فينثيدلين

part 24

صباح العسل 🥹♥️

#فينثيدلين
#سما_العبيدي
#البارت_الرابع_والعشرون

بـنص الليل گاعد بس أنه وروحي
بـنص الليل جانن غافيات
جانن غافيات وگعدن جروحي .....

مــوج

باوعلي ياسين بـشد اعصاب وصاح
_كملللل شصار ولككك كل هذا مريت بي واحنا ماندري

_ههههههههه انت شسمعت لو احجيلك من نضميت لـداعش شنو ممكن تكول

_كمل كمل الظاهر حـنموت هنا بـذكرياتك

_ركضت وراهم نروح للـسيارة بس طلعت من المكان انفجر بـقذيفة شمرني لـبعيد كدورا وائل والضابط يشيلوني وصعدنا بالـسيارة وطلعنا من هالـمنطقه بس انا هنا جنت منتهي أثر الضربة الي تعرضتلها ايدي ورجلي وجروح بـوجهي

رحنا للـبيت وعالجني وائل وضل وياي ومرت ايام كثيرة ووائل بدأ يفقد الامل بـرجعتها
بس انا لا ما تعبت ولا مليت من البحث عنها وبعد ما تأكدت انها موجود عند داعش حاولت بـكُل الطرق انضم الهم 

انضميت وسبق حجيتلكم شلون كشفوني وشنو التعذيب الي تذوقته بـيدهم النجسة انا تدري لـهذا يومي ما انام مثل الاوادم كُل ما اغمض عيوني واغفى افزز من نومي مرعوب كل جسمي يتذكر شحنات الكهرباء الي جانوا ينبتوها بـجسمي وانا غافي بس حتى اصحى

كُل ما اباوع على مي بارد وثلج اذكر المي الي جانوا يغطسوني بي مي بارررررد وقطع ثلج تجرحح الجلد من صلابتها يرفعوني من رجلي بـسلاسل وينزلوني بـالبرميل عقللللي يووووكف واعصابي تجمد

ههههههههههه لو من اباوع للـنار واذكر شلون جانوا يحمون السيخ على الحطب ويجلدون جسمنا بي انا ما انسى ولا يروح من بالي كُل لحظه عشتها هناك ومرات الـوم نفسي وانانيتي لان جاي اضغط على آوج واريدها تنسى وتكمل حياتها

بس ربك ما يعوف عبدة هو موجود وهو كفيل انه ينسينا حاشى لله يتركنا مكسورين وضايعين حاشى لله ما يجبر خاطرنا ويعوضنا عن الصبر الي صُبرناه
قال تعالى في كتابه العزيز من سورة الطلاق
بسم الله الرحمن الرحيم
{ سَيَجْعَلُ اللَّهُ بَعْدَ عُسْرٍ يُسْرًا }
صدق الله العظيم 

هذه بشارة من رب العالمين انهُ هو موجود ويرفع عن المعسرين الشدة ويزيل همهم بالـعبادة والتسمك بـدينا وتقربنا لله سبحانه يأيمانه بـمعجزاتة ووجودة
وقربة الاقرب من حبل الوريد للإنسان

_كلامك حلو مـوج ادعيلنا بلكت الله طيارة شيء تطير فوكانا ويشوفونا

_لا تستهزء حيوان

_والله لا اقصد انت قريب من رب العالمين فـ دعائك مستجاب

_اكلك ليش ما تسكت .... كُل ما تحجي تجفص بالـوضع اكثر