مساء العافيه على عيونكم الحلوه
نبتدي نفتتح روايه في منتصف الرجوله
بصلاه على محمد وال محمد
البارت الاول
بقلمي. حنين العلي
بغداد. 2015
ساعه 12ليلا
جواهر ....نزلت من السياره بتعب الشارع اضلم مابي اي حركه منطقه جديده وبيت جديد وشارع غريب اباوع على بيوت البصف بيتنه لان نفس لون بابنه ويشابهن
حتى احفظ و اميز بيتنه من ارجع من المدرسه
فتح ابويه الباب وطبينه تعبانين كوه اجر بروحي ملابسي كلها تراب واحس جسمي هلكان من الشيل والحط
اباوع لطرمه مليانه غراضنه واثات البيت
المطبخ نفس الشي مملي كراتين اماعين فرفوي غرف النوم كراتين ملابس وفراشات والكناتير الخشب بعدها ممشدوده كوه نفوت من الغراض الكاع متروسه
اليوم اول يوم النه بالبيت الجديد
دنكت شلت كارتون الماعين اريد اعزلهن بالكاونتر امي مقبلت كالت
اسماء .....جواهر يمه عوفيهن اليوم تعبتي بتنضيف البيت وهسه الوقت متأخر باجر بقوه الله نكعد من الصبح نعزل بيتنه واخواتج هم خابرتهن يجن يساعدنه وان شاء الله نشوف الرزق على عينه والله يجفينه شر ابنادم
جواهر.....خوش بعد احسن احس ضهري صار نصين من التعب والله
اسماء ..... يمه تهون المهم خلصنه من الايجار وراح نستقر ونرتاح سويلج مكان بالصاله ونامي كد فراشج باجر نرتب البيت عود
جواهر.....ليش غير الغرفه الي؟؟
اسماء.....لا الغرفه لاخوج وسام وانتي تنامين بصاله
جواهر.....احس فرحتي تلاشت جنت متحمسه تصيرلي غرفه بوحدي كتلها يمه زين ليش متخلين وسام ينام بصاله اني هم اريد اخذ راحتي ابدل انام هوه ولد وين مچان ينام!
اسماء.... هسه انتي شعندج متكليلي شو ملابسج وياي بالكنتور وبصاله احسلج على تلفزيون تتونسين واخواتج من يجن ينامن يمج والحمام قريب عليج
جواهر..... نفخت بضجر وسويتلي مكان فرشت بي فراشي ونمت مقهوره كلشي وسام اهم شي عدهم وسام ميفكرون بيه ابد من التعب نمت مادري بروحي اني نومي كلش ثكيل فنايمة وتعبانه مادري شكد مر من الوقت والبيت ممتعوده عليه حسيت بنفس قريب مني حراره مال نفس انسان ولمسات ايد خفيفه على جسمي عقلي يكلي حلم ابقي نايمه بين النايمه والكاعده زادت اللمسات اكثر جرائه فزيت مرعوبه وانزل بثوبي اباوع حواليه بتوتر مفزوعه متأكده لمسات انسان
درت وجهي بحركه سريعه اشوفه بصفي نايم على مخدتي من شافني صحيت بسرعه انهزم حتى ماحس عليه.
ــــــــــــــــــــــــــــــ
سنه 2015 بغداد
روز ...فتحت التلفزيون على قناه الشرقيه طالع برنامج الابراج كلش احب اتابعه.
انطيته صوت ومشيت بخطوات ثقيله ممله فتحت الكنتور،اكلب بهدومي مالي نفس الشي،بس احس جسمي ثكيل ودايخه .
