صباح الورد 🥰
#فينثيدلين
#سما _العبيدي
#البارت_الخامس_عشر
.....................................................................
بجت وكالت
_موج بس ....
قاطعتها
_اخذتي لو لا
ماجاوبت رجعت عدت سؤالي
_اخذتييييي لو لاااااا
هزت رأسها اي مسحت وجهي مستغفر وكلت
_ليش
للحظه حسيت كلشي بيه مات رجلي ماكدرت اوكف عليها كعدت ورجعت كتلها
_ليش ..... ليششش كل شي راح بشربه مي
ضلت تبجي
_أوج طلعي من وجهي احسن ماريد اجرحج و أاذيج
كعدت كدامي بالارض ضلت تبجي
_موج لا تعمل هيك انا اسفه مابعرف كيف الشيطان لعب بـعقلي والله مابعرف
درت وجهي عنها بالكوة لازم روحي لو ما الاستغفار الي جاي ارددة بكلبي جان موتتها اخذت ايدي بين ايدها الناعمه الراجفه وباستها وهمست
_موج لا تعمل هيك لا تتركني ارجوك
دفعت ايدها عني وكمت اخذت العلبة وخليتها كدامها
_هااج اخذي شكد ماتردين ومن يخلص كليلي انه اجيبلج
عفتها وطلعت ركضت وراي
_موج اذا رحت رح اعمل بحالي شي والله بقتل حالي
ماهتميت لكلامها نزلت جوة دمي فاير شربت مي بارد ردت شي يطفي النار الي بيه ماكو فايدة شمرت الكلاص بالحايط وصرخت بأعلى صوتي
كعدت بالارض صعب اوصف احساسي شنو صعب اعبر عن خيبة الامل الي صابتني مثل واحد اعاد اعمار بيته المهدوم ومن خلصه مات وماكعد بي
هيج جنت احسها بيت مهدوم وانه الي حـعيد اعمارة وبفعلتها هاي موتتني جنت مو واعي على روحي باوعت الكل متجمع فوك راسي
بدون ماحجي شي طلعت من البيت تارك اسئلتهم واستفساراتهم عن حالتي سندت راسي على الستيرن وهمست
_يارب صبرني يارب
انفتحت الباب الي بصفي وصعد سطام سقت السيارة وماحجيت شي وكفت كدام الشط ونزلت منها صرخت بأعلى صوتي اريد ناري تبرد
ربت على كتفي سطام وكال
_شصاير يخوي
باوعتله وهمست بخيبة امل
_جنت اظن انه الفايز بـهل لعبة وقبل لا تبدي خسرت
_دحجي شبيك
_أوج
اول مرة اختنك من اذكر اسمها سحبت نفس صدري يوجعني
_رجعت تتعاطى
_شنوووو ..... شلون يعني منين جابته
_ ماعرف ماعرف سطام رح اموت مادري شلون واحد نطاها الحبوب من نزلت من السيارة ماعرف شلون سطام رح اتخبل
_يعني اخذته وشربت منه لو مجرد شفته عدها
_اخذته وشربت وجانت تحاول تضمه عني بمكان مخفي ماشوفه
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
