مساء الورد ♥️
#فينثيدلين
#سما_العبيدي
#البارت_الثاني
كانت قوية جداً
ثم قوية
ثم أقل قوة
ثم بلا قوة
ثم منهكة
ثم بدأت تشعر بالضعف
ثم ضعيفة
ثم أضعف
ثم قاسية كالموت
.....................................................................
هدوء ..... صمت ..... تليه أنفاس متصاعدة حارقه
عيون دامعه ..... عقل مستحيل يستوعب الي سمعته
رجفات بكل اجزاء الجسم كأنه هاجمتني عاصفه ثلجيه
_شنو قصدج بأبني
بجت بنحيب ووكعت من طولها فاقدة الوعي حرت بين اشيلها واصحيها وبين اصحي روحي من صدمتي عن يا ابن تحجي زوجتي عدها ابن وانه مادري
احس راسي نمل ماجاي استوعب الي سمعته شلتها من الارض واخذتها للسرير نيمتها وشممتها عطر حتى تصحى
فتحت عيونها مليانه دموع دارت وجهه عني للجهه الثانيه واحتضنت نفسها وضلت تشهك
طلعت من الغرفه ماتحملت وجودي يمها وهي كدام عيوني اشوفها تتعذب ومابيدي شي اسوي الها
ماكدر اجبرها حتى تحجيلي شنو الي ضامته عني ولا اكدر اتحمل سكوتها واستغفالها الي
بهذه لحظه صرت ماعرف شنو اتصرف ولا شنو الاجراء المفروض اتخذه بمثل هيج وضع
مارجعت للغرفه ولا حتى سئلت عنها احس گلبي ملجوم منها وبنفس الوكت محترك عليها حرك
حسيت بروحي اريد هوى طلعت باب البيت وضليت ادخن وحسبه تجيبني وحسبه توديني لا بيدي ابقيها هيج ولا بيدي اخذها لمستشفى مجانين ماتحمل بس تخطر هالفكرة على بالي اتخبل مو عاد اسويها
اخر ماتوصلت له انه اعاديها بكلشي تسوي واقسى عليها عسى ولعل يجيب نتيجه وافتح احد شيفراتها واعرف شنو مخبيه عني
حسيت قرب اذان الفجر وانه لهسه بمكاني تعوذت من الشيطان وكمت جوة ذبيت الجكارة من ايدي لاكاني الوالد
_وين جنت يابه
_برة مخنوك ضليت كاعد ومو حاس على روحي
_سلامتك يابه خير
ربتت على كتفه اطمنه
_ماكو شي حجي
توضيت وتوجهت اصلي وعندي أمل وايمان بربي مهما صبرت رح انول الي اريدة ومايعوفني صليت بخشوع وگلب مليان بالهم والحزن وكملت براحه وسكينه
صعدت فوك فتحت الباب ودخلت لهسه كاعدة وصافنه بفراغ مانتبهت لوجودي فجأة ضحكت صارلي هواي مشايفها ضاحكه حتى لو كانت ضحكتها بدون وعي منها المهم تضحك
انتبهت على وجودي عدلت كعدتها وباوعتلي بلوم وعتب حسيت بروحي جارحها بس حتى لو خليها تحس هيج
ماهتميت لنظراتها ورحت نمت وتعمدت اكون قريب عليها عكس ايامنا السابقه كل واحد ينام بطرف السرير
استغربت تصرفي وضلت كاعدة بمكانها شوي ونامت وتبتعد كل شوي تنفست بعمق وهمست
_انه زوجج وحبيبج موج الي سنتين كاملات انتي زوجتي على سنه الله ورسوله وماسويتلج شي ورجعت لكيتج بعد ماختفيتي ومرت سنه وهم ماسويتلج شي
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
