مساء الورد أحبتي ♥️🫂
#فينثيدلين
#سما_العبيدي
#البارت_السابع_والعشرون
....................................................................
وعذرتهُ لّما تساقط دمعهُ
ونسيتُ أياماً بها أبكاني
وأخذتهُ في الحضن أهمسُ رأجياً
جمرات دَمعك أيقظت نيراني
أتريدُ قتلي مرَتين ألا كفى ؟
ف امنع دموعك واحترم أحزاني
لا صبر لي وأنا أراك محطماً
يامن يُجَرح دمعهُ أجفاني .
اختنكت بـصوتي وحسيت الموقف شكد بشع ومؤذي سطام خسر ابنه الي ما يعرفه الا بعد ما صار عُمرة ١٠ سنين
رجعت اتصلت عليه ما يجاوب وصار موبايلة مغلق بعد اتصالين مني روان اتصلت بـموج وخبرتة الموضوع وكال رايح ادورة
ضليت الـوم بـنفسي لان قسيت عليه ونسيت كل الي صار بينا واهم شيء هسه اوكف ويا واسندة هو بـوفاة والدي سندني وساعدني
بعد مرور وقت ساعتين رجعت اتصلت بـموج جاوبني وكال جنت ويا بالـكوة وافق اساعدة يكول لمن عرفت عندي ولد كلكم ما سندتوني ونبذتوني انا وابني وحلفتلكم وقسمت يمين الولد ابن حلال وما صاير الا وانا جنت متزوجها ومن مات اجيتو توكفون وياي
كُلش انقهرت من كلامه ما انسى الي سوا بيه وبـنفس الوقت حزينة على الطفل ماله ذنب بـكل الي صار
صارت ساعة ٥ الفجر انفتحت الباب دخل موج وسطام وراة وجهه تعبان ويمشي مكسور الخاطر والظاهر موج بالـكوة جايبه هنا
كمت يمة واخذته بـحظني ماكدرت اقسى عليه اكثر من هيج سند رأسه عليه ونزلت دموعه وشهك كل الموجودين طلعوا من المكان وبقينا وحدنا
اخذت بـيدة وكعدنا على القنفة وحجيت
_البقية بـحياتك
رفع رأسه عيونة دم وصوتة مختنك
_على ياهو منهم ....... الي مات بعد ما عرفته وهو عمرة عشر سنين لو على الي توا صاير وحرمتيني منه
نزلت دمعتي مسحتها وحجيت
_الله يعوضك
_منين الله يعوضني منج لو منها ...... شكد كتلج لا تظلميني وياج رحيق شكد كتلج لا تقسين على گلبي وتموتيني بـيدج
_انا اسفة الي صار بيه مو قليل والوقت مو مناسب حتى نحجي كوم اخذ دوش وارتاح ملابسك وشكلك تعبان وكلك تراب
باوع على ملابسه وايدة وكال مهضوم
_هذا تراب قبر ابني الكبير اما الصغير فـ صار بالـنفايات خسارتين بـنفس الوقت تأذي وتكسر الگلب انا ما اكلج ما مهتم بأبني الي دفنته قبل ساعات قليله بس الي موجعني اكثر ابني الي تخلصتي منه بدون علمي ليش رحيق ليش اكثر شيء جنت اتمناه هو طفل منج
_انت الي جبرتني
كام من مكانه وكال
_لا تحجين رحيق خلاص لا تحجين الي تردي صار ثنينهم ماتوا ورجعت من الاحلام الي جنت عايش بيها
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
