فينثيدلين

part 41

فينثيدلين

#سما العيدي

#البارت الواحد والاربعون

........ ......................................        ...............ليتنا لم نلتقي ، فـلا أنت ِ بـالقرب الذي يزيل الشوق ؛ ولا انتِ بـالبعد الذي يقطع الامل...

مـوج
لكيت آوج كاعدة بـنص الكتب تبجي وتشهك بالـدموع وبـقمة القهر والحزن رفعت رأسها عليه باوعتلي وزاد بـكائها وحجت
_وين رحت عني وتركتني تعبت وانا ما عم افهم شيء ولا اعرف ركز وادرس مـوووج نسيت كل الي حفظتوا

ضحكت وتقربت يمها
_انا اسف يا عُمري بعد ما اعوفج

_ضاع اليوم كلو وانا مو دارسة شيء وكل الي عم اقراه هلق هو غير عن الي درستوا الي مبارح

_تمام هسه انتي شنو جاي تقرين

_شوبك حبيبي مبارح ما قرينا كيميا اكيد هلق عم ادرس كيميا

_اذن شنو المشكله الي واجهتج اشوف

صرت يمها قريب الميز الاوراق والهوسة وكتب وملازم واوراق بالارض واقلام مطشرة تلافيت الوضع وردت اعرف ليش ما جاي تفهم

اخذت الكتاب من ايدها وبلعت ريكي مصدوم ضربت كصتي وصحت
_اويلي يابا لو ما راجع للـبيت احسن

_شو في عم قلك ما عم افهم هلق صدقت حبيبي

_اييي اي صدكتتتت لججج آوج بيش اضربج على راسج هسه وافتحه

_شووووبك حبيبي

_تعااالي تعالي وين انهزمتي

_مابدي

ضلت يم الباب شافتني رحت يمها رادت تفتحها لزمت ايدها بـقوة ونزلتها يمي لزمت اذنها وحجيت
_شنووو درسنا البارحة

_اهه حبيبي شوبك مـوج عم توجعني كيميا درسنا كيميا

_وهسه شنووو جاي تدرسين انتي

_كمان كيميا شوبك مـوج انت ما تعرف تشرح لا تخلي الحق عليَ

_اذن كتاب الرياضيات شنووو يسوي بيدج ولج راح تجلطينييي

_هااا انت عم تبتلي عليَ أنا متأكدة اني كنت عم ادرس بـكتاب الكيميا

_دنجبييييي اشوووو وخري من كدامي وخري

عفتها وطلعت محترك دمي من اهمالها معقولة يعني طول اليوم هي لازمة كتاب الرياضيات بيدها وتكول ما جاي افهم اجت وراي جنت بالـمطبخ اشرب ماي
_حبيبي هلق عن جد كنت ادرس كتاب رياضيات طول الوقت ومفكرتوا كيميا

_اوج حبيبي عقلج بي شيء متعاطية شيء انتي ترا ماكو هيج اهمال شنووو السالفة يعني بـربج ما فرقتي بين المواضيع الي اخذناهم البارحة عن المواضيع الي شفتيهن اليوم

_حبيبي والله مابعرف بعدين انت وين رحت ليش تركتني انا ما بعرف ادرس ولا ركز بـشيء اذا مالك معي