مساء الورد والياسمين ♥️♥️
#فينثيدلين
#سما_العبيدي
#بارت _ثلاث _وخمسون
............................................................
مـوج
أجت بالـيل بالـوحدة
حظنتني وباست عيوني
وخذت باكيتي من أيدي
و كامت تسئل شلوني ؟
كتلها أنا أبد مو زين
وضعي يخوف وتعبان
إنتِ شلونج بدوني ؟
جفنها يخوف الميت
مريضة وتكسر الخاطر
و أنا هم مكتئب والله
لـباب الغرفة ما عابر
حجيتلها على أحلامي
وكلتلها صرت شاعر
و چاي أحجيلها بـلهفة
ومن حلمي أهلي كعدوني
جانت حيل تعبانة
و جان يخوف إحساسي
تاليها طلعت حلمان
بس باكيتي يم رأسي ...
بعد مرور خمس اشهر
رحيق
مرت الايام بسرعة وحياتنا تغيرت ومشت على مسار ما جنا متوقعين بـيوم نمشي بي ووصلنا لـمكان ما جنا متوقعين نوصله وصارت ويانا احداث مُستحيل بيوم نفكر نعيشها او نتقبلها بـحياتنا ايام عكس تماماً عن نمط حياتنا والشيء الي تعودنا عليه
كعدت ساعة ١٢ اخذت دوش وطلعت غيرت لبسي وطلعت للـمطبخ سويت قهوة وكعدت اشربها واني اباوع على حياتي وايامي الفارغة وشلون جاي اعيشها بـملل وفراغ كبير رغم شغلي بالـبوتيك بس يبقى مو مثل وظيفتي الي اتخذت قرار التقاعد بـوقت جانت كُل قراراتي خطأ
كملت قهوتي باوعت البيت وسخ صارلي يومين من نظفته المطبخ بي صحون ونفايات متروكة الهول متراكمة الاتربة على الاخشاب سحبت نفس وكمت بـملل شغلت التلفزيون على اغاني وبديت اول شيء بـتنظيف المطبخ
غسلت الصحون ورجعتهن مسحت الكاونتر والميز ونظفت الطباخ وشغلت المبخرة ورحت للـهول رتبت القنفات مسحت الاخشاب كنست الارض ورحت لـباقي اجزاء البيت
غريبة مو بـمكانتي اني بالـمجتمع وهيبتي وبعد ما جنت طول عـمري عندي مساعدات بالـبيت حتى قبل لا اتزوج سطام صرت انظف واشتغل واهتم لامور البيت هو هذا الي يترك وظيفته يصير يهتم باشياء بعيد عنها كُل البعد
كملت كُل شيء جعت وماردت اسوي شيء ويرجع يتوسخ البيت غيرت ملابسي وتجهزت وطلعت بالـسيارة بعد ما قفلت البيت رحت لـمطعم طلبت اكل وكعدت انتظرة فتحت موبايلي شفت شنو واصلني مسجات ايميلات اشياء
رديت على كم سؤال بـخصوص البوتيك وغيرها لحد ما اجه الاكل طلعت مسلسل وكعدت اتفرج واكل سمعت كم كلمة حولي مجموعه بنات وحدة منهم تكول
_احمدوا ربكم اني بحياتكم وجمعتكم سوا جان هسه انتوا مثل حال هذه البنية وحيدة
ابتسمت وانداريت عليهن ابتسمن وعرفن اني سمعتهن وحدة منهم عرفتها هي الي حجت من صوتها.
_اسفة والله يمكن جرحتج بس اني جنت انطي مثل وبس بالـشقة
_عادي بس اني مو وحيدة اني جنت مثلكم ما تحلى كعدتي الا وياه صديقة عُمري بس انجبرت على الوحدة
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
