مساء الورد 💕💕
#فينثيدلين
#سما_العبيدي
#البارت_الرابع
روان
خلص دور البرائة البية
صرت انسان
لا يعرف الطيبة ولا يثق بأحد...
موج
ليست عاديةً بالنسبه لي ، دائمًا أراها كما لو أنها الشيء الوحيد الذي يجب عليَ أن أهدر أيامي معها ولا أُبالي …
زياد
رِدنـه نحـلم ..
ڪُالو أنــتَم عاشڪَين..
شعاشڪين ؟!
أפـنه اصـلاً تـآيهين وضآيعين ..
وَرڪد فوگ ؏ـيونه تـرآب الـِسنَين !
......................................................................
في لحظات متأخرة حزينه ندرك شكد خطئنا بحق
نفسنا وحق الناس الي تحبنا وتستاهلنا
فرطنا بروحنا وبحياتنا وبالحب الحقيقي الي نحلم يي كل عمرنا درنا ظهرنا عنه ومشينا وماباوعنا ورانا ولا التفتتنا
وكت شفت المنظر الي مستحيل اي وحدة تتحمله ادركت بنفسي شكد جنت غبيه ومغفله وادركت شكد ظلمت نفسي بتفريطي بحب زياد واختيار هالشخص القذر الخاني بيتي وعلى فراشي
ليش شنو الي سويته حتى استاهل هيج شي مو مهتم لا لوجودي بحياته ولا مفكر برجعتي للبيت ولا ممكن انه اشوفه والادهى من هذا شارب
الصدمه كانت قويه جداً بالنسبه الي وتخطيتها بصعوبه
كلشي عشته بالماضي رجعت اشوفه وكأنه فلم كدام عيوني كأنه رب العالمين وصلي رساله شوفي حياتج شلون جانت والمفروض شنو تختارين وانتي شسويتي
شعور غريب حسيت بي خلال نومتي مابين الشعور واللاشعور ندمت بسبب تفريطي بحب زياد يمكن لو متمسكه بي مثل ما هو تمسك بيه جان حياتنا صارت اسهل ويمكن جان هسه احنا متزوجين
بس مايفيد الندم بعد الخراب
اجه بعيوني يوم من ايامي السابقه الي اعتبرها احلى ايام حياتي عشتها بيتنا تحت جناح ابوي وامي واخواني
يوم ما كان حب زياد الي طاهر ونظيف ويسعى جاهداً لحتى اكون اله
روان: يمة شوكت يوصلون الولد والله متت جوع
الام:هسه بنتي يجون وناكل كلنا انتظري شجاج مو تدرين بيه مانصب سفرة اذا مو اخوانج كدام عيني
روان:ادري يا روحي انتي زين انه طالعه شوي انام من يجون عود كعديني
_روحي حبيبه
صعدت غرفتي مددت بالسرير وبالي نفس الأفكار الي كل يوم تراودني حب زياد الي ماكدر اتخطى واعبر ولا اكدر ابادله هالحب طول عمري زياد جان اخ ومستحيل افصح عن مشاعر الحب اله بعد كل مشاعر الاخوة الي حسسته بيها
غمضت عيوني وسمعت صوته جوا كمت نزلت لاكيته على الدرج
_روان شوكت جيتي
_قبل شويه الله يساعدك
ابتسم
_ويساعدج انه صاعد اريح شوي عود من يجون الولد وابوي صيحيلي
_صار
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
