فينثيدلين

part 11

مساء الورد اعتذر عن التأخير كان عندي خلل بالواتباد وصلحته ❤️❤️

انظموا للقناة ♥️♥️
https://t.me/samaalobadi

#فينثيدلين
#البارت_الحادي_ عشر
#سما_العبيدي

زياد
وَلَرُبَّ نازِلَةٍ يَضيقُ لَها الفَتى
ذَرعاً وَعِندَ اللَهِ مِنها المَخرَجُ
ضاقَت فَلَمّا اِستَحكَمَت حَلَقاتُها
فُرِجَت وَكُنتُ أَظُنُّها لا تُفرَجُ ♥️

......................................................................

رجعنا للبيت جان زياد كاعد بالباب فاتت أوج وانه كعدت بـصفه
_ها سلامات

اخذ جكارة من الباكيت ودخن بدون مايحجي شي مر وقت على كعدتنا تنهد وكال بـحيرة
_شسوي

_اصبر وربي يفرجها عليك عن قريب انشالله

_تعبت صارلي سنين صابر

_وانت كلتها سنين يعني شنو تفرق اذا صبرت كم يوم او كم شهر على الاقل يطيب جرحها تعرف تقرر وتفكر صح صدكني زياد اذا استمريت تضغط عليها رح تخسرها

_خلاص رح اسوي مثل ماتكول

ابتسم وربت على جتفي
_انت شلونك تدري يا موج دائماً انت تسمع همومنا بس ولا مرة سمعنالك

_هههههههههه مو ناقصكم

_ هيج رح تمرض موج احنا اخوانك ولازم نشارك الحزن قبل الفرح

_ماتقصرون يا حزام ظهري ووعد بس اريد احجي شي اول الناس الجألكم

دخلنا للبيت بعد ما حجينا عن الشغل والأمور المتعلقه بي صعدت جانت نايمه تقربت يمها بـهدوء مو حاسه عليه ضليت صافن بيها وافكر بالي جاي لـحد ما ونت بنومتها

باوعتلها كأنه تحلم حاولت اكعدها ماكعدت ضلت تبجي بنص نومتها وتحرك بيدها حسب تخيلي يمكن لـهسه اثر تقيدها ماتركها

فزت صارخه وخايفه احتظنتها وهمست
_حلم ماكو شيء لا تخافين انه يمج 

_ما .... ما في نفس موج

ضلت تشهك وترافس بين ايدي قيدت حركتها وضليت اهمس بأذنها اهديها هدأت ورجعت نامت تفاجئت الي صار ليش طول هذيج الايام ماصارلها شي هسه يلا يمكن لان فتحنا موضوع العلاج ولان حـترجع تذكر

خفت لا تنتكس حالتها وتسوء وضليت حاير بين اخليها تروح للجلسات وبين اصرف نظر عن الموضوع
صار الصبح وانه كاعد عقلي مابطل تفكير بيها وبالي حـنشوفه مستقبلاً

كعدت الصبح ماتذكر شيء وانه كذلك ماردت اذكرها بالي صار ماردت تحس بنفسها هي ثقل عليه او تعب مر اليوم عادي وباجر اول جلسه الها متحمس وخايف

جان موعدنا ساعه 3 الظهر الوكت احسه بطيء حيل مايمشي وگلبي دكاته قويه روحي احسها ممرودة مدري شجاني وهيج تخربطت اوضاعي