'မင်္ဂလာပါ'
နှုတ်ဆက်သံတွေ ဝေသွားတော့ Jimin ဓာတ်ေလှကားရှေ့မှာ ရပ်နေရာကနေ ဘေးကို ဝေ့ဝဲကြည့်လိုက်သည်။
ကိုယ်စားလှယ် Jeon နဲ့ သူရဲ့ အတွင်းရေးမှူး Jack။
Jimin ဘက်ကို အကြည့်ရောက်လာချိန်မှာ အများနည်းတူ ဦးညွှတ်နှုတ်ဆက်တော့ ခေါင်းတစ်ချက်ညိတ်ပြပြီးသာ တုန့်ပြန်လေသည်။
အရင်ဆို Jimin ကို တွေ့ရင် အရင်ဆုံးပြုံးပြတတ်တဲ့သူက အခုတော့ အရယ်အပြုံးကင်းလို့။ဘေးတစ်ဖက်က ဓာတ်လှေကားရှေ့မှာ တည့်တည့်မတ်မတ် တည်တည်ငြိမ်ငြိမ် ရပ်နေခဲ့သည်။
၀န်ထမ်းပေါင်း ထောင်ချီကို အုပ်ချုပ်နေရတဲ့ သူတစ်ယောက်အဖို့ အများသူငှါ မေးမငေါ့နိုင်အောင် လိုက်ဖက်ညီတဲ့ ဟိတ်ဟန်တစ်ခုတော့ လွှမ်းခြုံထားရမည်။
တစ်နေ့ထက်တစ်နေ့ ကျယ်ပြောလာတဲ့ ပုခုံးကျယ်တွေထက် suit အနက်ရောင်က ပုံစံကျနေကာ style pant အိတ်ထောင်ထဲ လက်ထည့်ပြီး ရပ်နေသူက တကယ်ကို စိတ်ကူးယဉ်ချင်စရာ ကောင်းလှသည့် လူတစ်ယောက်လိုမျိုး။
ဒီလူငယ်လေးထံ၌ အရာအားလုံးပုံအပ်လုိ့ဘ၀တစ်သက်တာအတွက် အားကိုးပစ်လိုက်ချင်လောက်အောင်အထိ။
ဒါဟာ ဒီရက်ပိုင်းတွေ အတွင်း Jimin ကြားသိခဲ့ရတဲ့ ဂုဏ်ရည်ဖော် အတင်းစကားတွေပေါ့။ ကြားရတာနဲ့အမျှ ဒီလူငယ်လေးရဲ့ ပြောင်းလဲမှုတွေကိုလည်း Jimin သတိထားမိလာခဲ့သည်။
အခုနောက်ပိုင်း ဆံပင်တွေကို အဆီတစ်မျိုးနဲ့ နောက်လှန်တင်ကာ ကျကျနန ပုံသွင်းထားတာမို့ နဖူးပြင်က ရှင်းလင်းနေပြီး ရင့်ကျက်တဲ့ပုံ ပေါ်ေစသည်။
ထိုဆံပင်ကေကို စပြောင်းလာခဲ့သည့် နေ့ကဆိုရင် ရုံးတစ်ခုလုံး ပွတ်လောရိုက်သွားသည်အထိ။
Entertainment Company တစ်ခုမှာ အချောဆုံးအလှဆုံးဆိုသည့် နာမည်ကျော် အနုပညာရှင်တွေထက်ကို ကျော်လွန်၍ ရေပန်းစားနေပါသော ကုမ္ပဏီပိုင်ရှင်ရဲ့ သား ကိုယ်စားလှယ်လေး Jeon Jungkook။
တစ်ဖက် ဓာတ်လှေကားထဲ လှမ်း၀င်သွားသော လူငယ်လေးကို Jimin တစ်ချက်တော့ ငဲ့ကြည့်မိလိုက်သည်။
