Unicode
“ကျွန်တော်လုပ်နိုင်မယ်မထင်ဘူး”
ကားထဲက ဆင်းကာနီးမှ တွန့်ဆုတ်နေမိသည့်သူ့ကို လော်လောင်ရှီးက နားလည်သလို ကြည့်လာသည်။
“လုပ်ငန်းကိစ္စအတွက် စိတ်ပူစရာမလိုဘူး။အတွင်းေရးမှူး၁၀ယောက်နဲ့အတွင်းရေးမှူးချုပ်တစ်ယောက်ရှိတယ်။ကျန်တာအလုပ်ကသင်သွားလိမ့်မယ်။ဖေးယွီက ကိုယ့်ရဲ့PA ကိုယ့်မျက်စိတွေ၊ကိုယ့်နားတွေဖြစ်ပေးဖို့ပဲ”
ပခုံးကို အားပေးသည့်ဟန် ပုတ်လာသည့် လက်ချောင်းသွယ်သွယ်တွေကို ငုံ့မိုးကြည့်ရင်း ယခုတော့ဖန်ရှင်းကော်ပိုရေးရှင်းဟာ သူနဲ့ဆိုင်တာဖြစ်လာခဲ့သည်။
•••
“အား အဲ့အဘိုးကြီးက မမိုက်ပါဘူးကွာ။ ဥက္ကဋ္ဌကြီးက ဘာလို့ဒီရှင်းလုပ်ငန်းနဲ့ အကျိုးတူစီးပွားဖက်ဖြစ်ချင်နေလဲ တွေးမရဘူး။တော်တော်လက်ပေါက်ကပ်တဲ့ဘိုးတော်ကို”
Necktieကို အဆုံးထိဖြေလျော့လိုက်ပြီး ဆိုဖာပေါ် လျော့ရိလျော့ရဲလှဲချလိုက်သည့်ယွင်ရှီးကိုကြည့်ပြီး ဖေးယွီပြုံးလိုက်မိသည်။
“ရှင်းဥက္ကဋ္ဌကြီးထက် သူ့မြေးရဲ့နည်းပညာအသစ်ကို ဥက္ကဋ္ဌကြီးက အာရုံကျနေပုံပေါ်တယ်”
“အဲ့တာဆို သူ့မြေးက သီးသန့်ကုမ္ပဏီပဲလေ။တိုက်ရိုက်ပူးပေါင်းလိုက်လို့ရတာပဲကို”
“တစ်ဖက်ကယုံကြည်မှုကို ပေးလာဖို့ ကိုယ့်ဘက်ကစွမ်းရည်လည်း လိုအပ်သေးတယ်လေ”
“ဖန်ရှင်းကော်ပိုရေးရှင်းကိုတောင် မယုံကြည်ဘူးဆိုရင် သူကဘယ်အဆင့်မှ ယုံကြည်မှာလဲ”
“တစ်ဖက်က ရှင်းကလည်း top 3ထဲကဆိုတာ လော်လောင်ရှီးသတိမူသင့်တယ်နော်”
ဖေးယွီက ပြုံးထေ့ထေ့ပြောလာမှ ယွင်ရှီးခေါင်းထဲကို အဖြေရောက်လာတော့သည်။လူတိုင်းက တန်ဖိုးတူရွေးချယ်စရာနှစ်ခုယှဥ်လာရင် ကိုယ့်အတွက်ပိုအသုံးကျနိုင်မည့်တစ်ခုကို ရွေးချယ်ကြမှာပဲမလား။ယခုအခြေအနေနဲ့ဆို ရှင်းကဖန်ရှင်းနဲ့ယှဥ်လျင် ယုံကြည်ဖို့ အခွင့်အရေးပင် ပိုရနေသေးသည်။ယခုရှင်းနဲ့ဖန်ရှင်းပူပေါင်းသည့်projectမှာသာ သူတို့ဘက်က ကောင်းကောင်းလုပ်ပြနိုင်ရင် ခဲတစ်လုံးထဲနဲ့ငှက်နှစ်ကောင်ရနိုင်မည့်အခွင့်အရေးပင်။သူကျောကို မတ်မတ်ထိုင်လိုက်ပြီး မျက်နှာချင်းဆိုင်ခုံကနေ သူ့ကိုစိုက်ကြည့်နေတဲ့သူဆီ အကြည့်ပို့လိုက်သည်။
YOU ARE READING
Vitamin D on My skin
Fanfictionအဲ့လိုမဟုတ်ဘူးလေကွာ။PAပဲဖြစ်ဖြစ်၊အိမ်ထောင်ဖက်တစ်ယောက်ပဲဖြစ်ဖြစ် မင်းနေရာ အစားထိုးလို့မရပါဘူး။ငါမင်းမရှိဘဲနေဆို ကြိုးစားပြီးနေလိုက်မယ်။ဒါပေမဲ့ မင်းနေရာကိုဝင်ယူမယ့်လူတော့ရှိလာမှာမဟုတ်ဘူး Chen Feiyu & Luo Yunxi Feiyunxi Fan Fiction
