#فينثيدلين
#سما_العبيدي
#البارت _التاسع_والعشرون
................................................................
مــوج
فَـوضتُ أمري للـذي خَلقَ المَشاعِر كُلها_
_عَبداً ، ضَعيفاً ، تائهاً ، مُتكاسلً ، مُتمرضا
_مَا بيه حيل أرفَع جفن.
_ذبلاَن وجِهي من الحِزن.
_و الدَمِع مِن كَد ما نِزل ما خله لون بـرِمشي
حياة جديدة وضع جديد و واقع اتعس من الكوابيس
مفروض عليه ومجبور اتقبلة واعيشه بدون جزع او ضعف بدون تذمر او ملل هذا قدر انكتبلي أعيشه وامتحان انكتبلي اخوضه لا يُمكن اتذمر على حُكم رب العالمين انا مسلم ومؤمن بالله تعالى لو تذمرت شنو فرقي يكون عن الكافر
فتحت عيوني على صوت الاجهزة وحركتي صعبة واستيعابي اصعب اخذت وقت يلا اتذكرت الي صار وانتفضت روحي من جديد وصرت ادور عنها بين الكل واسئل هي وين ليش ما موجودة وياهم وانا شنو صايرلي ليش هنا
منو المفروض يكون نايم نومتي انا لو هي صرخت وانتفضت وتعبت من الافكار والصراع بيني وبين نفسي وأخيراً ارتاحيت وشفتها كدام عيوني مابيها شيء شكرت ربي عليها وتناسيت نفسي وتلاشيت كلام الدكتور وصدمة اهلي بـوضعي كُل بالي انه اثار جانبية يوم يومين وتروح
بس الي صار عكس توقعاتي الي صار هو سلب عافيتي وصحتي وتعبي على نفسي ومكانتي بالـمجتمع
اليوم اطلع من المستشفى وانا مقعد على كرسي متحرك عاجز عن تحريك اطرافي حركة وحدة وصلنا للـبيت وانا لحد الان ما مستوعب الي صار فتح ياسين باب السيارة وبـداخلي رغبة كبيرة انه انزل على رجلي وامشي وادخل للـبيت
بس الي صار عكس تماماً رغبتي بالـتحرك موجودة لكن صعب انفذها جسمي ثكيل وماعندي اي سيطرة او حُكم عليه رفعوني سطام وياسين وكعدوني على الكرسي وعيونهم دامعه وحزينة عليه بس انا امثل القوة والثبات
بعد كُل الي مريت بي والي وصلت اله ما زلت امدهم بالـقوة والصبر على كُل امتحانات رب العالمين تعلمت وكبرت هذا طبعي ما اأيس ولا امل ولا اضعف واخلي الشيطان يتغلبني
دخلت الغرفة الي رتبوها النا وحاولت انام واهرب من هل واقع هذا بس ما كدرت آوج حاولت وجاهدت انها تحجي وياي وتعتذر عن الي وصلناله بس رفضت
مو بسبب الي صارلي لا والله وبالله راضي ومقتنع والحمد لله على كل حال اهم شيء عندي شوفتها بخير شايل بـگلبي منها هوووواي عليها مو على نفسي او تعبي ومرضي انا مقهور ومجروح منها عليها
مرت ايام جانت العالم تجي وتزورني وتطمن وتواسي بس انا ما رايد مواساة من يواسوني احس نفسي جاي اكفر عن قدري المكتوب من رب العالمين
بعد طول يوم متعب ومُهلك كدرت ادخل الغرفة واختلي بـنفسي باوعت على روحي بالـمرايا وشفت نفسي مو نفس الشخص انا مو موج الدكتور الجامعي صاحب اكبر صيدليات بـبغداد مو نفس الشخص الي تكول عنه امي صاحب طول الحلو انا اليوم شخص ثاني بـبعض من ملامحي
أنت تقرأ
فينثيدلين
عاطفيةفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
