فينثيدلين

part 50

مساء الورد ♥️✨

#فينثيدلين
#سما_العبيدي
#البارت_الخمسون

قرآة مُمتعة احبتي لا تنسون التصويت والتعليق بين الفقرات 🥺🫶🏻
احبكم كُلش هواي واترككم مع هذا البارت الجميل والتقيكم بالـبارت القادم ❤️‍🔥❤️‍🔥🥲

..............................................................

رغُـم كَل هَاي
المَعارف
جاي أحَـس بروحَـي
مّحد
انا ياهو
وانا وين
وهَالسنين
منين اجتني
وياهو حط
ثگل السّمه
كلة على مَتني .

رحيق
ضحكت وكتله
_بطل ملاقة واحجيلي الصدك لا تكذب

ضحك بـخفوت وكال
_ردتي تعرفين الي ضامة عليج وصار لازم تعرفي واذا تكولين ليش متغير من فترة فـ بـسبب تحاليلي الجديدة

كعدت على الكرسي ايدي فوك رأسي دايخه ومصدومة نزلت دموعي وحجيت
_كذاب والله كذاب اكيد اكو شيء خطأ اكيد التحاليل خطأ هَذال بعدك بـعمر الورد شنو الي جابك على هذا المرض لا تخبلني

كعد كدامي بالارض لزم ايدي وكال
_من زمان وما كدرت اكلج من قبل خفت ما توافقين تتززوجيني

كمت ابجي تعبت من الصدمة مسح دموعي وضحك كتله
_مقلب مووو

_مو مقلب والله بس ما عرفت بيج تحبيني هلكد

_مااا احبك هَذال ما احبك ولا اريدك بـحياتي

_شفتي صار الي جنت خايف منه تركتيني بس عرفتي بيه مريض

_لا تحجي هييج مو هذا قصدي لا تخبلني

_اهدأي رحيق لا تصرخين

_اسكتتتت هَذال اسكتتتت

كمت من مكاني اريد اطلع لزمني ورجعني يمة بجيت وكتله
_ليش ما كتلي ليش شلون نطاك گلبك تضم عليه هيج شيء

_خلاص بـراحتج الج حق تتركيني اني كذبت عليج وخدعتج والج حق تنفصلين عني بـكُل بساطة

_لا لا لا ما راح اعوفك لحظه ما راح اخلي المرض يستفحل عليك اني راح اكون وياك وراح اعالجك هَذال راح تتعالج ما تبقى مريض وتصير زين وتعيش لـعمر طويل

_مُستحيل هذا الشيء يصير التحاليل تكول المرض واصل للـنهاية ومالي علاج وهذه ايامي الاخيرة

رجعت ابجي تخبلت من الفكرة الي انزرعت بـمخي شنو يعني هَذال يموت شنو يعني راح اخسرة كافييي تعبت ياهو الي احبه اخسرة اي شخص مهم بـحياتي يروح من ايدي وما اكدر اسوي شيء

لزمت ايدة وكتله
_هَذال انت راح تتعالج صدكني واني وياك خطوة بـخطوة ما راح اعوفك بس الاهم تتعالج

نزلت دموعه وكال
_جنت متوقع العكس اني اسف لان ظنيت بيج سوء

_ولا يهمك عادي اني مسامحتك على كُل شيء بس انت راح تتعالج مووو