صباح الورد والياسمين ♥️♥️
#فينثيدلين
#سما_العبيدي
#البارت_السادس#والخمسون
قرآة مُمتعة أحبتي لا تنسون التصويت والتعليق بين الفقرات احبكم كُلش هووواي ♥️♥️♥️♥️♥️
...............................................................
مـوج
غلطان بيك من البداية
ما منصدم من النهايه
چنت أدري راح تخون وتبيع
سمك مثل سم الحياية
چنت أدري گلبك مو اليه
وچنت أدري تتونس عليه
والمشكله حبيتك هواي
ماكدرت امشي ومو بديه
ليليه تمشي واني اتاني
وتنام يم راسي الاغاني
ومن كتلي نعسان ارد انامن
چنت ادري رحت لـحضن ثاني
كل ذني چنت اني أدري بيهن
بس خاف اخسرك ما احچيهن
روحك وگلبك ارخص ثنين
مرن علي چا شلي بيهن
لـزيد الماجد.
مـوج
من بعد هذه اللحظة الي عشتها والشعور الي راودني خلالها كرهت نفسي كرهت ضعفي كرهت كياني ورجولتي الي هانتها آوج وداست عليها بـرجلها حسيت انا شكد انسان فاشل وسخيف وما عندي ذرة شرف وعـزة نفس شكد انا شخص مُهان و عديم فائدة لـنفسي قبل لا اكون لـغيري
من هذه اللحظة حسيت كُل شيء بيه تغيير صرت انسان ثاني ما عدت اعرفه ولا انتمي اله بأي صفة ما يجمعني بي اي شيء سوى الخذلان ووجع الگلب الي جاي احسه
ياسين تقرب عليه والخوف مسيطر عليه وواضح شكد منصدم من شكلي رغم ما جاي اشوف روحي بس حسيت بـالتغيير الي صار حسيت بـشكلي شلون انقلب حسيت بـعيوني بعد ما الصورة الي شفتها شلون تغييرت نظرتي
_مـوج شبيك شنوو شفت شنو وصلك
ضميت الموبايل عنه وكتله
_موو شيء مهم انسى
_وضعك انكلب مـوج شكلك تغير شبيها عيونك صارت دم
_كتلك ماكو شيء ياسين عوفني وحدي
_راسك يوجعك يمكن ضغطك ارتفع اصيح شاهندا تقيسة الك
بعدة يحجي وياي والدم صار يقطر من خشمي كأنهُ انذبحت وانا فعلاً بـهذه اللحظة روحي انذبحت گلبي انذبح عيوني حسيت سيف وانغرس بيهن
صاح
_ارفع رأسك موج ولا تحجي شيء هسه جايك
طلع من الغرفة يركض ما جنت مهتم لاي شيء مُمكن يصيرلي ولا بالي اصلاً كُل الي جنت افكر بي هو اريد اوكف على رجلي واروحلهم وانتقم وبس كُل الي جان بـخاطري هووو امشي واسافر واخذ حيف گلبي منها وبس
اجت شاهندا وياسين وياها تقربت عليه كالت
_شكووو شبيك مـوج شنووو هذا الدم
لزمت وجهي رفعته وكالت
_ابقى هيج بين ما اقيس ضغطك
اخذت ايدي كالت
_مثللللجه ايدك شنووو الصار عفتك مابيك شيء
ما جنت اجاوب ولا مهتم قاست الضغط كالت
_٢٢ تحجي صدكككك مـووووج تريد تنجلط انتتتتت ياسين بسرعة صيح الدكتور اخذت كفي بين كفها وجككت أصابعي بإبرة تقربت على وجهي نزلت دموعها وكالت
_شنوو صار مـوج شنو صار وهيج تأذيت احجيلي
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
