فينثيدلين

part 10

صباح الحب ♥️♥️

#فينثيدلين
#سما_العبيدي
#البارت#العاشر

.....................................................................

أبي قد كسرت قوتي وشموخي قد جعلتني أخضع للبكاء طول حياتي، قد جرحتني جرحاً لا دواء له في يوم فقدناك فقدت كل شيء الاب والام الاخ والاخت الصديق والصديقة كل شيء في هذا الكون فقدته

يوم فراقك كان يوم انطفاء الانوار في حياتي فـكل شيء أصبح سواد كل شيء اصبح حزين ويبكي كـمثل ذلك اليوم الذي احترق فيه منزلنا فـ أنا اليوم اشعر وكانه أحترق من جديد ولا وسيلة لاطفائه

كـمثل ذلك اليوم الذي أحتل فيه وطننا فـ أنا اشعر بـأحتلاله مرة اخرى اشعر بالسقوط من أعلى الهاوية أشعر بالرغبة في البكاء العارم ولكن لا قوة لي لذلك فـ وفاتك اماتت بـكل اجزائي وحواسي 

رجاءً قل لي انه حلم وسوف افيق منه على صوتك هيا يا أبي نادي عليَ بأعلى صوتك فـأن رغبتي في التخلص من هذا الكابوس هي كل رغباتي

روان
نزلت جوة حيلي باد سودة عليه رحيق جانت ماما تلبس صعدت بسرعه لبست ونزلت وياها بأعتبار رحيق هي وحيدة اهلها كلنا رحنا يمها حتى أوج

وصلنا فتنا جوة جان ابوها الله يرحمه نايم بسريرة ومغطي بشرشف وهي كاعدة كدامه بدون اي ردة فعل حتى دمع ماكو بـعيونها

تقربت ماما يمها وحظنتها وضلت تبجي وتصبرها وهي مانطت اي ردة فعل كامت من مكانها وراحت للغرفة اتبعتها همست
_رحيق شبيج حبيبتي ليش باردة

_مابيه شي روان صيحي سطام انطي فلوس الدفنه

طلعت رحتله
_سطام رحيق مو تمام ابد كأنه مصدومه وتريدك

بدون مايحجي شي راحلها رحت ويا جان بيدها صندوق فتحته وطلعت منه فلوس وهمست
_بابا جان مجهز كلشي وحاسب حساب موته وهاي الفلوس للدفنه والعزاء

سحبها سطام من ايدها بـهدوء وكاللها
_عوفج من كلشي وابجي

هزت رأسها لا
_رحيق ابجي وصرخي وسوي كل الي بـخاطرج

ماهتمت لـكلامه وانسحبت بـهدوء منه اخذ الفلوس وطلعو هو والولد وعمها وولدة اخذو وراحو يجهزوا
طلعنا من الغرفة جانت ماما ومرت عمها ينظفن البيت اصلاً هو نظيف بس واجب من عدنا انه نوكف وياها ونساعدها ونحسسها هي مو وحيدة

كلنا صرنا نشتغل ونرتب البيت كملنا كلشي وكعدنا ننتظرهم باوعت لـرحيق ثابته وكاعدة بـقوة بجيت على حالتها تقربت يمها أوج وهمست
_صدقيني رحيق اذا مابكيتي وصرختي هلق بـتضل طول عمرك في غصه بـقلبك ماتروح بـتضلي تعيشي هاذ اليوم كل يوم

نزلت رأسها وكملت كلامها
_بـيوم الي رجعت ع البيت ولقيتو صاير انقاض أثر القذيفه الي وقعت عليه انصدمت وكتير كمان خسرت امي وابي بـنفس اللحظه وبـنفس الطريقه ماكانت عندي القدرة ع البكاء ولا حتى القوة دخلت ع البيت وصرت دور على اثرهن مالقيت شي منن