فينثيدلين

part 32

صباح الورد والياسمين 🫰🏻♥️

#فينثيدلين
#سما_العبيدي
#البارت_الثاني_والثلاثون

اعذروني عن التأخير 🥺 اقروا القصة بـتمعن لان بيها كم كبير من الالغاز وعلقوا بـكُل الفقرات بليززز ولا تنسون التصويتت احبكم 🫰🏻💋💋💋

....................................................................

آوج

و مـا لكَيت الـيفتهمني
وهَاي صَار سِنين أعاني
وَ مَثل قِرآن المَحاكِم ... البارحة ما نمت ليلي
كُلهم يحلفون بأسمي بس ولا واحد قرآني
البارحة المُوت اشتِهاني... البارحة دِود الگبور للـبيت اجاني يَاهو يفهمني ؟
إذا حَتى إني ما فاهمني ....

مـوج
سيطرت على ايدها وهمست بـاذنها
_اهدأي حبيبي اهدأي اوهام اوهااام الي شفتي ابنج متوفي الله يرحمه اكيد لان صرتي تلتقين بأطفال المفروض هسه هو بـعمرهم صرتي تتخيلي بـكُل مكان

رفعت رأسها من صدري ورجعت تبجي وتكول
_والله شفتو بـعيوني مـوج

_حبيبتي آوج حبيبتي اهدأي الله يخليج سحبي نفس وازفري يلا حبيبتي شهيق زفير وغمضي عيونج وابعدي الي صار من بالج يلا حبيبي

صارت تسوي تمارين تنفس هدأت بعض الشيء اشرت لامي وللـموجودين يطلعون طلعوا وسدوا الباب وهي رجعت على المخدة بعد التعب الي تعبته ونامت

اتصلت بـسطام سمعت حسه راجع للـبيت دخل الغرفة اشرتله يسكت وما يطلع صوت هو هم تحرك بـهدوء تقرب شالني للـكرسي وطلع بيه برة الغرفة حجه
_شنو صاير

_ما اعرف راسي فتر ودخت ما اعرف شنو الموضوع ولا شنو الحل ولا شنو الاسباب سطام انت لمن تأخذ آوج وترجعها من المدرسة ملاحظ شيء غريب احد يتبعكم او احد مستهدفها

_لا الوضع عال العال حتى انا وظفت احد هناك يتابعها بدون لا اكلك ماحبيت اشغل تفكيرك بـهيج موضوع كُل يوم تقرير كامل عن يومها ماكو شيء تكمل دروسها وهي بـقمه سعادتها وتصير الحله وانا ارجعها حتى ما تطلع تبقى منتظرتني لـبين ما اتصل عليها واكلها وصلت

_اذن شنو الموضوع قبل فترة تكول احد مراقبني اليوم تكول ابني شفته انا تعبت وانتهيت من التفكير والقلق الي جاي اعيشه ما صدكت رجعت لـحياتها الطبيعية انوب اجتني هذه السالفه

_اهدء ولا تشغل بالك انا راح اتبع الموضوع وافتح عيوني عليها اكثر

_اعتمادي عليك سطام لا تتركها

_ولا يهمك انا وياها لا تخاف وصدكني ماكو شيء انا متأكد

_يارب يطلع كلامك صحيح

رجعت دخلت الغرفة لكيتها كاعدة كدام الشباك ومحتظنه نفسها وتشهك بالـبجي تقربت يمها وحجيت
_ليش تبجين يا روحي