مساء الحُب 🥹♥️
#فينثيدلين
#سما_العبيدي
#البارت_التاسع_والخمسون
قرآة مُمتعة احبتي لا تنسون التصويت ترة والله ما يأثر عليكم شيء 🥹✨
والتعليق بين الفقرات لا تبخلون بـكلماتكم الحنونة الي تلامس قلبي
احببببككمم كُلش هووواي ♥️♥️♥️🫂
..........................................................
مره اذكر جنت احاجيك وگلت
ياهو يبقالك اذا باچر متت !
كتلي ما اعوفك واموتن لو تموت
بعدي ما ميت شمرت ايدي ورحت !
چانت بعينك براءه ..... لا غشيم
چانت بعينك "حقاره" وصدگت
وخاف عبالك ادخن من وراك؟
اني من ضيم اهلي لمن دخنت.
شكد چنت ما ثاق وتدور وراي؟
واني ادور ؟ لمن تضيّع چنت !
هسه اليمثل بوحده !! .. شلون هيچ؟
انت عشر اسنين بيهن مثلت !
اني لو قصرت ؟ تبقى .. وما تروح
بس رحت !.. چي اني ابد ما قصرت .
لـزيد الماجد.
روان
فزيت من مكاني شفت روحي غافيه بالـغرفة لزمت گلبي من الخوف واطرافي ترجف وما اعرف اذا الصار حقيقه لو حلم ضليت احاول اتذكر الي صار اخر شيء جنت جوة وكملت. شغلي بالـحاسبة وصعدت ارتاح شويه زين معناها الي صار حلم
مديت ايدي على بطني وحمدت ربي اول مرة اخاف هلكد واول مرة اعيش حلم كانهُ حقيقه لحد هسه الرجفة بيه كمت من السرير دايخة وخفت لا انزل ويتحول الي شفته لـواقع
بقيت بالـفراش فترة وما ردت ارجع انام لهيت روحي بالـموبايل اتصلت على محمد وسئلته شوكت ترجع كال
_بيج شيء حبيبتي
_انا خايفه
_من شنو عُمري انتي يوجعج شيء احجي
_شفت كابوس مو زين ابد وما راح اتحرك من مكاني الا انت تجي
_تمام راجع
سديت الاتصال منه وضليت اتصفح واقرى اشياء عن الحامل والجنين وغيرها من هذه الامور التهيت واندمج كُلش وصرت المعلومة الي احسها راح تفيدني ادونها بـدفتر
مر وقت وما حسيت انفتحت الباب ودخل محمد كمت عليه حظنته مشتاقتله ما اعرف ليش ابتسم وكال
_شبيج يا روحي شو اشوفج
لزم وجهي بين كفوفه وكال
_مثل القمر يا عمري اللهم صلي على سيدنا محمد وجهج منور
_ههههههه وين صايرة مو حلوة
_تموتين والله شبيج شنو الموضوع
سولفت اله الحلم ضل يضحك عليه طلعنا برة الغرفة بعد ما اخذ شاور وغير ملابسه كال
_يلا ننزل
_لا ماريد
_ههههههههههه انا وياج
_والله اخاف
_تعالي
كعد كدامي وانطاني ظهرة ضحكت ورتجيت عليه شالني على ظهرة ونزلني الدرج
_ههههههههههه الله حلوووو
أنت تقرأ
فينثيدلين
Romansaفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
