အမရာက အဖေတို့ကိုဖြောင့်ဖျနားချရန်အတွက် ဧည့်ခန်းဆီသို့သွားလိုက်သည်။ အကိုဖြစ်သူကို မနေ့ညကဖုန်းဆက်တော့ အကိုကောင်းကင်က ဖုန်းကိုင်သဖြင့် ကိုကို့အတွက် အန္တရာယ်ကင်းပြီပဲဆိုပြီး သက်ပြင်းချမိပေမယ့် 'မင်းအကိုသေကြောင်းကြံစည်ခဲ့တယ်'ဆိုတဲ့စကားက သူ့ရင်ကိုတုန်လှုပ်စေသည်။ အကိုကောင်းကင်သာ တွေ့ခဲ့လို့ပေါ့။ မတွေ့များမတွေ့ခဲ့ရင် မတွေးရဲစရာ။ ကိုကို့ခံစားချက်ကိုနားလည်သလို အဖေနှင့်အမေရဲ့ခံစားချက်ကိုလည်း နားလည်ပါသည်။ ထို့ကြောင့် မိသားစုချင်း ညှိကျဖို့ စည်းရုံးချင်သည်။ ပြောသာပြောရ ညှိရအောင်ဆိုလည်း ကိုကို့ဘက်က တင်းထားတာဘာမှမရှိ။ အဖေတို့ဘက်ကသာ ဂုဏ်သိက္ခာဆိုတဲ့အတိုင်းအတာကြီးနဲ့ အတ္တကြီးနေသလားလို့ပင်။
"မနက်ဖြန် သတင်းစာထဲမှာ အမွေပြတ်ကြောင်းထည့်လိုက်"
"ဟုတ်ကဲ့ အဖေ"
ဧည့်ခန်းဝ၌တင်ပင် ကြားလိုက်ရသည့်အဖေ့စကားကြောင့် အမရာက အံကြိတ်မိလိုက်သည်။ အမေ့ကို ကြည့်လိုက်တော့လည်း အမေက ခင်ပွန်းဖြစ်သူစကားကို ဖယ်ရှားလိုခြင်းမရှိ။ကိုကို ဒီအိမ်မှာရှိနေခြင်းက သူတို့အတွက် တကယ်ကို အရှက်ရစေသည့်ပုံပါပေ။
"ညှိလို့မရဘူးလား အဖေ"
အမရာက ဧည့်ခန်းထဲသို့ဝင်ခဲ့ကာ ပြောလိုက်သည်။
အဖေက သူ့ဘက်လှည့်ကြည့်လာကာ......
"ညည်း ဝင်မပါနဲ့ အမရာဘရဏီ"
"ဒါပေမယ့် ကိုကိုက အဖေ့သားလေ၊ အဖေ့ သွေးသားလေ၊ ကိုကိုလည်း သူဒီလိုမဖြစ်ချင်ဘူးလို့ပြောတယ်လေ အဖေရယ်၊ ကိုကိုလည်း ကိုယ့်ကိုယ်ကိုယ် သတ်သေတဲ့အထိ သေဖို့တောင်ကြံခဲ့သေးတာပဲ၊ နှစ်ဖက်ညှိကြည့်လို့ မရဘူးလား အဖေရာ"
သေကြောင်းကြံစည်ခဲ့တာပဲလို့ ထည့်ပြောသော်ငြား အဖေတို့မျက်မှာက အံ့သြတုန်လှုပ်သွားခြင်းမရှိ။ အဖေတို့ကို တော်တော်လေးအံ့သြမိသည်။ သားတစ်ယောက်လုံးက သတ်သေဖို့ကြံစည်တာလေ။
BINABASA MO ANG
အို....ဤအချစ်များရယ် ဘာကြောင့် ဆုံဖို့ခက်ရတယ်(Completed)
Teen Fictionအို....ဤအချစ်များရယ် ဘာကြောင့် ဆုံဖို့ခက်ရတယ်(Zaw and Uni)