مساء الحب ♥️♥️
#فينثيدلين
#سما_العبيدي
#البارت_الرابع_عشر
....................................................................
صحت بـصوت عالي عليهم
_شغلوا السيارة بسرعة
طلعت امي تسئل شافت زياد بهذه الحاله وصريخها ملىء المكان جانت روان مو بالبيت ما هي الا دقيقه ووصلت نزلت تركض بس شافته هيج صرخت بأعلى صوتها وكعدت يمه بالارض
روان: زيااااااااد حبيبييييييي كوووووم منوووو ضربه لك موووج منوووووو زيااااد
ابتسملها زياد ورفع ايدة باس حلقته وهمس
_احبج
بعدتها عنه وشلنا للسيارة نبضه بدأ يضعف لزمت رأسة وحاولت اصحي
_زياد يول لا تغمض عيونك
صحت
_استعجللللللل
دموعي صارت تنزل الفقدان صعب خاصه اذا شخص اقرب الك من روحك وانه اخواني عندي اعز من روحي
وصلنا للمستشفى اخذوا من عدنا لغرفة العمليات
روان
مادري شلون سيطرت على روحي وصعدت بالسيارة ويا سطام ورحنا للمستشفى دخلنا يمهم وسئلت عنه جاوبني موج توهم.دخلوا عمليات ضليت ابجي واعرف بروحي السبب مني مروان هو الي ضربه
اسوء ساعات حياتي عشتها بانتظار خبر عنه متت واحتيت كل شوية تصيبني نوبة بكاء عارمه اتخيل زياد يصيرله شي وانه السبب اتخيل اهلي يفقدون ابنهم بسببي
بدون ما احد يلومني او يحسسني انه مسوؤلة عن الي صار صرت الوم بروحي شفت نفسي مذنبة ووعدت روحي بس يطلع بخير وسلامه اتركه ماريد اخسرى بسبب حبي
تأنيب الضمير موتني فقدت الصبر وصرت ابجي بقوة واصرخ انه السبب كله مني حسيت واحد من اخواني حاوطوني التفتت عليه هذا موج بجيت بجزع وهمست بصوت مبحوح
_موج اذا يصيرله شي اموت دخيلك طمني وكول رح يطلع منا بخير وسلامه دخيلك طمني وكلي مابي شي احجيييي دخيلك احجييي
_اهدأي عيوني انتي صدكيني زياد قوي ويكوم منها انشالله بس ادعيله وقوي روحج محتاج دعمنا وقوتنا بـهذا الوقت مو بكائنا وجزعنا
_موج اذا يصيرله شي ماسامح روحي
_مايصير شي اطمني مسحي دموعج وادعيله بالقوة يلا عيني
هزيت راسي ورحت غسلت وجهي وهدأت روحي مالي عين اباوع لماما وبابا ماعندي عين اباوع لخواني ولا حتى اله بعد مرورو وقت طويل طلع الدكتور وكال عمليته جانت صعبة جداً وهسه رح يخلوا تحت المراقبة خلال اربع وعشرين ساعه يا يصحى منه يا لا
تهسترت تقربت بهجومية على الدكتور وصحت
_شنووو يعني لا انت واعي على نفسك جاي تحجي لو لااا
جاوبني برود
_انا متفهم وضعكم الحالي بس هذا واقع ولازم تتعايشون
كونوا على توقع كل شي يصير وانشالله خير سوينا الي علينا احنا
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
