صباح الخير 🫶🏻♥️
#فينثيدلين
#سما_العبيدي
#البارت_واحد _والخمسون
لا تنسون التصويت والتعليق بين الفقرات احبتي قرآة مُمتعة وتعالوا لـقناة التلي نغير جو ونتونس سوا ☹️🫂
...........................................................
باجر تموت المحطه
ومحّد ايغنّي بغربتك
باجر يصير العشگ
ذمّه برگبتك !
توصل لباب الصدك
وبروحي اجذبك
گمت من گد الحزن
ماعرف احبّك !
روان
كاعدة بـغرفتي الموبايل بيدي وقلقانة والخوف متغلبني منتظرة خبر من ياسين يطمني على مـوج ويكلي اخبار عمليته دك موبايلي شفته محمد كُل ظني ياسين فتحته
_الو هلو محمد
_هلا يا روحي شلونج اخبارج حبيبتي
_الحمد لله بخير انت شلونك
_الحمد لله يا روحي احس بيج شيء حبيبتي صاير شيء
_اكلك شيء بس ما تكول لاحد ابد ابد
_احجي شنو صاير روان
_عمليه مـوج اليوم
_بـرررربج ومحد يدري
_بس انا وانت هسه وياسين لحد الان ما راسلني ولا اتصل بيه وما عندة نت
_اويلي يا ربي انشالله خير يارب راح احاول اتصل بي بلكت يجاوب
_اوك يلا انتظرك بلكت يجاوبك
راح محمد وضليت انتظر منه خبر ماكو مرت ساعتين اختفى محمد ابد ما اتصل ولا شيء دخلت لـواتساب مـوج لكيته فاتح نت راساً اتصلت وانتظرت يفتح خط اجاني صوت ياسين
_الووو ياسين هذا انت فكرته مـوج طمني شنوو صار طلع من العمليه احجي شبيك ساكت ياسين
_بعدة ما طلع روان ومحد انطاني خبر خير او شر عنه صارله فوك الـ خمس ساعات جوا وماكو اي خبر منهم
_اويلي يا ربي راح اموت من الخوف والقلق عليك النبي لا تعوفني بـناري شنو يصير اتصل بيه وطمني
_انشالله انا فتحت موبايله لان آوج ضلت تتصل بي وتدز رسائل عاد كلت افصل النت احسن
_تمام بـراحتك سوي الي تشوفه مناسب بس لا تنسى تطمني عفيه گلبي نار والله
كمت ابجي فجأة صاح
_لا تبجين شبيج روان انا بلا شيء ميت خوف ووحدي وما اعرف شلون اتصرف
_تمام حبيبي انسى وديربالك على نفسك واخوك امانه بـرگبتك
سديتة منه وضليت استغفر ربي واهدي روحي بالاستغفار مثل ما علمني بابا ومـوج وادعيله ربي يكومة بالـسلامة واسمع الخبر الزين عنه
اتصل بيه محمد فتحته وكال
_حبيبتي توني جنت احجي وياه ياسين كال بعدة ما طلعوا
_اي اتصلت بي على حساب مـوج وجاوبني اوف والله گلبي راح يتكطع محمد اذا يصير بـموج شيء نتخبل خلاص نتنهي
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
