صباح الورد ❤️🩹
#فينثيدلين
#سما _العبيدي
#البارت_السادس _والثلاثون
لا تنسون التصويت والتعليق بين الفقرات قرآة مُمتعة احبكم
...................................................................
روان
يَا حَبيبَ الروحِ هَل لي مِنكَ مُجيب
لِمَ تَركتَ الروحِ وَ لَم يَبقى سِوى النَحيب
إلستَ ذَاتُكَ ذَاكَ الحَبيب ؟
أَم أنكَ تَعبتَ فَـقُلتَ لَم يُوافقنا النَصيب
هَل ليَ مِنكَ يا مُقلة العَينِ عَن ذَاك السُوال مُجيب ؟
#مَـرج _البَحرينِ
مـوج
لـفراكك جنت ما حاسب حساب
ولا حسبالي هيج تخلي خلة
انكسر ظهري
انحنيت بـلحظة جفاك
لان موعد غيابك مو محلة
رحيق
خلص يومنا المُتعب نفسياً وجسدياً ودخل كُل واحد بينا غرفتة يلاقي احزانه وآلامه ويعيش وياهن مرت ساعتين تقريباً استفقدت روان معقولة ردة فعلها على خبر زياد يكون بـهذا الهدوء طلعت من غرفتي لاكيت مـوج وسطام كاعدين بالـهول يدخنون شافني متوجهه للـدرج صاح من مكانه
_وين ؟
رجعت وكتله
_روان غريبة واستفقدتها رايحة اطمن عنها
حجه مـوج
_اخذي المفتاح الاحتياط تحسباً لـتكون قافلة الباب عليها
هزيت رأسي توجهت للـجرار الي نحط بي الاشياء المهمه والتفتت عليهم
_ما موجود
ضرب رجله مـوج وكال
_كوووم سطام وياها اصعد
صعدنا ثنينا ومثل ما توقعنا قافلتها دكينا الباب ماكو جواب ابد باوعت عليه وكتله
_سطام اكسرها گلبي مو مطمن
ضربها ضربتين ما اجت وياه طلع ياسين من غرفتة واتبعه وائل كالوا شكو حجيتلهم تقربوا يكسرون الباب وياه كسروها ودخلنا وانصدمنا بالـمشهد روان فايضه بـدمها كاطعه اوردتها شالها سطام
ونزل بيها ركض اتبعته وانا بيدي حجاب اميرة من عمتي صعدت بـصفها يمة وائل يسوق وياسين اتبعنه بـغير سيارة ما اعرف منو ممُكن يجي وياه
لبستها الحجاب وضغطت على ايدها ثنينهم
ما اعرف شكد صارلها على هذه الحالة جان المفروض ما نعوفها وحدها جان المفىوض نبقى وياها ومرافقيها وصلنا للمستشفى نزلنا وطلبنا منهم سدية جابولنا ودخلوها للـطوارىء لكينا دكتور خفر سئلنا شكد صارلها على هالـحالة ما عرفنا نجاوبه
دخل بعدها بالـغرفة الي دخلوها بيها وضلينا ننتظر مرت ساعتين حجه موج
_انا لازم ادخل واشوف شنو الي صاير
شاف ممرضة كدامه طلع هويتة وكاللها
_وياج الصيدلاني مـوج ..... اختي جوا من ساعتين دخلتوها ومحد نطانا خبر عنها
أنت تقرأ
فينثيدلين
Romansaفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
