مساء الورد والياسمين من الـ iPhone 15pro max 🤭😂♥️♥️
#فينيثيدلين
#البارت_الواحد_والستون
#سما_العبيدي
لا تنسون التصويت احبتي والتعليق بين الفقرات قرأة مُمتعه احبكم كُلش هوووواي 🫶🏻🫶🏻🫶🏻♥️
......................................................................
حير بروحَك اني بروحِي حاير
وكِت ما عندي اضَيعه اعلى الخَساير
احلَك مشكِلَه تريد ؟ انتَ وهمان
مشاكِل بيتنا ماحلها صاير
حاير وَي حبيبَك وين تغفون
وابوي ليا طَبيب يروح حاير
انتَ بشفتَك الحُمرَه والالوان
واني بشفتي دَخان الجكاير
انت بحضِن غَيري الليله غَرگان
واني لوَحدي غارِك بالخساير
وصاير ما تطب للبيت لليل
وانه ما اطَلع من الغُرفَه صاير
بَس شوف الفَرِق مابين الاثنين
عَلى هذا الفَرِق ماعِيش باچر
-لـزَيد الماجِد.
مـوج
بعد مدة ثلاث شهور من التمارين المكثفة والضغط. الي صار عليه اجه اليوم الي اخضع للـفحص هو الي يحدد اذا استمر بالـتمارين او اتوقف وابقى طول عُمري على الكرسي
اجت شاهندا من الصبح وجهه مستبشر خير وضاحك اباوع عليها تكلي
_لا تباوعلي هيج انا متطمنه گلبي مرتاح ناحيتك
_انشالله يطلع احساس گلبج صح
ابتسمت وحركت الكرسي للامام وصلنا غرفة التدريب فتحت الباب ودخلنا ثنينا شويه والدكتور اجه ورانا بدينا تمرين كال يلا يكوم بس بدون مسند
لزموني ثنين ممرضين كُل واحد من جهه وشاهندا واكفه كدامي سحبوني من الجزء الاعلى من جسمي اول ما وكفت رجلي انشمرت بعيد حسيت روحي بالـجو او معلك من فوك ما عندي سيطرة عليها ابد.
كأنها خرقة ما متصلة بـباقي جسدي ما عندي اي سيطرة عليها ولا اي احساس اتجاهه كعدت على الكرسي وبدأ الدكتور يفحص رجلي واحساسي بيها
جاب ابرة ونغزها بـقدمي سئلني حسيت
جاوبتة لا بدأ يمشيها من القدم وهو صاعد وصل لـركبي كال وهسه جاوبتة هم لا صعد لـفوك الركبة ونغز الابرة وجانت النغزة قوية وانصدمت لما جانت ردة فعلي قوية لان حسيت بيها
ضحكت شاهندا وباوعتلي بـفرح وانا لحد الان ما مستوعب الموضوع والي صار يعني شنوو ؟ انا كدرت احس بـجزء من رجلي ضحك الدكتور ونقلني على غير تمرين
ومـر وقت طويل من اختبار على تمرين ووصلنا لـنتيجة انهُ رجلي رجعت احس بيها ورجعت سليمة لحد منطقة الركب تطور ممتاز بـحالتي وشيء مُفرح تمنيت ياسين وياي ويفرح لـفرحتي
كملنا تدريب رجعنا الغرفة اتصلت بـياسين صوتة ما عجبني حاولت افهم شبي ما رضى يحجي شيء سمعت صوت امي تحجي ومحمد هم صحت بـعصبيه
_يااااسين احجي شنوو الي صاير شبيكم
أنت تقرأ
فينثيدلين
عاطفيةفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
