ဆရာအရုဏ်ဦးတဲ့...ကောင်းကင် ခေါ်ချင်ပါသော နာမည်လေး။ မြင်ချင်ပါသောပုံစံလေး။ ယနေ့တော့ ထိုနာမ်စားလေးကို ခေါ်ခွင့်ရမည်ဖြစ်သလို မြင်ချင်ရပါသော အဖြူ အစိမ်းဝတ်စုံလေးဖြင့်အရုဏ့်ကိုလည်း သူမြင်ခွင့်ရပေတော့မည်။ ဘွဲ့ဝတ်စုံဝတ်ထားသည့်အရုဏ့်ကိုမြင်ရဖို့အတွက်တော့ အချိန်ထပ်စောင့်ရပေဦးမည်။
ကောင်းကင်အတွက် ဘဝရှင်သန်ခြင်းရဲ့မြင်ကွင်လွှာကိုဖော်ပြပါဆိုလျှင် အရုဏ်ကိ်ုယ်တိုင် ဆရာ့ဂုဏ်သိက္ခာနှင့်ပြည့်စုံသော ဆရာအရုဏ်ဦးဆိုသည့်ရည်မှန်းချက်ဆီသို့ အရောက်သွားနေသည့်မြင်ကွင်းလွှာဖြစ်သည်။ သူကတော့ အရုဏ့်ပန်းတိုင်းအတွက် လျှောက်လှမ်းရသည့် လှေကားထစ်ပေါင်းများစွာထဲမှ တစ်ထစ်လောက်တော့ အထောက်အပံ့ဖြစ်ချင်သည်။ အရုဏ်ပင်ပန်းတိုင်း သူ့ရင်ခွင်ထဲထည့်ဖက်ထားပေးမည်။ အားတက်စေမည့် အားပေးစကားတွေပြောပေးမည်။ မည်သူမှအရုဏ့်အနားမရှိပါစေ သူကတော့ အမြဲတမ်းရှိနေမည်။ ကောင်းကင်ကြီးက အရုဏ်ဦးမရှိဘဲ မစတင်နိုင်သလိုပေ။ အရုဏ်ဦးကိုသာ ခိုမှီနေပါသည်။
ကောင်းကင်က ထိုအတွေးများကြောင့် ဆိုင်ကယ်မောင်းနေရင်းမှ ပြုံးလိုက်မိသည်။ အရုဏ့်ခြံရှေ့ရောက်လျှင်ဖြင့် ဆိုင်ကယ်စက်သတ်ကာ ဆိုင်ကယ်ပေါ်မှာပဲထိုင်စောင့်လိုက်သည်။ စောသေးသည်မို့ အရုဏ်ကထွက်မလာသေးပါ။ သူ့မှာသာအရုဏ့်ရဲ့ဆရာတစ်ယောက်ပုံစံကို မြင်ချင်လွန်းလို့ စောထွက်ခဲ့ရတာ။ အရုဏ်ထွက်လာမည့်အချိန်ကိုသာ ရင်ခုန်စွာစောင့်မျှော်နေမိသည်။ ထွက်လာလျှင်တော့ ဆရာအရုဏ်ဦးဆိုသည့်အခေါ်အဝေါ်ကို အားရပါးရခေါ်ပစ်လိုက်ပါမည်။
ယနေ့သည် အရုဏ့်အတွက် ဆရာဖြစ်တင်ခြင်းရဲ့ ပထမဆုံးရက်ဖြစ်၏။ ကောင်းကင်ဝယ်ပေးထားသော ကျောင်းဝတ်စုံ အဖြူ အစိမ်းကိုဝတ်၍ ဆံပင်ကိုဘေးသို့ခွဲကာ သပ်သပ်ရပ်ရပ်ပြင်ထားပါသောသူသည် ဆရာတစ်ယောက်၏ သွင်ပြင်လက္ခဏာနှင့် ပြည့်စုံနေသည်။ ဆရာတစ်ယောက်ရဲ့ စိတ်ဓာတ်ကိုတော့ သူကျင့်ယူရပေမည်။
YOU ARE READING
အို....ဤအချစ်များရယ် ဘာကြောင့် ဆုံဖို့ခက်ရတယ်(Completed)
Teen Fictionအို....ဤအချစ်များရယ် ဘာကြောင့် ဆုံဖို့ခက်ရတယ်(Zaw and Uni)