مساء الخير ♥️
#فينثيدلين
#سما_العبيدي
#البارت_السابع_والخمسون
قرآة مُمتعة احبتي لا تنسون التصويت والتعليق بين الفقرات احبكم كُلش هوووواي 🫂♥️♥️♥️
.....................................................................
مـوج
طَابت نَفسي مِنك بَعد شـتفيّد
وَ بـعَيني مِتت شـتفيّد إلاعذار
لـو كَلولي نَار و أنتَ شـتريد
هَم مـَا اريدك وإلا أمشي للـنار
إني وگلبي نَـنتظرك مَـكاريد
و تَجينة الغبشة أزرك گلك آثار
جِنت وَياك يمكن أقوى تَهديد
مِن أزعل مِنك أَشمر ذَاك الأسوار
حسبتك من هَـلي و شـتطلب أنطيك
أبد ما كتلي مرة وما كلت صار
الثار الي ينوخذ من الغريبيين
لكن من هَـلي شلون اخذ الثار ؟؟
لـزَيد مَاجد
مـوج
بداية جديدة وخطوة صعبة تحدد مصيري ومستقبلي اذا استمر بـوضعي او ارجع مثل قبل واقوى واحسن النشاط والفرح واضح على شاهندا وياسين ابتسامتهم مرسومة على ثغرهم ويتحركون بـحيوية
اما انا ما مهتم شنو مُمكن يصير يا ابقى عاجز يا امشي على رجلي
حضرتني شاهندا واخذت الاشياء الي نحتاجها وكالت
_يلا نروح
اشرتلها عادي فتحت الباب ودفعتني بالـسرير الي ينقلون بي المرضى وهي مبتسمة باوعتلي وكالت
_متاكدة راح تنجح
_امين
وصلنا للـغرفة المختصة بالـعلاج الطبيعي وجانت خاصة بس بيه حتى اخذ راحتي وما اتقييد بـوجود مرضى غيري اطلعت على المكان غرفة واسعة قرابة ٢٠٠ متر بيها كُل شيء يحتاجه المريض حتى يتدرب
شويه ودخل دكتور وياه مُمرضه ومُمرض ياسين موجود ويانا كُلهم لغتهم مو انكليزية يعني ما نفهم عليهم الا شاهندا جانت تحجي وياهم وترجع تكُلي شنو جانوا يحجون كالتلي
_راح نكون انا والمُمرضة مرافقيك
_ليش يعني مو مُمرض
_قصدك وياي ؟
_يكون افضل
_تمام راح احجي وياه الدكتور واطلب منه بس بـنفس الوقت راح نحتاجها
_حتى لو
ابتسمت وكالت
_تأمر وتدلل
_استغفرك ربي واتوب اليك
ضحكت بـخفاء وحجت وياه الدكتور وبدينا بـالصعب شيء ما جنت متوقع خطورتة لـهذه الدرجة شيء محتاج مني هدوء وتركيز وصبر وانا كُل هذن ما املكهن بالـوقت الحالي
اول شيء سووا الي هو لبسوني حزام يسند الظهر بحيث نفسي ضاق من كُثر ما هو قوي كالتلي شاهندا
_اهداء مـوج وخليك ريلاكس تمام ما راح يصير شيء غصب عنك بس تحس نفسك تعبت او الوضع صعب عليك راح نوقف العمل
أنت تقرأ
فينثيدلين
Romansaفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
