Bullet in the Heart (Tyrant Series #2)

Chapter 25

"Ilang araw nga pala kayo dito, Rae?"

Kasalukuyan kaming kumakain ng hapunan kasama si Tita at Tito. Katabi ko si Isaac habang nasa harapan naman namin sila Tita. Kaming apat lamang ang nandito dahil ang anak nila ay nag-aaral sa Maynila.

"Tatlong araw po pero hindi ko pa po 'yon sigurado baka mag-extend pa po kami ng mga ilang araw." ani ko.

"We could stay here in five days if you want." ani Isaac at tumango-tango naman si Tita.

"Oo nga naman, iha. Kung wala pa nama kayo gagawin." 

"Sige po. Pwede po ba kami pumunta sa hacienda bukas? Gusto ko po kasing bisitahin yun 'tsaka ipapakita ko din po kay Isaac." pagpapaalam ko at mabilis namang pumayag sila Tita.

"Oo naman. Papapuntahin ko nalang dito si Mang Alenjo para maihatid kayo doon bukas." 

Pagkatapos namin kumain ay dumiretso na kami sa sari-sarili namin kwarto. Sa kwarto muna ako ni Mirabella na anak nila Tita, dahil wala pa naman siya. Si Isaac naman ay nasa guest room. Hindi kami pinaksama sa iisang kwarto dahil hindi pa naman daw kami kasal. 

Hayy. Kung alam niyo lang, Tita..

Natapos na akong maghanda para matulog nang biglang tumunod ang phone ko. Binuksan ko ito aat nakita ang message ni Isaac.

"Are you sleepy?"

nireplyan ko siya agad.

"Hindi pa naman."

"Come outside. I'm here at the garden."

Agad akong tumayo sa kama ko at lumabas ng kwarto. Nakapatay na ang mga ilaw at wala ng tao kaya ibig-sabihin ay tulog na sila Tita. Dahan-dahan akong naglakad pababa ng hagdan at pinipigilang pag-ingay. Nang makalabas ako sa bahay ay dumiretso ako sa garden at nakita si Isaac na nakasadal sa isang puno.

Nakatalikod siya sa akin at nakatingala. Dahan-dahan akong lumapit sa kaniya habang nakatakip ang kamay sa bibig. Tumigil ako sa kaniyang likod at akmang gugulatin siya pero bigla siyang humarap sa akin at hinapit sa bewang. Impit akong napasigaw at humawak sa balikat niya.

"Hey, baby." aniya at ngumisi sa akin.