فينثيدلين

part 42

مساء الورد 🥹♥️♥️

#فينثيدلين
#سما_العبيدي
#البارت_الثاني_والاربعون

لا تنسون التصويت والتعليقات بين الفقرات لُطفاً 🥹♥️♥️ احبكم
وقراة مُمتعة

..............................................................

يربطني بكِ شيئاً أعمق من المحبة ، أعجزُ عن شرح الأمر لكِ لكنني بطريقةٍ ما أشعر أنكِ أنا.

مـوج
الساعة ٨ صباحاً بداية يوم جديد يشبهه الي قبله روتين وملل كبير الشيء الوحيد الي مالي عليه يومي هو آوج ودراستها واهتمامي بيها يزيد ما يقل واغلب الاحيان احس روحي مقصر وياها

كعدت من النوم اصطحبتها للـمشي نصف ساعة ورجعنا للـبيت دخلت الحمام تأخذ شاور وانا دخلت المطبخ احظر فطورها خليت الدلة على النار حظرت قهوتي وكعدت بالـحديقة شربت فنجاني ودخنت جكارتي وتأملت صورة زياد الي بـخلفية موبايلي 

شكد مشتاقلة شكد گلبي طاك عليه شكد ما مصدك بـوفاتة لحد الان احس هو موجود وهذا الاحساس يراودني بـكُل وقت واتمنى ما يخيب

فكرت بـموضوع روان وعلاقتها بـمحمد يوم بعد يوم تقوى اكثر بس بدون مسمى وهذا الشيء زاعجني وبـنفس الوقت ما اكدر احجي وياها شيء لان والدي مقتنع بالـوضع

يكول انا اعرف شنو ربيت وبنتي ما تخطئ بـتصرف وبـنفس الوقت يكول انا اعرف بـمحمد رغم مشاعرة الصادقه وحُبه الها ما يتمادى عسى ولعل يصير توافق بينهم وترغبله وتشوف حياتها وياه

نوعاً ما كلامه صحيح بس لحد الان روان لا مصارحة نفسها وعارفه مشاعرها اتجاه محمد شنو ولا مصارحة أحد بينا حتى نفهما وندليها الطريق الصحيح

قاطعت شرودي آوج وهي تهجم عليه وتكول
_ليششش شربت قهوووة ابن عمي مااا كنت انتظرتني

_السالفة بيها ابن عمي معناها اهلاً بالـنكد

فتحت عيونها وكالت
_العين تطرئك انا نكد عليك أصلاً شو عرفني بالـنكد شيء

_اوج احجي عدل احسنلج لا تجيبين وتشمرين كلمات ما اعرف شنو معناهن

_هههههههههههههههههههه

_لججج صوتج

_ههههههههههه‍ههههه‍ههههه

_امشي فوتي ولج امشي

دخلنا جوا تتمخطر بـمشيتها وتبعد شعرها منا ومنا عن وجهها دخلت المطبخ لكت امي كدامها كالتلها بـغنج ودلع
_يسعد صباحك مرت عمي

انطتها نظرة جانبية وجاوبتها
_هلاا وصباحج

اجت يمي باست خدي وكالت
_شلونك حبيبي

اخذت ايدها بست باطنها وكتلها
_بخير بـشوفج البهية كُل يوم وانتي واكفه على رجلج وتفترين بالـبيت مثل الفراشة