စက်တင်ဘာလရဲ့ တတိယပတ်ကို ရောက်လာပြီဖြစ်လို့ လကန်တော့ပွဲ(Chuseok) ရောက်ဖို့လည်း နီးကပ်လာပြီဖြစ်သည်။
Jimin အတွက်တော့ ကံကောင်းစွာနဲ့ပဲ ပွဲတော်ရက်မှာ ညပိုင်းအစီအစဉ်အတွက် တာ၀န်ချိန် ရှိမနေပါ။ ထို့အတွက်ကြောင့် မိခင်ကို ပြောထားတဲ့ပွဲတော်ရက် အိမ်ပြန်ဖို့ အစီအစဉ်လေးကို အကောင်အထည်ဖော်နိုင်တော့မည်။
ခွင့်နှစ်ရက်ယူဖို့ စဉ်းစားထားပြီး ထိုနေ့အတွက် အလုပ်တွေကို မသွားခင်ရက်အတောအတွင်း အပြီးဖြတ်သင့်တာ ဖြတ်ရပါသည်။ အဖွဲ့အစည်းနဲ့ လုပ်ရသည့် အလုပ်တွေမို့ နားရက်ယူမည့်အကြောင်း ဌာနကို ကြိုပြောထားရပြီး အသစ်လက်ခံရရှိတဲ့ အလုပ်တွေကိုလည်း ထိုနှစ်ရက်ကို ရှောင်ပြီး schedule ဆွဲရသည်။
ခုချိန်ထိတော့ အရာအားလုံး အဆင်ပြေချော့မွေ့နေသည်သာ။
ကုမ္ပဏီက ပေးသော တရား၀င်အားလပ်ရက်ေတွကလွဲရင် တစ်နှစ်ပတ်လုံး ပျက်ရက်မရှိ အလုပ်လုပ်နေတတ်သော Jimin အား ပွဲတော်ရက်အတွင်း ခွင့်ယူတာနဲ့ ပတ်သက်ပြီး ပြောဆိုလိုကြသော်လည်း မပြောသာဖြစ်နေကြ၏။
ဒီလူ ဘယ်လောက် အလုပ်ကြိုးစားလည်း နေ့စဉ်မြင်တွေ့နေရတဲ့ သူတို့က အသိဆုံးဖြစ်သည်လေ။
ထို့အတူ အခုတလော ၀န်ထမ်းတွေကြား ရေပန်းစားနေသော အကြောင်းအရာတစ်ခုကြောင့် Jimin ကို ပိုအကဲခတ်လာကြသည်။
ကိုယ့်လူအချင်းချင်းဆုံကြပြီဆိုတာနဲ့ တွတ်မထိုးရဘဲ မနေနိုင်အောင် ထိပ်တန်းပြေးနေတဲ့ သတင်းအကြောင်းအရာကတော့။
'Jimin shi'
ဌာနဘက်ကို လျှောက်လာနေရင်း လက်ထဲက စာရွက်ကို ငုံ့ဖတ်နေတဲ့ Jimin က
ကျောနောက်ဆီက လာတဲ့ အသံတစ်ခုကြောင့် စာရွက်ဆီက မျက်လုံးခွာကာ နောက်ကို လှည့်ကြည့်လိုက်သည်။
ကလစ်နဲ့ ညှပ်ထားတဲ့ စာရွက်တွဲခပ်ပါးပါးဆီက လှန်လှောထားတဲ့ စာမျက်နှာတွေကို ပြန်ပိတ်သိမ်းပြီး အနားရောက်လာတဲ့သူကို မော့ကြည့်ကာ ပြုံးပြရသည်။
'ကိုယ်စားလှယ်'
သူမေးနေကျအတိုင်း ဘာကိစ္စရှိလို့လဲဆိုပြီး မမေးဖြစ်တော့။
ကိုယ်စားလှယ် Jeon JungKook က အချိန်ရှိရင် ရှိသလို သူ့ဆီကို ရောက်ရောက်လာတတ်ပါ၏။ နေ့လည်စာစားချိန်၊ မွန်းလွဲ လက်ဖက်ရည်သောက်နားချိန် တို့အပြင် တစ်ခါတစ်ရံ အလုပ်ချိန်တွေမှာပါ အောက်ထပ်ကို ဆင်းလာတတ်သည်။
ကုမ္ပဏီကို အုပ်ချုပ်တဲ့ ကိုယ်စားလှယ်တစ်ယောက်အနေနဲ့ ကိုယ့်၀န်ထမ်းတွေရဲ့ အခြေအနေကို သေချာအကဲခတ်နိုင်အောင် ကွင်းဆင်းလေ့လာတဲ့ သဘောဆိုပြီး သူ့အကြောင်းပြချက်နဲ့သူ သတင်းဌာနရှေ့ ခြေလှမ်းတွေက မယောင်မလည်။
