مساء الورد ♥️
#فينثيدلين
#البارت_السادس_والعشرون
#سما_العبيدي
..................................................................
مو بس للحرب
اطلع چنت وياك
چنت وياك
طالع حتى من ديني
انا اذيت كلمن
حاول يأذيك
ليش گبال وادم
غربه تاذيني
گتلك روحي ورده
وبالنشاف تموت
غير بماي وصلك
كون ترويني
لو كسرة عضم
چان العذر مقبول
بس كاسرلي خاطر
بيش ترضيني ؟
تنفست بـغضب وقوة گلبي حسيتة يريد يطلع من مكانه لزمته بـقوة امنع ثورتة واهدء روحي بس ماكدرت
ماكدرت اسيطر لا على دموعي ولا شهكاتي ولا تنفسي صرخت بـوجع وألم وانا اشوف الصورة اكثر من مرة اخذت الموبايل وضربته بالمرايا تكسرت والموبايل انطفى
لزمته مرة ثانية واريد افتحه بأي طريقة ماريد الصورة تختفي اريد اواجهه بيها اريد يكون عندي دليل عنه بس ما ينفتح صرت اصرخ اكثر واكثر وصوتي اتجرح
انفتحت الباب دخلت آوج لزمت ايدي تمنعني من ضرب نفسي بس اني نهاريت تماماً صاحت
_رحيق اهدي شوي اهدي حبيبتي لا تعملي بـحالك هيك شووو في احكيلي شوو في
_سطاااااام الحيووووان الحقيررررر والله لانعل الي خلفه والله والله لانعل سلافةةةة والله
_شووو عمل معك شووو في رحيق
نزلت دموعي وبجيت بـقوة ما تهنيت بخير حملي ابداً ليش استعجلت ليششششش ندمت على كُل لحظه دعيت ربي بيها يرزقني بـطفل جنت اعتبرة ثمرة حُبنا
اي حُب واي ثمرة الي يحب ما يخووون ما ينكر ما يرجع لـماضي قذر ودنيء مايرخص نفسه لانسانه قذرة
ضلت آوج يمي كاعدة وتحاول تهديني هديت وحجيت بـخيبة امل كبيرة
_جنت اريد افرحة بـخبر حملي بعد طول انتظار توصلني رساله وصورة تتضمن صورته هو وعشيقته على الفراش شنوو الي جنيتة حتى يخوني شنوو الخطأ الي ارتكبته حتى يجازيني هيج
احتظنت اكتافي وكالت
_لا تهتمين هو الي خسرك وخسر الطفل الي بطنك خلي يتهنى بالزبالة الي موجود عندها
_ماراح اخلي شيء يربطني بي مُستحيل
_شنو قصدج رحيق تروحي الطفل الي بطنك شووو ذنبو هو
_ذنبة ابو سطام الخاين ذنبة تزوجت شخص مااحبه ولا يحبني لا اشبه ولا يشبهني اوهمت نفسي بـحياة عبارة عن كذبه اخترعها عقلي الباطن الي وعشت بيها ذنبة ضليت ليالي وايام انا انذر وادعي ربي يرزقني بـطفل يكمل علينا حياتنا بس طلع ماعندنا حياة اصلاً
_يعني بدك تروحي
_مااعرف كُل الي اعرفه انا ما لازم اضل هنا ماريد ابقى بـمكان جمعني بي مضطرة اروح لـبيت اهلي ولو راح ازعجكم
أنت تقرأ
فينثيدلين
Любовные романыفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
