صباح الورد ♥️♥️🫰🏻
#فينثيدلين
#سما _العبيدي
#البارت _السابع _والثلاثون
لو ينشر لو لا مادري 🥹😂😂♥️
قرءة ممُتعه انطوني اراءكم وتوقعاتكم
ولا تنسون التصويت احبكمممم ♥️💋💋💋
.............................................................
روان
البارحة تمنيتك وما جيتني
ومثل كل ليلة انتظر خليتني
انا وصورك گعدنا بتالي الليل
وعاتبتهن لحد ما بچيتني..
مـوج
لَكنني مُتعب واُريد أن أقول الآن، أن هذا يكفي وأن الغنائم ما كانت بِمقدار تلكَ الحروب، وقدمـاي لا تُريدان أن تحملاني إلا لِمكان أضع رأسي فيـه ولا اُفكر.
رحيق
بـسرعة بديهه سطام رفع دبة الماي من البراد وذبة عليها جانت لابسة بدي طويل الاكمام وبجامة كذلك طويلة الحمد لله طفاها بـسرعة ما اعرف شلون رب العالمين سترنا وما صارت عندنا مصيبة بـتوالي اليل
امها تخبلت عليها ضلت تدك وتلطم من شافت منظرها هيج مـوج انبح صوته من الصريخ عليها سطام لزمها وشبعها راشديات وضرب تهستر عليها
دفعته من صدرة وصحت
_كااااافي سطااااام كافي البنية منهاااارة تجي تكمل عليها
_تننننننجببببب وتحترم نفسها لاااا تخبلنااااا البارحة قطعت وريدها اليوم حرررركت روحها لججج تردين ابوووج يموت كاااافي اصحي اذا سويتي هيج ما يرجع زيااااد مااا يرجععععع
اخذتها من ايدها دخلتها غرفتي وللـحمام نزعتها ملابسها ماكو حروق الحمد لله تلاحكلها بسرعة كتلها اخذي دوش خل الريحة تطلع منج بين ما اطلعلج ملابس
ضلت تبجي فتحت الماي ودخلت جوا ودموعها تنزل طلعت من يمها ودموعي تنزل وياها حظرتلها ملابس مني وخليتهم على السرير دكيت الباب وكتلها
_محتاجه شيء روان
جاوبتني
_لا
انفتحت الباب دخل سطام باوعتله وكتله
_شلون تضربها هيج شلون تقسى عليها
_اسكتيييي رحيق مااا شفتيها لجججج جان احتركت وما لحكنا عليها شنو هالـخبال هذا شنو هالاستهتار لـهذه الدرجة ايمانها ضعيف لـهذه الدرجة مستهانة بـحياتها وحياتنا شنو فرقها عن زياد هو هم فكر بس بـنفسه ونهايتة وين هي هم تفكر بس بـنفسها وناسية امها وابوها واخوانها اذا صار بيها شيء شكد نتاذى عليها
طلعت من الحمام دموعها بـعيونها سطام كعد على السرير وينافخ لزمت كتفه اريدة يحجي شيء وياها باوعلي عيونة حُمر دم ووجهه مطعون قهر على عصبية صاحلها
_تعالي يمي
كعدت بـصفة دموعها بـعيونها وتنزل على وجنتها بدون صوت مالها عين ترفع رأسها حجه وياها بـصوت خافت ولوم
_ما الج عين تباعين بـوجهنا بعد سوالفج الي سويتيها لوو ميتة اذن شلون تباعين لـربج شلون تلتقين بي وانتي ما حافظتي على الروح الي سواها الج ووهداها الج لج روان انتي مو هيج ابد انتي انسانه مؤمنة بـربج وبـنفسج وقدرج شجاج وهيج تضعفين
أنت تقرأ
فينثيدلين
Romansaفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
