مساء الـورد والياسمين ♥️♥️
#فينثيدلين
#سما_العبيدي
#البارت_الثلاثون
...................................................................
روان
_يَـلمبتعد عَـني أبتعد مـني
شـثگلهن ذكرياتك تَـعبني
گـلشي يََـشبهك يـبجيني مَـرات
بَـحيث هـدومي بَـعدك وجعني
عَـفتك والقصايد رجَعني
مَـا مَعقولة صَـفناتك نَسني ؟
كملت دوامي دخلت مكتبي بـتعب سندت رأسي على ايدي ونفخت بـضجر ما متحملة كُل شيء جاي يصير اندكت باب المكتب عدلت روحي وكلت تفضل دخل المدير بـابتسامة لطيفة وكال
_استاذة روان شكلج نسيتي انا اطلبج عزيمة
ماجاوبت رجع حجه بـضحك
_السكوت علامات الرضا وانا افهم من سكوتج انه موافقة
_جاي تحرجني استاذ
_لا احراج ولا شيء يلا نطلع
_تمام دقائق واجي نلتقي بالرسبيشن
طلع وانا رجعت للـمكتب كعدت بـمكاني وتقيدت ماكدرت ارفض اكثر من مرة فتحت موبايلي اتصلت بـرحيق جاوبتني سلمت عليها وكتلها
_رحيق المدير مالتي عازمني على غداء وهذه مو اول مرة وكل مرة ارفض بس هسه ماكدرت احرجني هواي
_روحي مابيها شيء
_ما اعرف رحيق مترددة وانا حاسه بـشيء وما يدة يكبر
_شنو هو
_حاسه المدير يتوددلي او معجب ماا اعرف ما مرتاحة ابد
_لا ولو لا تكبرين الموضوع روحي واذا حسيتي اكو شيء مو عاجبج اترخصي منه ورجعي للـبيت
_طيب مو لازم اكول لـبابا او واحد من اخواني
_روان بـربج كافي حجج روحي واني انطي علم لـسطام
سديتة منها ورتبت روحي وطلعت التقينا بالـريسبشن وطلعنا بـسيارتة باوعلي وكال
_شنو حابه تسمعين
_عادي مو شيء مهم
هز رأسه وساق شغل اغنية لو حبنا غلطة ارتبكت وباوعتله ودموعي تجمعت استغرب وكال
_صاير شيء انا لان دائماً اسمعج مشغلتها لـهذه الاغنية فـ توقعت يعجبج تسمعيها
مديت ايدي على ركبتي وحجيت
_لا عادي ماكو مشكلة
تنهدت وسكتت وهو ضل يفتح مواضيع عامة واجاوبه على كد السؤال وصلنا للـمطعم طلبنا اكل وكعدنا نأكل جانت نظرات عيونه تركز ويا كُل خطواتي ارتبكت وبين عليه
صبلي ماي بالـكأس الي كدامي وكال
_اشربي ماي حسيتج اختنكتي
_لا مابيه شيء شكراً
كمل غدانا وودعنا بعض وطلعنا اصر انه يوصلني لكن رفضت رفض قاطع اخذت تكسي ورجعت للـبيت انتبهت على نفسي منطيتة للـسايق عنوان بيتنا القديم نزلت دموعي وكتله
_انا اسفة نطيتك العنوان الخطأ ممكن تروح على هذا العنوان
أنت تقرأ
فينثيدلين
Romansaفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
