فينثيدلين

part 31

صباح الورد والياسمين 🫰🏻♥️

#فينثيدلين
#سما_العبيدي
#البارت_الواحد_والثلاثون

...................................................................

من روان الى زياد
حّاير مِن تجيِ بَيا وّرده ألاگيك؟
و يَا عين التكفي وبيها أخليك!.

ضحكت بـصوت خليت اهلي ينصدمون مني وحجيت
_تشاقون اكيد هو جاي بس حتى يسلم على بابا موو

محد جاوبني رجعت احجي
_اي اكيد هو جاي لـهذا السبب هووو يعرف انا مخطوبة لـزياد واعشقه هو يعرف زياد شنو بالـنسبة الي شنو يعني يجي يتقدم

حجت ماما
_عن اي زياد تحجين اصحي عاااد وافهمي زياد ماكو راح خسر روحة وخسرنا وحتى لووو زياد بعده عايش انا ماااراضيه عنه ولا اريدة

حجه سطام
_شنو معناه هذا الحجي يابا احجي شيء

جاوبت بابا
_كلام امكم صحيح انا زياد ما اريدة اذا كان يمت او عايش الولد الي يجازف بـروحة وعائلتة ما اعتبرة ولدي ولا اريدة

_لا اكيد انتوا تخبلتوا اكيييييد وهسه شنو المطلوب منيي يعني ارضى بـالمدير واتزوجه وانسى زياد سويتها مرة مُستحيل اعيدها مُستحيل اطعنه واغدرة

حجت امي
_تتزوجيييي غصباً عنج

اجانا صوت موج وهو يكول
_لاااا مو غصب عنها ومااا مسموح لاي شخص يجبرها هي حُرة لووو هم راح تكربسون واحد طايح حظ ما معروف شنوو ومنين بـراسها الي يتصرف تصرف يخص روان بدون علمي ما يلوم الا روحه لا تخلوني اتخبل عليكم

كمل كلامة ودخل للـغرفة وانا صعدت فوك لزمت الموبايل وردت اتصل بالـمدير بس شنو اكله هو ما جابرني على شيء هو بس تقدم اهلي الي يردون يجبروني

تراجعت عن الي ردت اسوي وكلت مُستحيل اقبل لو على قطع رقبتي اخذت ملابس وطلعت من الغرفة دخلت الحمام اخذت شاور ريحت جسمي وبعدت هذه الفكرة التافهه من بالي 

قررت باجر اقدم استقالتي وشنو يصير خل يصير ما مستعدة اجازف مرة ثانية بـروحي واتخلى عن زياد ممُكن ذيج الزواجة رب العالمين يحبني ونقذني منها بس هذه المرة ممُكن لا

رفعت ايدي لزمت الحلقة وبستها مُستحيل اتخلى عنك يا نور عيوني مُستحيل اصير لـشخص ثاني لو على موتي اندكت باب غرفتي صحت تفضل دخلت رحيق وكالت
_اني وسطام رايحين نشوف نبض الـبيبي شنو رأيج تجين ويانا تغيرين جو وتطلعين من مود البيت

_والله ما اعرف

_شنو ما تعرفين بسرعة بدلي وخل نروح شبيج 

_اوك

غيرت ملابسي ونزلت طلعنا بالـسيارة رحيق كدام وانا وراهم سطام فرحان ومتحمس وطاير هم من الفرح وكالبها رومااانسيااات لابعد حد بـحيث اجتني حموضه منه