مساء العافيه على عيونكم الحلوه
في منتصف الرجوله
البارت السادس والثلاثون
بقلمي.. حنين العلي
جواهر..... شالوها للمقبرة ... طلعنه وراها نودعها وصلنه لباب لشارع خلوها بالسيارة وذبحو الطلي هنا سرت بجسمي رجفه ماحس نفسي بعد غير دارت الدنيا ووكعت !!!
فتحت عيوني بيهن غواش الكل داير مدايري ام مقداد لازمة ايدي وتمسح على شعري وتبجي ومن الصفحة الثانيه امي واكفه تحجي بهمس وي وسام مثل الغريبه مدري شمسوي ومقداد بالباب وعينه عليه ميكدر يسوي شي بس يأشري لامه تطببني كعدت على حيلي تعبانه حيل من انقهر قهرتي تصير بمعدتي ما اتحملت بسرعة
صرت اتقيئ نملن ايدي ورجلي ما احس بيهن يفركولي بيهن ماحس بيهن يقرون بهالايات وينفخون بوجهي ولزمتني الباردة واشهك من البجي ماعرف شصار بيه انتهيت ...
ورة ساعة شويه كدرت ارتاح صار اول يوم الدفنه وانصبت ٣ جوادر وصارت الفاتحه ضخمة حيل الكل اجه طول النهار ماكدر اخلي لكمه بحلكي اشتغل وياهم من كل كلبي اريد انسه الديصير ماخليت شي ماسويته وياهم بالليل الكل فرغ لل ١٠ بليل ..
كعدن ياكلن ديتعشن عماتي بعد ما جبروهن عالاكل توني كملت غسل صواني الأكل وانداريت عليهم لأن ديتعشون عالميز بالمطبخ ..
ام فهد ... تعاي جواهر حسويلج لفة وتاكلين كدامي من الصبح لي هسة مماكله لكمه وبس تشتغلين
جواهر ... والله عمه ماشتهي نفسي تلعب من الاكل ماكدر والله انتو اكلو بالعافية
براء اخت مقداد جانت موجودة نطت من يمها !!
براء ... اكلج لتتعايرين تعالي اكلي مو تتخربطين مرة ثانيه وتخبصينه البينه مكفينه واخوي مريض لاتقهري ولو هوه ولايطلعله كلب كل سحورتچن وبعده مچلب
جواهر.... ضجت حيل من كلامها شبيها هاي من داسلها على طرف جاوبتها ... وانتي شعليج ؟ محد طالب رأيج وبعدين عمتي موجودة ومهتمه بيه عمتي جانت كاعده بصفي خلت ايدها على ايدي
ام فهد ... بعيوني اخليج يعمه وهسة تاكلين مو ؟
جواهر ... اي عمه اكل كعدنه سوة وهية تسويلي لفات صغار واني اكل ..كملنه كلشي ابوية ووسام رجعوا للبيت اني وامي بقينه يم عماتي مقداد هم رجع للبيت جنت اشوفه صدفه بالمطبخ مثل الغرب مالي واهسه كلش ... وبس عيونه تحجي البالكلب
بدينه الليل كله نحظر لثاني يوم من دولمة من طرشانه من كبه مع العلم طباخ موجود ويطبخ بس احنه سوينه هذا بأيدنه الكل يشتغل لحد ساعه بالوحده متت من التعب دخلت لغرفه الخطار شفت خالاتي نايمات مددت يمهن
ظليت اتكلب ما اجاني نوم صوت الشخير مال خالاتي عالي شلت فراشي ورحت لغرفه عمتي ساهرة لكيت عمتي ام مقداد نايمة عالجربايه واني نمت عالكع ..
ماعرف شنو الاخذني لهناك بس الشي الوحيد الاعرفه انو احس يمها بالامان اكثر من امي احس بيها حنيه ودفو ام مو عمه الشي الوحيد الي يخليني انتظر مقداد ويصبرني تعامل امه وياي ...
صار الصبح كعدت لميت الفراش وصعدته للفوك كله وحدي ومن اشتغل هم اشتغل بوحدي بعد ما اخذ تعلميات من عمتي ام فهد ومالي دخل لا بفاطمه ولا بخواتها ولا حتى بخواتي ..
صار الريوك السفرة فرشناها والكل ملتم ومتريك باوعت عليه عمتي
