مساء الورد ❤️🔥❤️🔥
#فينثيدلين
#سما_العبيدي
#البارت_السادس
موج
أنتِ والدنيا وشتا الله
وخبصة الوادم وحظي
والضياع الماد رجله بوجه عمري
والأماني المدري ياهو الباگ بيهن
والليالي التاخذ من الحيل من تريد تگضي
والضوه الما يشتهيني
والهوا الما يعتنيني
والسما الما گمت أثق بالظال بيها من طفه وجهج بعيني
• ذني كلهن يوجعني
......................................................................
موج
بعد الي صار ويا روان ضاقت الدنيا بينا ماعرفنا شنسوي لا بيدنا نبقى يمها ونعوف زوجها الكلب يسرح ويمرح ومو داري عنها شي ولا بيدنا نعوفها ونروح نطيح حظه
بعد ما الدكتور كال انها بـ غيبوبة اثر صدمتها خفنا هووواي لا تضل هيج وتطول بنومتها فار دمنا بسبب الي صار وماكدرنا نمسك ارواحنا عن ذاك الخسيس
رحناله للبيت وجان بعدة مو بوعيه كسرنا عظامه وطيحنا حظه وسوينا بي العمايل ورجعنا ونارنا مابردت اخر شي سحبت زياد بالكوة عنه حسيته فقد عليه شبعه كتل وذاك مو حاس على نفسه ابداً
رجعنا للبيت بعدنا بالشارع جان زياد يكول
_اخخ الطاقه السلبيه كلها طلعت بس دخل يصير بيها شي اذا ماعدمه بيدي واسوي عبرة لكل الخونه الي مثله
_يمعود تكعد منها انشالله لا تخاف عليها خيتنا سبعه
_ادري بيها
دخلنا للبيت طمنت امي عنها وصعدت تعبان حيل وبالي يمها فتحت الباب نايمه مو حاسه على شي ابداً
دخلت الحمام سبحت وتقربت يمها بستها براسها وردت احظنها محتاج حظنها هل وقت اكثر من كل وقت
محتاج احس بأني مو وحيد اكو وياي شخص يشاركني احزاني والآمي وهمي حظنتها بهدوء فزت واندارت عليه همست
_حبيبي ايمتى جيت
_قبل شويه
_كيفها روان
_مثل ما هي انتي شلونج
تقربت لعندي بادلتني الحظن وكالت
_منيحه
ابتسمت لهل شي منها سحبت نفس استنشقت عطرها وغمضت عيوني يمكن هاي اكثر نومه ارتاح بيها من بعد كل عذاب وقهر شفنا بحياتنا
كعدت الصبح رحت للمستشفى روان نفس حالتها اخذت أمي وياي ضلت يمها وانه رحت استفسر عن محامي وبدينا بالاجراءات اللازمه
ومر اسبوع لحد ما كعدت روان طول هاي الفترة أوج منشغل عنها ومأمن عليها عند وائل الي أجل سفرته بسبب الاحداث الي صارت
اكيد مايغفل عنها وبنفس الوقت اخابرة واسئل عنها ويطمني بصورة الها او فديو تكون يا نايمه يا صافنه مثل ماتعودت كدام الشباك
اليوم روان تطلع من المستشفى وصلتلهم ساعه ب 9 بليل دخلت للغرفه الي هي بيها جانت كاعدة وجاهزة تقربت بستها من رأسها
_الحمد لله على السلامه حبيبتي
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
