Your existence

Part 10

Ji နေကောင်းတော့မှ ဆိုင်ဘက်ကို ပြန်လှည့်နိုင်သည်။ တစ်ပတ်လောက် ပစ်ထားပြီးမှ ပြန်လာသော Taeကို အလုပ်တွေက စောင့်ကြိုနေလေသည်။မန်နေဂျာမှ Tae မရှိသည့် အတောတွင်း ကိစ္စများကို ရှင်းပြနေစဉ်

"ခင်ဗျားက ဒီဆိုင်ပိုင်ရှင်လား"

"ဟုတ်ကဲ့ ဒါနဲ့ ခင်ဗျားက "

"ကျနော်က ကော်ဖီခြံပိုင်ရှင်ပါ "

"ကျနော့် နာမည် Kim Tae Hyaungပါ"

"ကျနော်က Jung Ho Bi ပါဗျ"

"အာ တွေ့ရတာ ဝမ်းသာပါတယ် ဗျ" ဟုဆိုကာ ကမ်းပေးလာသော လက်တစ်ဖက်။ သွယ်လျလျ လက်ချောင်းတွေနောက် ကပ်ငြိပါသွားတဲ့ စိတ်အစုံက တထိတ်ထိတ်။

ထိတွေ့လိုက်ရတဲ့ တစ်ခဏမှာ ပင် ရင်ထဲက သွေးတို့က ပြောင်းပြန်စီးလျက်။ ပြုံးပြနေသော လူသားက ယောက်ျားဆန်သည့် Jaw lineများနှင့် ပါးလှပ်သောနှုတ်ခမ်းပါးနဲ့အတူ နှာခေါင်းထိပ်က မှဲ့သေးသေးက စိတ်ထဲကို ဖျတ်ခနဲ ခုန်ဝင်လာသည်။ သတိထားစမ်း BiBi !

နှုတ်ဆက်ရန် ကမ်းပေးသော လက်ကို ဆွဲကိုင်ကာ မျက်လုံးရွဲကြီးများနှင့် ပြန်မော့ကြည့်လာသော ဒီခြံရှင်က နှာဘူးများလား။ ကိုင်ပြီး မေ့များသွားသလားတောင် ထင်ရသည်။ ထို့နောက် ဘယ်သူ့မှ နှုတ်မဆက်ဘဲ ရုတ်တရက် ထပြန်သွားသော ခြံပိုင်ရှင်ကြောင့် ရီရခက် စိတ်ဆိုးရခက်။

ခြံပိုင်ရှင်ကသာ အူကြောင်ကြားဖြစ်တာ ကော်ဖီစေ့များကတော့ သခင်နဲ့မတူစွာ မွှေးကြိုင်ကောင်းမွန်လှပါသည်။ ဒီကော်ဖီစေ့ ရှာပေးတဲ့ ယုန်ကောင်လေးကို နောက်များမှ ညစာ ကောင်းကောင်းကျွေးကာ ကျေးဇူးတင်ရပါ‌ဦးမည်။ အူကြောင်ကြောင် ခြံပိုင်ရှင်လည်း အပါအဝင်ပေါ့။

ဆက်ကြည့်နေရင် ရင်ထဲက ပေါက်ထွက်တော့မတတ် ခုန်နေသည်ကို ကြားသွားမည် ဆိုးသောကြောင့် ထထွက်လာခဲ့သည်က ရိုင်းသည့် အပြုမူမှန်း သိပေမဲ့ ပထမဆုံးနေ့မှာတင် မင်းဆီမှာ ကျရှူံးသွားတာကို မသိစေချင်ဘူး ယောင်းငယ်။

*******************
Tae Taeအလုပ်သွားတော့ အိမ်မှာ တစ်ယောက်ထဲ ပျင်းကျန်ခဲ့သည့် Ji မှာ ဘာလုပ်လို့ လုပ်ရမလဲမသိ။ အလုပ်ကို မသွားရသေးဘူး ဟုဆိုကာ သူကျ ဆိုင်သွားထိုင်နေသည့် ဝက်ဝံစုတ်ဟာ တစ်စက်မှ အကျင့်မကောင်း။