနဲ့လေ မင်းကိုကလည်းမဟုတ်တာ ကလေးကိုမစစမ်းနဲ့ "
ဒေါ်ဆောင်းသဇင်ကသာ သားနှစ်ယောက်အားတလှည့်စီဟန့်နေသော်လည်း၊ဦးကောင်းမြတ်မှာတော့သားနှစ်ယောက်အား
ပြုံးပြုံးလေးသာကြည့်နေသည်။
" ကဲ ဆုတောင်းလိုက်အုံး သားငယ် "
ဦးကောင်းမြတ်ရဲ့သတိပေးသံစကားအဆုံးမှာလက်အုပ်လေးချီကာဆုတောင်းနေသော ကလေးငယ်အား ပြုံး၍ကြည့်နေသောသူသုံးယောက်။အခန်းလေးထဲတိတ်ဆိတ်ငြိမ်သက်နေပေမဲ့ စိတ်ထဲမှာတော့အပျော်ကိုယ်စီနဲ့ရယ်ပါ။
" ဘာဆုတောင်းလဲ ဝက်ပေါက် "
ဆောနူ သည် ဆောင်းဟွန်းအား ရန်လိုသောမျက်စောင်းတစ်ခုကဖြင့်သာအဖက်လုပ်ပါသည်။
" ဆောင်းဟွန်း ညီလေးကိုမစနဲ့ "
" ဘာဆုတောင်းလည်း မေးတာပါ မေမေရဲ့ "
" ငါ့ကိုဝက်ပေါက်လို့မခေါ်နဲ့လို့ပြောထားတယ်လေ "
" ဝက်ပေါက်မလို့ ဝက်ပေါက်လို့ခေါ်တာလေကွာ "
