فينثيدلين

part 35

مساء الحُب ♥️🫰🏻

#فينثيدلين
#سما_العبيدي
#البارت_الخامس _والثلاثون

لا تنسون التصويت أحبتي ولا تنسون التعليقات بين الفقرات قرآة ممُتعة
إنشاءالله اتوقف كم يوم لـحين انتهاء الزيارة ونرجع بالـروايا

...................................................................

لَـتكلي الگبر والجِفن والتَابوت
فكرة مَوتك ما مقتنع بيها
عدل وتضل عدل
لو تندفن مَرتين
يا مَحبوب عَيني ومَي سواجيها.......

قبل يوم مـوج
وقت صلاة الظهر ماكو احد بالـبيت انا وامي وام مصطفى الباقين كُلهم بـدواماتهم وابوي بـمحله طلعت من الغرفة كلت اشرب فنجان قهوى يهدأ رأسي سمعت صوت من غرفة امي الي هي مقابيلي

دكيت الباب وفتحتها دخلت امي لابسة محرم الصلاة وكاعدة على السجادة تناجي رب العالمين ورافعة ايدها للـسماء تلهج بالـدعاء وتذكر اسم زياد كملت باوعت عليه وحجت بـهدوء
_هاا يـبعد امك محتاج شيء ماما تريد شيء

_سلامتج حبيبتي سمعت صوتج وجيت اشوفج بيج شيء

كامت من الارض نزعت محرمها وكعدت على السرير وضلت تبجي تقربت يمها لزمت ايدها بستها وحجيت
_شنو صاير حبيبتي ليش هذا البجي

_زياد يمةةة زياد كاسر گلبي وخاطري لحد هذه اللحظه انا اتذكر احساسي بأخر يوم جان ويانا نظرته ما جانت نظرة عادية جانت نظرة نهاية جذبت روحي وكلت لا وين يروح يعني وليدي الگمر ما يعوفني ويروح

_انشالله يرجع لا تيأسين

_ايست يرجع انا ام وگلبي يحس بالي يرجع والـما  يرجع لمن غبت انت جنت حاسه وگلبي عالمني انت موجود رغم كالولي مات ما صدكت وضليت كُل يوم انا اننتظرك لحد ما صدك رجعت

_انتظري وياد هم ما خسرانة شيء

بجت وكالت
_لا زياد ما يرجع الاحساس الي بـگلبي يختلف

بست رأسها وايدها ومسحت دموعها وحجيت
_يمة لا تحجين هيج انشالله زياد يرجع وتفرحين بي صدكيني هو بخير

احتظنت وجهي بـكفوفها وباست عيوني وخدودي وكالت
_ما ضلي احد غيركم لا تفجعوني بيكم اخاف اخسركم اربعتكم وساعتها ابقى وحيدي ويصفى بيتي بلا زلم

_ما نعوفج للـموت

_ كون انا اموت قبلكم حتى لا يحترك گلبي

الحاضر
رحيق

اصعب شعور ممُكن يعيشه الانسان هو اللوم والاحتقار اتجاه نفسه واتجاه مشاعره الي انطاها لـشخص ما يستاهلها وما قدرها

اصعب شيء ممُكن يمر على الانسان هو الندم ما بعد الكثير من الفرص الي نطيناها لاشخاص ما تستحقها
وما استغلتها صح