مساء الحب ♥️
#فينثيدلين
#سما_العبيدي
#البارت_السابع
أوج لـ موج ♥️♥️
لكنيِّ أُحبُّكَ كثيرًا، رغمَ ملليِّ الجامِّح تجاهّ كل شيء، ورغبتيِّ الدائِمة بـِ الوُحدة، أُحبُّكَ حتى و إنَّ كُنتُ غاضب ويطرقُنيِّ وجعيِّ ، لا شيء في هذا العالم أستطيعُ الإستمرارَ بـِ حُبهِ وأنا أمرُّ بِـ كُلْ هذا إلا حُبكَ أنتَ، أعتقدُ إنيِّ لم أتعلم شيئًا أخر سِوى أَنَّ أُحبُّكَ كل يومٍ أكثر.
......................................................................
فتحت الباب ودخلت يمها ضربت على خدها فتحت عيونها وكعدت تدور على الحبوب وتحاول تخفيهن
_جااي تدورين على هذن مووو
تنفست بـغضب وصاحت
_موووج عطينياهم
دفعت ايدها عني تفاجئت من تصرفي ورجعت مدت ايدها تريد تأخذهم
_موووج موووج عطينياهم الله يخليك موووج
فرغتهم من الجيس بالارض ودعستهم بـرجلي كعدت كدامي وضلت تدفع بـرجلي وتحاول اطلعهم ابتعدت اباوعلها شلون منهارة وجهتلي نظرات حقد وغل وصرخت
_اكررررررررهك افتتتتتححح الباب لشوووووف افتححححححح ....... وائل وائل خلي يفتحلي الباب الله يخليك انا أوج كيف تسمحلو يعمل في هيك
وائل :لانو يحبك وبدو يعالجك ووتشافي
_ماااابديييييي ابتعدددد عنيييييي مابدي حدااااا منكم
طوقت حركتها وطلعتها لبرة شلتها على جتفي وما زالت تصرخ وائل صعد كدام صحت
_شغغغغغل السيارة بسرعةةةة
شغل السيارة وساق للبيت صعدتها لغرفتنا بعد ما فرغت اغلب اثاثها كلشي حاد وممكن ينكسر طلعته دخلتها وصحت بصوت عالي خلاها تخنس
_مااااا تسوووووين اي شيييييي مخالف للي اكوله الج ديربالجججج أوججججج رح اعالجج واخلصج من السم الي تتعاطي وبعدها احاسبج على كلشي عشته بسببج
بجت وتوجهت للسرير نامت وحظنت نفسها كعدت كدامها انفاسي عاليه احس گلبي يريد يطلع من مكانه
طلعت من الغرفه وقفلت الباب نزلت جوة
صارلي يومين مو نايم كعدت على القنفه تعبان شافني والدي وحجه وياي شويه بعض الكلام فهمته والبعض الثاني مانتبهت عليه خلال حديثي ويا نمت
روان
اليوم رجع موج للبيت ويا أوج شكلها غريب تخرع من سئلته كال لانها مأخذت الحبوب هيج يصير بيها
صعدها فوك وجان يصيح عليها من يمي خفت اول مرة لهل درجه موج يعصب ويصيح
بعد فترة صار هدوء وراها نزل موج كعد بـتعب ونام بالهول على القنفه كمت جبتله غطى ونصيت التلفزيون
جانت ماما كاعدة فوك رأسه تقرى ايات وتمسد بـشعره
انه وزياد كاعدين نبحث عن الدواء الي تأخذة ونقرى باللابتوب ورحيق كاعدة على الميز تصحح الاوراق مال طالباتي كتلها مالي خلك انه واخذتهن مني
أنت تقرأ
فينثيدلين
عاطفيةفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
